21/05/2007, 09:05 AM
|
| ميسو | | تاريخ التسجيل: 22/06/2002 المكان: حيث أنا ..
مشاركات: 7,243
| |
المسلسل فيه تناقضات واخطاء , لكن نفس الشيء فيه اشياء تعبر عن ا لواقع ,,
ما تابعت المسلسل بشكل كامل , لكن اشوف حلقات منه , ولي كم يوم ماشفته ,
إلي يقول إن علاقات البنات مع السواويق عندنا قلة جداً والمفروض ما جابها عسيري ,
حتى لو كانت حالة او حالتين , لكنها موجودة وبواقعنا وليه نتجاهلها ؟!! , لما تزداد المشكلة وتتفاقم ؟!!
وإذا انخدشت صورتنا عند الغير بسبب المسلسل لكن ما جاب شي من الخيال , أغلبه من الواقع ,
وعشان يصحون الأهالي وينتبهون ,, وترى السعودية ما تمثل الرياض ونجد فقط ,
والسعودية مو مجتمع مثالي أو معصوم من الخطأ ,
اذكر لما كنت في اولى متوسط تعرفت على بنت في ثالث متوسط ,, يعني توها صغيرة ,,
كانت يومياً تدق علي وتقعد بالثلاث ساعات  ,, امي طبعاً لاحظت وقالت وش تبي ومن هذي ولا تصادقين إلي اكبر منك ومن محاضرات الأمهات  ,
المهم ما علينا , إلي ابي اوصله إن البنت كانت تسولف لي عن سواقهم وكانت تقول إنها تحبه وإنه يحبها ,, تخيلوا بزر في ثالث متوسط ؟!! ,, حتى من كلامها إنها كانت تروح تقابله من السيب الخلفي لبيتهم لأن على ما اظن إن له باب من هناك ,, طبعاً كل إلي قالته لي مجرد احاديث وسواليف بينها وبين السواق ,
ولا ادري إذا هي صادقة ولا لا  , ولكن حتى لو كان مجرد خيال من البنت ,, يكفي إنها تخيلت إنها تعيش علاقة حب مع سواق ؟! ,, يعني للأسف هناك خلل كبيررر في اسلوب التربية في مجتمعاتنا ,,
إلي ما عجبني حركة يدفن اخته وهي حية , وما شفنا تأنيب الضمير يعذبه , أو قال إن إلي صار بسبب إلي كنت اسويه ببنات الناس ؟!! , في الأخير حط الخطأ على امه لما كانت تدافع عن خواته , وكان يقول إن الحق معه لأنه منع اخته تروح الجامعه وكان يمنعهم من التليفون !!! ,,وإلي قهرني إنه ما تأثر لما شاف حالة اخته , و بعد انبسط لما ماتت 
فيه نقطة اعجبتني ,, وهي إن الشدة ما تنفع لمنع وقوع الضرر , إلي فيه شر ويبي الشر راح يسويه حتى لو مسكر عليه بغرفته لا يطلع ولا يجي , وإن الشدة مع البنات ما تنفع أبداً ,
حركة دفن زوجته ويرمي ولده بالشارع ما شفت هالحلقة , واعتقد هالحركة غبية,, وبدا يبالغ بزيادة ,
نشوف شلون ينهيها ولد عسيري  ,
مشكور اخوي على الموضوع وإتاحة الفرصة لنا للتعبير عن ارائنا حوله ,  |
ميساء مغربي 
الوضع العادي
