بسم الله الرحمن الرحيم

السلام عليكم ورحمة الله وبركاته

وبعد:


ما المقصود بالصداقة؟ وما المراد بالأصدقاء؟

جاء في (لسان العرب) لابن منظور: الصداقة من الصدق.. والصدق نقيض الكذب...!!
وبهذا تكون الصداقة هي صدق النصيحة والإخاء .. والصديق هو من صدقك..
وقد عرّف أبو هلال العسكري الصداقة في كتابه (الفروق في اللغة) بأنها اتفاق الضمائر على المودة..!!
هكذا عرّف اللغويون العرب الصداقة في كتبهم..! أما علماء النفس فقد أعطوا تعريفات أخرى لفن الصداقة..!!
فعرفها أحد علماء النفس: أنها علاقة بين شخصين أو أكثر تتسم بالجاذبية المتبادلة المصحوبة بمشاعر وجدانية..!!
ويضيف البعض الآخر بأنها علاقة اجتماعية وثيقة ودائمة تقوم على تماثل الاتجاهات بصفة خاصة وتحمل دلالات بالغة الأهمية تمس
توافق الفرد واستقرار الجماعة...!!

^
^
احلقوا شنبي إن كنت أنا فاهم شي من اللي يقولونه بس تعرفون لزوم الإستشهاد والفلسفة

ما علينا منهم.. المهم نجي لتعريف الصداقة في نظري :

أنا أرى أن الصداقة هي أن تقع في مشكلة -صغيرة كانت أو كبيرة- فتجد الصديق هو أول من يقف معك في محنتك..!!

فتجده يحمل همك ويحاول مساعدتك دون طلب منك..!!


اللي دعاني لكتابة الموضوع في هذا الوقت بالذات هو الموقف اللي حصل لي من أصدقاء اكتشفت معادنهم التايوانية

خلوني أشرح لكم كل ما حصل وأترك لكم الحكم..!!

--------------------------------------------------------------------------

قبل أيام قليلة ... اتصلت بالعضو المسمى بـ نمر 15 .. وأخبرني أنه ذاهب لمشاهدة نهائي كأس أوربا بين ميلان الإيطالي

وليفربول الإنجليزي..!!

بيني وبينكم.. أنا مالي بالكورة الأوروبية.. قلبي ما يتسع إلا للهلال بس..!! عشان هيك ما اهتميت للمباراة وما

شفتهاش ;)

المهم بعد ما انتهت المباراة تقريباً... كنت أفرفر وأتمشى بالمجلس العام.. وبعد ما تعبت من كثر الهجولة.. طرت على بالي

فكرة الاحتراف الخارجي قلت يا ولد ليه ما تحترف برى يمكن تكسب شهرة وتصير ممن يشار لهم بالبنان

فاقتنعت بالفكرة.. وجهزت شنطتي وشديت الرحال تجاه قسم الرياضة العربية والعالمية

دخلت القسم وكان مولع نار من الميلانيين الفايزين بالبطولة.. والليفربوليين في حزن عميق سحيق محيق

كسروا خاطري الليفربوليين.. فوقفت في صفهم بعد ما عرفت النتيجة النهائية من المواضيع.. فكنت أهاجم الميلان

وأقول أن الحكم غشاش وأن عوايد الإيطاليين معروفة في الكرم مع الحكام.. وأن الميلان مستواه ضعيف ما يستاهل

البطولة اللي كانت أكبر منه ومن تاريخه

قسم بالله يا أخوان حسيت أني وأنا أكتب الردود أني تشادي ولا تكروني..لأن هذي عوايدهم في الأعذار

المهم بعد ما كتبت الردود هذي أخذت بريك قصير.. وشاهدت حلقة 442 من كونان :p

وبعد ما انتهت الحلقة رجعت أبي أشوف المنتدى... وتفاجأت مفاجأة عجيبة باللي طلع لي:





طلعت موقف عشآن هالردود مالت على حظي..!!

ما انتبهت أنهم في الرياضة العالمية حطوا قانون جديد يمنع الإساءة للأندية الأخرى

أنا أصلاً ملقوف.. ولا وش دخلني بين ميلان وليفربول وأنا ما أشجع أحد ولا حتى شفت المباراة؟

أووه نسيت أقول لكم شي:

الإيقاف أول مرة كان يوم واحد.. لكن الظاهر أنهم مددوه 3 أيام بعد ما شافوا ردي الشديد على إنزاقي مهاجم الميلان

اللي قسم أني ما عرفت أنه مع ميلان إلا من ردودهم..

أحد الأعضاء سأل عن سر إحضار الجماهير للموز في المباراة؟

فأجبته: لأن هناك قرد يلعب للميلان وأرادوا تشجيعه وإغراءه بالموز.. فكانت النتيجة: أنه جاب قولين

هذا الرد هو اللي وداني في ستين داهية.. حسبي الله على إبليسي

وش اللي خلاني أغلط على ولد الحمايل إنزاقي؟

المهم أنا آسف لكل الميلانيين.. والله كان كله مزح وما كنت أقصد شي.. تروا إنزاقي عزيز وغالي ومعزته من معزة

كاكا الله ياخذهم كلهم


وش علينا من هالكلام كله؟

الزبدة: بعد إيقافي.. تفاجأت بتواقيع بعض الأعضاء اللي فضحوني وما صدقوا على الله أني أوقف

كلي هلالي: حاط الصورة وتحتها: فكة

هامور البورصة: حاط الصورة وكب العشاء وما خلى شي إلا وقاله

جرح يشكي: حاط الصورة وصورة الكناري وكاتب "نهاية التهور"

نمر 15: كتب موضوع وحاط اقتباسات لردود مالها علاقة بإيقافي وجاي يعلمني هو ووجهه .. بس بيض الله وجه المشرف اللي حذفه

MR.DL5: حاط الصورة ويقول عني مهايط لا وفرحان جايني يعلمني أن كاتب أمس ردود بمنتدى الجمهور وجاته اليوم رسايل خاصة تستفسر.!! فضحني حسبي الله عليه



وش رأيكم بهؤلاء الأصدقاء اللي تخلوا عن صديقهم في مشكلة بسيطة؟ عاد وش كان بيسوون لو المشكلة كبيرة؟


سؤالي للجميع: ما رأيك بصداقة الإنترنت؟ وهل تثق بصديق الإنترنت؟


برايفت للجميع:

كل ما جاء في الموضوع فقط لتوضيح ملابسات القضية لأني تعبت من كثر ما أشرح بالرسايل الخاصة أو بالماسنجر:p

وبالعكس الأخوان كلهم ما قصروا وعرضوا علي عدة يوزرات ورفضتها .. لكن لأنهم قهروني بتواقيعهم في غيابي

حبيت أرد لهم الصاع صاع ونص ;) وما أنسى أشكرهم وأشكر كل من أضافني أو سأل عني..فيهم الخير الله يطول

لي بأعمارهم..!!



تقبلوا تحياتي..!!

واستروا ما واجهتوا..!!

الماسه الزرقاء كان صبرتي اللين ارد جايه بعباتي بارد <<<<تنصب


والله مسكين رحمتك تدري بغيت اصفق هامور وكلي هلالي

اما عن صداقة الانترنت نصييحه ابعد عنه


مبروك على الرجعه

تقبل مروري

إقتباس الرسالة الأصلية كتبت بواسطة بنت فهد الماسه الزرقاء كان صبرتي اللين ارد جايه بعباتي بارد <<<<تنصب والله مسكين رحمتك تدري بغيت اصفق هامور وكلي هلالي اما عن صداقة الانترنت نصييحه ابعد عنه مبروك على الرجعه تقبل مروري

هلا بنت فهد.. شخبارك وعلومك؟

للمرة المليون أقول لك سلمي على بنات عبدالله وسلطان وعبدالعزيز وأحمد

وش سالفتك أنتي والماسة؟ تتسابقون؟ أكيد سبقته ماساميسو لأنها رياضية محترفة بالنصر

أما أنتي دبة وش لك وللرياضة

بس تكفين كل شي ولا هامور لا تصفقينه ما يستاهل حرام عليك

تسلمين على المرور والفزعة السريعة :p

إقتباس الرسالة الأصلية كتبت بواسطة سهل وش اقول انا اللي جاني رساله تقول ( امسك عيالك ) اما عيالي هذولاء انا اصير حفيد حفيدهم لابارك الله في ابليسهم وقد قالوها من مبطي غلطة الشاطر بعشره .. بس ولا يهمك كل اللي حاطين تواقيع يعتبرون مخالفين وكنت احتريك لتقرر مصيرهم ( وش تبي نسوي فيهم طال عمرك )

هلا وغلا بابا سهل

اشتر لنا حلاو بابا سهل

والله نحبك كثير بابا سهل


أقول أمحق بابا اللي يخلي عياله يتوقفون وهو قاعد يتفرج

كنت متوقع أنك بتفزع لنا وتشيل عنا الإيقاف عاجلاً غير آجل.. لكن ما فيش فايدة

ياخسارة تربيتنا فيك يا بابا سهل


بس تصدق حلوة هالرسالة اللي جاتك: ( امسك عيالك )

بالنسبة للتواقيع تعجبني يا بابا مصرف أجل منتظرني لين أشتكي؟

المهم ما علينا: عليك بهم عطهم إيقاف نهائي تكفا

لو شفتهم وهم يتسابقون عندي بالمسن يقولون لي: شف تواقيعنا.. والله أن ترحمني

يالله ما أوصيك.. أضعف الإيمان عطهم إنذار.. وخصوصاً نمر 15 اللي كاتب الموضوع ومتصل فيني فرحان

إقتباس الرسالة الأصلية كتبت بواسطة هجمة خطيرة اهلا بالمشاغب صراحة يوم شفتك منزل هالموضوع وانا اتذكر امس كنت افرّ هنا واشوف بعض الاعضاء تواقيعهم فيها صورتك وموقوف وقلت وش هالواسطة اللي تمشي مليون وفكتّ عنك الحظر خخخخخخخخخخخخخ طلع بس التوقيف لمدة ثلاثة ايام ياخي عادي خذها استراحة وفيه بعض الناس موقفين ستة شهور ومدري كم الله يعينهم بس .. بس معاهم حق وراك تغلط على ولد الحمايل انزاقي مالك حق وبعدين يتدخلون القبايل و و و الخ ... على العموم مرحبا بك يالغالي مرتن ثانية واكيد انك ماتعرفني بس تراي متابع لكم اول باول وخاصة انت يالمشاغب .. دمتـ

هلا وغلا أخوي هجمة خطيرة..!!

الحمدلله على أنها ثلاث أيام.. ومستر قول ما كان له دخل ولا كان خلاها 3 سنين إذا ما كانت 3 قرون

أنا ما قلت شي معاهم حق.. والغلط على عيال القبايل مشكلة كبيرة بس عاد كل ابن آدم خطاء وإن شاء الله توبة

مرحبا بك بالغلا.. وتشرفت بمروك الراقي.. وشرفني أكثر متابعتك لي وأعتز بكلامك الجميل..!!

سلمت يا بعدهم ولا عدمنا حضورك ومشاركاتك

إقتباس الرسالة الأصلية كتبت بواسطة الماسه الزرقاء عشان خاطرك يا بنت فهد حذفت ردي الأول إقتباس محجووووووووز ,, وقبل العودة يا ابو السوابق , والله لك فقدة في المجلس ويالكناري والحمدالله على السلامة , ولا تفشلونا مرة ثانية في المنتديات الثانية

هلا وغلا ماستنا.. تشرفت بسرعة حجزك -على غير العادة-

ما شاء الظاهر أنك بتتحولين من مركز الدفاع إلى الهجوم عشان هالرشاقة والسرعة يا مساميسو


بانتظار عودتك بنفس السرعة .. بس حافظي على اللياقة

إقتباس الرسالة الأصلية كتبت بواسطة بنت فهد يسسلموا

أقول يا بنت فهد أنتي والماسة..

وش رايكم تروحون دردشة قلوب تاخذون راحتكم هناك؟

شايفيني حاط موضوعي دردشة وأنا مدري؟

كان ودي أحط لكم رابط الدردشة بس أخاف قوانين المنتدى ما تسمح


ترون أمزح معكم لا تاخذون على خواطركم.. بس مع ذلك ما يمنع انكم تروحون تجربون هناك بعيد عن موضوعي

أمزح.. بالعكس خذوا راحتكم

---------------------------

إلى هنا أكتفي بالردود... وبأواصل بعدين إن شاء الله إن اكتملت اللياقة ;)

إقتباس الرسالة الأصلية كتبت بواسطة :: S3odi :: اقول خل عنكم بس متي تبون نرجع عليهم بس<--- عربجي <-- لي رجعه بس اقرا هالردود

كفووو يا أباضاي

شرفت ونورت الموضوع يا قوي

تقبل تحياتي.. وبانتظار هالرجعة

-------------------------------------------------------

إقتباس الرسالة الأصلية كتبت بواسطة ][ عيون الزعيم ][ حسافه ليش رجعوك انا كنت مبسوطه وقلت عقبال شلتك الباقيه بس للاسف خاااااااااااب ظني

أفاا حرام عليك ما سويت لك شي أنا

لكن إن شاء الله تتوقفين عشان أنبسط أنا

هلا بك أختي عيون.. تشرفنا بمرورك..!!

تقبلي تحياتي..!!

