|
(( هل أصبحت الشيشيه أغلى عندكم من الزعيم؟)) السلام عليكم ورحمه الله وبركاته ......! تحيه طيبه ألى الزعماء عسى ربي يسعدكم دنيا وآخره.......! هذا ثاني موضوع لي في ها المنتدى الي يجمع هموم وأفراح فريقنا الي يستاهل منا الكثير والكثير...ترددت كثير في كتابه ها الموضوع بسبب وجود ناس أفضل منا في الكتابه وموضوعي ماراح ياخذ مكانه مثل ماراح ياخذ مكانه عندما يكتب السامي كسمو الهلال ... ولكن شي أجبرني أكتب قلت والله حتى لو محد قراه ولا أحد رد بس أحس أني سويت شي........! أعتذر عن أسم الموضوع....أنا ما أعمم على كل جمهور الهلال...ولكن هذا الحاصل.....أنا أبي واحد منكم بس يسوي أحصائيه لجمهور الهلال في مقاهي الرياض ...أقسم بالله كل مقاهي الرياض تمتلي خصوصا اذا كانت مباراه الهلال...طيب ياخي ليش ما تحضر؟ يعني أذا أنهزم فريقناوألا لاعب طاح مستواه تشوف الكل يهاجم وينتقد...طيب أنت واجبك ليش ما تسويه...واجبك الحضورهذا الي عليك أمور الاعبين هذا شغل الأداره...! يا زعماء...كلنا يعرف سامي وش سوا للهلال ياما فرحنا وياما حقق لنا بطولات...ما بقى ألا ها المباراتين في الرياض...نبي نثبت لسامي أننا نحبه...نبي نوفي لسامي مثل ما وفى لنا...تحب سامي؟ أحضر للمباراه بكره...تكفون يا جماعه الخير نبي الملعب يمتلي بكره وهذا مو غريب وغير مستبعد على أكبر قاعده جماهيريه في الرياض......! والله كلها ساعتين وفي الملز وسط الرياض والتذكره ب20 ريال وكلنا الحمد لله بنعمه ويملك ها المبلغ..! نبي مقاهي الرياض بكره تكون فاضيه...نبي الملعب يمتلي..والله أذا شفت ناس حاضرين من الشرقيه ومن القصيم ومن ومن ومن وجمهور الهلال في الرياض ما يحضر أن الواحد ينغبن..........! بأذن واحد أحد نزف الزعيم للنهائي....وناخذ الكاس ويشيله ابو عبدالله وتكون ختامها مسك.......! موعدنا الملعب يا زعماء....موفقين دنيا وآخره أن شاء الله............! |
اي والله انك صادق .. انت بس اطلع من الاستاد وشف الزحمه عند الشلال مدري شسمه .. عوافي غيور .. اوه سوري عوافي وولف .. |
والله صادق ألف شكر |
إقتباس:
الله يعافيك ..........! أن شاء الله الزعماء ماراح يقصرون بالحضور بكره بس تشوف أنت الموضوع....هل أصبحت الشيشيه<<أخبرها شيشه:d أسفين على الغلط المطبعي |
هـــذا شـي صحيــح يا كثـرهم اللي بالمقاهي والكافيات والفريق يحتـاجهـم بالملعـب ان شاء الله يتأهــل الهـلال للنهـائي وان شاء الله ياخـذ الدوري والآسيـويه |
ماجوا يوم الاربعاء والناس اجازة والدخول مجاني تبيهم يجون بكرة افلقني ان جوا 5000 شخص فقط |
منورين كلكم الموضوع...وأن شاء الله يمتلي الملعب بس نبي همتكم |
يعني أذا أنهزم فريقناوألا لاعب طاح مستواه تشوف الكل يهاجم وينتقد...طيب أنت واجبك ليش ما تسويه...واجبك الحضورهذا الي عليك أمور الاعبين هذا شغل الأداره...! |
انت تقول الي في المقاهي وازيد عليها الاستراحات والبيوت انا ودي ما ينقلون الماريات الا من بكره عشان تحركهم ويجون مشكور اخوي ............. بارك الله فيك |
محد راح يحضر بكرا |
^^ ليش محد حاضر .. الا كل الزعماء حاضريين بكرا ان شاء الله |
الله يعين... |
إقتباس:
|
الف شكر |
يا خي مانفرض على الناس الحضور كل واحد وله طريقة واسلوب يتابع فيها المباراه وهو مرتاح سواء بمقهى ولا كوفي شوب ولا استراحه كل واحد واسلوبه الي بيحضر بيحضر بدون دعوه ولا ترجي والزعماء معروف عنهم الوفاء وياليتك غيرت عنوان هالموضوع |
مشكور يالغالي على الموضوع بالنسبه للحضور ياخي خلهم ينضمون عملية التذاكر والمقاعد انت تقول تجي ساعتين وتمشي يالغالي اذا بغيت موقع زين زي العالم والناس مو جاي قبلها بساعتين اقل شي ابجي من يوم تفتح البوابه يعني الساعه خمس العصر وانا منطق بالملعب عشان اخذ لي موقع زين بالمدرجات اما لو ابجي الساعه 7 مو لاقي الموقع اللي ابيه . قبل لا تطال الجمهور بالحضور طالب المنضمين للمسابقات المحليه بالتنضيم الجيد ياخي انا ما علي ابدفع خمسين ريال على مبارة زي مبارة الهلال والنصر لاكن ابي اكون ضامن موقعي يعني ما امشي من البيت من الضهر وارجع الساعه 1 الليل انا ابي امشي من البيت قبل المبارة بساعه وادخل واخذ مكاني بدون ما ادور وين اجلس فيه يعني نبي تنضيم زي الدوريات الاوربيه وذيك الحزه اذا صار التنضيم عندنا زيهم طالبنا بالحضور وشكرا . |
ونسيت اضيف شي المباراة بوسط الاسبوع مو باجازة الاسبوع . يعني حتى تنضيم جدول ومباريات مو عارفين هم ما حطو المبارة بوسط الاسبوع الا ما يبون الناس تجي لو يبون جمهور ودوري زي الناس ينضمون جدول الدوري اللي مو عارفين كيف جاي حتى اني ما ادري ان فيه مباراة للهلال الا من خلال الجرايد او من الموقع وبيوم المبارة بعد يعني يااااااااااارب يا ارحم الراحمين انك ترحمنا ويغيرون القائمين على الاتحاد السعودي اللي ذبحونا بدوريهم الفاشل لولا الله ثم الهلال كان ما تابعت الدوري حسوفه الصراحه انك تشوف دوري زي كذا ولا لا يجيك الا المربع يعني يتعب الفريق من بداية الموسم بالاخير ياخذه واحد ترتيبه الرابع بالدوري اااااااااااه بس من الدوري لو يسلمونه ناس غير اللي ماسكينه الحين شرط يتعدل . |
وهم اخذين من حلال ابوك شي؟ |
والله الي مايحضرون الا بالكفي شوب والمقاهي....مسوين انا هااااي يااااي |
موضوع رائع |
اما انا مااستطيع احضر بسبب بعد المسافة بين ابوعريش والرياض وعلى فكرة ترى الجمهور الهلالي في ابوعريش ما يعجبه يشاهد المباراة الا اذا كان مخزن قات وتكون ماسكة صح تشوف العرق يصب |
إقتباس:
ما اعجبك لاترد :) |
| الوقت المعتمد في المنتدى بتوقيت جرينتش +3.
الوقت الان » 11:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd