|
طالبوا معي بإيقاف المهزلة ياجماهير الزعيم بسم الله الرحمن الرحيم طبعاً بتقولون وش المهزلة اللي تبينا نوقفها وأنا أقول وش فيه أكبر من مهزلة قناة الزعيم هالقناة اللي كل يوم تثبت فشلها وفشل من يديرونها هالقناة اللي ياما تكلمنا ولا أحد رد ولا أحد كلف نفسه من مسؤليها أن يتمعن فيما نطالب به وفيما نستنكره يازعماء كل شي في الهلال حلو ألا قناته اللي شوهت منظره البارح وبالصدفة وياحسافة أني أقول بالصدفة بعد ماكان الريسيفر مافيه ألا هالقناة شفت قناة الزعيم تعرض تكريم الطائرة ولاعبيها وطبعاً حفل عشاء وكل شي تمام لكن المؤسف ماظهر من مقدم القناة ومصورها عندما قاموا بتصوير فهد المديد وهو يتكلم ويستخف دمه والناس كلها تتعشى وهالأدمي مغير يبربر ولافيه احترام للنعمة بلعكس أقسم بالله أنهم صوروه بالمهرج ويامسكين يالمديد وهذا كله من فشل المقدم اللي غثنا بنقله كل شي عاد يصلح مايصلح أهم شي نصور!! ياناس الكل يشوف قناة الزعيم والكل يتابعها من داخل السعودية ومن خارجها والله أنها واجهه غير مشرفة لنادينا وياليت القمر حقها يطيح ونرتاح من الإحراجات اللي تسببها لنا أرجع وأقول وللمرة المليـــــــــــــــــــــــــــــــار ياناس يازعماء ياغيورين على نادينا هالقناة عار على نادي كبير كالهلال ونطالب كل من يقوم ويعمل بهالقناة ياعمل احترافي مهني بحت والا إيقافها أبرك والهلال معروف ومايحتاج قنوات بهالشكل وقفة: إلى مذيع قناة الزعيم مع التحية التقديم والعمل الإعلامي عمل يحتاج موهبة ويحتاج لمنهجية احترافية والحقيقة أنك لاتتمتع بأي من هذه الصفات عزيزي قبل إظهار أي تقرير لابد من عمل مونتاج له لكي يستغنى عن أي جزء غير مفيد وأنا والله داري لو سويت مونتاج ماراح تطلع أي تقرير لأن كل تقاريرك غير مفيدة وياليت أخوي تخلون عنكم استخفاف الدم لأنه من غير أهله يعتبر ثقالة دم غير مقبولة. أخيراً: تقبلوا تحيات الغيور أبوسديم الهلالي |
والله انا معك بكل كلمه قلتها |
أضف إلى ذلك المسجات الغير لائقة التي تعرض دون حسيب ولا رقيب |
والله يا أخواني تعبنا من المطالبة ولكن لاحياة لمن تنادي تسلمون على مروركم |
ههههههههههههههههههههههههههههه احس انك ثقيل دم مدري ليه هههههههههههههههههههههههه |
صادق والله اضف لذلك صوت المكرفونات البايخة مكتومة مرة ياهوووه هذي قناة الزعيم ياناس حرام تصير اقل من مستوى قناة برشلونة نبي تطوير نبي نشوف تمارين مقابلات خاصة منتجة صح نبي مقابلات مع الجماهير بعد كل مباراة نبي نطلع من طور شاشة صغيرة وشات فيه من هب ودب اربع وعشرين ساعة وين نجوم تاريخ الهلال القدامى وين ربرتوجات مختصرة عن كل بطولة حققها الهلال ملينا سالفة شااااااات وبس |
أخوي سليمان9 ألف شكر وثقالة الدم لو تقصيناها لقيناك منبعها والدليل ضحكتك على روحك. مشاركة تدل على صاحبها ولاجديد تعتبر مثال حي للبزران في المنتدى |
اي والله انها تطفش |
والله من يوم شفت الكاميرا اللي يصورون بها واللي شارينها من محل ابو ريالين وانا غاسل يدي من هذي القناة |
ياجماعه بدري الحكم عليها اصبروا شوي القناه جديده واللي فيها اول مره يشتغلون بالمجال هذا ولاتنسون ان فيها دخل للنادي |
الدخل بيتوقف اذا هذا مستواها |
أبوي أي دخل وأي خرابيط والله حتى دخلها يضيق الخاطر وبعدين مصدر دخل للنادي بهالطريقه مانبيه قناة خايسة وشات كله غزل وسخافة أقول هذي والله لعبة الاتصالات وصادونا |
روحو لمقر النااادي وكلموهم |
صحيح كلامك وشوفوا قناة العالمي والله انها عالميه اما قناتنا عيب والله عيب |
إقتباس:
والله انك صااادق ههههههههههههههههههه ياخوووي بالنسبه لفهد المديد فعااادي ياخوووووي وش تبيهم رسميين كأنه جالس مع اخوااانه الهلاليين كلهم اداره واعضاء شرف والجهاز الفني واللاعبين عاااائله وحده . وبالنسبه للي ذكر الدردشه فأنا معاااك هي مشكله قناة الزعيم |
| الوقت المعتمد في المنتدى بتوقيت جرينتش +3.
الوقت الان » 06:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd