لو حكمت العالم وش بتسوي !!!!!! - نادي الهلال السعودي - شبكة الزعيم

tofo · #1 08/05/2007, 02:22 AM

هـ السؤال دايم ينطرح داخل اسوار بيتنا . بس ماعمره جت اجابه سنعه والحمدالله
كلهم اللي يقول بشري لي بانشي واللي بأسكن بالخبر وانا بالعاده اقول بهاجر :p

المهم انا اول شي بسويه - بجيب بوش وبلير وشارون ان كانه مابعد مات ( < والله مدري ) ومعهم العبده بنت رايس واصفهم على الجدار وكل واحد يرفع ايدينه ورجل وحده

- بصدر قرار بإيقاف مشروع جسر مصر

. وان حصل قفلت على حق البحرين
- بطلع كل ابو العماله اللي عندنا . وبكذا بيكون خف الفسااد شوي :p

- بعدل المناهج وبعدل طريقة الدراسه والقرارات والشرطه عندنا .
- وبعدل بعد وضع العراق وبحرر فلسطين
-وبعدين برجع لم بيتنا وبقول لأخوي لاعمره يجي الظهر يقولي حطيلي غدا

- بخلي كل رمضان يصير اجازه .

- وبوسع الحرمين < صدقت اختنا بالله

- ومن ناحيه الشباب اللي يمسكونه يغازل ولا يرقم حتى لو بالنت يزوجونه على طول وان طلق مرته ولا سوا حركات من وراه سجن مؤبد

- وبحط قطار من الرياض للقصيم

.
- وبقشع اللي يسمونه قطار الوحيد اللي عندنا ( فيس حايمتن تسبده )

- وبطلع الاجانب من الامارات عامه ودبي خاصه . ( نفس الفيس اللي تو )

- واذا امداني رجعت لبوش وشارون والطقه اللي صافتهم على الجدار
واقشهم واحطهم بالعراق . وللعراقيين كامل الحريه باللي يسوونه فيهم وان قضوا قشيتهم و جدعتهم بفلسطين ولايختلف حال الفلسطينيين عن العراقيين . لهم الحريه كامله

- وبفتح لي المجال للأبد بأني اسوي اي شي يخطر على بالي وهـ المجال بيكون مفتوح لعيالي وبناتي بالمستقبل ان شاء الله

. بس رجلي لأ

- آخر شي بسوي جوله بالعالم . اشوف الشعب وش انطباعهم باللي سويته

عسى ماكثرت بس ؟