فيرغسون يرشح ميلان - نادي الهلال السعودي - شبكة الزعيم

ابو الريش · #1 11/05/2007, 04:06 PM

إقتباس

الرسالة الأصلية كتبت بواسطة ريدزاوي


	والله من ناحية انه حر فهو حر... لكن ابيك ترجع لكلامنا السابق وتوضح الشي اللي غلطنا فيه او خالفنا فيه الوقائع والحقائق.. ولكن انه مانرد فمعليش اسمح لي.. اذا كان ردودنا خاطئه فوضح لنا واما ان كانت سليمه وحقيقيه فما ادري وين وجه الانتقاد... الا ان كان تبونا نقول ايه فهذا شي ثاني بس حلوه محد يتدخل فيه ابدا ابدا ابدا وبالنسبه لتصريح برلسكوني فهو قال انه مايخشى مانشستر وانا متاكد وخلني ابحث عن مصدر واجيك

هلا خيي

انا اللي ابي افهمه ليه تنرفزتوا وسويتوا خمس صفحات وقمتوا تقلبون بالتواريخ وتقارنون ومدري وش علشان فيه انسان بالكوكب يبي ميلان يفوز وبيحتفل بـ فوزه ؟ ..

صديقي .. شف انا متأكد زي ماني متأكد اني اكتب لـك اللحين ان فيرغسون قال ذالكلام علشان شي من ذالأثنين

أما انه يبي فريقه يكون طلع من الفريق البطل .. أو أنه كرهـ لليفربول واتوقع الثانيه

لكن أرجع وأقول اصلا مافيه داعي احد يتناقش بالموضوع هذا .. لأنه مافيه شي يتناقش فرغسون يبي ميلان يفوز موب علشان ميلان .. بس علشان ليفربول ينهزم .. ودامه هو وخدوده الحمر يشجع ميلان ويبي ميلان يفوز .. فـ هذي حريه شخصيه له هو مافيه داعي نناقشها اساسا .. وكل ذالخمس صفحات اللي ورا مع احترامي للجميع مالها اي داعي وماراح تغير شي .. دامه هو يشوف كذا بحريقه وش علينا منه ؟

فاهم انا انك تحس انه قلل من ليفربول او انتقص منه وهذا اللي مزعلك .. بس صدقني نفس التصريح كل القصد منه استفزاز جماهير ليفربول .. والا من متى ومدرب ماله لا ناقه ولا جمل بالنهائي ويحلل ويتوقع

عالعموم مرتن ثانيه وثالثه ورابعه وخمسين الموضوع موب مستاهل يتناقش اصلا .. ومدري وش دخل التاريخ الأوربي وفتحتوا سجلات وصفحات ورجعتوا 20 سنه ورا وجا التوراه حق بدر

.. ودخلتوا قتوزو بالموضوع وبعدين دخل بنيتز ..

الله يصلحكم ياعيالي والله يعين المشرفين بس .. لو اني مشرف ولعت بالمنتدى وانحشت

( لا تتعب نفسك ياخيي .. انا حافظ تصريحات ذاليهودي زي اسمي .. صرح قبل الذهاب وقال أخشى كرستيانو رونالدو لانه لاعب استثنائي ومدري وش وتكلم عن خطط ميلان وديدا وبوفون .. ماقال ابد ابد انه مستهين بمانشستر او يعتبره جسر سهل للنهائي ... وترا فيه فرق بين " لا نخشى .. و انه يعتبر نفسه متأهل " .. )

تحيتي

ريدزاوي · #2 11/05/2007, 04:28 PM

إقتباس


	انا اللي ابي افهمه ليه تنرفزتوا وسويتوا خمس صفحات وقمتوا تقلبون بالتواريخ وتقارنون ومدري وش علشان فيه انسان بالكوكب يبي ميلان يفوز وبيحتفل بـ فوزه ؟ ..

إقتباس


	لكن أرجع وأقول اصلا مافيه داعي احد يتناقش بالموضوع هذا ..

إقتباس


	عالعموم مرتن ثانيه وثالثه ورابعه وخمسين الموضوع موب مستاهل يتناقش اصلا .. ومدري وش دخل التاريخ الأوربي وفتحتوا سجلات وصفحات ورجعتوا 20 سنه ورا وجا التوراه حق بدر ..

استفسارات منك واستغراب لردودنا...
ولكن لاحظ انك رديت على نفسك بنفسك

إقتباس


	فاهم انا انك تحس انه قلل من ليفربول او انتقص منه وهذا اللي مزعلك .. بس صدقني نفس التصريح كل القصد منه استفزاز جماهير ليفربول .. والا من متى ومدرب ماله لا ناقه ولا جمل بالنهائي ويحلل ويتوقع

كان قصده تقليل وانتقاص ليفربول والاستفزاز ومع انه ماله دخل بالنهائي...فكان ردنا يتناسب مع اسلوبه

ولكن الغريب ان الميلانيين ايش زعلهم بردنا على فيرقسون..مع انه ما اخطئنا عليه ولكن كلامنا كان مبني على حقائق ولا اخطئنا على ميلان ابدا

إقتباس


	( لا تتعب نفسك ياخيي .. انا حافظ تصريحات ذاليهودي زي اسمي .. صرح قبل الذهاب وقال أخشى كرستيانو رونالدو لانه لاعب استثنائي ومدري وش وتكلم عن خطط ميلان وديدا وبوفون .. ماقال ابد ابد انه مستهين بمانشستر او يعتبره جسر سهل للنهائي ... وترا فيه فرق بين " لا نخشى .. و انه يعتبر نفسه متأهل " .. )

حقيقه ياعزيزي مالقيت المصدر..
ولكن اعتقد ان المنشستراويه نفسهم بيتذكرون الكلام وان شاء الله يزودونا في المصدر اذا لقوا

قفله للاخوان
يوم تصريح فيرقسون على توتي قامت الدنيا على فيرقسون هنا بالمنتدى وكان قادة هذي الحمله هم الميلانيين انفسهم
والان نشاهدهم يطالبون بعدم الحديث والنقاش عن مثل هذي المواضيع ...
قليلا من الحياديه يااخوان

مـيـلانـيـللـو · #3 11/05/2007, 04:41 PM

اذا صرنا بفصل بإبتدائي يكون مبدأنا ماني متكلم معك عشانك ماتتكلم على فريقي

يااخوي الموضوع ماهمني فيه ميلان ولا غيره

وموب شرط انك تتكلم علشان ميلان على نرد عليك

.....................

اما بالنسبه لتوتي

فما ادري وش دخل هالموضوع هناا !!! مدرب صرح ضد لاعب يلعب بالفريق الخصم عشان يأثر عليه

لا انا اسف انا اشعب المواضيع

تصريح فيرغسون كان حرب شخصيه بينه وبين لاعب

موب فريق ومباراة و 90 دقيقه

ريدزاوي · #4 11/05/2007, 04:52 PM

إقتباس


	لازلت استغرب وبعنف النرفزه اللي حاصله ..

والله مدري ايش اقول لك
انا رديت عليك من كلامك ..وما جبت شي من عندي

إقتباس


	اذا صرنا بفصل بإبتدائي يكون مبدأنا ماني متكلم معك عشانك ماتتكلم على فريقي يااخوي الموضوع ماهمني فيه ميلان ولا غيره وموب شرط انك تتكلم على ميلان على نرد عليك

انت كان اول رد لك ياتركي عباره عن مين افضل بينتز ولا فيرقسون مع انه مافي احد تكلم عن المقارنه

إقتباس


	اما بالنسبه لتوتي فما ادري وش دخل هالموضوع هناا !!! لا انا اسف انا اشعب المواضيع تصريح فيرغسون كان حرب شخصيه بينه وبين لاعب موب فريق ومباراة و 90 دقيقه

يعني حق توتي ممكن له يد بالموضوع ... ولكن مباراة ليفربول مدري ايش دخله ؟؟
وزي ماقال ابوالريش انه القصد استفزاز لجماهير ليفربول..واعتقد واضحه...ولازلت مستغرب انكم تهاجمون ردودنا عليه ؟؟؟

إقتباس


	سامي زعيم الأساطير

ياعزيزي السير تكلم باستهزاء وباسلوب للنرفزه...فردينا عليه انه ماله اي نجاح اوروبي غير بطولة 99 فقط .. فكيف يحكم على فرق بتتواجه اوروبيا بالنهائي...
اما سالفة مفاضله وغيره والدوري ومدري ايش فالله يعلم ماجبنا سيرتها ولكن فُرضت علينا فرض

مـيـلانـيـللـو · #5 11/05/2007, 05:06 PM

إقتباس


	انت كان اول رد لك ياتركي عباره عن مين افضل بينتز ولا فيرقسون مع انه مافي احد تكلم عن المقارنه

طيب شف اول رد لك ووش قلت عن فيرغسون

إقتباس

الرسالة الأصلية كتبت بواسطة ريدزاوي


	آآخر من يتكلم عن البطولات الاوروبيه هو انت يافيرقسون فتاريخك الاوروبي لا يشفع لك بالحديث هنا

وش دخل التاريخ الأوروبي بالموضوع ؟!!!

من بدأ بالمقارنه ؟!!

إقتباس


	يعني حق توتي ممكن له يد بالموضوع ... ولكن مباراة ليفربول مدري ايش دخله ؟؟

عشان كذا انا اخذت تصريحه وقلت انه مااخذته منه الا عشانه برى الموضوع

زي نصيحة بينيتز اللي ماسويناها والحمد لله فزنا بمجهودنا

قلت لك قبل

لو هو مدرب مهايطي أو صغير كان قلت لك من باب كره الليفر

مع اني مااغفل هالجانب .. لكن برأيي انه موب الدافع الأساس للتصريح !!

وقلت ليش انا تبنيت هالفكره

عشانه لعب مع الفريقين مباراتين هالموسم ووقف على مستوياتهم