-------------------------------------------------------------

إقتباس الرسالة الأصلية كتبت بواسطة بوجاسم الهلالي قــــــــل لــــي مـــن صـــديــــقــــك أقـــولــــك مــــن أنــــت

صدقت يالذيب..

تسلم يا بعدهم على المرور الطيب .. وما قصرت في هالتايوانيين :p

تقبل تحياتي..!!

-------------------------------------------------------------

إقتباس الرسالة الأصلية كتبت بواسطة بكل فخر هلاليه الحمد الله صدر عفو ملكي بحق العضو (المشاغب ) أحمد ربك أن الهلال نادي ملكي ..وصرد لك عفو ملكي بس وش شعورك لما قالوا أنك موقوف؟ والله يا مشاغب فرحنا لك لما قريت أنك موقوف ..تعرف أني قلت يمكن السبب هو واحد من الموضيع اللي أنت غلط على البنات <<تذكره على العموم ياشين اللي يسوي فيها فاهم ويجيب العيد

هلا وغلا خيتوو

حاس أنك تتريقين أنتي ووجهك

لا تسأليني عن شعوري.. توني مغسلهن بشامبو ضد القشرة << ينكت الأخ :p

للمرة المليون أقول لك أني : الـمـشـاغـب.. مو مشاغب

أحسك تسبيني كذا

بالنسبة لمواضيع البنات.. فأبشرك عندي حصانة ما راح أتوقف بسببهن

مشكورة أختي على مرورك وتريقتك

تقبلي تحياتي..!!

------------------------------------------------------------

إقتباس الرسالة الأصلية كتبت بواسطة هلالي _الوادي هههههههههههههههههههههههههههههههههه احسن خل عنك اللقافة

جعلها دوم هالضحكة يا رب..

ترى منيب ملقوف ملقوف..!! بس فيني شوي لقافة :p

حياك الله يالغالي..!!

وسلم لي على الغالي مباشر وحصري

تحياتي إلـك..!!

----------------------------------------------------------

إقتباس الرسالة الأصلية كتبت بواسطة وليد سعد القحطاني يعطيك العافية

هلا وغلا بالسجين المخضرم

الله يعافيك ويسلمك

يا أخي أنت عجيب كل يوم موقوف

تقبل تحياتي..!!

--------------------------------------------------------


بنت الزعيم..11089

إقتباس عنوان خطيـــر.....

تصدقين مدري وشلون طلع معي العنوان؟ :p

بس والله يجي مني

إقتباس المشــاغب .. الحمدلله على سلامتك...

الله يسلمك ويحفظك أختي بنت الزعيم 123456789

إقتباس أجل وش وداك هناك؟!! ( هالمباراة كلها ماهضمتها ..قهر مايستاهلون إنهم يلعبون على النهائي من الأساس )

خليها على ربك بس

غلطة مطبعية كادت تعصب بتاريخ يوزري اللي قعدت أربيه لين وصلت مشاركاته فوق الـ 3000 .. بس ربك ستر :p

إقتباس أحس إن حتى منتدى الجمهور خطر عليك !!

لا حرام عليك.. منتدى الجمهور هو حبي الأول.. وفيه كانت بداية توهجي << أمحق توهج اللي ينتهي بإيقاف

هناك تثبتت لي 3 مواضيع.. من قدي؟

إقتباس عودتك أسعدتنـــا والتايوانيه اللي إكتشفتهم سامحهم هالمره والمره الثانيه لاتقصر فيهم عند سهل !!

خلاص سامحناهم عشانك هالمرة.. بس لا عاد يتعودونها :p

حياك الله أختي بنت الزعيم 123456789

تقبلي تحياتي..!!

---------------------------------------------------------------

إقتباس الرسالة الأصلية كتبت بواسطة إنســـــــــان هلالي هـذي آخـرة الفلسفـة يـاحلـو وتستـاهل دامـك سبيـت الميـلان والبيبـو

هلا وغلا بعيال العالمية

بس تعالوا: وش جايبكم حارتنا؟

يالله بابا سهل صكهم بالله واحد إنذار على الماشي

حياك الله إنسان هلالي.. تشرفت بمرورك..!!

والميلان فوق العين والراس.. والبيبو فوق شجرة الموز

تقبل تحياتي..!!


----------------------------------------------------------

إقتباس الرسالة الأصلية كتبت بواسطة T@L@L اهلا باسلطان رجعت !! لنه حمدالله على سلامه هههههههههههه والله من رأيي عن سؤال الخير والله انا ماعتمد الا على ااصاقائي الاصلين فقط

هلا وغلا طلال

تو ما نور الموضوع

الله يسلمك يا بعدي..

