تفهم شعر؟! ادخل وتفلسف..!! - نادي الهلال السعودي - شبكة الزعيم

صقر فيصل · #1 20/05/2007, 03:04 PM

السلام عليكم..

طاب صاحبكم ومساؤكم..

كنت اتجول هنا وهناك..

ادور قصائد نبطية قوية..

ولقيت قصيدة يقال أنها قوية وذات معاني سامية..

صراحة لحست مخي شوي..

حاولت أوصل للغرض منها ولموضوع القصيدة وما قدرت..

فيها صور رائعة تدل على قوة الشاعر.. بس السؤال لوين يبي يوصل الشاعر؟!!

الشاعر هذا كثيرا ما يذكر عنه ثقافته..

الشاعر محمد بن الذيب..

وأعتقد ان اللي بيفهم القصيدة بيقول نفس الشي..

والسؤال:: ما هو موضوع القصيدة؟ وماذا يريد منها؟

سؤال من عندي: ماذا يقصد في البيت الأخير؟؟

اترككم مع القصيدة:

تكفين ياالساحه ابي مسلسل غليس
حتـى تعلـم منـه مشاهـدينـه

اذا الوطـن لمواطنينـه كوابيـس
بيحس بالغربـه مـن مواطنينـه

تعبت وانا اعيش خلف الكواليـس
ويسند بـدوري لاتفـه ممثلينـه

امتر الشاعر واكيـل الدواعيـس
واسأل زماني كم بقى من سنينـه

ياتل قلبي تلـة الهجـن فالريـس
والا البعيـر اللـي حنينـه حنينـه

اوتل قرنـاس ما بيـن القرانيـس
ما نزلـوا مـن قيمتـه شابكينـه

تشبه نسانيس الصحاري نسانيس
لمكيفـات الفـاخـره بالمديـنـه

الاوله حسب ظروف التضاريـس
والثانيه حسب ظـروف المكينـه

ترى الحياه العامـره بالنواميـس
هوى الفقير اللي عيونـه حزينـه

الياامتلك حاجه بعينـه الاباليـس
صاحوا ورى مايملـك براحتينـه

لو قصرت كفه عن الكسب أوا ليـس
من حقـه انـه يمتلكهـا بعينـه

ثورة تمنـي فعلتهـا الهواجيـس
ثارت علـى قلـه كفـاءة يدينـه

وانا قريت ان الغنـى فالقواميـس
مثل الفقر رغم اختـلاف الثنينـه

ان الفقير اللي ماعنـده احاسيـس
وان الغني اللي رضـوا والدينـه

كلام من واقع لكـن فيـه تلبيـس
يحتـاج فكـر نقحتـه السكينـه

زكاتكم واجب ياصـرارة الكيـس
وشعوركـم زنديـق يا مألهيـنـه

يقول سيدنا الخضر تقـدر تقيـس
لانتـاج ممـا تحتويـه الخزينـه

ولوقال اعضاء التجـاره مفاليـس
قلنا حلال النـاس مـن مالكينـه

هدهد سبأ اسلم على يده بلقيـس
وفرعون الحد شعب كامـل بدينـه

ياكوكب الارض الخلايق متاعيـس
بحـورك غـزار وجبالـك متينـه

هاجر الى حد النجـوم المناكيـس
لايدمرونـك بالحسـد والضغينـه

المجتمع اما قضـاه او جواسيـس
وش هي حدود الشرع يامطبقينـه

على سفينه نوح من كـل جليـس
سلام تجري بـه ريـاح السفينـه

وصلتم لشي؟!!