نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   ذهب و لم يعد (http://vb.alhilal.com/showthread.php?t=401541)

juve1897 25/04/2007 12:24 AM

ذهب و لم يعد
 
ذهب ولم يعد

هذه قصة حقيقية في شخص لم يبلغ العاشرة من عمرة سافر للبحرين من أكثر من 15 سنه و بالتحديد في عام 1413 و لم يعد حتى و قتنا الحالي ..

هذا هو ما حدث لي في جوازات الرياض .. بعد نهايه جوازي السابق .. و طبعا أنتم عارفين الصيف قرب و السفر حان طاريه لازم الواحد يطلع جواز قبل الزحمة و يضبط وضعه مضبوط ..:D

فالي حدث أني قلت لازم أروح لجوازات الرياض أطلع جواز جديد .. فكلمت واحد من الشباب يوصلني للجوازات و زي ما أنتم خابرين الواحد إذا راح لازم يلبق عند الرئاسة العامة لتعليم البنات و يدقها كعابي حتى يدخل الجوازات :D ..

فوصلني زميلي للجوازات و نزلت من سيارته و قلت له " خلاص روح أنا برجع بتكسي علشان ما أربطك معي "

فراح بأمان الله و دخلت الجوازات و أنا معي كل الأشياء المطلوبة صورتين شخصية و الجواز القديم و صورة من بطاقة الشخصية .. دخلت و طلعت لدور الثاني لأقدم على جواز جديد .. فأخذت من الكاونتر نموذج طلب جواز و كتبت المعلومات إلي طلبوها مني .. و شافها العسكري و عطاني رقم .. في صالة BB

دخلت عندهم بالصالة و أنتظر إلين جاء دوري و جيت عند الضابط و عطيته الأوراق اللازمة و المطلوبة و بعدين صار يطقطق على الكمبيوتر

قال : أنت فلان بن فلان الفلاني ..

قلت : ايه ..

قال : متأكد

قلت : بطاقة الأحوال قدامك و لو تبي أعطيك الرخصة و أي إثباتات أخرى أنا ما عندي مانع أعطيك إياها .

قال : أنت رايح للبحرين عام 1413 و لا جيت حتى الحين

لما قالها لف مخي و لا أدري وش السالفة و بيني و بين نفسي كنت خايف الحين يقطوني بالحبس .. المهم و أرد عليه


قلت : كيف

قال : مكتوب عندي بالجهاز أنك ما جيت من البحرين من عام 1413

قلت : طيب كيف صرت قدامك الحين .. يعني أنا من ذلك التاريخ حتى يومنا هذا طلعت جواز سفر بين الجوازين .. و أيضا طلعت بطاقة أحوال .. و طلعت تصريح .. و بعدها رخصة .. و الحين مجدد الرخصة .. و مطلع استمارة سيارة باسمي و كل هالوثائق مب عاجبتك .. حتى البحرين أروح لها دائما من بعد ذلك التاريخ هذا غير أني تسدحت بالناصريه من أربع سنوات لما قطعت الإشارة و قدام الدوريه :D .. << بس يمكن الحكومة أدري :D

قال : يمكن أنت جاي بطريقة غير شرعية


و قلت له : يعني تتوقع أني جاي أسبح من البحرين و أنا عمري وقتها 9 سنوات لو أني بطل أولمبي الحين حتى لو هو بطل أولمبي ما قدر يوصل سباحه <<< الحقيقه ما أدري أخاف إني جاي سباحة حرة ولا فراشة :D

قال : ما أدري ..

عاد قال لي .. أنزل تحت برى في الصندقة

.. و نزلت بالصندقة (( تقول عشة :D )) الي برى الجوازات لدوامات المسائيه عند شباك الجالية التشادية <<< ما أدري ليه تذكرت الإتحاد:D ..