وتوقيعك أشكرك عليه مع أني ما شفته إلا قريب.. لكن مع هذا أنا عاتب عليك

الحين الشباب فضحوني هنا.. ومستر دلخ فضحني بمنتدى الجمهور.. تجي أنت وتكملها بمنتدى البرامج؟

يالله غير التوقيع الله يصلحك

مشكووور يا أحلى طلال على مرورك..

تقبل مني تحياتي وقبلاتي

--------------------------------------------------------------------


نكمل الردود بكرة إن شاء الله.... تعبت :p

إقتباس الرسالة الأصلية كتبت بواسطة سهل وش اقول انا اللي جاني رساله تقول ( امسك عيالك ) اما عيالي هذولاء انا اصير حفيد حفيدهم لابارك الله في ابليسهم وقد قالوها من مبطي غلطة الشاطر بعشره .. بس ولا يهمك كل اللي حاطين تواقيع يعتبرون مخالفين وكنت احتريك لتقرر مصيرهم ( وش تبي نسوي فيهم طال عمرك )

سهل دخليلك ما نبي ايقاف

عاد سلطان مو مقصر ماهو قايل ايقاف بيقول اعدام في ساحة الصفاه

خصوصاً اذا توقفت عضويتي بتشوف حتى ادارة الموقع حاطه في توقيعها صورتي

ونا ما ابي احراجات مع العالم خلاص غيرنا التوقيع روح شوف توقيعي

أنا يوم عرفت إنك موقوف زعلت وضحكت بنفس الوقت

الحمد لله على السلامة نور المجلس

أقول ايش يقربلك محمد نور

إقتباس الرسالة الأصلية كتبت بواسطة سهل وش اقول انا اللي جاني رساله تقول ( امسك عيالك )

اهلا بالمشاغب

صراحة يوم شفتك منزل هالموضوع وانا اتذكر امس كنت افرّ هنا واشوف بعض الاعضاء تواقيعهم فيها صورتك وموقوف وقلت وش هالواسطة اللي تمشي مليون وفكتّ عنك الحظر خخخخخخخخخخخخخ طلع بس التوقيف لمدة ثلاثة ايام

ياخي عادي خذها استراحة وفيه بعض الناس موقفين ستة شهور ومدري كم الله يعينهم بس ..

بس معاهم حق وراك تغلط على ولد الحمايل انزاقي مالك حق وبعدين يتدخلون القبايل و و و الخ ...

على العموم مرحبا بك يالغالي مرتن ثانية واكيد انك ماتعرفني بس تراي متابع لكم اول باول وخاصة انت يالمشاغب ..

دمتـ

الماسه الزرقاء

إقتباس أمحق إحتراف , ,, فشلت ابوك ,,

بداية النجاح الفشل ... والخطوة بالميل تبدأ بألف << مثل محششين

إن شاء الله أستفيد من تجربتي.. وأنجح بالإحتراف المرة القادمة..!!

إقتباس الإعتراف بالحق فضيلة ,

الإدارة ما بيني وبينها عداوة أو ثار عشان توقفني بدون سبب..!! وسواء اعترفت أو ما اعترفت الحقيقة واضحة

أني خالفت القوانين وأستحق العقوبة..!! فليش ما أعترف بالخطأ ما دمت أخطأت وعرفت خطئي؟

إقتباس ونعم الأصدقاء , أجل تتهور وتفشلنا في العالمية وتبيهم يصفقون لك هم قصدهم يحسسونك بخطأك , لأن الصديق هو من يكشف لك عيوبك , عشان ما تتعودها مرة ثانية

الله يكفينا شرك بس

أنا ما فشل إلا لأن الجميع تخلى عني في تجربتي الاحترافية.. حتى المجلس الاستشاري ما دعمني خلال فترة احترافي

فلا بد إذاً من الفشل..!!

عموماً: هي تجربة واستفدت منها.. وإن شاء الله معاد أتوقف يا رب

إقتباس المشاغب عودة حميــدة , وموضوع ظريف وممتع يا مشهور بس مثل ما قال ابوك غلطة الشاطر بعشرة

سلمك الله من كل شر.. لا عدمنا هالسرعة في الرد :p

على عكس الكلاسيكي اللي يجي آخر واحد

تقبلي تحياتي..!

------------------------------------------------------------------------------


جرح يشكي

إقتباس تشكي من الفرقا وترفع لي الصوت ولا تحسب إني ما توحيت صوتك أجيك لو حطوني بوسط تابوت أطلب وتلقاني على باب بيتك طبعي وفي وأعشق واموت وإن قلت وينك ..قلت لك يا فديتك

لا يكثر بس

الحين جات هالأبيات؟ وينها من قبل؟

خلاص معاد يمديك... سبق السيف مدري وشو :p

إقتباس ترا شبكة الزعيم مرسله لي رساله تقول وصلها للمشاغب

آه يا شبكة الزعيم

خلاص حبها تمكن من قلبي.. وهـ بس وهـ

إقتباس بعدين انا شاك بل متاكد ان طول المده اللي راحت اتفلت تبي ترد على موضوع الهيئه بس ماتقدر

تصدق أنك غلطان؟

ما كنت أبي أرد على الموضوع.. لأنك أنت وأبوريمان ما قصرتوا قلتوا اللي ما كنت بأقول نصه.. بيض الله وجيهكم..

كفيتوا ووفيتوا ولا يهون باقي الأخوان.. لكني ذكرتكم لأن الكلام اللي كان ودي أقوله ذكرتوه أنتم..!!

إقتباس عاد تصدق اننا قعدنا نبكي عليك ونتذكرك واظلمة الدنيا بعيوننا حتى تبي تصدق اسئل طارق تراه كان عندي يوم اني ابكي ونروح نشوف مواضيعك القديمه بس بيني وبينك ليت المده طولت علشان تشتاق لنا ونشتاق لك

ايه.. صدّقت أنا..!

إقتباس [FONT=Century Gothic] ياليت تقطع علاقتي بك وتمسح رقمي مثل ما مسحت رقمك لاني ما اماشي اصحاب سوابق هذا كلام ابوي [/COLOR] [FONT=Century Gothic] ولا تنسى تشوف توقيعي [/FONT

ما يحتاج تقول لي.. لأني مسحت الرقم منذ مبطي من بعد ما تخليتوا عني بأزمتي


حياك الله أخوي محمد وإن شاء الله مردودة :p

----------------------------------------------------------------


MR.DL5

إقتباس اول شي الحمد لله على السلامة ..

الله يسلمك من كل شر

إقتباس بس ما قلت لنا وش تحس فيه وانت موقف ..!!

احساس في البداية بالفرحة أني ما أقدر أشارك .. وألتفت لدروسي..

لكن بعد تواقيعكم قسم بالله تحرقت بس عشان أشارك - حسبي عليكم-

إقتباس افا عليك ما سويت الا الواجب .. بس بدال ما تشكرني وتمدحني تجي وتسبني ..

إيه لازم أشكرك.. طيب وينك عشان أشكرك؟

بإذن الله تتوقف قريب عشان أتريق عليه براحتي .. عاد أنت ما يحتاج "متعودة دايمن" على الإيقافات

إقتباس انا يوم اني احط في توقيعي الصورة كنت مستنكر هذا الفعل من ادارة الموقع .. احمد ربك لو انهم ما فكوا الايقاف عنك تراي كنت ناوي اسوي انقلاب انا وكم واحد معي على ادارة المنتدى والمشرف الي وقفك .. <<< << بايع يوزوره بتبن

صورة مع التحية للأخ مستر قووول

بعد هالكلام أتوقع راح تتوقف من حبيبك مستر قوول

إقتباس بس قلهم اني عرضت عليك يوزوري وقلت لك انه يفداك << << << بدأ يتميلح ويتمصلح

أنا أشهد أنك قلتها.. وعرضت علي يوزرك..!!

بس من زين هاليوزر الدلخ عشان أشارك به

مستر دلخ << بالله هذا يوزر؟ تبي تفضحني أنت؟

إقتباس بس يا سلطان خلني ساكت لا اكب عفشك واقول لهم وش قلت لي يوم كنت انا موقف ..!!

لا يا حبيبي فيه فرق أني أتريق عليك قدامك في الماسنجر.. وأني أتريق عليك بالمنتدى

إقتباس بس مدري احس مالي وجه اتكلم عن الايقاف

عندي إحساس إنك راح تتوقف هالأيام... يااااااا رب يصدق إحساسي :p


----------------------------------------------------------------------------

إقتباس الرسالة الأصلية كتبت بواسطة abu_riman الأهم عودتك يا بطل

هلا وغلا بأبوريمان

أنا بطل؟

تصدق يوم قريت ردك وأنت تقول: الأهم عودتك يا بطل.. تذكرت يوم أشجع البزران وأقول لهم حلو يا أبطال :p

