|
اسالو جريدة الجزيره والرياضي عن التعصب .. السلام عليكم .. قرأت قبل قليل هنا بقسم الرياضه السعوديه موظوع لعظو والله مدري وش اسمه .. لكنه يقول مانبي تعصب وليش مانشجع بعض خارجيا ومن هالكلام وانا بصراحه معه .. بس يا اخوان الواحد يكون عقلاني وصريح شوي مع نفسه هل الي تسويه جريدة الرياضي بحق الهلال او جريدة الجزيره بحق النصر هل هذا يجعلنا نكون يد وحده بالمنافسات الخارجيه لانديتنا !! لا والف لا .. يعني مثلا سامي الجابر نجم كبير وغني عن التعريف يوميا اقرا جريدة الرياضي واجد تشكيك وكلام يسيء لسامي نفسه ومن هذا الكلام مثلا((نجم الغفله او نجم السنتره او اللاعب الورقي)) ومن هذا القبيل .. بالله كيف يصير هالكلام يعني سامي خدم الكوره السعوديه وللاسف نرى هذا الكلام .. وايضا نجد بجريدة الجزيره شبه يوميا انواع الاسائات للنجم الكبير والغني عن التعريف ماجد عبدالله ومن ظمنها (( نجم الحظ او اسطوره ابيض واسود او اللاعب الذي خدمه الحظ )) وايضا عندما كان ماجد سوف يحصل على جائزة اسطوره كاس الخليج للاسف لانريد ذكر اسماء نجدهم يصوتون ضد ماجد !! .. بصراحه كل هذا يحدث باعلامنا الازرق او الاصفر للاسف .. والمشكله يا اخوان حنا ونادي النصر او احنا وجمهور نادي النصر كلنا واحد وكلنا من مدينه وحده وانا اتحدى اي عائله او اي نسب لايجود فيه هلالي ونصراوي .. معنى كلامي هذا ان جمهور الهلال والنصر حبايب والتنافس فقط 90دقيقه لاغير واذا انتهت المباراة كلنا نطلع ونظحك لبعض .. يا اخوان المشكله هي للاسف الاعلام بكل بساطه .. الاعلام هو الذي سبب الكره والحقد بين الانديه وجعل التشكيك وغيره في قلوبنا .. ولكن اتمنى ان نكون كلنا يد واحد ولكن خارجيا فقط .. واسف على الاطاله |
كلامك عين الصواب انا هلالي واخوي نصراوي والمنافسه مدتها ٩٠ دقيقه لا أقل بس بعض الاحيان أكثر،،،،ههههه،،،،،، لاكن اللي يخليك تفقد عقلك لما تشوف بعض الجماهير تلاقيهم يكفرون الاعب وانواع اللسب اللي يمكن ٩٠٪ عن أصله طيب هم وش دخلهم بأصله خلك بلعبه وآسف عالإطاله........ |
إقتباس:
اشكر لك مرورك بروناي .. والمشكله هي الاعلام .. الاعلام ياناس سوائن المقري او المرئي .. |
الجرايد تدور أكبر عدد من المبيعات فالجرايد الفاشلة ما حصلو غلا هالطريقة |
يسلم لي هليديتين يسلم بؤك كلام عين العقل كلام كبير وحلو بصراحه وكلام واقعي ومنطقي وربي الجماهير كل اللي جاب لهم التعصب الإعلام الرياضي والجزيرة الرياضي تتكلم علا الهلال وتجرح وتشك وتسب يومياً والجزيرة يومياً نفس الشي تتكلم في النصر وتسب وتجرح وهذا ينعكس علا الجمهور طبعاً ليه مانكون إحنا احسن منهم ولانتأثر فيهم ونرفع مستوانا عن مستوى تفكيرهم السطحي ونكون اوعى منهم ., |
إقتباس:
حتى لو كانت تبحث على اكثر عدد من المبيعات لانريدها ان تسبب الفتن والعداوه بيننا .. |
إقتباس:
للاسف لان بعض العقليات متحجره .. |
كلام سليم |
صعبة بدام النصراويين يكرهون ويتمنون خسارة المنتخب السعودي فكيف الأنديه صعـــــــــــــــــــــــبة |
والله ياخوي المشكلة ماهي بالصحف الصحافه تزيد المشكلة النصراويين هم اساس المشاكل عندهم قاعده وهي اذا كنت نصراوي اكره الهلال ولا اعتقد ان الجزيرة قد سبت او جرحت بأي نادي ولاأقارنها بالقذرة الرياضي الي تتكلم بكلام بعيد عن الرياضة وتتطاول على شخصيات كبيرة |
من المفترض أن يكون للصحف الرياضية لجنة تأديبيه لمن يسئ للفريق الفلاني ويكون حرمان الصحيفه من أي لقاء مع أي رئيس او لاعب او تصريح من هؤلاء لكي تكون هذه الصحيفه عبره لغيرها وما يكون فيه سب عن أي نادي او لاعب ومن ثم تشوفون جمهور السعوديه يداً بيد ضد التعصب وشكراً |
إقتباس:
يا اخي لنكن واقعين قليلا .. ورغم اني هلالي لكن الواحد لازم يقول الصدق .. جريدة الرياضي متعصبه جدا وتسب بالهلال ولكن لاننسى جريدة الجزيره .. هل نسينا من الذي قال الجاليه الاتشاديه اليست الجزيره .. هل نسينا من الذي قال المؤلفه قلوبهم .. هل نسينا رسمات رشيد السليم والاسائات للانديه الاخرى ؟؟ اخي الرياضي والجزيره كلهم متعصبات للهلال والنصر وهم سبب تعصب الانديه والجماهير بين بعضها البعض .. وشاكر مرورك .. |
يا اخي التعصب مشكله أزليه وصعب نتخلص منها حتى ان البعض اذا شاهد مشجع غير متعصب يستغرب وقد يشكك في ميوله ! وعلى فكره الرياضي اتحاديه ومالكها ومديرها اتحاديين والجزيره هلاليه |
إقتباس:
وهل من جديد ؟ معروفه الراضي اتحاديه وتحارب الهلال والجزيره هلاليه وتحارب النصر بالذات .. |
إقتباس:
مشكور ع المرور |
انا ماتذكر انهم قالو الجاليه الاتشادية وثانياً كتاب الاعمدة مو لازم يمثلون رأي الجزيرة كل واحد يمثل رأيه ونشوف بالرياضية جستنية اغلب كلامه الهلال ومارحنا نسب الرياضية لأن الكاتب لايعبر عن رأي الصحيفة مشكلتكم يانصراويين ترضون لأنفسكم مالاترضونه لغيركم من أسس التعصب هم النصراويين وانظر لكبار مسؤولي النصر وكلامهم عن الهلال وتشكيك ببطولاته والكلام الغبي الي دايم نسمعه حكام ورشاوي ومن الطبيعي تكون هناك ردة فعل من الهلاليين ولكن انتم تعتبرون تشكيكم ببطولات الهلال وقذف مسؤوليه بأبشع التهم شيئ عادي لكن عندما نجد ردة الفعل الهلالية المؤدبة البعيده عن القذف لاترضونها |
إقتباس:
هههههههه ياخوي وشبلاك خليتني نصراوي :mad: انا هلالي منب نصراوي يالاخو ترا .. لكن انا اغلب اخوياي واقاربي للاسف نصراوين:cry: |
بالله تقارن الجزيرة بالرياضي ؟؟؟؟ |
أخي kaldona اسمحلي هذه المرة راح اختلف معك فرق كبير بين السما والأرض بين ما تعرضه جريدة الرياضي وجريدة الجزيرة جريدة الجزيرة معروفة بميولها الهلالي ولكنها أبداً لم تتهم حكام بالرشوة وبالمحاباة ولم تتهم شخص في عرضه وكرامته وكذلك لم تأتي بأخبار كذب وافتراء وتلفيق عكس تماماً جريدة الرياضي اللي اخبارها كلها اتهام بالرشوة والمحسوبية واخبارها تلفيق وكذب الجزيرة تشجيعها للهلال راقي واذا سخرت من نادي اخر تسخر من عقليات ومن انعدام التنظيم في هذه النوادي ولكن لا تسخر من دين وعرض وانتماء مثل ما تفعل الرياضي وآسف على الإطالة اخي |
إقتباس:
حبيبي يادق فليد رغم هلاليتي ولكن لن اصمت واريد ان اقول الحق .. اليست الجزيره قبل ان تظهر لنا جريدة الرياضي اليست الجزيره تتهجم على النصر دائما؟ اغلب رسمات رشيد السليم اليست تقطيع بالنصر ؟ اغلب كتابات الرشيد اليست استهزاء بالنصر ؟ حبيبي انا هلالي مثلك ولكن الحق يقال الرياضي والجزيره وجهان لعمله واحده بالتعصب .. واسف على الاطاله .. |
الحين الجزيرة مثل الرياضي عجبأ ....,,,,,,, |
^^^^^^^^ العجيب مرورك هههههههه ومشكور ع المرور يالي فوقي |
الرياضي اعزنا وأعزكم الله مو بس تحارب الهلال انما شغاله كل يوم سب وشتم يوصل حتى للامير محمد بن فيصل واعمدة كتابها كلهم من دون إستثناء شتم في الهلال ورجاله والفرق بين الجزيره والرياضي(اكرمكم الله) فرق السما عن الارض ويبقى كلامي في النهايه وجهة نظر تعبر عن راي بس كل شئ واضح |
لاتقارن الجزيرة بالرياضي شتاان بينهم....... |
صراحه جريدة الرياضي هي اساس التعصب في انديتنا ما اقولك ان الجزيره ماهي متعصبه بس ماهي مثل الرياضي |
عالعموم يسعدني مرور الجميع .. وبصراحه انا عند رائي سبب كره الانديه الاخرى لنا اي سبب كره الانديه للهلال هي الجزيره واللبيب يفهم بالاشاره .. |
8 8 8 والله ياخوي الله يغنينا عن محبتهم والحمدلله فريقنا ماهو محتاج من غيره شيئ ولاتحسب اننا مثل النصراويين نتذلل لمنصور وأشكاله نادينا فيه رجال كل المهمات وصحيفة الجزيرة نعتز ونفتخر بها |
بسم الله الرحمن الرحيم موضوع ممتاز ويستحق النقاش واطلب منك سعة صدرك بالنقاش انت والشباب وراح اقسم الموضوع لنقاط اسهل : اقطاب الجزيره ( صالح السليمان + الهدلق + الهويريني + العجلان + الرشيد ) والبقية قليل كلامهم عن الهلال مثل صالح رضا والعلولا والصحن يعني بالاقطاب :) اقطاب الرياضي ( الملحم + ابوهدايه + البكيري + السويد + سعود عبدالعزيز + خالد شعلان + المريسيل ) والبقية مالنا علاقة فيهم ] اغلب ميول الكتاب ضد هلاليه [ ميول الجزيره = هلالي صريح والدفاع عن الهلال . ميول الرياضي = اتحادي + نصراوي + ضد كل ما هو هلالي الجزيره تقابل شخصيات غير هلاليه مثل جلوي بن سعود ولعيبة الانديه الاخرى وووو الرياضي لم تقابل ولا شخصية هلاليه الا البابطين بعد استقالته والهدف معروف ! الجزيره لا تفبرك الاخبار ضد النصر والاتحاد ودائما لديها براهين وادلة وهدفها الرئيسي الهلال الرياضي الفبركه عندهم حدث ولا حرج والهدف الهلال واخر شي موضوع طشقند فيه 3 روايات: 1- الثلاثه كانو سكرانين 2- الثلاثه تهاوشو مع صحفي بالطياره 3- الثلاثه كانو يتسوقون وأخرو الرحلة ولا ننسى موضوع جزمة التائب خلوها اكبر من قضية فلسطين وموضوع نواف وباكيتا وانهم بيتذابحون . لكن الجزيره ما شاهدنا مواضيع اثاروها بهالشكل ما عدا موضوع الامين عبدالهادي مع سامي ونواف . الجزيره تنزل اخبار الدوري بطريقة متسواية لكن الهلال له نصيب خاص يعني النصر لو يفوز ينزلون خبر عنهم بكل حياديه واحيانا يتصدر العنوان اخبار الدوري الرياضي يوم فاز الهلال على باختاكور والطائي والقادسيه المووضوع كان عادي وله ربع صفحه فقط !! هذا النقاط الاساسيه ولي عوده ان شاء الله على الكتاب والكاريكتير بعد ان ارى ردك على نقاطي اعلاه :) |
بصراحه سكرو ماقصرت قلت اللي بخاطري اما يقارن الجزيرة بالبيارة اكرمك الله شي عجيب حبيبي انت تقراه كل يوم وشف الفرق |
إقتباس:
كلام سليـــــــــــم s60s |
الله يهديك تقارن العملاقه الجزيره بنشره 00 ومن يقارن بينهما فهو مثل اللى يقول ان النصر منافس للهلال |
يعطيكم العافيه ع المرور |
| الوقت المعتمد في المنتدى بتوقيت جرينتش +3.
الوقت الان » 09:29 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd