اول شي موضوع جدا رائع وجبتها عالجرح
انا معك ياسر كلنا نحبه وكلنا وقفنا معه يوم كان في مستواه
اما الان ياسر مستواه هابط جدا ولا يقدم اي شي للهلال حاليا !! يعني يقتل الهجمات وويحتفظ بالكوره اكثر من اللزوم لازم يعدي من واحد واثنين وتضيع خطورة الهجمه ياسر مستواه سيئ حاليا ولازم يراجع نفسه
وفعلا الفان مستواه جيد من وجهة نظري هداف رائع فعلا لاعب يعرف كيف يتمركز وكيف يتحرك ولكن الجمهور مايعطيه حقه ومثل ماقلت بعد توفيق الله الفان كان له الفضل الكبير في تخليص مبارياتنا المهمه بفضل الله ثم بفضل تمركزه وتخليصه للهجمه من غير اي فلسفه زايده !! وياليت نوقف معه لانه فعلا لاعب ماعنده فلسفه يخلصلك الهجمه بهدف


والف شكر على موضوعك

والله صادق ياسر لازم يخفف شوي من التسحيب ويركز شوي على الاهداف
أما رودريقاو هداف لكن أتمنى أن يعطى فهد سرور فرصه مثل رودريقاو
والله راح يغنينا عنه
وبالمناسبه وأتمنى ان لا أحد يعتبره شتم أو تقليل لكن أول ماشفت رودريقاو
حسبت أن الهلال جاب محترف باكستاني من ( قوز النكاسه ) منطقه يعرفوها أهل مكه عندنا

اي ضالة هجوم الهلال هالحزه

الله عاد مسوي شيء هو وبعدين انت قلتها بو حظوظ والله

ومع احترامي للاداره غلطانه تجيبه اساساً

المفروض تجيب لاعب معروف في لعبه فاهم معنى الهجوم

مو تجيب لي لاعب ما يدري اصلاً وين يلعب

على الاداره بسرعه ودون تردد ان لا يجددوا له

ويجيبون لنا مهاجم محلي زي الشمراني مثلاً

ولاعب اجنبي صانع لعب

تحياتي لكم

موضوعك ممتاز وتكلمت عن اشياء في خاطري ..
اتفق معاك في كل حرف كتبته ..
وياسر القحطاني مهاجم تنقصه مواصفات المهاجم الكامل وهذه مشكلته ..

لخلف والا اسكر الصفحه بكبره أحسن لي...!!


ههههههههههه

معليش ما اوافقك الراي ابدا

رودريغو لاعب((اذا كان لاعب اساسا)) عاااادي بمستوى اي لاعب،،

وأحنا نبي لاعب يضيف للفريق موب عاله على الفريق..،،

ومشكور على موضوعك الغريب..،،

عفواً ياشباب والله ردريقو الفان ماينفع للهجوم مع إحترامي لراي الجميع الهلال يبي مهاجم مع ياسر صح

الانسان يجب ان يري بمنظور اخر وهي الارقام

شووووف كم سجل وبعدين نشوف ان كان لاعب ينفع ولا لا

وانا اظن ان سبب انخفاض مستوى ياسر هي انها مرحله طبيعيه وان الاعب

المهاجم الاخر لا يساند جيدا لياسر

هذا رأيئ انا

وبالتوفيق للهلال

الى الآن هو لاعب مفيد جدا



بس مشكلته انه محارب من اصحاب العاطفة

الله يعطيكم الف عاااااافية يا شباب ع المرور ..

علي الحرام ان اللي يمدح هالناقه انه مايدري وش الكوره ياشيخ طير والله ماعنده الا الدجه ولو تلاحظ اهدافه ولا هدف الحارس ببايه كلهن لو يجي اي لاعب سجلها


ياشيخ والله انها فظيحه يلعب مثل هاللاعب للزعيم

لإلفان حظ يفلق الصخر ..!!

وأكبر ميزة له حسن تمركزه ,,,,

وهو الأفضل في الهجوم الهلالي حالياً...

إقتباس الرسالة الأصلية كتبت بواسطة MR.DL5 بسم الله الرحمن الرحيم .. عزيزي المواطن عزيزي المقيم : نتمنى قراءة الموضوع كاملا" قبل الرد .. وان ما جاز لك الموضوع فيه اختراع اسمه الرجوع للخلف وفيه اختراع ثاني احسن من الاول اسمه اغلاق الصفحة بكبرها .. وان جاز لك الموضوع رد بــ ادب واخلاق .. لان الاداراة الله يجزاها خير اي كلمة غير لائقة ع طول قفل الموضوع وانا الي باكلها .. لذلك نرجوا التقيد بالاخلاق .. عفوا " انا بعد مباراة الهلال امس ما بقى دعوة ما دعيتها ع مهاجمنا الخطير ردريقاو <<< << بدا حرق الاعصاب وكل ردودي بعد المباراة كنت اطالب بترحيل هــ السباك الى افغانستان بــ سيكل ابو ثلاث كفرات .. بعد المباراة وبعد ان هدات الاعصاب وروقت شوي .. قعدت افكر في ردريقاو وبين ياسر .. المهم اقتنعت ان ردريقاو هو الي وصلنا الى ما حنا عليه من الادوار النهائية بعد فضل الله سبحانه وتعالى .. شباب فكروا معي بالعقل .. وخلوا العاطفة ع جنب .. مهاراة ياسر وكعوبه فادت الهلال في شي في الوقت الحاضر .. ياسر في بداية طريق الضياع .. حنا لازم نوجه ياسر ونلومه ع اداه الباهت .. ياسر يحسب الواحد ما يصير مهاجم الا اذا جاب في كل مباراة هدف خرافي وهدف ما عمره صار في السعودية .. ياسر لازم كل كورة يستلمها يقعد يجرجر له كم مدافع .. ارجعوا لم المباريات السابقة .. شوفوا ياسر وشلون يضيع كورات ولا في الاحلام .. يضيع انفرادات بالكوم ... ومع ذلك حنا نصفق له .. ردريقاو يجيب اهداف وارجعوا لم مبارياتنا السابقة تلقون ردريقاو هو الي له لمسة في صناعة الاهداف لن لم يحالفه الحظ ويسجل .. بينما ياسر قاعد يفكر وشلون يسحب بــ المدافع الفلاني .. ردريقاو ما احد ينكر انه محظوظ حظ موب طبيعي .. وانا كنت اردد هــ العباراة (( عطوني حظ ردريقاو وارموني في المحيط الهادي )) .. بس اقتنعت انه فعلا" مبدع ... مهاراة ياسر ما فادتنا بشي .. ردريقاو مو كل همه انه يسمع صراخ الجمهور وتصفيقهم له اذا سحب له الاعب الفلاني .. ردريقاو يبي يسمع الجمهور وهم يصارخون له ويصفقون له اذا سجل هدف .. هدف الهلال في النصر من الي صنع الهدف للخثران .. ردريقاو صنعها للخثران بلعبة ذكيه .. من حسم مباراتنا مع الوحدة في كاس ولي العهد .. ومن صنع هدف ياسر في الاتحاد .. من حسم مباراتنا مع بختاكور في اوزباكستان وفي الرياض .. والقائمة تطول .. الي يبون العنبر او الصويلح في الهجوم مع ياسر .. باقول له العنبر خلاص انتهى .. جاب هدف خرافي في كوريا الجنوبية وطيرناه وسميناه رونالدينهو العرب .. وهذا خطا نظرا لان اللاعب توه صغير وما يستحق كل ذا المدح .. طيرناه .. والحيين مستواه يعتبر فاشل مع نادي الهلال .. الصويلح مجتهد لكن يعتبر مجازفه انك تعتمد عليه في بطولة مثل بطولة اسيا .. وزي ما شفتوا انتم امس وظلمتوا ردريقاو .. كل المحللين قالوا ان باكيتا كان قاصد يرجع ردريقاو للـوسط ويخلي ياسر والتايب في الهجوم .. وما ذلك ياسر يفشل في التسجيل .. انا والله من اشد المحبين لــ ياسر لكن من مصلحة ياسر ان ننصحه و نوجه ونبعده عن طريق الضياع .. ومن قال انه يحب ياسر ويقول ان ياسر الحيين مستواه رائع فـ صراحة راح يثبت ان مشجع ما يدير الكورة .. ياسر بطقاق سجل هدف في رديف الاهلي .. وهــ هو الحيين يرجع للصوم عن الاهداف .. كل الي حبيت اوضحه لكم ان ردريقاو مبدع .. فكروا شوي بعيد عن العاطفة .. وصدقوني راح تقتنعون ان ردريقاو هو ضالة هجوم الهلال .. ياسر اتمنى عودته زي اول .. ويترك البحث عن التسحيب .. ويقتنع فعلا" ان المهاجم الرائع هو من يسجل الاهداف من انصاف الفرص وليس من يفكر انه يسجل في كل مباراة هدف خرافي .. ملاحظة : استروا ع ما وجهتم من اخطا املائية .. ترا كاتب الموضوع وانا توني مفطر على جبن منتهي تاريخه ..

كلااااااااامك كذا


تسلــــــــــم ياشيخ

الله يوفق ألفــــااااان مع الزعيم

ممكن بمستوى القادسية والاتفاق أو بمستوى الهلال فهو عادي جداً

حبيب عمري مستر دلخ

من كم يوم ما شفتك اللهم اجعله خير

عندي لك سؤال حلو يسدح نفسه لك ولكل عشاق الداهية ألفان

ماهي الفرق التي سجل فيها المهاجم الخطير ألفان؟؟؟

بالعربي العامي

إيش الفرق اللي سجل فيها ألفان العشرة أهداف؟؟؟


الإجابة في نفس السؤال ولكن لا مانع من التوضيح

تذكر طال عمرك المبارتين حقت الأهلي في كاس ولي العهد ومباراة النصر ((الفقر)) كيف كان تايه توهان مو طبيعي

وعشان كذا الشباب محتارين فيه ناس يقولون فنان وناس يقولون سباك

هو فنان يا طويل العمر قدام الفيصلي والقادسيه والكويت الكويتي وغيرها من الفرق التي مستواها ((هشك بشك))

ولا تفرحون وتطيرون بالعجة عشان سجل كم هدف في الدور الأول لبطولة آسيا <<<< ركزوا معي الدور الأول يعني الفرق اللي قابلناها كلها فرق خشاش

يعني في الأدورا النهائية حقت آسيا البنغالي راح يسوي مثل ما يسوي قدام النصر والأهلي في الدوري <<<<< نوم في وسط الملعب

أنا مستعد وأتعهد إني ما راح أقول في ألفان ولا كلمة هجاء إذا أعطيتوني ظمانة طال أعماركم ((الجمع هذا صح)) بأن الفرق اللي راح نقابلها في آسيا ((في الدور الثاني)) مثل الفرق اللي سجل فيها البنغالي في الدوري السعودي ((الفيصلي والقادسية وبقية فرق الهشك بشك مع إحترامي للجميع))


ومع احترامي لك أخوي دلخ

وسلامتكم

لاعب ممتاز .. بس مو مستوى طمووح الهـلال