أخاف بكرة في موضوع ثاني تقول لي: ممتاز يا شاطر

أمـزح معك مفكرنا.. :p

تشرفت بردك ومرورك.. لا عدمناك


-------------------------------------------------------------------

فتى المدينه

إقتباس ماراح تحس بالسعاده الا لمن تكون في القائمه السوداء صدقني ؟ كم هو شعور رائع وانت ترى الانتربول يطاردك !! يكون بعلمك الايقاف للشجعان هههههههههههههه

طيب ورنا شطارتك وتوقف أنت إيقاف نهائي يا داي الشجاع

إقتباس اصدقاءك طلعو فالصو وش تبي فيهم ؟ خلك وحيد سيف ابركلك هههههههه

ههههههههههههههههه

الظاهر بأكون كذا

إقتباس الماسة بالله كملي جميلك واحذفي ردك الثاني عشان اكون في المقدمه خخخخ [/SIZE][SIZE=4]مامداني اخلص الرد الا ثلاثة سابقيني اهب ياوجهه هالمشاغب طلع مشهور

اذكر الله حسبي على إبليسك

والله والله أني ما توقعت هالردود.. بحكم الاختبارات النهائية..!! لكني عرفت ألعبها صح ;)

اللقافة ذابحة الأعضاء ويبون يعرفون السالفة عشان كذا نزلت الموضوع عشان أضرب عدة أحجار بعصفور واحد

منها أفتك من كثر ما أشرح السالفة :p ومنها أصفي الحسابات مع الأعضاء الفالصو :p ومنها أكتب موضوع وأشوف

كم عدد الأعضاء اللي ذابحهم الفضول

<<< بعد اليوم ما ظنتي أحد بيرد على مواضيعك



حياك الله يا الغالي.. وتشرفت بمرورك..

لا عدمنا هالطلة الجميلة والمرحة..!!

تقبل تحياتي..!!

----------------------------------------------------------------

إقتباس الرسالة الأصلية كتبت بواسطة الذئب الهلالي999 عقبال التوقيفه الثانيه

عقبالك أنت يا الدب الهلالي

حياك الله يا موبايلي 2000 << ما نسى يوزرك القديم

تحياتي إلك..!!

-------------------------------------------------------------

إقتباس الرسالة الأصلية كتبت بواسطة leo messi المشاغب هلا بعودتك وعندي سؤال بس ؟؟ وش رايك في الميلان ؟<< يبي يورطه اي سي اي سي هووووووووووه هوووووووووه

أقول: بس لا يكثر

بسيطة يا ليو ميسي

وش هالسؤال؟

إن شاء الله آخر بطولة قبل ما يهبط للدرجة الثانية يا رب

تقبل تحياتي يا فتى شرورة

-----------------------------------------------------

إقتباس الرسالة الأصلية كتبت بواسطة فهد عاشق البرسا الحمد لله ماعمرهم وقفوني لأني محترم الله لا يبلانا تحياتي...

يا رب تتوقف يالعتيبي عشان تحس باللي أنا أحس فيه الحين

تحياتي يا الـ محترم

-------------------------------------------------------------------------

ماجد مقبل

إقتباس اه يالمشاغب اه بس

وش فيك تقول: آه آه

ما بقى إلا ترقص وتغني لي : آه ونص

إقتباس بس من جد هذولا اصدقاء !!!!!!!!!

اسكت بس اسكت.. لا عاد تقلب علي المواجع

إقتباس عاد تصدق يوم شفتك موقف قلت هاالدافور شكله طلب من الادارة انه يتوقف عشان يذاكر ههههههههه >>> عليك تفسير ;)

تصدق بغيت أسويها؟

ما خليت شي إلا وفكرت فيه.. حتى بيع الجهاز فكرت فيه.. أبي أفتك من النت بأي وسيلة .. بس مآآآش

إقتباس وفي الماسنجر كنت شاك فيك انك المشاغب وما استوعبت الفكرة يوم تقول انك موقف

كنت شاك؟ وهل يخفى القمر؟ :p

يوم كنت أكلمك كنت فرحان بالإيقاف على اساس أرتاح من المنتدى شوي.. بس حسبي على اللي خربوا علي

الفرحة

إقتباس لكن نمر 15 الله يجزاه خير هو اللي بشرني واهداني تورتة توقيفك

يا ربييييي وش أسوي مع الدب متعب؟

يا أخي بس ودي أقابله وجه لوجه عشان أشرب من دمه

يا أخي حاطني براسه كني ذابح أحد أخوانه

هين يا متعب .. قبل تروح مبنى 54 بتحصلني هناك ..!!

بس المشكلة كيف بأعرف شكل متعب؟

إقتباس وبعدين انت ووجهك تقول لانزاغي قرد ياخي اتق الله ;)

والله صادق.. أنا أخطيت والله على القرد -الله يكرمه-

بتزعل علي فصيلة القرود.. لذا أقدم اعتذاري لها من هذا المنبر

إقتباس والصراحة ترانا افتقدناك في المنتدى

وأنتوا والله لكم فقدة رغم قصر الإجازة :p


يسلمووو أخوي ماجد على تشريفك الطيب يا طيب..

وتقبل مني وردة حمراء أحلى من ذيك الوردة اللي أنت خابرها

-------------------------------------------------------------------

إقتباس الرسالة الأصلية كتبت بواسطة هلاليه من الرياض الحمد لله على السلامة ومبرووك الإفراج بصراحة المجلس هااااجد بدوونك..... لاا عاد تروح لـ ذولاك وخلك على الهلاال ياراعي السوابق :p :p :p

الله يسلمك أختي هلالية من نواكشوط

تسلمين والله على المجاملة الكوت ديفوارية منك :p

أبشري معاد بأروح لذولاك وبأقعد لذولا لأن ذولاك لو ما كانوا ذولا ممكن يصيرون مب ذولاك ولا حتى ذولا :p

تقبلي تحياتي يالمحروقة <<< ناظري يدك وناظري تحت ساعة يدك وبتشوفين كيف الحريق

يسسلموا

سلتااااااااااااااااان <<<< هذا من وين طلع لنا

تشكي من الفرقا وترفع لي الصوت
ولا تحسب إني ما توحيت صوتك
أجيك لو حطوني بوسط تابوت
أطلب وتلقاني على باب بيتك
طبعي وفي وأعشق واموت
وإن قلت وينك ..قلت لك يا فديتك


ترا شبكة الزعيم مرسله لي رساله تقول وصلها للمشاغب
وهذي نص الرساله

ودك تقول اني تغليت
ونسيتك!!
لا يا الغلا..مالي على
النسيان حيله..
ودك تقول اني مع
الغربة رميتك!!
وشلون ابرخص سيد
القلب وخليله؟
ودك تعاتبني ليا لحظه
سهيتك..
هات العتب وابشر على
راسي اشيله..

بعدين انا شاك بل متاكد ان طول المده اللي راحت اتفلت تبي ترد على موضوع الهيئه بس ماتقدر

عاد تصدق اننا قعدنا نبكي عليك ونتذكرك واظلمة الدنيا بعيوننا حتى تبي تصدق اسئل طارق تراه كان عندي يوم اني ابكي ونروح نشوف مواضيعك القديمه بس بيني وبينك ليت المده طولت علشان تشتاق لنا ونشتاق لك

برايفت لسلتااااااااااااااااان

ياليت تقطع علاقتي بك وتمسح رقمي مثل ما مسحت رقمك لاني ما اماشي اصحاب سوابق هذا كلام ابوي
ولا تنسى تشوف توقيعي

حجز ..


__________________

رجعنا


اول شي الحمد لله على السلامة ..



بس ما قلت لنا وش تحس فيه وانت موقف ..!!

إقتباس MR.DL5: حاط الصورة ويقول عني مهايط لا وفرحان جايني يعلمني أن كاتب أمس ردود بمنتدى الجمهور وجاته اليوم رسايل خاصة تستفسر.!! فضحني حسبي الله عليه

افا عليك ما سويت الا الواجب ..

بس بدال ما تشكرني وتمدحني تجي وتسبني ..

انا يوم اني احط في توقيعي الصورة كنت مستنكر هذا الفعل من ادارة الموقع .. احمد ربك لو انهم ما فكوا الايقاف عنك تراي كنت ناوي اسوي انقلاب انا وكم واحد معي على ادارة المنتدى والمشرف الي وقفك ..


<<< << بايع يوزوره بتبن

بس قلهم اني عرضت عليك يوزوري وقلت لك انه يفداك << << << بدأ يتميلح ويتمصلح


بس يا سلطان خلني ساكت لا اكب عفشك واقول لهم وش قلت لي يوم كنت انا موقف ..!!


بس مدري احس مالي وجه اتكلم عن الايقاف

إقتباس بس ولا يهمك كل اللي حاطين تواقيع يعتبرون مخالفين وكنت احتريك لتقرر مصيرهم ( وش تبي نسوي فيهم طال عمرك )

يابن الحلال ما صار الا الخير

و مالها داعي الدعوة توصل ايقافات وفضايح في منتدى الجمهور


و عشاكم الليلة في المنتدى علي بمناسبة عودة المشاغب ..!!