|
][ موراتي : جروسو + صامويل + 20 مليون عشان دي روسي روما ][ ][ موراتي : جروسو وصامويل و 20 مليون عشان دي روسي روما ][ http://www.sport.es/vivo/recursos/fo...214083_CAS.jpg هذا روبرتو مانشيني الله يطول عمره قال لموراتي : " أبي لاعب ارتكاز إيطالي وقادر على خلق الفارق " قام موراتي قاله من تبي قال : " والله دانييلي دي روسي مهوب شين :D " رد موراتي : " عسى منتب صادز http://www.goal.com/images/16047_news.jpg بس ما لقيت أرخص من دي روسي قام مانشيني " قال : " تكفى تهز الرجاجيل تكفى جبه نبيه :D " قال موراتي : " وشريايك طيب باللي يجيبه قم عطهم جروسو وصامويل وانا بزيد دراهم ومهب قايلين لا " و حسب موقع التوتو مركاتو فإن العرض وصل إلى صامويل + قروسو + 20 مليون :rolleyes: المصدر ,,, ,,, ,,, أماا عااد لو يجي دي روسي والله يا موراتي بتكون اطلق واحد في العالم تخيلوا دانييلي مع فييرا :eek: لاعب بطل وفنان وإيطالي وصغير ومن مده يلعب بالكالتشيو يعني إذا جاء بيسوي اضافه خرافيه لوسط الإنتر ;) وشرايكم !!! ^^GREAT INTER^^ |
حبتين ع الترجمه :D :D واللــه ودنا يجي دي روسي بيكون وسطنا s60s s60s s60s ياليت يجي ..:rolleyes: . |
ماش ما ظنيت أن دي روسي بيروح للأنتر خاصة إنه يعتبر رمز نادي روما بعد توتي و هو أعلن البقاء للأبد مع روما مثله مثل توتي الي رفض الكثير من العروض المغريه من أجل البقاء من خاطر عشاق الذئاب على أني أعرف أن سنسي بتسيل لعابها لما تشوف العرض 20 مليون فوقها قروسوا + المفرج.. أقصد ساميول :D بس بيجي رد دي روسي " الحين أنا ما قايلكم طلعه من روما منيب طالع و الله لو تفرفر يا موراتي و لو تطلع السماء و تحب الأرض ما نيب طالع من روما ليه قالو لك مهبول أصير تحت إدارة مانشيني :D " موراتي " بس .. بس .. " << يقاطعه دي روسي "بلا بس بس بلا هرج فاضي و الله لو أشوفك موطوط عتبه روما لأحش رجلوك حش فاهم ولا لأ " موراتي لما شاف السالفة فيها حش رجول رجع لنادي و يطب عليه مانشيني " هاااااااااااااا بشر وش سويت " موراتي " أقول شف وجه العنز و أحلب لبن " |
والله ايطـاليا بـلد الغـرائب..!!!!!! مـوراتي اسـراف.! بيرلسكوني بخـل.!.... 20مليـووون يورو على دي روسـي اعتقـد غالية شـوي...لا ومن بعـد معـه قـروسو!!! وصـامويل!!!!... |
الكوبرا خخخخخخ أجل خقيت مع الترجمه :D juve1897 :D :D :D والله أنا بعد عندي احساسين اثنين نفس حالتك :D الأول : سينسي بتسعبل وبتاخذ الدراهم وبتفقع وتسحب على رومااا وتشوت دي روسي بووز :D الثاني : دي روسي بيسوي لي فيها أنا توتي وبصير رمز الوفاء وبيسحب على الدراهم :D أتوقع الثاني أقرب :rolleyes: KaKa_MiLaN تشوف أنت موراتي يوزع تقل ما تعب بالقرش وخويكم مدري وش جااه آخر السنين :D أما عن إن الصفقه كثيره على دانييلي أتوقع أنه يستاهلهم ثنينهم ويستاهل فوقهم الدراهم بعد ;) ^^GREAT INTER^^ |
يستاهل دي روسي .. لكن تتوقعون يوافق ..!؟ .. اي هين :D ... شقرن قريت انتر ... |
والله ان شفنا العرض فا روما مايحلمون فيه 20 مليون مع جروسو وصامويل :D المفروض ميكسيس ودي روسي على الاقل بهذا العرض لكن اعتقد انها صعبه تعرف لاعبين روما مسوين فيها حركات توتي لكن ماهيب مستحيلة فاكيد دي روسي اضافة كبيرة للفريق لكن نشوف في المستقبل مشكور جريت |
والله بعيده الصراحه يعني دي روسي مثل ما قالوا الشباب هو بعد توتي في روما وتوتي رشحه لاخذ الرقم 10 مع ايطاليا ما اعتقد ان روما بيتخلى عن دي روسي وما اعتقد ان دي روسي بيترك روما بعدين اتوقع انهم عارفين ان موراتي لو يقولون له نبي 60 في دي روسي عطاهم يعني ممكن يماطلون واخر شي يجحدون موراتي اعتقد ان بقاء دي روسي محسوم قريت انتر شكراً لك |
^ ^ اللي يسمعكم يقول باجيو على غفله باجيو .. باجيو ماغيره لعب لليوفي والانتر والميلان وبولونيا وبريشيا وغير اكثر من فريق ودي روسي مايجي عند باجيو اصبع رجله الصغير .. ليش مايغير ناديه بالعكس الافضل له تغيير الجلد مع فريق اخر ومنها يطور موهبته باحتكاكه مع لاعبين كبارفي مركزه..!! اما من ناحية الصفقه تعتبر خياليه خصوصا انها تضم لاعبين وفي مركزين مختلفين غروسو في اكثر من مره صرحه اداره روما انها تبيه والانتر يقدر يخليه طعم لهيك صفقه محتمله شكرا عبادي على الترجمه,, |
صفقة رائعة للانتر << بس روسي ماهو بجاي .:D. |
يستاهل دانيلي .. وهو لاعب واعد .. ومستقبله بيكون باهر في الوسط الايطالي .. وياويلكم يا جاتوزو وبيرلو .. لكني اعتقد ان توتي سن عادة لنجوم روما هي : حب الجماهير اهم من المال .. |
زعـيـمـوفـيـتـش يالله حيه من زماان عنك يا شييخ :D و دانييلي ان شاء الله بيوافق ;) iNtErIsTa ما خرب علينا إلا هالتوتي يا خي ما تبي تجي بكيفك بس لا تقول هذا خليفتي :D وميكسيس لو يزرفونه مع روسي يا سلاام سلم ;) almelany فال الله ولا فالك يا شيخ إن شاء بيخق مع الدراهم ويجي :D Blue Shirt خخخخـ ما عليك من الرحاله باجيو باجيو ما فيه أحد سوا مثله الله يهديه يمل بسرعه :D المشكله توتي يلعب برووس لاعبين روما ومسوين الأوفياء لكني متفائل بروسي وبيجي ;) ^^GREAT INTER^^ |
يعطيك العافيه GREAT INTER على الموضوع ... شوف يالغالي ( وهذي وجهة نظري ) ممكن تكون الصفقة غالية شوي لكن صراحة اللاعبين الاثنين زيادة عن حاجة الانتر او اقول مالهم مكان مع النيرازوري وهنا تعتبر معقولة . يعني جروسو صحيح لاعب دولي وكان متالق مع باليرمو لكن مستواه مع الانتر منذ قدومه اقل من عادي لا يملك السرعة ولا المهارة ورفعاته تلاقي اكثرها تضرب في اللاعب اللي يغطي معاه ... يكفي عندك ماكسويل وزانيتي افضل منه بكثير بدون مقارنه . بالنسبة لسامويل لاعب اصلا مكانه دائما في الاحتياط ، ومع وجود ماتريكس وكوردوبا وبورديسو ولو تعطى الثقة للاعب شاب مثل رانديولي او ان موراتي يجيب لاعب صغير في مركز قلب الدفاع اتوقع ماله حاجة في الفريق . الخلاصة انه ممكن تضحي بلاعبين زائد المبلغ مقابل لاعب شاب من المؤكد انه راح يعطي اضافة قوية للفريق بجانب فييرا مع وجود كمبياسو وداكورت . هذا رأيي واتمنى انها تتم الصفقة ولو يأتي موراتي بلاعب مدافع مثل مكسيس هنا اقول لك خلاص الفريق اكتمل نهائيا في جميع المراكز . أجمل واطيب تحية للجميع ولك اخوي صاحب الموضوع . |
| الوقت المعتمد في المنتدى بتوقيت جرينتش +3.
الوقت الان » 04:07 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd