|
اخبار الهلال من الفندق @@ دمعة ساااامي ...!!!! -------------------------------------------------------------------------------- بسم الله الرحمن الرحيم اخواني الزعماء السلام عليكم ورحمة الله وبركاته سأحكي لكم ماذا حصل اليوم من قبل وصول البعثه لي قبل قليل بالفندق . الساعه الخامسه وصول ( منصور ) إلى مطار الكويت الدولي لإستقبال البعثه الهلاليه . وعندما وصلت كنا في الاستقبال انا وعدد لاباس به من جمهور الهلال .... لأن في فترة وصول البعثه كانت في اوقات الدوامات ( الحمدلله ماخذ إجازه ) تأخر خروج اللاعبين ...... وتأخر اكثر ؟!!! .... استغربت انا ومن معي ؟ لين خرج شخص وقال البعثه في قاعة التشريفات ..... ( الكل انصدم ) وعلى طووول على القاعه المهم انا طلعت على الفندق على طول لان الفتره اللي انتظرنا فيها طولت وقلت اكيد البعثه راحت الفندق ... دقيت على الفندق ابي اشوف وين مكانه !! وقلت البعثه وصلت ردوا وقالوا ايه وصلت تبي تكلم احد منهم !!!!! رديت على طول ( الكابتن ياااسر القحطاني ) شوي الا ياسر وياي على الخط . رحبت فيه وتحمدت له وللبعثه على الوصول وتنويرهم للكويت رحب فيني واشاد بوقفت الجماهير الهلاليه كاافه والكويتيه خاااصه ماراح اقولكم وش صار بيني انا وياه بالضبط ( خااااااص ) وفور وصولي للفندق والقى الدعيع وعزيز والغامدي براا يسولفون سلمت عليهم وقلت لهم نورتوا الكويت ومن السوالف قلت حق الغامدي والدعيع بالحرف الواحد ناديكم يناديكم والكل عارف المقصد ردوا وقالوا لا ان شاءالله حنا من ابناء النادي ... دشيت الفندق وعلى طول الدور الثاني الا قدامي العنقري واسلم عليه وقلتله ابيك تنسينا الدوخي رد وهو يضحك وقال ان شاءالله . واسلم على المفرج والياس والصويلح شوي الا نواف التمياط واسلم عليه يا جماااعه الشخص هذا قمة الاحترام سلمت عليه وكانه يعرفني من 10 سنوات وعلى فكره بنروح انا وياه بكره الصبح نزور ابو واحد من الربع في المستشفى . شوي الا القحطاني واسلم عليه وقلتله انا اللي كلمتك قبل شوي رحب فيني وسولفنا وصورت معه وقلتله ذبحت الخروف للتايب ورد ضاحكآ وقال ( لا بذبحه هو ) شوي الا الاسطوره سامي والله هذا الشخص عجيب وحساس الا ابعد حد ويوم شفته وشافني قلتله ( أخيرآ تحقق الحلم ) واسلم عليه وصورت معه وجينا للدمعه ليتني ماقلتها ( سامي جيت الكويت مرتين وبكيتنا والله( يوم خسر الهلال البطوله الخليجيه وكأس آسيا السنه الفائته ) والحين فرحنا يوم التأهل قرب بكيتنا للمره الثالثه بخبر إعتزالك ويوم انك تقول مر تاريخي علي يوم انا بأطلع ويدش مالك بكأس العالم مر علي انا تاريخي مع سامي خلال 14 سنه شجعت فيها الهلال والسبب اللي حببني بالهلال هو انت يا سااامي والله يا جماااعه يوم قلتله الدمعه بعيني لو قاعد اسولف معه شوي كان بكااا لان الدمعه بعينه ) الحمدلله الشباب متفائلين لأبعد حد وكلهم وعدوني بتقديم اداء مشرف هذه احداث معسكر الهلال اليوم في( فندق الرايه ) وليس كما قال الاعضاء فندق ماريوت وان شاءالله نغطي تمرين الغد مع الصور نأسف على الاطاله اخوكم المحب للهلال وجمهوره ///// منصور من دولة الكويت الحبيبه ....,,,, |
الله يعطيك العافيه على التغطيه المتميزه .. وماقصرت في إستقابلك للفريق وهذا مو غريبه على الشعب الهلالي في كل بقاع الأرض .. |
إقتباس:
هذا حق وواجب علينا |
مدري ليه انبسطت يعطيك العافية اخوي وما قصرت من المطار للفندق وما خذ اجازة والله لو انا مديرك اصكك بعلاوة على عدد انجازات سامي وش تبي اكثر |
مشكوووووووووووووووور أخوووووووووووووووووي منصوووووووووووووووور وهذي ما هي غريبة على الشعب الهلالي وهذا من عوايدهم |
الله يعطيك الف عافيه على تغطيتك الرائعة وانتو اهــلـ طيب وواجب يأهل الكويــت وعســــاكـ على القـــوة وبالتوفيق الزعيــم,,,,,, |
بحديثك مع الأسطورة بكيتنا معاك |
ماقصرت واحلى شي انك طمنتنا على تجديد الغامدي والدعيع وان شاء الله يشرفوننا مع الكويت الكويتي |
مشكووووور |
مشكورين جميعآ هذا حق وواجب هلالي مافيك حيله والله ياليت تصير مديري |
بكيتني وانا اقرا الحدث اللي صار معك ومع الاسطورة سامي الله لايحرمنا منه ولايحرمنا منك ولايحرمنا من افراح الزعيم تسلم خيو على التغطية المميزة |
الله يعطيك العافية وما قصرت |
ماشاء الله عليك اخووووي الله لا يفرق بينك وبين الهلالـ ويعطييك الف عافية عالتغطية منقطعة النظير وننتظر جديك ويااااااحبيييييييلك هع << على باله يموون وشكراااااااااااا ومشيناااااااااااااا........ والكوت منوووره باهلها |
بكره بإذن الله من الرياض للكويت بر لعيون زعيم نصف الأرض s60s ان شاء الله مايخذلونا الزعماء زي ماخذلونا قدام العين :cry: موعدنا في الملعب أخوي ,,, ومشكووووووووور على حرصك s13s |
تهى تهى بكيتني معكم انا << مسوي بالكويت المهم ماقصرت حبيب قلبي ومو غريبه عليك يابعدهم |
| الوقت المعتمد في المنتدى بتوقيت جرينتش +3.
الوقت الان » 09:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd