أسأل الله أن يشفي والدتك ..
وأن يمن عليها بالصحة والعافية ..

موضوع رائع وجميل...............

واسال الله الشفاء لوالدتك عاجلا غير اجل

الله يشفي اميتك ان شاااء الله

اول شي

الله يشفي اميمتك من كل شر ويشفي جميع مرضى المسليمن اجمع

ثاني شي

إقتباس دخلت البقاله وأخذت ما أخذت وعندما صفيت في طابور الكاشير وجاء دوري وبدأ المحاسب يجرد ويجرد حتى بتل يجرد وعندما قضى جارد ضغط على انتر وطلع مكتوب 236.5 ريال !!! لا أخفيكم اني وقتها بغيت أستفرغ- أعزكم الله- 2 مية و 36 ريال ونص !! ما هذا ؟! هذا هباااال ذا ضاق صدري يابعدعمري أنا وطلعت ومعي الاكياس ووديتهن للبيت..

يارجال النصف ريال هذا حق التبرع*_^


والله انك تقوول الصدق يا بعدي

تصدق اني اول اروح اتقض ب50 ريال ويبقى معي 60>>كذبه ع اصوول

وربي شي يقهر صح الدنيا تغيرت والمصاريف بس مو لهل قد يصير التضخم الفاحش


الله يعينا بس ويرحمنا برحمته ويرزقنا بما هوا صالح لنا

والله يخليلك ابيك

إقتباس الرسالة الأصلية كتبت بواسطة alhawey السلام عليكم ورحمة الله وبركاته،، صبحكم/مساكم الله بالرضى والسرور مدخل ياجماعة يازين يوم الثلاثاء والله انه أحسن واحد مخرج14 >>> مهوب حق بيتنا أبد اذكر يوم نجحت من 3 متوسط ورحت لـ 1 ثانوي طلب مني الوالد- الله يطول عمره على عملٍ صالح- الحضور لمكتبه لمناقشة بعض الامور الماليه وعندما جلست معه على طاولة الاجتماعات قال لي بالحرف الواحد أنت غديت رجال وعشان ما تجي كل يوم والثاني تطلب مني قروش ، سوف أتفق أنا وانت بحيث أني أعطيك مصروف شهري لا يزيد عن 300 ريال ولا يقل عن 300 ريال ، يعني أبعطيك 300 من الريالات بأول ربيع أول الموافق حزيران كانون الرابع ولا أشوف وجهك الا بـ 1 اكتوبر تشرين أتاتورك طبعاً انا ماصدقت خبر وفرحت وبغيت أن أتشقق من الفرحه خصوصأ وانه ذاك الوقت كان معي هايلكس 88 والقصمان يعرفون ما ذا يعني أن يكون معك هايلكس 88 وكان أكبر طموحي هو أني أعبيه فـــل مشت حياتي مع الـ300 ولا أروع وكنت مبسوط وأصرف واتفسقن بالذات اذاكان الراتب توه نازل،فتجدني أفلل الهايلكس ، وكل يوم أفطر صبه وأتغدى ربع كبسه وأتعشى 1 بيتزا صغير و 1 فطيرة جبن، واشتري أشرطة أغاني لأصاله وخالدعبالرحمن- الله يصلحنا ويتوب علينا- ،وأستأجر أفلام فيديو( بوليس أكادمي وانت جاي ) ، و أعبي البيت من المكسرات (فصفص وحب قرع)، واذكر مره من المرات شريت جحه( بـتـيـخـه) وأهديتها لأفراد العائله.. ومع هذه المصروفات الموضحه أعلاه ، كان اذا جاى آخر الشهر يبقى معي أربعطعش ريال و أحياناً 6 طعش ريال ، وكنت أدخرها لزمن أسود.. سادتي سيداتي ، ما دعناي لاستعادة هذه الذكريات وكتابة هذه الاسطر الداجه ، هو أنني بالامس القريب تلقيت اتصال من الوالده - الله يشفيها ويعافيها ويطول عمرها على عملٍ صالح- وكانت تريد بعض الاغراض من البقاله مابين خبز وزبادي وجبن وشرايح نخاله ودجاج للخدامه(>> ) ... الخ من الطلبات، وبعد ذلك بقليل تلقيت اتصال الحاقي من أختي تطلب فيه كعادتها بطاطسات وكاكاوات وكوكاكولا قزازه وغيرها من الخرابيط.. اتجهت لأحد البقالات الكبيرات وقبل أن أنزل فتحت بوكي(محفظتي) فلم أجد فيها الا 11 ريال وورقه مكتوب عليها رقم الباكستاني المبلط ، لذا قررت أن أروح للصراف الموجود بجانب البقاله.. ولأن قلبي معلق بـالـ 300 ريال ، فقد أدخلت البطاقة وطلبت من ابو راجحي أن يطلع لي 300 ريال ، وبالفعل الرجال ما قصر أعطاني المبلغ و زود عليه أعطاني ايصال دخلت البقاله وأخذت ما أخذت وعندما صفيت في طابور الكاشير وجاء دوري وبدأ المحاسب يجرد ويجرد حتى بتل يجرد وعندما قضى جارد ضغط على انتر وطلع مكتوب 236.5 ريال !!! لا أخفيكم اني وقتها بغيت أستفرغ- أعزكم الله- 2 مية و 36 ريال ونص !! ما هذا ؟! هذا هباااال ذا ضاق صدري يابعدعمري أنا وطلعت ومعي الاكياس ووديتهن للبيت.. ياجماعة الربع ألا توافقوني الرأي بأن الـ 100 ريال صارت زي الـ 10 ريال ألا توافقوني الرأي بأن أسعار المواد الغذائيه ارتفعت بشكل كبير بلا رقيب ولا حسيب ألا توافقوني الرأي بأن هناك مشكله كبيره جداً جداً ستواجهنا بعد سنوات- ان الله أحيانا- تكمن بصوره بسيطه في أن أسعار السلع عموماً في ازدياد مستمر في حين أن مدخولات المواطن في ثبات نسبي لا يتماشى مع ما نراه من طمع وسرق ونهب غالبية تجار البضائع الاستهلاكيه ألا توافقوني الرأي .. >>> خلاص لجيتنا تراك توافقوني ما توافقوني على الطاير تقول بعض المصادر أن مؤسسة النقد بصدد اصدرا عمله ورقيه فئة 1000 ريال من وجهة نظري كخبير اقتصادي داج أن فئة 20 ريال لم يستفاد منها ولم تتدوال بشكل كبير ونفس الشئ بالنسبه لفئة 200 ريال ، وان كانت الـ200 ريال قد افادت أصحاب البنوك بشكل كبير.. كل ما أخشاه بعد صدور ورقة الالف ريال هو ان تفقد الـ 500 ريال وزنها وقيمتها ونصير نشوفها داخل جنوز البزران بعد ما كانت معززه مكرمه في مخابي الشيبان سواليف وبتمشي حياتي خاتمه الله يرضى عليكم ادعوا لوالدتي بالشفاء ، والله انها تكسر الخاطر ، سنين وحساسية الجلد ذابحتها ولا نفع معها لاعلاجات ولا غيره فمااان الكريم

وعليكم السلام ورحمة الله وبركاته


اسئل الله العظيم رب العرش العظيم أن يشفي والدتك

وبالنسبه للموضوع انا معك

يعني تروح للبقاله لغرض صغير اقل شي ب 100 ريال هذا شي مو معقول

اول شي الله يشفي الوالده

إقتباس واذكر مره من المرات شريت جحه( بـتـيـخـه) وأهديتها لأفراد العائله

ههههههههههههههههههههههه الله يرج بليسك

وان شاء الله الامور تتحسن
..

مشكور ياخوووي على الموضوع