|
الهلال يتعاقد مع...... خبر اكيد 100% مع المصدر السلام عليكم جميعا اخواني محبي الزعيم.... الموضوع ومافيه انو كل يوم واحد طالعلنا و يقول الهلال يفاوض والهلال يجلب... والهلال ماهو جالب ولا مفاوض.. الاندية كلها ... الشباب و الاتحاد و الاهلي و حتى النصر اللي ماحولك احد صار يناقز و يفاوض.... الموضوع ومافيه انو الهلال شكله ماراح يجيب احد ولا راح يفاوض احد ... والى الان ادارتنا الكريمة لم توقع عقد مع الشركة الكويتية التي عرضت 300 مليون ريال من اجل رعاية الهلال وهو الامر الذي سيحل كثير من ازماتنا المادية.. وسمعنا عن عرض موبايلي بديل الجوال و لم يحدث شيء ... و عن المشروع الذي تكلم فيه عبدالله بن مساعد و لم يحدث شيء.. ودعم اعضاء الشرف وهمي... الهلال هو اكثر فريق بحاجة الى شراء عقود لاعبين... علشان الاسيويه و الدوري الموسم القادم... والى الان الهلال لم يفاوض احد... غير اجتهادات صحفية مالها معنى... وامنيات داخل المنتدى.... خط الظهر كامل بحاجة الى لاعبيين اساسيين و بدلاء ... خط الوسط بحاجة الى لاعبين (2) على اقل تقدير.. الهجوم بحاجة الى لاعب محلي و اخر اجنبي... لايوجد لدينا لا ظهير اساسي ولا بديل... ولا قلب دفاع مميز او بديل له.. لايوجد منافسة في مراكز لاعبين خط الوسط.... والهجوم ماسكه الدجه الفان... نحن بحاجة الى كامل الموسى ... العمري او هوساوي.... حسن معاذ مهما كانت قيمته... الطريدي... وظهير ايسر مميز من احد اندية الاولى... الفيصلي هبط ... وسعد الزهراني لاعب ممتاز جدا جدا جدا ... و الهلال بحاجته... ليش ما يفاوضه و يجيبه... عبدالرحمن القحطاني هلالي صميمي و يبغى الهلال ليش ما نجيبه... الهجوم ... لاعب زي مالك معاذ تمام... اسمه ريان بلال .... هذا يخدم الزعيم 10 سنين قدام.. ونبغى لاعب هجوم اجنبي افريقي او خليجي.... عندك يونس محمود العراقي... الحوسني العماني... او لاعب افريقي زي عبد القادر كيتا لاعب السد سابقا و ليل الفرنسي حاليا... او اي لاعب افريقي مميز ... لا نريد لاعبين دجه ... تكفون نبغى لاعبين مميزين.... غير كذا بطولات الموسم الجاي مافي... واسيا انسوها... اجل العنقري والياس و المفرج و البرقان ... تاخذ فيهم بطولات ..... هييييييييييييييييين ياليل ما اطولك ... الى الان و االهلال الاظهرة معطلة ..... لاعبين الوسط انهلكوا من كثر يغطون اخطاء المنطقة اليمنى تحديدا... ولاعبين الوسط هبط مستواهم بسبب الادوار المزدوجة اقصد التمياط و الشلهوب.... السنه الجايه ابشروا كل الفرق عرفت نقاط ضعف الهلال... كل الفرق اللي تفوز تلعب من على الاطراف ورفعات و اختراقات... اما نحن فلاعبينا ثابتين في خط الدفاع ... و حتى دفاعيا شوربه و اسف على هذا المصطلح.. اسف على الاطاله... اتمنى ان يكون اعجبكم الموضوع .... |
وين الردود يا زعماء |
عليكم السلام ورحمة الله وبركاتة اخوي من قال لك ان الإدارة ماتفاوض احد الإدارة جالسة تتفاوض بسرية تامة وهذا الخبر متأكد منه بس اللي شاغلهم الحين تجديد عقد الغامدي والدعيع وتفاريس والتائب ولكن المفاوضات قائمة حتى الآن وراح يعلن عن التفاصيل بعد نهائي كأس الملك اما الآن فتفكير الإدارة في البطولة الغالية كأس الملك وبعدها راح تلقى اللي يسرك انت والجماهير الهلالية وخذ العلم مني وانا اخوك |
اخوي السهم الهلالي ... لي الشرف انك ترد على موضوعي... والله يسمع منك و يكون كلامك صحيح.... وعقود الاعبين الاربعه المفروض الهلال منتهي زمان منها.... ولكن ان شاء الله رجال الزعيم يحسموا المفواضات هؤلاء الاعبين الغامدي و الدعيع و اتفاريس و التائب... |
الله يكتب اللي فيه الخير لزعيمنا زعيماوي متعصب كلامك ان شالله يصير ونحقق مانرجوه |
كلامك عين العقل اخي الف شكر لك |
والله ما شاء الله عليك .. اجل تبي فريق كامل هجوم وعندك ياسر والصويلح .. والفريدي في شباب الهلال .. وتبي وسط وعندك الشلهوب وطارق وعزيز والغامدي .. وتبي دفاع وعندك المفرج والشمري وتفاريس .. انتم اسهل شي عندكم كلمة جيبوا .. ترى الاداره مهي جالسه على نهر قرووووووووووش .. اتركوا عنكم جيبوا وحطوا وخلوكم في لاعبيينكم الموجودين والله ابرك ...ش |
[QUOTE=زعماوي_متعصب;5289931] اجل العنقري والياس و المفرج و البرقان ... تاخذ فيهم بطولات ..... هييييييييييييييييين ياليل ما اطولك ... ياخوي من اللي قاللك ان الاداره نايمه او ماهي مهتمه العمل بسرية افضل من الترزز بالصحف وبعدين اللاعبين اللي ذكرتهم تراهم الان يخدمون النادي بجد واخلاص ومال داعي التقليل من عطائهم وامكانياتهم |
اخوي عزك :: عزنا... هلا بك اخوي...بس انا ماطلبت خط هجوم كامل .... انت تقول الصويلح و القحطاني... معناتها لاعبين معقول موسم كامل تعتمد على لاعبين... الفريدي لسه السنه الجايه شباب... والفريدي وسط حر و ليس مهاجم... الشمري حارس وليس مدافع.. اما المفرج لا تعليق....وكلنا يعرف المفرج ابو اغلاط تضيع بطولات .... اما لاعبين الوسط اللي ذكرتهم كل واحد يلعب في مركز محدد... شاكر لك مرورك اخي الكريم.... الاخوان عصامينهو الزعيم و ALZa3eEm 3AmaHoM شكرا على مروركم و ردودكم |
الوعد قدام |
الغالي وش رايك نغير الهلال كله ونخليه بدر عشان ترضى |
يا خي moss & moss انا ما اقلل من امكانيات احد ولكن مع احترامي لامكانيتهم ... هذولي يخدمون فرق ثانيه لكن مو بحجم الزعيم ... |
سور الهلال العظيم شاكر مرورك يالغالي... الاخ المنيف ياخي من قالك تغير فريق كامل... هو تجديد دماء بعض المراكز .... |
شكرا لك .. ولا استغرب عتبك على الاداره النابع من حبك للنادي وخوف على الفريق .. ولكن الهلال بأيدي امينه وغني برجاله .. وان شاء الله نسمع الاخبار الساره في نهاية الموسم ومن اولها استمرار باكيتا على رأس الجهاز الفني للفريق وذلك لان باكيتا مدرب مميز وتكتيكي بحت وافضل من يصنع اسماء قويه في الانديه واتمنى ان تعطيه الاداره الصلاحيات لتحديد اسماء يحتاجها الفريق في الموسم القادم ويتم التعاقد معاها بتوصيه منه ... وبالنسبه لما ذكرت من لاعبين يجب التعاقد معاهم هم لاعبين مميزين ويحتاجهم الفريق الهلالي وبهم سيكون فريق قوي جدا ولكن هل تضمن بان انديتهم ستستغني عنهم لصالح فريق انديتهم لاتحبه اصلا .؟؟ وهل تعلم بان رأيس نادي الاتفاق مثلا صرح بان انتقال اي لاعب من فريقه لاي فريق في المملكه سيكون ثمنه 20 مليون ريال !!! دع الاداره تعمل بصمت وان شاء الله نسمع الاخبار الطيبه في بداية الموسم القادم ولكن نركز حاليا على الدوري فهو بطوله نبعد عنها مسافة تسعين دقيقه فقط ... شكرا لك وكل التوفيق للهلال ,, وان شاء الله يتوج بالدوري هذا العام .. |
بدون تعليق |
| الوقت المعتمد في المنتدى بتوقيت جرينتش +3.
الوقت الان » 07:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd