طيران ناس يحطم الخطوط السعوديه ويعلن أعلى تذكره ب89 ريال - نادي الهلال السعودي - شبكة الزعيم

المنقاوي · #1 15/06/2007, 05:05 PM

طيران ناس ولا بلاش أقل تذكره ب59 واعلى تذكره ب89 ريال
والى الامام

واليكم رابط الموقع

http://www.flynas.com/ara/index.html

فتاة الهلال · #2 15/06/2007, 05:24 PM

حلو وان شاء الله نجربها

كان هنا · #3 15/06/2007, 05:44 PM

والله لو ناس وسما ببلاش والخطوط السعودية بـ 10000 أروح بالخطوط

<<مسوي طخطخة :P

والله جد ، منب بايع عمري عشان كم ريال ..

!

بغيت أفقد أخوي والسبب هالشركات المروحة ، الله يكفينا شرها ,!

يعطيك العافية أخوي

سـ لآ ـمـ

حضور طاغي · #4 15/06/2007, 06:45 PM

مسيك بالخير اخوي المنقاوي

اللي بايع عمره ومستغني عن روحه يجرب ناس او سما

صحيح ان الخطوط انواع اللخبطه والغلا والحوسات
بالعربي يا أنك تعرف واحد بالحجز وواحد بالمطار

والا اظبط امورك من بدري
يعني اذا تبي تسافر تاخذ عمره يااالله تلحق الحين على العشر الاواخر

واذا تبي تصيف هالسنه انسى تروح من بداية العطله الى شهر منتصف شهر 8 ميلادي
غربا القاهره الاسكندريه الرباط وشرقا كوالالمبور جاكارتا مانيلا وايضا شمالا بداية من القريات الداخليه مرورا بعمان ودمشق

واذا فيك شده على الدرجه الاولى يمديك على رحلات اوربا في اخر شهر 8

والا الباقي فووووووووووووووووووووول

الكلام صادر من موظف خطوط بالحجز المركزي واللي هو وبدون فخر ولا هيط
المنلحط والفقير الى الله انا

اتمنى انك تجرب الموت
قصدي تجرب طيران ناس وسما
ولا تنسى تاخذ معك فلوس بالطياره لان عندهم كوب المويه بثلاثه ريال

تقبل مروري

القيصر رهيب · #5 15/06/2007, 07:02 PM

سبقوني الشباب

هذولا عندهم سبحان الله

يمكن تطفى عليهم الطيارة

يقولون لك إنزل دف

يلعن أبو الدراهم اللي تخليني أبيع عمري

شكرا

فتاة الهلال · #6 15/06/2007, 07:35 PM

الى هالدرجـــــــــــــــــــه؟؟!!

سـمـو الـمـجـد · #7 15/06/2007, 07:40 PM

يخرب بيوت أهالي أبالستكم

خوفتونا من سما وناس وحنا ما بعد جربناها

يا لطيف ألطف,,

صنكيو خيو على رابط الموقع,,

الشلهوب الموهوب · #8 15/06/2007, 07:41 PM

اللي كاتبه الله بيصير...

ولاتنسون سلبيات الخطوط السعوديه الكثيره

لكن نبي واحد قد سافر على طيران ناس ...ويعطينا رأيه من ناحية الإيجابيات والسلبيات

القيصر رهيب · #9 15/06/2007, 09:08 PM

إقتباس

الرسالة الأصلية كتبت بواسطة الشلهوب الموهوب


	اللي كاتبه الله بيصير... ولاتنسون سلبيات الخطوط السعوديه الكثيره لكن نبي واحد قد سافر على طيران ناس ...ويعطينا رأيه من ناحية الإيجابيات والسلبيات

عزيزي هل تعلم ان الخطوط السعودية هي شركة الطيران الوحيدة في العالم اللي ما تستعمل قطع غيار مستعملة ؟

كل قطع غيارهم جديدة وكالة الوحيدة في العالم

أما طيران ناس فتركب بالطيارة وما يقدمون لك أي شي والموية بثلاثه ريال

وسواقهم من ابو خرطي والظاهر ما معه رخصة

وطيارتهم قديمة

ڪـيــف الـζــآل ؟ · #10 15/06/2007, 07:40 PM

يكفيك ان اسمه الخطوط السعودية,,

يعني المفروض ندعمها.. مو نسحب عليها..

تحياتي..

هامور البورصه · #11 15/06/2007, 08:32 PM

إقتباس

الرسالة الأصلية كتبت بواسطة the bast


	يكفيك ان اسمه الخطوط السعودية,, يعني المفروض ندعمها.. مو نسحب عليها.. تحياتي..

صحيح صحيح نفدي المنتجات السعووديه حتى لو برواحنا

حب الوطن فووق كل شي <======= قلب مصري

ياعمي طير اركب مين والناس نايمين تبيني امووت

ولا اوقف في السماء ادفها والطياار ينتش بها يااخي الحين

عسانا نركب بالخطوط السعووديه يبهذلونك يوقفونبك بعشرين مطاار

يخلون الوااحد يحرم يركب معهم مره ثاانيه ولا فيها عصير تفااح ياخي عصير تفااح يهضم

هلاليه من الرياض · #12 15/06/2007, 07:51 PM

حلوو على الأقل تفك أزمة الطيران اللي عندنا...

ياليت يجي أحد مجرب ناس ولا سما يقول لنا عنها...

المنقاوي · #13 15/06/2007, 08:56 PM

والله انا ماعمري ركبت لا سما ولا ناس بس والله خوفتوني كثير
بس يمكن نزول عدة شركات تنافس الخطوط السعوديه يكون من صالحنا حنا وتنزل الاسعار بصراحه والله ذبحونا بالأسعار لا ومافي رحلات ابدا تبغى تركب احجز قبل موعدك ب7 شهور أو أكثر
لا وعيونهم قويه ينفخوا عليك ولا تطالع في الموظف ضربك على وجهك

المنقاوي · #14 16/06/2007, 12:40 AM

يالطيف الطف

مطران · #15 16/06/2007, 02:44 AM

طيران ناس
وواحدة من احدث شركات النقل الجوي
الخطوط اكلونا عشانهم الشركة الوحيدة اللي معروفة و مو بس كذا عندنا لازم تجي شركة منافسة