|
نواف عاده مايتسائل عنك(( الجماهير الهلاليه )) . الســلام عليـــــــــكم ورحمة الله وبركــــــــــــــاته .. أعزائي وأخواني الزعمـــــــــــاء .. أتمنى من الجميـــــــع أن يقرأ الموضوع الى النهاية وإن اراد ان يكتفي بالقراءه فقط فهــــذا يكفيني المهم أن تصل الفكرة التي أريد أن أطرحها ويستفيد منها نجــــم من نجوووم الهلال وهذا لايتم الا بإنصافكم له .. ببادئ الأمــــــر الجميــع يعلم اللقاء الذي أجري مع الكابتن الخلوق نواف التميـاط من بعد مبارة الهلال الأخيره مع الفريق باختكور الأوزبكي .. ولقد لاحظت من بعض الأخوان (( الله يعطيهم العافيه )) قد طرحوا هذا الموضوع وقد علقوا عليه بأن نواف قد نال استحسانهم لرده على المذيع . وأنا هنا لا أفتح هذا الموضوع ولا أريد أن اعلق بخصوص سؤال المذيع لانه من الواضح من طريقة سؤاله أنه ((يامرتزقه)) أو يريد سبق صحفي ينفرد به بإحراجه لسؤاله للكابتن نواف ولو تراجعوا المقابله منذ بدايتها لرأيتم الاسلوب الذي يتكلم به المذيع .. ولكن أنا هنـــا أريد أن أوضح نقطه مهمه قد يجهلها البعض .. سوف اسرد الكلام والسؤال الذي طرح بالمقابله حرفيا ولكم ان تتأكدوا من المقابله التي ثبتت من قبل الادارة .. سؤال المذيع : على مستوى نوف التمياط تحديدا نواف عاده مايتسائل عنك(( الجماهير الهلاليه )) يقال أنك غبت هذا الموسم أيضا ظهر لك تصريحات أن هنالك ظروف ولكن سؤالنا هنا ليس بالتدخل بظروف نواف ولكن هل نقول الظروف ستزول أو قربت من الإزاله فبالتالي سيعود نواف التمياط ؟ أجابة نواف بحسرة ! : الموضوع أبسط مما نتوقع ولكن يحتاجلها قراءة متنائية من قبل المتابعين ومن قبل كثير من الجماهير في الأدوار اللي يلعبها نواف الان و يلعبها في السابق لما في الفترة اللي فاتت امكن أواجه ادوار مطلوب مني قطع كور احاول اني مثلا أدي دور تكتيكي غير الأدوار اللي العبها سابقا . المذيع يقاطع نواف ويقول : هذا سبب رئيسي . نواف يكمل حديثه .. : انا بعد الاصابه في ناس كثير تسائلوا بعد الاصابه كنت أفضل من السابق . المذيع يسئل .. انت نواف كيف ترى نفسك ؟ نواف يجاوب : انا الى الان اذا لعبت واستمريت على نهج المباريات وعلى رتم المبارايات أكيد إن شاء الله عندي ثقة بنفسي ..!! المذيع يقاطع نواف ويسئل : نواف هناك أقاويل أو اشاعات أن نواف التمياط حذر من أحد الاطباء بوقت سابق أن لايعود بمزاولة الكره ؟ هل هذه المقوله صحيحه أو لأ ؟ نواف التمياط يجاوب : أولا أول شيء أنا استغرب كلامك غير دقيق وماهو وقته وكلام خاطئ وكلام في غير محله وغير صحيح أنا ما أدري من وين ذكرت الكلام هذا .. المذيع يقاطع نواف كالعاده ويقول .. هذا ليس مني أنا .. أنا قرأته في أحد المنتديات .. ونواف يقاطعه ويقول .. أقاويل من مين والمذيع يقول : قرأته بالانترنت .. ونواف يقول ..: لأ لازم إنك تسنده بمصدر أقاويل من مين لكن اذا انت بتجي وتقول أي كلام أو أقاويل هذا غير منطقي تحسب عليك كا إعلامي .. وهنا المذيع يقفل اللقاء بعد ماتركه نواف ويقول نواف زعل علينا .. ............................. يا جماعة الخير .. هنا انتهى اللقاء لكن الأهم من اللقاء كلام نواف أمانه عليكم كل واحد يراجع المذكور حرفيا من نواف وتفكر فيه زين هذه رساله لمين أكيد رساله للجماهير الهلاليه علشان تتفهم وضعه وتنصفه وتحس انه مظلوم هم يطالبونه بنواف ألفين والمدربين يطالبونه بأدوار تكتكيه بحته وباين أنه مو مرتاح أبد ويتكلم بحسره .. ثانيا نواف التمياط إنسان خلوق وإنسان هادئ وابتسامته دائما ماتفارقة ما أنتم ملاحظين تعابير كلامه من الظغط اللي بيحصل عليه وعلى نفسيته كيف صار ينفعل ويتكلم بحراره وبشده (( يعني تكفون يا عالم فكوني انا اللي فيني كافيني )). واحنا كل مباراة وكل يوم نواف نواف لازم نوقف معه وقفه صح وما نظغط عليه .. يا أخي الكريم أنا أفتكر زمان نواف اول ماينزل المدرجات تحيه تهتز بقوة لحبه من كل الميول لانه لاعب محبوب الان الجماهير الهلاليه امتنعت عن تحيته سواء داخل الملعب أو خارجه يا أخي ياسر يستاهل ونجم كبير ودمه أزرق لكن له سنه أو سنتين مع الهلال وله تحية كبيره ويستاهلها بس أعطه لو ربعها لنواف علشان شوي شوي يتحخلص من الظغط النفسي .. عموما أنا أدري طولت عليكم وانا معكم نواف مو مثل أول بس هذا ولدنا ويحتاج وقفه حتى الاعلاميين ماتركوه لحاله حنا نتخلى عنه .. أتمنى وصلت الفكرة وياليت نبدأ بحلها وسامحوني للإطاله .. عـــــــــــاشق الســــــــــاهر |
هو النجم لابد أن يرجع لمستواه ولكن بعد توفيق من الله نواااف نجم وقلوبنا معه لأنه فعلا مثل الفهد في الملعب والله ويكفي وجوده في الملعب ويربك الخصوم ويانواف وااااااااصل واصـــــــــــــــــــــــــــــــل ياأخوان الثنيان واجه ماواجهه نواف ورجع وقاتل صبرا يا منتقدي نواف ستبدي لكم الأيام ماكنتم به تجهلون |
يديك العافيه حبيبي قلبي .......... زعيــــــــم الصحراء ولا عدمناك أخوك ....... عاشق الساهر |
يعطـــــــــيك العافيه اخوي على الموضوع الرائع وشي معروف ان اللاعب لابد انه ينزل مستواه عن المعروف يعني من اصابه او ظروف عائليه او......... الخ لكن فيه ناس الله يهديهم يبغون اللاعب كأنه اله يمشي على وتيره وحده بالتوفيـــــــــــق للنجم نواف واحنا معاه على طول |
الشـــــــــــامخة الأروع هو وجودك هنا بين حروفي المتواضعه لاعدمناك أخاك عـــــــــــاشق الســــــــاهر |
مشكور ويعكيك الف عافية ياريت كل الزعماء نفسك |
أخوي السيف البتار وجودك وكلامك اللطيف شرف ووسام لصدري فلا عدمنا تواجدك أخوك عـــــــــاشــق الســـــــــاهــر |
احسنت اخوي .. يعطيك الف عافيه .. الله يكثر من امثالك ... لاعدمناك يالغلا ... |
مجنون نواف ... عافاك الله من كل سوء ان شاء الله .. وما أخذنا الا بعض ماعندكم سررت بتواجدك .. أخوك .......عــــــــاشــق الســـــــاهر |
؟؟؟؟؟؟؟؟؟؟؟؟ هــــــذا مايستحق منكم نواف التمياط انا لا أطلب منك ردود لموضوعي لاني لاتفيد الزعيم ولا اللاعب بشيء وانما أطلب منكم أن تنصفوا الانسان ربما قد ظلمتموه شكرا لكم ايها الزعماء !!!!!!!!!!!! عــــــاشق الســــــــاهر |
يا أخوان امكن انا ماني كاتب ولا عرف أزين الكلمه وامكن كلامي مو مرتب أبد لكن والله موقصدي أبدا أن ابرز هنا لاني لو كنت كتاب فهنا يوجد عباقرة القلم وانا لا اجاري نفسي بهم .. ولهذا لمن أردت أن أنزل هذا الموضوع هو صوت نواف والحسره التي أحسستها بصوته بالمقابله .. يعني المفترض مننا كزعماء لا ننظر للكاتب ولا صياغة كتابته وانما ننظر لنواف فقط وهذا هو القصد على العموم ما أبي أطول عليكم وما عمري رفعت موضوع لي ولو لم يتم الرد عليه برد واحد ولكن هنا غير هنا الخلوق نواف وسلامتك واسف لتكرار رفع الموضوع والله من وراء القصد |
سبحان الله صدق انكم جمهووووووووووور عاطفة فقط الموضوع هذا قبل المباراة وكانت مواضيع كثير من الاعضاء جزاهم الله الف خير يركزون على نواف وانكم ظلمتوه ويوم واحد أعطي الفرصه كامله كلكم حبيتوه وصار هو المفضل لكم يا أخوان أبي واحد منكم يذكرني متى لعب نواف مباراة كاملة متى اتحرر من الادوار الدفاعيه حتى أمس وهو ملى عينكم كان يأدي أدوار مزدوجه يغطي مع الغنـــــــــام مثل دور عمر الغامدي ويؤدي دوره في الهجوووم وعجبكم عاد كيف لو يكمل على طول ويتعود مثل ماقال على رتم المباريات وياخذ راحته وينحط بمكانه المناسب ....... لكن أنا بسئلكم سؤال واحد فقط وسؤالي مو علشان نواف فقط لا علشان ياسر وغيرهم كثير وينكم عن سامي وين خلص سامي عندكم انتهى وينكم سؤالي بالله عاجبتكم الصوووره ذي http://upload.alhilal.com/img/008/ksa-hilal-a-18.jpg شوفوا كيف تأثير ظغطكم وكلامكم على اللاعبين ياسر شوي ويبكي ونواف أبد مو مصدق ياسر لمن حطه نواف قدام الباب كأنه قدام جبل وموعارف ايش يسزي اللين خلصها القناص وريح نفسه وريحكم من كثة الكلام .... على العموم سامحوني بس صدقوووني أحبكم وأحب الزعيم ولا ودي نقتل نجومنا بيدنا أخووووووووووكم عاشـــق الســـــــــاهر |
| الوقت المعتمد في المنتدى بتوقيت جرينتش +3.
الوقت الان » 09:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd