|
ياللي تلومونا في التفحيط السلام عليكم ورحمة الله وبركاته مساء الخير / صباح الخير سبب الموضوع كل شي نسويه خطأ في اعتقادهم امس كنت مار في شارع تفحيط ووقفت اتفرج وشوي الا والحكومه شافتني الجوال : ترن ترن انا : هلا الثاني : لا لا لا يالي فيك ما يخطيك يا .. يا ... زين اوريك ... بسحب السياره منك <<< عمه اثاريه مار مع الشارع وشاف السياره رجعت لم البيت حدود الساعه 12 الليل ابي انام الا والوالد الله يحفظه جايني ويقول لي هات المفتاح قلت له ابشر وعطيته المفتاح واخذت لي زفتين قبل النوم وبلعت العافيه وطلعت انام واليوم جاني الوالد يبي يكلمني عن التفحيط وليش وليش وحرام ... ومن الكلام هذا عاد انا ما اقدر ارد على الوالد سكت ورحت وعيوني صايره 24 بوصه . وش نسوي لازم نرضي والدينا عاد انا برد على الوالد هنا من دون ما يدري وراح افرض انكم انتوا اللي قلتوا لي (( لا لا ياللي فيك ما يخطيك ... هات المفتاح )) نجي لردي عليكم :D وهذا يعتبر وجهة نظري احتمال اكون على صواب او خلافه . اولاً : التفحيط في الاساس رياضه والاسلام لا يحرم الرياضه اوكيs60s ^^^^^ انا متأكد انكم معي في كلامي ولو جينا للتفحيط من فكرته هو الاستعراض بالسيارات والترويح عن النفس اعتقد ان هذي مو حرام الحرام في طريقة تنفيذه لو كان عندنا نوادي للتفحيط مثل الكويت كان ما عليه كلام من ناحية الشرع مثله مثل اي رياضه ثانياً :- والله من زين الاماكن اللي نروح لها في الرياض اما دوراً بالشوراع ولا على النت 24 ساعه ولا ان طالت الثمامه يا سنايدي :D يعني بدال ما يكون التفحيط عشوائي ليش ما يكون فيه نوادي لها والله فيه شباب من المملكه لو تمت رعايتهم وتطوير مستواهم ليخلون مايكل شوماخر الاخير :D . ومن يقول لي ان التفحيط : فيه قتل النفس .. الموت وكفى به ضرراً فيه تعدي على الآخرين .. بإتلاف أرواحهم .. وتحطيم أبدانهم .. وترويعهم في طرقاتهم فيه الخسائر المادية في الممتلكات العامة والخاصة بسبب الحوادث الناتجة عن التفحيط . أن في التفحيط مفتاح لجرائم متعددة .. من سرقات .. وأخلاقيات .. ومسكرات ومخدرات . ارد عليه اذا كان التفحيط عشوائي بدون تظيم يسبب كل هالكلام والله العظيم وزارة الداخليه متعبه نفسها بما اني خبير بالتفحيط اقول والله ما يقدرون يوقفون التفحيط اول شي الرياض 60كيلو في 60 كيلو وكل يوم شارع جديد كل ما حصلنا شارع جابوا دوريه تسنتر فيه ويحسبون انه حل اذا انا مره سمعت عن تفحيط بيصير في الشرقيه بعد ساعه وانا بالرياض يعني الشغل منظم وفيه جوال مثل جوال الزعيم :D دق عليه واخذ اخبار التفحيط ووين الطبه الليله وانحاشوا الحكومه جايتكم :D بعدين العسكر المساكين اخذ استهبال عليهم ورجم بالحصا اذكر مره كنت رايح لتفحيط واشوف لي دوريه واقفه قلت خلني بشوف اذا يدرون ان فيه تفحيط ولا لا وقفت عنده قلت له يا الحبيب فيه تفحيط قدام رد علي بنفس شينه قال داري قلت وليش ما تروح لمه قال جاني تعميم بس وش اسوي لحالي خلهم في حريقه رسالتي للظباط الكبار في السن كيف تقدرون توصلون للشباب وانتوا باقين على تفكيركم اللي يفحط داشر اللي يطلع بعد الـساعه 12 داشر يقول لي واحد من العيال انه كان مره يمشي في حي النسيم على رجوله ومعاه (( راوخ )) هذا مشروب غازي مثل الفرز :D واذا تبونه تحصلونه في البقالات الكبيره بـ 2.5 المهم قفت جنبه دورية الحرس الوطني وبدوا ضرب فيه وركبوه في الجيب ومسكوا العلبه وقعدو يشمونها يحسبونها ... (( عصير برتقال :D )) حاول يفهمهم ما قدر وهم ماشين قالهم وقفوا عند البقاله بدلكم على اللي يبيعها لي ووقفوا ونادو العامل وقل له خويي جيب راوخ وراح الهندي وجابه بعدها الحريسان نزلوه بعد ما صارت وجيههم بالارض يعني بالله هذا رجل امن ؟؟؟ نعود لمحور حديثنا :D يا وزارة الداخليه العلاج لا يكون بالقرارات الصارمه ليش ما تحاولون تكسبون قلوب الشباب وتظبطون رياضة التفحيط وتجدون الحل الامثل بدال سجن وغرامه وما ادري ايش بعد شوفوا لنا حل يرضينا ويرضيكم وهذا الموضوع بين يديكم س/هل عقوبات المرور بتحد من التفحيط ولا بتزيده انا اقول بتزيده :D لكم حرية الراي وااسف على الاطاله والكلام الغير منظم لان الموضوع من قلبي نازل فريش:D اخيراً اشكر كل من سئل عني ترا ماهو زعل ولا تغلي بس رحله مكوكيه لمدة اسبوع وبعدها الاختبارات في حفظ الله |
الله يغربل ابليسك على طاري هبال العسكر واحد من العيال بيسافر على الطيارة الساعة 2 في الليل وطلع من اسكان الحرس الوطني بخشم العان الساعة 1,30 باليل المهم مسكته الدورية ويوم سألوهـ وين رايح قال لهم المطار قعدوا يصطرونه ويكفخونه ويشمشمون ثيابة و يقولون له (( ما فيه مطار يفتح بعد الساعة 12 بالليل )) وين وصل بهم الهبال هالعسكر والخافي اعظم |
ياللي تواسيني كلامك حفضناه أنا أبغى منك خدمتينن صغيرة وش معنى الكلام الي بالاحمر؟ عشان أبدي لك رأيي في هذا الموضوع |
8 8 8 لا ولا الثاني يجي يقرأ الرخصة با لمقلوب . . . . ولا يقراها ويقولك وش اسمك. . . . . . تحلف انه ما كمل ثالث ابتدائي والغريب با الأمر انه لماتشوف بعضهم راكب في الدورية تحصله ما يربط حزام الامان . .. . . ولو شافك ما ربطته استغلك ودخل فيك قرشين للحكومة ونفس الشيء ألانوار الخلفية أو الامامية. . . . . . والقائمة تطول. . (عجيب وأمرهم غريب هالعسكر) أما التفحيط أحس انه اصبح عند الشباب وعي وإدراك أكثر من أول وخصوصا في الآونة الأخيرة قل بنسبة كبيرة. . . . . |
شخبار الفروسيه <<< من زمان ترك التفحيط |
لاتهـــــــــــــــــــــــــــــــــــايط يخوي امسك الطاره ورنا شطارتك ام تقعد تتفلسف وتسوي لي فيها بوبو ((((الله يذكربالخير ))) على غفلة يعني تبيني اقولك حراااام بالله انك شنب قلنالك بس ان اتوقع التفحيط نوع من انوووااع المراهقه وما يسويها الا المرااهقين مادري عنك انت وفي الاخير هاذي وجهة نظري واللي بيزعل يزعل على كيف كيفه |
إقتباس:
هلابك اخوي لا زعل ولا شي بس انت الله يهديك جاي تمشي طبلونك انا ما افحط انا مجرد مشاهد فقط سؤال/ الاخ عسكري ؟ |
الحين ماسك بنا خط على شان تقول التفحيط حرام ولاحلال:D انت ماشفت الحوادث اللي صارت من التفحيط ماتشوف الاعاقات واللي يكمل عمره على كرسي متحرك الله يفكنا الشر وياكم وبعدين التفحيط راح زمانه من يوم راحوا اهله |
انا اشوف اي واحد يفحط يكون عقابه يعلق في الاشارة في عز الظهر لين يتوب |
ياليييييييييييييييييييل ما ادي انا ما وصلت رائيي بالشكل المطلوب او ان الشباب ما فهموا انا اقول اني ضد التفحيط اللي بالشوراع اتمنى انهم يسوون نادي للسيارات |
8 8 8 قل من أول كذا ولا تقعد تخربط علينا |
المفروض فية اندية مخصصة للتفحيط علشان يفكونا من الازعاج |
إقتباس:
ما عندك أسلوب حتى تبين وجهة نظرك؟ :confused: أخونا جرح يشكي حب يحلي موضوعه بأسلوبه الجميل.. وما كان يقصد المهايطة على قولتك :rolleyes: له هواية في مشاهدة التفحيط.. كما لغيره هواية في غيرها..!! ومن حقك تنتقده.. وتوضح خطأهـ بدون شك..!! لكن أنك تتهجم عليه بهالأسلوب...!!! للأسف أنك أخطيت في حق أخوك جرح يشكي... وأتمنى أنك تكون راقي بأخلاقك وتعتذر له..!! تقبل تحياتي..!! ===================================== أخوي جرح يشكي: بالنسبة للتفحيط الحاصل هالأيام فهو حرام بدون شك..!! لا تقول لي أندية في الكويت ما أندية..!! الحين ما فيه أندية.. يعني حراااااااااااااااااام حتى حضور ميادين التفحيط حرام لأنها تشجيع على محرم :rolleyes: أما تخصيص الأندية.. فلا أظنه مفيد.. بالعكس بتلقى الظاهرة تزيد أكثر وأكثر.. لأن المراهقين راح يتعلمون التفحيط بالشوارع ويسوون فيها بروفات قبل يدخلون النادي ;) الله يكفينا واياك شر التفحيط...!! :) تقبل تحياتي ولو أني مكان أبوك كان جلدتك جلد عشان تتوب من هالتفحيط :D إلا أقول محمد: كم رقم الوالد الله يحفظه؟ ودي أرسل له رابط موضوعك ذا عشان يعرف يتصرف معك :D تحياتي :yes: |
(¯`·._.·( افـتـح قلــبــك )·._.·°¯) :D :D >>> ناوي يسلخ :laugh: :laugh: هلا بخوي الغالي جرح يشكي اجل راعي تفحيط ;) عاد قسم بالله يوم قريت رسالتك .. قدام .. قدام .. قدام s60s قلت شكله راعي تفحيط هههههههههههههه:D عاد على ايام الثانوية كان كل خوياي في المدرسة راعين تفحيط وانا الوحيد راعي كورة s13s وكان اخوي الكبير مستاجر سيارة هوانداي واخذها وامر واحد مزعجني بالتفحيط ;) وسيدى للشارع الاصفر بالربوة :thumbup: واخذ فيه كم شوط وهو يصيح نزلني يرحم والدايك :D ;) عاد نزلته وقلتله لاعاد تجيب طاري التفحيط مرتن ثانية s60s وبيني وبينك التفحيط ما فيه خير وكل مصايب واهدافه معروفة ;) واما من ناحية الموهبة فممكن اتفق معك ان في شباب عندهم الموهبة في قيادة السيارات ويمكن الاستفادة منهم في جعلها رياضة منظمة بس اعتقد لو صارت كذا ما احد يبيها :yes: لان الشباب يحبون انهم يكونون فوق النظام لا تحته ... عموماً انشاء الله باخذ معك شوط اخليك تحرم التفحيط وتحقد على اهله ههههههههه:D وتسلم اخوي محمد على الموضوع s60s سي يو :D |
برب بس ما ادري متى ارجع بس باختصار هيب التفحيط (لا يا شيخ) وانت يا الذيب بكره رح لبوك وقله ما عاد اتعودها وخذ المفتاح منه ولا تنى عطه ذيك الضحكه ونظره العيون الحزينه وبوسه الراس الخبيثه وتذكر ان المفتاح سيكون في جيبك واذا عيا الزرفه يا شنب وبعدها دق علي نطلع البحري خخخخخخخخخخخ :D تشـــــــــــاو |
| الوقت المعتمد في المنتدى بتوقيت جرينتش +3.
الوقت الان » 08:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd