السلام
واله كلها تضحك وأبو يعقوب فنان فنان
خذوا هالموقف
في أحدالمعسكرات في المنتخب كان الثنيان واقف مع خميس العويران والجماهير بالخارج تنادي ---ثنيان ثنيان ثنيان-- فقال يوسف لخميس (يا خميس ليش جاحد الجماهير ينادوك خميسان خميسان ثم ذهب خميس وطاح وجهه)

هههههههههههه مواقفه ولا احلى منها

وخذوا عندكم هاموقف : كان يجي لبيتنا اخصائي العلاج الطبيعي للمنتخب يسوي علاجات طبيعيه لأخوي المهم قاعد يقصلنا عن ابو يعقوب يقول انه مره انكسر في التمارين وودوه لغرفة العلاج الطبيعي وساله الاخصائي قال وش تبي قال ابو يعقوب ابي خبزه فيها جبن وبيض :p :p

مشاركة جداً حلوة منك يا Hilalco وننتظر المزيد منك يا أبوفهد

الثنيان أثبت أنه فنان حتى في مواقفه الطريفة ،،،

هذه مواقف جميلة أقل ما فيها أنها تكشف جانبا مهما من شخصية النمر القائد وهو الجانب الضاحك الذي يعبر عن شخصيته المجردة بعيدا عن أي تكلف 0000
ولكنني أقترح على القائمين على المنتدى تنظيم لقاء مفتوح ومطول بين الثنيان وجماهيره العريضة 0

حلوه اشوف الربع الكل قام يقول كلام وبس

من بشلخ أكثر هو الكسباااااااااااان


بس حلوه هاذي حقت الا عب النصراوي

هاهاهاهاهاها

وهذا موقف لأبو يعقوب
ومن المواقف الطريفة جدا ليوسف
والتي تدل على (سرعة بديهته):::

مرة في أحد معسكرات المنتخب في الرياض كان
يوسف في غرفة وحدة مع وليد الطرير
(إن لم تخوني الذاكرة) وكان وليد نايم
ويوسف صاحي .... المهم إن يوسف يبي يطلع
من المعسكر وما سكه معه أنه يأخذ سيارة
وليد الطرير(بالرغم من أن سيارته موجوده
في المواقف ويقدر يروح عليها )
المهم إن يوسف لقى مفتاح سيارة وليد في
الغرفة ..... يوسف أخذ المفتاح وركب سيارة
وليد وراح برى المعسكر!!!!!!!
المهم بعد فترة صحى وليد من النوم
(ويوسف برى المعسكر ومعه سيارة وليد )
وليد بعد ما صحى راح للمواقف يبي سيارته
ما لقاها؟؟؟؟؟
راح للإستقبال يسأل عن سيارته اللي ما يدري وينها
......... المهم
الاعبين عارفين وين السيارة وشافوا وليد (رايح فيها
ومختبص:p ) قالوا لوليد:: السيارة مع يوسف الثنيان
وطلع فيها برى المعسكر................
وليد الطرير وصلت درجة حرارته 180درجه من القهر

والسبب(ليش يوسف يأخذ السيارة وسيارته موجودة)؟؟؟
وبعد الحركه اللي سواها يوسف في وليد .......
لازم وليد يردها له (توقعوا وش سوى وليد؟؟؟؟)
راح لسيارة يوسف ونسم كفرات السيارة كلها عقاب
ليوسف!!!!!!!!!!! والاعبين متجمعين حول (وليد وسيارة يوسف)
وجالسين يضحكون بقوة
وبينما هم على هالوضع المضحك جاء (يوسف لمواقف المعسكر
على سيارة وليد طبعا)
ولقى كل الاعبين متجمعين عند سيارته .... راح يبي يشوف
وش القصة؟؟؟؟؟؟؟
( طالع في الاعبين يضحكون وطالع في وليد الطرير مقهور
ومعصب وطالع في سيارته لقى الكفرات منسمات على الآخر)

طبعا يوسف برمج الوضع في مخه واكتشف القصه كلها
بنظرات فقط!!!!!
قال وليد الطرير وهو معصب:::::
ليش تأخذ سيارتي يا يوسف؟؟؟؟؟
قال يوسف (بذكاء وسرعة بديهه شديدين): لقيت كفرات
سيارتي منسمات جيت أخذت سيارتك(هاهاها )
ثم أخذ جميع الاعبين في الضحك الشديد جدا من ضمنهم
وليد ويوسف .....هاهاهاهاهاهاهاهاهاها

وهذا دليل على ذكاء يوسف وسرعة بديهته

:p :p :p :p :p :p

ههههههههههههههههههههههههههههههههههههههههههههه

يعطيكم العافيه شباااب على هالمواقف اللي تضحك....

:p :p :p :p :p :p

الله يجزيكم خير على هل المواقف الي قطعت كبودنا من الضحك. وشكركم ونتمنى المزيد والمزيد يوسف لاعب داهيه وفنان ومواقفه تقطع الكبد من الضحك.وشكرررررررررا.

يوسف مواقفه لاتعد ولاتحصى وخذوا مني هذي::: كانت فيه مباراة الهلال والنصر وكانت هجمه للهلال ولاعب من لاعيبة النصر يقول لاحمد جهوي امسك الثنيان وقال ابو يعقوب الله واكبر اول تسمعون فيه والحين تمسكونه..ههههههههههههههههههه.. :p :p :p :p

ماقصرتوا ويعطيكم الف عافية وعسى هاذي المواقف حقيقية لأنها مهيب غريبة على المنسم ........

شكرا لكل من شارك في هذا الموضوع الشيق والشكر الخاص لكل من أضاف

مواقف طريفه لأبويعقوب وأتمنى المزيد من المشاركات

كما أتمنى أن اجد مواقف أخرى للآعبين آخرين وشكرا;) ;) ;) ;) ;)

=========
من بطوله لبطوله ===== والزعيم من يطوله

خذ عندك هلموقف عن يوسف . كان فيه مبارة لهلال في جدة مهمه ما ادري وش بتحديد . المهم الهلال فاز في تلك المبارة . وبعد المبارة جاء مذيع قناة (a r t) وكان المذيع هو الاعلامي المنسم ابراهيم الفريان وسئل الثنيان ( اوالله مهبل وجتمعو) وقاله وش مشاعرك ياكبتن بعد المبارة . رد عليه ابو يعقوب وقال: المشاعر في مكه والمدينه : . الثنيان يقصد المشاعر المقدسه.









وعندى موقف ثانى لبو يعقوب يموت من الضحك . اجمل موقف سمعته عن الثنيان بس للاسف ما اقدر اقوله لانه كان عن احد رؤساء الهلال .

الصراحه الموقف هذا يثبت ان الثنيان منسم منتهي ماعندك احد .

ياشباب نبي المزيد من المشاركات عن مواقف ابويعقوب

السلام عليكم اقول ان الثنبان متكبر والدليل هذا الموقف : واحد اعرفه راح لنادي عشان يسلم على الثنيان ويوم شافه راح يركض له وهو يضحك مد ايده عشان يسلم راح الثنيان مد اطراف اصابعه وهو رافع خشمه اخويي زعل وشال على الثنيان يوسف ليش هذا الكبر