و لما نزلت عندهم هاك يا تحقيق .. و كيف إني جيت من البحرين من دون ما يدرون .. الحقيقه أبلشوني أكثر من اللزوم يعني أنا ذيك الأيام كان عمري 9 سنوات يعني بالله كيف تجي أجي بطرق غير شرعيه ..و بعد التحقيق و الشد و الجذب و الأسئله الي ما أدري وش تبي صار الواحد وده يشق ثيابة ويقول ما أبي جوازكم خلاص أنا بسافر في ربوع بلادي :D
و علشان يرضون أكثر بشغل أغنيه طلال مداح وطني الحبيب و طني الحبي و هل أحب سواه <<< قدييييييييييييييم :p

بعد التحقيق عطاني ورقة و قال لي روح فوق لدور الثالث إرسلها بالفاكس .. و بالصدفه حصلت واحد مهستر تقول راعي حشيش .. و جلست قام يسولف معي و قال وش جابك هنا و قلت له القصة الي صارت معي
و يقول لي ترى محاكيك له نفس القصة ..

و حنى نسولف جاء عسكري قال أنتم الأثنين جايين سوا .. رد المهتسر لا موبايلي و فاتوره بعد << أقولكم مهستر نعنبوا بليسك تمزح معهم و حنى بهالوضع :p ..

و أرسل الفاكس لمقر الجوازات الرئيسي و أستنى ساعه كاملة لين جاء لي رد منهم نزلت تحت لصندقه .. و أعطيهم الورقة و ختم لي فيها و قال تعال بكرى و قدم عادي

و أجي في اليوم الثاني و أقدم أوراقي عادي زي أي مواطن شريف ما جاء للوطن بطرق غير شرعيه :D و جيت و رقيت فوق و عطيتهم أوراقي و قال تعال بكرة تستلم جوازك

و جيت في اليوم الثاني و أستلمت جوازي و هذه قصة ذهب و لم يعد من طق طق لسلام عليكم :D



السؤال إلي فارض نفسه كيف هذا الخطاء الفادح من إدارة حكومية كبيرة مثل الجوازات و كيف حتى الحين من ذلك التاريخ ما ضبطوا وضعهم و صححوا الخطاء و تاكدوا خاصة أن المفروض إن المعاملات الحكومية مرتبطة ببعض << ولا بس شاطرين في الإرتباط بما يخص المخالفات و غيرها لا تعليق ..

بس الحمد لله إنهم ما حملوني خطاء و احد غيري ولا كان رحت وطي .. بعدين ليش ما سألوني لما طلعت الجواز في السابق !!

و كلة كوم و كيف ما استفسروا عن هذا الخطاء من 15 سنه كوم ثاني :confused: ..على كثر المعاملات الحكوميه الي صارت من تطليع جواز لرخصة لإستمارة سيارة .. إلخ أضف الدراسه الإبتدائه و المتوسطة و الثانويه و المرحلة الجامعيه ما دروا إني موجود بالسعودية :D

و المشكلة لما تحاجهم بحجج قويه يقولون " تعلمنا بشغلنا :D " <<< أبوك يالتصريف :p

في شيء مستغرب منه أنا من تلك الفتره رحت للبحرين عد و غلط كيف على كثر هالطلعات و الجيات ما دروا أني جاي من عام 1413 .. ولا بس متشطرين 20 ريال رايح 20 ريال جاي و 15 ريال تأمين إجباري :D

طبعا هذه القصة واقعية حصلت معي مع جوازات الرياض و قلت يا ولد أسدحها هنا بمنتدى الزعيم و خاصة إن القصة طريفة و غريبه في نفس الوقت ..و أخاف بكرة أروح للبحرين من جديد و أرجع و بعد خمس سنوات يقولون أنت حتى الحين ما رجعت من البحرين من عام 1428 الله يستر بس

أخيرا أقول الله يعز الحكومة :D<< خاف :D

skroo 25/04/2007 12:45 AM



احمد
مرة رحت انا وثنين من العيال للبحرين قبل سنتين
ويوم جينا نطلع قالو لواحد منا انت ما دخلت اصلا علشان تطلع !!!
قال وشلون يعني داخل تهريب !!!
المهم يمين يسار راحو ودخلوه بالجهاز وطلعوه !!

عندنا الدعوه هجيني بالذات بالجوازات
رحت اطلع جواز زمان وقالولي 72 ساعه ويطلع
المهم كلمت واحد من العيال خويه بالجوازات
جاني خويه وقالي انت ناصر ؟ قلت ايه , اخذ اوراقي وجاني بعد نص ساعه ومعه الجواز :D

<<< صح يالواسطة

الله يعينا ويغربلون الدوائر الحكومية وتصير سريعه بالاجراءت وتفكنا من الروتين << يمديك على يغربلون

برايفت لاحمد : يمديك على توقيعي الجديد :laugh:

Al Qahtani 20 25/04/2007 12:58 AM

ابو حميد فيه جزء ناقص من روايتك وانت بنفسك قلتها لي


لما رحت للصندقة اللي برى وهبلوا فيك وارسلوك للفاكس وانلطعت ساعة ومعك واحد فلة راعي ضحك خاصة يوم وريته جوازك القديم؟؟



حلوة ذي مطلع بطاقة ومدري وشو والى الحين انت واخوانك برى << بحكم انهم مضافين بجوازك القديم


وبعدين وراك مقاطعنا؟

صدى الامس 25/04/2007 01:16 AM

هلا juve1897 ..

اجل من عام 1413 وانت ما رجعت :D ..
وش هالنظام اللي عندنا هههههههههههههههههههههه :( !!
عاد المشكلة ان الحوازات هي افضل جهاز حكومي :( !!
هذي وهي الافضل سوالفها تسذا .. اجل لو كانت مثل غيرها وش يبي يصير ؟؟!!

اوكي مسألة الرخصة والاستمارة وخلافه كلها عادي نعرف اننا الله بالخير :( ..
لكن تطلع جواز ثاني وهم للحين ما يدرون انك رجعت :D هذي مصيبه :( !!


الحمدلله ان امورك عدت على خير .. وما صارت سالفة ..

بس نصيحة كل ما تسافر .. اول ما ترجع على طول رح للجوازات
وقلهم يشيكون انت رجعت والا الى الحين ناسي نفسك :D
ههههههههههههههههههههههههههههههههههههههههههههههههههههههههههههه

تحياتي لك ..

أشوى إني هلالي 25/04/2007 02:13 AM

و قلت له : يعني تتوقع أني جاي أسبح من البحرين و أنا عمري وقتها 9 سنوات لو أني بطل أولمبي الحين حتى لو هو بطل أولمبي ما قدر يوصل سباحه <<< الحقيقه ما أدري أخاف إني جاي سباحة حرة ولا فراشة :d
:laugh: .......................................:laugh: حلللللللللللللللوه ولله ضحكت من جد الله يرجك أنت وحقين الجوازات سالفتك هذي تصلح(فلم) لو يدري عنها عادل إمام يسويها وياخذ دورك هع هع هع :D

juve1897 25/04/2007 02:17 AM

إقتباس:

الرسالة الأصلية كتبت بواسطة skroo (مشاركة 5196796)


احمد
مرة رحت انا وثنين من العيال للبحرين قبل سنتين
ويوم جينا نطلع قالو لواحد منا انت ما دخلت اصلا علشان تطلع !!!
قال وشلون يعني داخل تهريب !!!
المهم يمين يسار راحو ودخلوه بالجهاز وطلعوه !!

عندنا الدعوه هجيني بالذات بالجوازات
رحت اطلع جواز زمان وقالولي 72 ساعه ويطلع
المهم كلمت واحد من العيال خويه بالجوازات
جاني خويه وقالي انت ناصر ؟ قلت ايه , اخذ اوراقي وجاني بعد نص ساعه ومعه الجواز :D

<<< صح يالواسطة

الله يعينا ويغربلون الدوائر الحكومية وتصير سريعه بالاجراءت وتفكنا من الروتين << يمديك على يغربلون

برايفت لاحمد : يمديك على توقيعي الجديد :laugh:

يبن الحلال الجوازات حوسه و عفسه ما تدري وش السالفه يعني أبغى أفهم شلون أهرب هذا الي ما أدري عنه و كلة كوم و إنهم يقولون إني داخل بطريقة شرعيه كوم ثاني نعنبوا بليسهم مواطن سعودي .. قد سمعتوا بالتاريخ سعودي يهرب لسعوديه:D أخبر الي ينحاش ينحاش برى دولته يعني لو قالو دوله ثانية تبلغ بس السعودية و انا سعودي :p

إقتباس:

الرسالة الأصلية كتبت بواسطة Al Qahtani 20 (مشاركة 5196889)
ابو حميد فيه جزء ناقص من روايتك وانت بنفسك قلتها لي


لما رحت للصندقة اللي برى وهبلوا فيك وارسلوك للفاكس وانلطعت ساعة ومعك واحد فلة راعي ضحك خاصة يوم وريته جوازك القديم؟؟



حلوة ذي مطلع بطاقة ومدري وشو والى الحين انت واخوانك برى << بحكم انهم مضافين بجوازك القديم


وبعدين وراك مقاطعنا؟

بلاش فضايح ..:D

و أنا أخوك العجلة شينه ترى قلتها بإختصار بس رجعت و عدلت الموضوع .. أما المهستر ذاك الله يستر علينا و عليه

إقتباس:

الرسالة الأصلية كتبت بواسطة صدى الامس (مشاركة 5196999)
هلا juve1897 ..

اجل من عام 1413 وانت ما رجعت :D ..
وش هالنظام اللي عندنا هههههههههههههههههههههه :( !!
عاد المشكلة ان الحوازات هي افضل جهاز حكومي :( !!
هذي وهي الافضل سوالفها تسذا .. اجل لو كانت مثل غيرها وش يبي يصير ؟؟!!

اوكي مسألة الرخصة والاستمارة وخلافه كلها عادي نعرف اننا الله بالخير :( ..
لكن تطلع جواز ثاني وهم للحين ما يدرون انك رجعت :D هذي مصيبه :( !!


الحمدلله ان امورك عدت على خير .. وما صارت سالفة ..

بس نصيحة كل ما تسافر .. اول ما ترجع على طول رح للجوازات
وقلهم يشيكون انت رجعت والا الى الحين ناسي نفسك :D
ههههههههههههههههههههههههههههههههههههههههههههههههههههههههههههه

تحياتي لك ..


أنا ما بط كبدي إلا موضوع الجواز عندي جواز بين جوازي الي طلعته يوم أنا صغير و جوازي الجديد يعني ما دروا إلا الحين و الي يزيد الواحد قهر أني رايح جاي أكثر من مرة للبحرين ما دورا و لا شافوا هالطلعات و الجيات و لا عاجبهم هذا و لا حتى عاجبهم كل الإثباتات منها جواز سابق ولا عاجبهم أي شيء أهم شيء يمشون رايهم قسم بالله حوسه و بهالحر و الشمس غير التحقيق الي بالصندوق الله لا يوريك تقول مجرم حرب مب واحد أخطئوا بحقة و غلطوا و لا سجلوه :D

بس ما عليك كل ما جيت من سفر بروح أرز نفسي بالجوازات و أسلم عليهم أقول هاااااااااااااا شفتوني .. لا تقولون جاي بطريقه غير شرعيه .. :D

الله يعين بس

ملاحقة دجاج 25/04/2007 02:37 AM

,,,
,,
,
ما قلتليكم ناس ما تنعطى جوازات البحرين عاد
لو انهم مازقينك بفرنسs13s ا نقول حلوه بس البحرين :confused:

المهم الحمد لله حنا البنات عندنا من يخدمنا وينطق بالجوازات:D
ويداوم عندهم:D

***
kn b5yers13s

juve1897 25/04/2007 02:45 AM

إقتباس:

الرسالة الأصلية كتبت بواسطة أشوى إني هلالي (مشاركة 5197370)
و قلت له : يعني تتوقع أني جاي أسبح من البحرين و أنا عمري وقتها 9 سنوات لو أني بطل أولمبي الحين حتى لو هو بطل أولمبي ما قدر يوصل سباحه <<< الحقيقه ما أدري أخاف إني جاي سباحة حرة ولا فراشة :d
:laugh: .......................................:laugh: حلللللللللللللللوه ولله ضحكت من جد الله يرجك أنت وحقين الجوازات سالفتك هذي تصلح(فلم) لو يدري عنها عادل إمام يسويها وياخذ دورك هع هع هع :D

و الله شكل هالصعايده أول ما يشوفون قصة جديده لازم يحطون فلم نعنبوا بليسهم ما خلوا شيء ما حطوا فيه فلم حتى احداث العراق دخلوا نفسهم فيه و حتى مع بوش و صدام :D

يعني لا تستغرب يجيك واحد و يقراء الموضوع و يحطون فلم فيه :p

إقتباس:

الرسالة الأصلية كتبت بواسطة ملاحقة دجاج (مشاركة 5197480)
,,,
,,
,
ما قلتليكم ناس ما تنعطى جوازات البحرين عاد
لو انهم مازقينك بفرنسs13s ا نقول حلوه بس البحرين :confused:

المهم الحمد لله حنا البنات عندنا من يخدمنا وينطق بالجوازات:D
ويداوم عندهم:D

***
kn b5yers13s


لو ماسكيني بفرنسا من جد هانت على الأقل يكون رحلتة تستاهل أما البحرين هذه قصتها قصه و يبيله حل جزري من الجوازات إنهم يصلحون الكمبيوترات الي من عصر الديناصورات

و زي ما قلتيها ما لقاها غيركم يا الجنس الناعم قعده بهالبيت و كل شيء جاهز لا روح طلع جواز و لا باقي الخرابيط و لا حتى تشيلون هم الزحمة و السواقة :D

المصروع 25/04/2007 03:08 AM

اخوي احمد

الله يستر من الجاي

بس المشكلة هي عند مين ؟؟

عندنا يالسعوديين

او عند البحارنه

وبعدين هذا خويك اللي راح من عام 1413
وش يسوي لين الحين ؟؟؟؟؟

يمكن ضاع بالسيف ؟؟؟؟

عموماً سالفة حلوة وغريبة

LBa your heart 25/04/2007 07:08 AM

وش موديك للبحرين :d

لاتشره تراني سهران :(

زي ماقال عميد المجلس اذا رحت البحرين وناوي ترجع مر على الجوزات وخليهم يشيكون أنت رجعت ولالا :d

juve1897 25/04/2007 04:51 PM

إقتباس:

الرسالة الأصلية كتبت بواسطة المصروع (مشاركة 5197607)
اخوي احمد

الله يستر من الجاي

بس المشكلة هي عند مين ؟؟

عندنا يالسعوديين

او عند البحارنه

وبعدين هذا خويك اللي راح من عام 1413
وش يسوي لين الحين ؟؟؟؟؟

يمكن ضاع بالسيف ؟؟؟؟

عموماً سالفة حلوة وغريبة

و الله علمي علمك الخطاء من السعودية و لا من البحرين لكن أنا من أكل الموضوع بعد 15 سنه من حدوث الموقف :D

بعدين شكلك فاهم غلط الله يصلحك مب خويي أنا الي كنت رايح و لم يتمس تسجيل دخولي يقولون إني حتى الحين ما سويت رجعه من البحرين على كثر روحاتي و جياتي لها لكن .. الحكومة أبخص

إقتباس:

الرسالة الأصلية كتبت بواسطة كلي هلالي (مشاركة 5198189)
وش موديك للبحرين :d

لاتشره تراني سهران :(

زي ماقال عميد المجلس اذا رحت البحرين وناوي ترجع مر على الجوزات وخليهم يشيكون أنت رجعت ولالا :d

و الله رايح أشم الهواء العليل وأتفرج على السينما :p

لا رايح أتمشى يعني زي ما تقول تغير جو .. و من ناحيه الجوازات لازم كل ما رجعت أشيك عندهم و أتاكد إني رجعت ولا لأ اليوم عدت على خير و الخوف من بكرة :D ..

الـساقي 25/04/2007 06:27 PM


هلا " أحمد " ,,

أستغرب ماصار معكـ .. وهذا يؤكد أن الجهات الحكومية لازالت يشوبها الأفلاس نوعاً ما ..!!

قصتكـ تذكرني بالعمالة اللي يفعلون المخالفات .. ومن ثم يسفٌرون إلى بلادهمـ .. بعدها يرجعون كما كانوا ..!!

لا حرج ولا شيء ..!!

وأعذركـ لما قالوا لك .. " أنت اللي من زمان مارجعت من البحرين " ..!!:eek: :eek: :D

يا غالي " الانظمة عندنا ماعندكـ أحد ..!! :rolleyes:

؛؛

خارج الموضوع :

يقولون اليوفي مبدع بــ" البـي " !!!!! s60s :D :D

أين أنت ياليوفي عن الـ " A " >> !!

؛؛

سلمتـ يداكـ ِ على الأسلوب الجميل بنقل القـصة ,,

ولا تتغلى من طلتكـ يابو توجر ..

دمتـ بخير ,,


" سليمااااااااان"

القيصر رهيب 26/04/2007 09:20 AM

طيب عاد أنت ليه ما ترجع

وش جالس تسوي في البحرين كل هالمدة :mad:

لا وأنت ووجهك تبي تطلع الحكومة غلطانة

الغلط راكب من راسك إلى رجليك ;)


بس كله كوم وتصريفتهم كوم

أجل تعلمنا شغلنا s60s

juve1897 29/04/2007 10:51 PM

إقتباس:

الرسالة الأصلية كتبت بواسطة ღ سيموღ (مشاركة 5200996)

هلا " أحمد " ,,

أستغرب ماصار معكـ .. وهذا يؤكد أن الجهات الحكومية لازالت يشوبها الأفلاس نوعاً ما ..!!

قصتكـ تذكرني بالعمالة اللي يفعلون المخالفات .. ومن ثم يسفٌرون إلى بلادهمـ .. بعدها يرجعون كما كانوا ..!!

لا حرج ولا شيء ..!!

وأعذركـ لما قالوا لك .. " أنت اللي من زمان مارجعت من البحرين " ..!!:eek: :eek: :D

يا غالي " الانظمة عندنا ماعندكـ أحد ..!! :rolleyes:

؛؛

خارج الموضوع :

يقولون اليوفي مبدع بــ" البـي " !!!!! s60s :D :D

أين أنت ياليوفي عن الـ " A " >> !!

؛؛

سلمتـ يداكـ ِ على الأسلوب الجميل بنقل القـصة ,,

ولا تتغلى من طلتكـ يابو توجر ..

دمتـ بخير ,,


" سليمااااااااان"

و الله لا تستغرب هذا الي حدث معي أنا و ما خفي كان أعظم و يمكن غيري جاء له اكثر من الي جالي

و زي ما قلت الأنظمة الحكوميه لا تزال فيها شائبه رغم التطور الملحوظ في بعض الخدمات و إدخال الحاسب

الأولي لكن عندهم أخطاء فادحه يمكن تودي الواحد بداهيه :D

و زي ما قلت العمالة يعني يطلع أحد العمالة بعد ما قام بسرقة أو جريمة و كل الي يسوية يغير أسمة و يدخل

بين في أغلب الدول عندها نظام البصمة .. يعني لو يطردونك و تجي بأسم ثاني حتى لو مسوي عملية تجميل

عرفوك عرفوك :D


اما من ناحية اليوفي الحمد لله رغم النقص بالنقاط إلا إنه يواصل زحفة لصعود و جاينكم جاينكم :D

و الله يعطيك العافية و شرفني مرورك

إقتباس:

الرسالة الأصلية كتبت بواسطة رهيب الحزين (مشاركة 5202558)
طيب عاد أنت ليه ما ترجع

وش جالس تسوي في البحرين كل هالمدة :mad:

لا وأنت ووجهك تبي تطلع الحكومة غلطانة

الغلط راكب من راسك إلى رجليك ;)


بس كله كوم وتصريفتهم كوم

أجل تعلمنا شغلنا s60s

أنا جالس صياعه في البحرين :D

الحقيقه الحكومه هم الي صح و أنا غلطان أنا جيت من البحرين سباحه و هذا طريقة غير شرعية :D

و لهذا الخطاء راكبني من راسي لرجليني :p

و الحكومه لو تقول الي تقوله هم أدرى مني<<< يعني لو أنا متعشي ماكدونالدز و هم قالو متعشي من كنتاكي خلاص انا متعشي من كنتاكي :D


الوقت المعتمد في المنتدى بتوقيت جرينتش +3.
الوقت الان » 08:48 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd