|
^ ^ ^ يؤيؤيؤيؤ يا متعب :eek: تصدق أني ما انتبهت :eek: ما قريت الموضوع .. نزلت على طول لآخر القصة وحصلتها سخيفة وما خسرت وقتي عشان أقراها :D أحس أنها قصص للأطفال.. مو للكبار ;) بس صدق صدق.. وش تهقى يا متعب يكون قصد الأخ مدري الأخت أجمل الذكريات؟ :p أنا ما فهمت..!! ليت أحد يفهّمني :D واللي على راسه بطحه يحسسها... وأنا من أقرأ كلمة مشاغب على طول يصير راسي كله بطحة :D :D سي يو :rolleyes: |
حياك الله اخوي احلى الذكريات وماشاء الله عليك اسلوبك يهبل وحقيقة المجلس في الفترة الاخيرة بدينا نشوف فيه مبدعين جدد وانت احدهم اخي الغالي ... احلى الذكريات >>> على بالي اسمك هو الموضوع :D القصة هذي تجعلنا نردد اتق شر من احسنت اليه .. وانا سمعته قبل بس الى ذهابهم الى الشرطة والباقي ماعرفه والا كنت سدحته هنا ههههههههه:D :D لذلك كلي هلالي :p اقصد كلي شوق للجزء الثاني ;) دمت بخير وعافية ,,, |
شكل الشايب يقول وش ذا النشبه الشرهه مهيب عليه الشرهه علي انا <<< بلغته لكن اسلوب التشويق ما اواطنه اما اكتبها كلها ولا فـ لا |
سبحان الله صدق حدسي وصدقت توقعاتي حيث اطلع على الموضوع البعض من أحداث وصغار السن الي نحبهم ونخاف عليهم (صورة مع التحية للمشاغب :tongue1: ) بس الحمدلله إني أخذت احتياطي وما وضحت بعض الأمور الخاصة بالكبار هذا أولاً ثانياً: أشكر الجميع على المرور والتفاعل خصوصاً الزعيم المميز المشاغب عزيزي حقك علي ووالله اني آسف ما كنت أوقع إن عبارة (أخاف يقرا الموضوع بزر مشاغب والا شي) تسوي فيك كل هذا شكل لك ليلتين ما ترقد :sleep: :sleep: عزيزي كل شي في وقته حلو وانت ذكرت في ردك إنك ما همت وش قصدي كلها كم يوم وتكبر وتفهم :upset: عموماً أحس إني زودتها معك لكن الي يشجعني على قول هالكلام هو إني أعزك وأحس إن نفسك خفيفة وما تزعل والصراحة أنا أعتبرك مثل عيال أختي :naughty: أ. ماجد مقبل أحرجتني ياخوي s9s s9s شكلي بصدق وبكتب كل يوم قصة أخوي جرح يشكي أشكرك على مرورك وترجع بالسلامة إن شاءالله وتراني أخبر لك شاش مستعمل إذا بغيته عطني خبر ولا تستحي ترا الناس لبعضها :D ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــ ختاماً أزف لكم البشرى الحلقة الثانية والأخيرة ستشاهدونها اليوم إن شاء الله تابعونا s60s |
إقتباس:
اخوي ياليت تقرا الكلام اللي في توقيعك وتفهمه زين انا الاحظ انك ذبيت الميانه على طول واخوي المشاغب اكبر من الكلام اللي تقوله اخوي يبقى الاحترام هو السمه الابرز في اعضاء شبكة الزعيم وبالاخص اعضاء المجلس العام |
عزيزي جرح يشكي شكل رحلتك تأجلت، وكل تأخيرة فيها خيرة إن شاء الله بس مب ذنبي تحط حرتك فيني عموماً أشكرك على ملاحظتك و فعلاً أحس إني زودتها مع أخونا المشاغب لكن الي أرجوه إنه ما زعل ولا أخذ كلامي على محمل الجد، وما كان قصدي أبداً الإساءة له وإنما من باب المزح وثقالة الدم و أقدم له اعتذاري على كل الأحوال كم عندنا من مشاغب |
بااااك :thumbup: هلا أختي العزيزة أجمل الذكريات :rolleyes: وشلونك طيبة؟ عسى أخبارك تمام؟ :p انتبهي يا وخيّتي لا يطق فيك عرق.. وربي الدنيا ما تسوى :cry: حسيت أنك تحاولين بشتى الطرق الاحتكاك بي... بس مدري ليه؟ :confused: يمكن ودك تتعرفين :D تصدقين أني أنام وما أفكر في أحد؟ عشان كذا توقعت أنه ما حد يفكر فيني قبل ما ينام :cry: بس أشوا طلعتي تفكرين فيني صبح وظهر وعصر وليل :thumbup: بس بيني وبينك: أسلوبك مميز... وعجبني حيل ;) عاد لا يكبر راسك علينا لأني مدحتك :p صح أنا مثل أخوك الصغير وباقي في مرحلة المراهقة.. بس لا يغرك حبيبتي.. عقلي يسوى بلد :D على العموم .. انتبهي تفصلين الأحداث اللي تحصل بغرفة السليب... لأن هذا المنتدى منتدى محترم ولا نسمح فيه إلا بالألفاظ المحترمة والأعضاء المحترمين..!! :yes: وإن كنتي غير محترمة ووقصتك مثل وجهك :laugh: فارسلي لي بالخاص وراح أعلمك بالمنتديات اللي تقدرين تكتبين فيها قصصك الـ**** :rolleyes: أظني عطيتك وجه زيادة :p يالله بااي ============== جرح يشكي: لاهنت يالغلا... وكثر الله من أمثالك يالذيب..! أرسل لي بالله صورة جبهتك .. ودي أبوسها s60s تحياتي..!! |
بسم الله الرحمن الرحيم أعزائي حان موعد التشويق و الإثارة إنه موعد الجزء الثاني والأخير من قصة الشايب قليل الخاتمة توقف بنا الحديث في الجزء الأول عندما قرر الأهالي أن يذبوا بالشايب -تكرمون- والزوج والزوجة والحمار -أجلكم الله- إلى مخفر الشرطة وما أدراك ما مخفر الشرطة بعد أن وصل الجميع إلى مخفر الشرطة استقبلهم أحد الأفراد ثم دخلهم مباشرة على الضابط (ما أتذكر اسمه) بعد ما دخلوا على الضابط أعطى المجال للشايب يتكلم أول وقال الكلام الي قاله للناس في السوق هالرجال ما يستحي شافني شايب وأعمى... إلخ ثم أعطى المجال للزوج إنه يتكلم وقال إني مظلوم وهالشايب خدمته ثم قلب علي وتبلاني ويبي ياخذ حماري -تكرمون- وزوجتي بعد ما كمل الزوج كلامه سأل الضابط الحرمة وقال لها أيهم زوجك الشايب والا الشباب؟ (حلوة الشباب) قالت الزوجة هذا هو زوجي !!!! وأشرت على؟؟؟؟ أشرت على الشاب طبعاً (تخيلوا لو أشرت على الشايب كان بيكون آخر يوم في حياتها)، وقالت أما هالشايب فأول مرة أشوفه قام الشايب وقال بكل خبث s121s (كما عودنا) قال يا قليلة الخاتمة يوم شفتي هالشاب النشيط الزين قلتي فرصة افتك من هالشايب ونسيتي كل جمايلي معك ياكبر كيدكم يالحريم صدق ما ينفع فيكن معروف (مدرسة في اللئامة) لكن ولله الحمد الضابط كان ذكي (شايف له حلقتين من كونان) وما طار في العجة وجت في راسه فكره بسيطة لكنها مجنووووووووووووووونة يقدر من خلالها يكشف الفقاش منهم قام الضابط وأمر أن يحبس كل واحد (الشايب، الزوج، الزوجة) في زنزانة مستقلة وأمر ثلاثة من الأفراد يرابطون كل واحد عند زنزانة (وكانت الدنيا ليل) وقال الضابط للأفراد لا أحد منكم يتحرك من عند الزنزانة والوعد بكرا الصبح ويوم جا الصبح نادى الضابط الأفراد وسأل كل واحد عن تصرفات الشخص الي كان يراقب غرفته سأل الفرد الي كان عند زنزانة الزوج قال الفرد: والله الضعيف طول الليل وهو يبكي ويدعي على هالشايب ويسأل الله إنه يظهر الحق ثم سأل الضابط الفرد الي كان عند زنزانة الزوجة وقال الفرد: نفس الكلام الي قاله الفرد المرابط عند زنزانة الزوج ثم سأل الضابط الفرد الي كان عند زنزانة الشايب وش تتوقعون قال؟؟؟ قال الفرد: والله يا طويل العمر هالشايب قاعد يشاخر طول الليل ومن حلم إلى حلم :sleep: :sleep: هااااااااااااااااااااااااااااااااااااااااااااااااااااع أخيراً انفضح الشايب الوصخ قال الضابط : عجيييب ياهالشايب أجل ضعيف ومسكين وآخرتها شيطان خبيث بعد ذلك تم اطلاق صراح الزوج وزوجته وأخذوا حمارهم -تكرمون- (الحلال ما يضيع) وحكم على الشايب بالسجن (لكن ما أتذكر المدة بالظبط) لكن السؤال الي يطرح نفسه الآن هل انتهت القصة هنا؟؟؟ الزوج أصر على أن تكون للقصة بقية لأنه بعد ماطلع من المخفر جته ردت فعل (ما ينلام الضعيف) وصار أكثر شئ يكرهه في حياته هو هذا المخلوق s91s صار يكره كل الشيبان العميان وقرر الانتقام من كل شايب أعمى وجت في باله فكره لتنفيذ مخططه الإجرامي فبعدما انتهت محكومية الشايب (طبعاً الزوج حاسبها بالدقيقة) تنكر الزوج في زي طبيب عيون شعبي وأخذ يمر على القرى المجاورة ومن ضمنها القرية الي تمنكح فيها وكل ما مر قرية قال أي شخص أعمى أنا مستعد أعالجه بالمجان لوجه الله لكن بثلاثة شروط : 1. أن يكون المريض كبير في السن (شايب). 2. إنه يروح معي للمنطقة الفلانية (منطقة معروفة بالأعشاب الطبية) لأن فيها بعض الأعشاب الي تساعد في علاج العمى بخلطها مع الأعشاب الي معي حتى تكون علا ج شافي بإذن الله. 3. إنه ما يحضر مع الشخص المريض أي شخص آخر غير مريض سواء كان ابن أو أخ ...إلخ. طبعاً الشياب ما صدقوا خبر ووافقوا على طول وأول واحد الشايب الوصخ -حبيب الزوج- وقاموا يدعون له بيض الله وجهك وكثر الله من أمثالك ...الخ والشاب (الطبيب) يقول هذا حق وواجب وما أبي منكم إلا الدعاء أما الفلوس فهي زبالة دنيا تروح وتجي المهم جمع الطبيب له مجموعة من الشيبان العميان (ما أتذكر كم عددهم بالضبط) ومشابهم للمنطقة الي يقول إني فيها الأعشاب مشو مشو مشو مشو ثم مشو مشو مشو مشو ثم قالوا له الشيبان ما وصلنا يادكتور قال قربنا قربنا ويوم حس الطبيب إنه في منطقة بعيدة ولا حوله أحد قال الله يستر الله يستر لاحول ولاقوة إلا بالله قالوا له الشياب عسى ماشر وش الي صار قال لهم ياجماعة الخير هذولا حنشل (قطاع طرق) مقبلين علينا (كل هذا من الخطة) وعددهم كبير وانا والله ما أقدر أدافع إلا عن نفسي وبالكثير واحد منكم او اثنين قالوا له وش الحل؟؟؟ دبرنا الله يرحم والديك طبعاً الطبيب كان ينتظر هاللحظة وقال مافيه الا حل واحد قالوا وش هو؟؟؟ علمنا تكفى قال الطبيب أنا معي كم عجرا موزيهن لمثل هالمواقف وبعطي كل واحد منكم عجرا وبصفكم تجاه الجهه الي الحنشل جايين منها واذا وصلوا صرخت لكم عليكم بهم ثم تشلخون روسهم قالوا توكل على الله والرجال صفهم لكن وشلون خلاهم مقابلين بعض :D :D ويوم انتهى من صفهم وسلم كل واحد منهم عجرا يحبها قلبك صرخ الحنشل الحنشل عليكم بهم عليكم بهم وهالشياب ما صدقوا خبر وهاتك ياجلد وهاتك يا تفضيخ روس وما راحت دقيقتن الا وهالشياب متسدحين جنب بعض في وضع مأساوي :cry: :cry: وكان هذا المنظر بالنسبة للزوج هو أسعد منظر شافه في حياته من بعد الموقف الي صار له مع الشايب وتوته توته توته توته خلصت الحتوته وقبل ما أودعكم حبيت أعلمكم من باب الأمانة العلمية إن هذي القصة ليست من نسج خيالي وإنما سمعتها قبل فترة من أ. إبراهيم الطلحة أحد الموجهين الدينيين في مستشفى الأمل وكان ذكرها في إحدى محاضراته لكن ما أتذكر وش كانت مناسبة ذكرهذي القصة وأيضاً من باب الأمانة العلمية أنا تصرفت في القصة وأضفت عليها بعض اللمسات لأني ما أتذكرها بالضبط وختاماً أشكر لكم طيب المتابعة ونراكم على خير إن شاء الله |
بايخة :D:D:D لا تتعودها يا خريج مستشفى الأمل :D:D :D |
أخوي المشاغب إذا كان كلامي ضايقك فعلاً فأنا أكرر اعتذاري لأني اعتقد أنه من واجبي أن اعتذر لكل من أخطأت عليه كائناً من كان ولا يكبر راسك وتاخذ في نفسك مقلب لأنك مثل ما توقعت كبر عيال أختي يا حليلك أجل تحسبني أبتعرف عليك حرام عليك ياخوي مزعت بطني من الضحك و ختاماً أقو لك انضبط والا ربطتك بشواربي s110s |
أفا عليك بس... ننضبط لعيونك :D ترى والله ما زعلت.. بالعكس حبيت أمزح معك شوي لأني أعرف أن فيه ناس يبون يتعرفون :d وأنا ما حطيت الايميل بالتوقيع إلا عشان المعجبين أمثالك :D على العموم لا تربطني بأشنابك ولا عيون الزعيم تربطك بجدايلها :D <<< متابعك زين :D تقبل أسفي.. وترى كلامي بس ردة فعل .. وما زعلت..!! تحياتي لك يا صاحب الأسلووب المميز ;) بانتظار جديدك :) |
إقتباس:
تصدق صورتها وجيت ارسلها لك يقول لي الجوال غير قادر على الارسال اقصى حد 300كيلو:D /\/\/\/\/\/\/\/\/\/\/\/\/\/\/\/\/\/\/\/ اجمل الذكريات هذي القصه ؟:confused: |
والله أعجبني الشاب في طريقة الإنتقام:D بعدين الظابط كان يقدر يعرف منهو زوجها تدري كيف يطلب منهم عقد الزواج:eek: إقتباس:
|
يوم دخلت جو وتحمست طلعت علي وقلت تابعونا بالجزء الثاني اخلص علينا تكفى وعطنا اياها الحين ماورانا شي:D المهم لاتطول علينا ولا ترى ابي اسرد باقي القصه عشاني عارفها<<<ايه هين |
أخوي المشاغب إظاهر إني برسل لك مدرس لغة عربية على حسابي أجل يالظالم فيه سعودي يقول (أشنابك) :confused: :confused: حرام عليك ياخوي أشوا إن سيبويه ما لحق عليك وقرا هالكلام وإلا كان قرر يشجع النصر قصدي ينتحر :wallbash: عموماً أشكرك على روحك الرياضية (إيه هين كانك مازعلت، كل هذا ردة فعل أجل إذا زعلت وش بتسوي؟؟؟ شكلك بتطقني بمنديل :naughty:) |
| الوقت المعتمد في المنتدى بتوقيت جرينتش +3.
الوقت الان » 06:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd