مبروك لكل عشاق الجيلاروسي

والله المباراة ممتعه .. اكيد ممتعه

امس بس شفنا الوجه الحقيقي للذئاب التي تفترس دون رحمه .. ليتنا قابلنا المان بنفس الروح ونفس الابداع

إقتباس انا ماادري ليش الأعضاء مكبرين سالفة السته ؟ يااخوان تراه كأس إيطاليا لاراح ولا جاء ووالله لو ينهزم فريقي فيه 20 - صفر ماسألت عنه ولاهمني ولاهو مقياس أصلاً للفرق !! ترى راس ماله كأس حليب إن جاء زين ماجا بالطقاق اللي يطقه المحتسى على الدوري والأبطال مع ان الدوري هالسنه بصراحه مهو دوري إيطالي ماودي أسمي بعض الدوريات لكن اللي يعرف الكوره الإيطاليه وتنافسها يعرف أن الدوري هالسنه حفل توزيع جوائز

اكيد منتب مهتم فيه لانك ما تاهلت للنهائي

ولا الدوري مو ذاك الزوود لانك ما راح تاخذه لانه بكل بساطه .......... انت عارف وش قصدي

ودوري الابطال لو انك ما تاهلت كان قلت ظروف بداية الموسم والمشاكل اللي صارت في بدايته

لا تزعل مني بس انت اللي خليتني اقول ذا الكلام

لا تقلل من نجاح غيرك

يوم فريقك فاز ووصل النهائي الكل هناه مو لانه طلع المان لا والله بالنسبه لي لانه هو اللي كان افضل في المباراتين

لا تزعل مني ( والله اني احترمك واقدرك بس انت الله يهديك كلامك ذا مدري ليش طلع منك)

..(( الاختلاف في الراي لا يفسد للود قضيه ))..

ماينتحارشون بـ ارضهم روما

بالتوفيق للجميع

يسلوووووووووووووووو

إقتباس jنا ماادري ليش الأعضاء مكبرين سالفة السته ؟

ماتعني لك شيء السته ... امممممم مدري بس غريبه اول واحد اشوفه يقول جعل فريقي ينهزم بعشرين صفر
عشان البطوله ماتهمني .. ولو كلام غريب .. ! النتيجه بترسخ في عقولنــا والبطوله بننسااهاا ... المسخره بتظل مسخره وتدون والبطوله بتنسى ..

إقتباس يااخوان تراه كأس إيطاليا لاراح ولا جاء

طيب واذا كان كاس ايتاليا .. عادي تخلي فريقك يتمسخر فيه بنتايج تاريخيه .. !

إقتباس ووالله لو ينهزم فريقي فيه 20 - صفر ماسألت عنه ولاهمني ولاهو مقياس أصلاً للفرق !!

بس من حقي استانس ومن حقي اذكرك فيها كل وقت ولاهوب من حقك تقولي ان البطوله ماهمتني ولاقامت عندي
ولاقعدت ولاهوب مقياس لفريقي ... المسخره تظل مسخره اياً كاان ..


×× بعلق على روما شوي بس بعد أذنكــم ..

فـريق يتمسخـر بسبعه في الابطـاال وقدام الله وخلقـه .. ويـررجع في فتره بسيطــه يمسخر العالم ومكأن شيء صاار ..
رجعنــا بأربعه بعدها مباشره .. ثم اول هزيمه لبطـل الدوري على ارضه وبين جمهورهـ ومتجهزين للأحتفـاال بالبطوله ..
والحكم معهم خخخخـ وترقهم بثلاثه .. هم باليرمو .. هم الطـاامه الكبـرى السته وعلى نهــاائي .. لاحظ انها على نهاائي
يعني اول مره تصيـر في تااريخ الكوبا .. ولا ع بطـل الدوري اللي ما أنهزم الا منك بس .. وترجـع وتمسخره بسـته هناا
مصيبـه والله .. هينــاا كيف المدرب العظيم قدر يطلّــع اللاعبين من أجواء السبعه .. كيف قدر يخلي اللاعبين ينسونهاا
على انها صعبـه تنســااا .. كيف رجعلهم الروح من جديد .. كيف وكيف وكيف .. روما اوقسم بالله احبك اكثر من ستات الانتر خخخخخخخخـ


×× سباليتي إيتاليــاا كلهـاا فخـوره بك وبمستقبلك المشـرق ××

إقتباس 8

إقتباس 8 8 دامك موجود ..فرصة نوضح وجهات نظر .. لحبايبنا عشاق الانتر و الانديه الاخرى .. اذا ذكرنا انها فضيحة او مصيبة .. <<< فهي تمثل وجهة نظر لا اكثر ومن حق الجميع ان يبدي وجهة نظره " طالما ليس هنالك تجريح بالأشخاص " لا أعتقد انني اشتم بكلمة " بزر " او " طفل " او غبي .. او غيره .. من يعتبر الحديث عن الانتر بالسوء .. ككلمة لا يستحق البطولة .. خطأ شخصي عليه فتلك هي مشكلته .. و ليست مشكلتنا .. و في الاخير .. لنا اخوان و زملاء و أصدقاء يحبون الانتر او غيره و لن يقلل الاختلاف من احترامهم ابدا .. ففي الاخير .. كأشخاص على عيني و رأسي فامان الله

يآ الله والله ماخلاني اسجل دخـول وأرد الا هالرد ..

من يمكن سنتين او ثلاث وأنــا أحــااول وأشقلب مخـي ابي اقول لبعض الأودام هالكــلاام بس ماعرفت ماقدرت عجــزت ... وتجي انت بكـل بسااطه تقـوله .. وينك منذو مبطي يازلاابه خخخخـ ..

إقتباس من يعتبر الحديث عن الانتر بالسوء .. ككلمة لا يستحق البطولة .. خطأ شخصي عليه

إقتباس فتلك هي مشكلته .. و ليست مشكلتنا ..

مدارس .. ياعالم نبي نوعيــاات كذا وقسم بالله ان يطلع منتدى الزعيم من اطلق المنتدياات ..
اناا لما اتكلم عن واقعــه فهي وجهة نظـري وأكيـد ببني كلامي على شيء شفته واقع يعني ..
مثل لماا اتكلم عن اليوفي وانه نصاب وراعي رشاوي خخخخـ اناا ماجبت كلامي من فراغ ..
لماا أتلكم عن الميلن وانه برضوه يلعب من تحت وبطولة شيفاا كلامي على واقـع ..
ولما اقول الانتر زلاابه حتى لو يجمـع الاسكديتو مع الابطــال والله كلامي واقــع والستات تشهد خخخخـ
ولماا أقـول روما أطلق فريق في العالم كلامي برضوه على واقــع هههههه ولا ياعيــال .. !


ليه حنــا هينا مانتقبل وجهاات النظــر اياً كاانت معي ولاضدي .. هينا الواحــد يشوف نااديه مقدس
ولاعبه الفلاني مقـدس .. اي موضوع عنه كأنه سااب امه ولا أبوه ماتشووف يرد ع الموضوع لا بالعكس
يرد على الشخص .. ويقول كلام فااضي .. يا أماا .. انت حااقد ولا أعداء النجااح .. ولا فلان قاهرك ..
طيب وبعدين وش بنستفيد من هالحكـي ..

المشرفين لهم دور برضــوه . سارو مع الاعضاء على نهجهم .. ! المفروض المشرفين يسيّـرون الاعضاء
على طريقتهم هـم ..

مثـلاً ماحصل في الصفحه اللي قبــل .. أناا الحيـن فريقي فاايز اوكيــه .. ابي اضحك انبسط ابي احس اني
فعلن مستانس وفريقي فاايز .. اجي واقول هاردلك الانتر والله ماتستاهل الهزيمـه مانشيني الغبي ضيعها
عليكم ولا كاان بتفوزون .. ! ما أعتقـد كلامناا بيطلع له طعــم ..

بضحك بعلـق بحاول اذب .. لكــن بحدود المعقــول وخطــوط حمــراء .. ولازم الجميــع يكيـف نفسه ع الوضع الجديد
ولا صدقوني والله مهما سويتو وفعلتــو بيظــل الوضـع قائم على المجاملاات , الخـوف من الايقاافاات ,
أحتــرام بعض المشرفين , وقلـه يحترمون بعضهم البعض .. صـح فيه بعض النظــام لكن النظاام لحـااله مهب كل شيء ..

والحـزازياات والله وقسم انهاا بتظـل موجــودهـ .. ولاراح تخلــص وتروح بهالطـرريقه .. !

إقتباس اذا ذكرنا انها فضيحة او مصيبة .. <<< فهي تمثل وجهة نظر لا اكثر ومن حق الجميع ان يبدي وجهة نظره " طالما ليس هنالك تجريح بالأشخاص " لا أعتقد انني اشتم بكلمة " بزر " او " طفل " او غبي .. او غيره ..

لو بيدي شيء كان بـروزت بعض الردود وعلقتهاا في بنر العالميه .. وهذا اول رد منهاا ..


× كلامي كلـه قائم ع وجهـة نظر ممكن صح او خطــأ وترى بعض كلاامي مجـرد مزح لا أقل ولا أكثـر يعنـي لحد
يقتبس اللي يجـوز له ويسوي بلبله .. لأن وقتهاا بيزين الرد عليــه .. !

مبروك الفوز الكبير و المستحق لروما في ذهاب نهائي كوبا إيتاليا

و الله توقعت إن روما بيفوز خاصه أن اللاعبين يبيون يعوضون عن بطولة الدوري و خروجهم من الشامبينز ليق و توقعت فوز مثل 3-1 لكن ما توقعت ولا كان في بالي يخسر الإنتر بـ 6 يعني حقيقة نتيجه كبيرة وعريضه ..

رغم أن من يتحمل الخطاء هو مانشيني و خططه السقيمة داخل الملعب بيلعب بتشيلة غبية و الأدهى إخراجه لأفضل لاعب بالمباراة و الي مسبب مشاكل لروما فيقو و يشرك فييرا و هو لاعب إرتكاز و كان من الأولى إخراج إدريانو و إدخال مهاجم ثاني بداله مع كريسبو على الأقل يقلصون الفارق حتى مباراة الإياب

بالنسبة لتصريح موراتي الكأس لا يهمنى أتوقع أن المفروض ما يدور تصريفة مثل كذا يعني واحد كان مصرح أن البطوله يبون يفوزون فيها قبل بداية المباراة و حضورة شخصيا لملعب الأولمبيكو دليل على أهمية المباراة بالنسبة له و حتى مانشيني داخل بتشكيله شبة أساسية بإستثناء بعد المراكز مثل الحارس تولدو و الظهير الايسر ماكسويل و الباقين نفسهم هم لاعبين التشكيلة الأساسية .. و هذا دليل على اهمية البطولة للأنتر


على العموم ما أحد يدري وش بيصير بالإياب فكرة القدم مجنونه من شاف مباراة ختيافي و برشلونه عرف أن كل شيء قد يحدث في عالم كرة القدم خاصة أن برشلونه كان ضامن الصعود لصعوبه أن يحرز خيتافي 3 أهداف لكن الكرة لا تعرف المستحيل و فاز خيتافي بـ 4 أهداف و أخرجوا برشلونة

اليوفي و بس .. اليكس طارق

يعني ما تعرف تفرح بدون شماتة ؟؟ .. اوكي افرح من حقك وذب على خفيف لكن انك تبيني اخلي الدرعا ترعى ويتحول الموضوع لهجوم شخصي بين عضو و آخر هذا ما نقبلة

افرح محد قال لا تفرح ويحقلك بعد بس بدون ما تحاول تضايق غيرك .. راكان انت ممكن تقبل اني اذب او اتشمت بخسارتك بس غيرك ما يقبل وحنا نحاول نوزن الامور

طبعا ارجع واقول واعيد واكرر .. ياليت نشيل الحساسية شوي .. وتاكدوا اذا حنا اشتغلنا والاعضاء ما ساعدونا ماراح نستفيد شي ابداً

عموما الموضوع عن كاس ايطالي وما نبي نحول مسارة

واللي عنده اي شي يبي يناقشني او يناقش اي مشرف يجي ع الخاص .. و اورية شغله

وسرى الليل يبو ستة

قسم امزح

^^

الموضوع بيبقى حتى مباراة الاياب

مانبي نتعبكم تسوون تقديم ثاني .. والا شرايكم ؟؟

^^

اخاف احذف الردود يقولون تكتيم افواه

يا حبي عادي

بعدين انت ووجهك منرقع ستة وعندك امل تفوز

<<<< ما يحارش ابد

بالتوووووووفيق لذئاب رووووما

^
^^

يا رجال يكفي بطاقة المباراة وتذكير بالستة وخلاص

بعدين فكر يا حبي لو نزل موضوع ثاني بيكون فيه جزء كبير عن الستة فخله هنا احسن

<<<< لئيم