السلام عليكم ورحمة الله وبركاته
انا ابدخل بالموضوع مباشرة وهو موضوع حلم وتخيل يعني انا ابي اي واحد يحط حلمة لو كان رئيس الهلال وش بيسوي ؟
او لو كنت ملياردير وصرت رئيس للهلال وش بتسوي له بما انكم من عشاق النادي العريق نبي حلم او رايي اي شخص عاشق ومحب للزعيم .
ابدى بنفسي بما اني صاحب الموضوع امممممم اقولكم وش ابسوي انا لو صرت رئيس الهلال وهذا بالحلم يعني مو حقيقه اببني ملعب هذا اول شي ابسوية واهم شي ابني ملعب روعه شكله الخارجي من فوق على شكل هلال واخلي المدرج ازرق واكتب باللون الابيض نادي الهلال في الواجهه الرئيسية للكمره بالعربي والانقليزي و الزعيم في الجهه الخلفية للمرمى والانارة حقت السقف ابيض بما ان المدرج ازرق عشان يوضح شكل الهلال بالملعب . وثاني شي اجيب لاعبين عالميين مردونا وبيليه عشان يلعبون بالنادي هههههه لا امزح شباب كان تذبحوني اليوم الثاني لا اجيب لاعبين مشهورين وهم صغار مره عشان اذا بدعو مرة ابيعهم على اندية اوربيه واكسب منهم واللاعبين السعوديين المبدعين زي القحطاني والشلهوب هذولي اوديهم لاوربا عشان يلعبون ويبدعون واذا نجحو بيكون المردود المالي للنادي اكيد صح بعضكم ما يبي كذا بس هذا عشان اذا بدعو الشباب اللي راحوا بيعدين يجون الاندية الاوربيه ويشترون لاعبين الهلال شراء وبكذا يحترف اللاعب السعودي اما على حالتنا الحين ما فيه امل يحترفون .وثالث شي امسك قناة الزعيم واخليها مثل قناة المان والريال وبالعكس اخليها افضل بقوه تنقل مباريات الهلال حصريا واشفرها عشان الجمهور يساعد في دعم النادي .
هذا اللي يحضرني الحين وانا اكتب والا انا كل يوم احلم حلم احسن من اللي قبله .
لاحضو شباب ترى حلم لحد يدقق :laugh: انطل حلمك وامش واذا ما اعجبك الموضوع عادي اكتب لا تعليق :D

مشكوووور اخوي على تخيلك ..!!

أشتري عقد سعد الحارثي

الرسالة الأصلية كتبت بواسطة ابو طـــــلال (مشاركة 5196166) اوووووووووووووووووووف !! ياليت اصير رئيس للنادي خمس دقايق بس واخط بقلمي وبحكم صلاحياتي اشياء كثيره ... اهمها عدم مجامله اللاعب على حساب النادي .. اتخاذ القرارات بشكل سريع ( اكشن ) سواء قرارات العقاب او الثواب .. واي فكره تطرح لصالح النادي ابدى بتنفيذها ... اعطاء الشباب فرصه .. بصراحه عندنا لاعبين شباب مستواهم فن لاكنه يعتزل وحنا ماشفناه يلعب بالفريق الاساسي ... ولكاتب الموضوع احطك مستشاري المالي:thumbup: علشان ( انا النووص وانته نوووص );) ويعطيك العافيه اللى خليتنا نحلم شوي

بسم الله الرحمن الرحيم

أنا اذا صرت رئيس للنادي

حأعمل:

1/إنشاء أكاديمية كبيرة في مقر النادي(الرياض).

2/إنشاء مدارس لتعليم الكرةفي جميع أنحاء المملكة.

3/إنشاء استاد رياضي ضخم جداً(أكبر ملعب في اسيا)

4/تعديلات في مرافق النادي ومعداته.

5/انشاء دار سينما كبير بقرب النادي يحكي قصة نادي الهلال والدخول ب50ريال:D

6/أزبط :D النادي بشكل عام.

الرسالة الأصلية كتبت بواسطة مجنون سامي999999999 (مشاركة 5196902) لو صار هالشيء: بستأجر نادي النصر وانقل له دواليب الكؤوس الهلاليه التي حصل الفريق عليها واضعها فيه وبكذا نساعدهم بفك ازمة البطولات والأزمه الماليه اللي يمرون فيها :P

الرسالة الأصلية كتبت بواسطة badr917 (مشاركة 5196496) والله لو اصير رئيس للنادي اسوي 1- التعاقد مع المدرب الارجنتيني كالديرون 2- شراء عقد عبدالرحمن القحطاني ويوسف السالم واسامه هوساوي وسعد العبود 3- التجديد للاعبين المميزين قبل انتهاء عقودهم ب شهرين على الاقل منعا للقيل والقال 4- عدم التلويح بالاستقاله كل دقيقه وثانيه وخاصه في الاوقات الحرجه 5- اجراء تعديلات على مرافق النادي 6- جلب استثمارات ضخمه للنادي تغنيه بعد الله عن اعضاء الشرف 7- تنسيق بعض اللاعبين المنتهيه صلاحيتهم مثل المفرج وتركي الصويلح واحمد الجري وسلامتكم

الرسالة الأصلية كتبت بواسطة هلالي _الوادي (مشاركة 5196886) 1_ وضع بعض الاعبين على قائمة الانتقال مثل المفرج وغيرة 2_شراء عقود بعض الاعبين المميزين مثل عبدالرحمن القحطاني 3_انشاء اكاديمية للاعبين الصغار

الرسالة الأصلية كتبت بواسطة مجنون سامي999999999 (مشاركة 5196902) لو صار هالشيء: بستأجر نادي النصر وانقل له دواليب الكؤوس الهلاليه التي حصل الفريق عليها واضعها فيه وبكذا نساعدهم بفك ازمة البطولات والأزمه الماليه اللي يمرون فيها :P