|
هدف الكابتن ســامــي الـجـابــــر في مرمى انجلترا السلام عليكم ورحمة الله وبركاته .... وبعد سمعت ان سامي الجابر سجل هدف في منتخب انجلترا قبل كاس العالم 98 ويقولون الهدف هذا هو اللي خلاه يحترف في صفوف ولفرهامبتون الانجليزي فــ اللي عنده الهدف حق سامي ينزله في الموضوع عشان نشوفه ... وشكرا |
مـا اتـوقـع ... ! ! |
اخي الكريم سامي الجابر لم يسجل هدفا امام المنتخب الانجليزي لأن اللقاء انتهى بالتعادل السلبي في استاد ويمبلي وقد قدم سامي بالذات مستوى رائعا لم ينقصه الا تسجيل الاهداف |
أول مره اسمه أنامي سجل هدف في المنتخب الأنجليزي وثاني شي لوسجل كان أضيف في شريط سامي |
أخوي the leader .......... المباراه اللي تتكلم عنها كانت ضمن استعدادات المنتخب السعودي لكأس العالم 98 .... وانتهت بالتعادل السلبي ....... وقدم فيها سامي الجابر مستوى راقي جدا .... وكان قاب قوسين او ادنى من التسجيل !!!! لكـــــــن ربك ماوفق ...... واذكر في المباراه سوى سامي الهوايل بمدافعينهم !!!!! وصنع اكثر من هدف محقق لطيب الذكر ( سعيد العويران ) لكـــن برضوا ربك ماوفق !!! وطبعا مايهون ابو دعيع اللي لعب احد اروع المباريات بتاريخه !!!! ( وروح اسأل الين شرر !!!!!!! ) وبيعلمك وشلون قعدلهم !!!!!!!! تحياتـــــــــــــي.............. |
إقتباس:
|
المباره الي قبل كاس العالم 98 كانت اعداديه وانتهت بالتعادل السلبي ولعب المنتخب السعودي افضل مبارياته الدوليه |
ماذكر ان سامي الجابر سجل هدف في منتخب انجلترا اللي اذكرهـ انة ابدع في المباراة |
صحيح الجابر لم يسجل هدف لكنه بالمستوى اللذي قدمه يستاهل اكثر من هدف وشريط المباراة كامله عندي بس المشكله ودي ارفعه على النت بس ماني عارف |
إقتباس:
واذكر كان فيه كلام قبل المباراه انها حصريه (على اوربت) بس يا حبي لهم اوربت عرضتها على القناة الاعلاميه وقدرنا نشوفها <<<شطح بالموضوع بعيد :D اخوي الاكيد ان هذيك المباراه حشرنا انجلترا في ملعبهم :D وكان نجم المباراه سامي الجابر الي لعب في المدافع الانجليزي آدمز لحد ما انشق الشورت (حق ادمز) وغيره وانشق ثانيه بعد :D وكذلك ابو عبدالعزيز (محمد الدعيع) كان أسد أسد أسد في ذيك المباراه وما نكبنا الا سعيد العويران :upset: جاب هدف بايده من فرصه كانت محققه بقوه :upset: عموما المباراه انتهت صفر صفر لا سامي ولا غيره جاب قول بس احلى مباراه شفتها للاخضر طوال حياتي |
بعد المباراه سلطان بن فهد جاء يسلم علي الجابر وقال له انت سجلة احلي الاهداف عندما سحبة بالمدافع العملاق بول ادمز اللذي كان في عهده افضل مدافع بالعالم يقولونه والعهده علي الراوي..... |
إقتباس:
وسواء قالها سلطان بن فهد والا ماقالها .. الي سواه سامي في هذيك المباراه (مو طبيعي) وكان نجم المباراه من (الفريقين) بشهادة الانجليز قبل السعوديين .. شئ واحد (بعد المباراه) صار الي هو ظهور لقب (الذئب) للاسطورة سامي .. والي أطلق عليه اللقب صحيفة (إنجليزية) .. وعقبها اشتهر ابو عبدالله بـ لقب الذيـــــــــــب على كل حال عقبت على ردك لسبب واحد ما أبي (زعيم مثلك وشرواك) يردد كلام مشكوك في صحته وبعدين يصير مثل (جماهير الفقر) :D الي تطلع عندهم (اشاعه) يحولونها (خبر) ثم يلزقونها (إنجاز) في محنطهم الشهير ماجد عبدالله :D مثال أكيد سمعت (فقراوي) يقول (بيليه) يتمنى ماجد في منتخب البرازيل :D والا كارلوس البرتو قال ان مانقص البرازيل الا ابو عبيد :D وأن مارادونا يوم شاف ماجد يلعب قال لولا بشرته لقلت انه مقطوع سره في بيونيس آيرس :D والا الكذبه الي كبر راس ممدوحهم :D الي ما نشوف بزر فقراوي الا يرددها :D ان ماجاب كاس اسيا الا ماجد :D وهو ما سجل الا (هدفين) في بطولة 84 و (هدف واحد فقط) في بطولة 88 :D ولا واحد من الاهداف حسم مباراه .. وازيد بيت بأنه (أضاع ضربة جزاء) :D طبعاً كلها كذبات كانت (اشاعات) تحولت إلى (أخبار) ثم لزقوها (إنجازات) في محنطهم :D سامي كبير ومو محتاج لـ (كلام) سلطان بن فهد والا غيره .. وأنصح الي ما قد شاف المباراه .. يشتري شريطها ويشوف (الإسطـــــوره) سامي بن عبدالله الجابر وزميله سيـــــد حــراس آسيــــا محمد عبدالعزيز الدعيع كيف نجوميتهم وعالميتهم |
قريت كل كلامكم وشبعت وماصار عندي رد أقوله:D يعطيكم العافيه |
سامي عبد الله الجابر .. والله ماانسى ذيك المباراه على اوربت وتعليق ناصر الاحمد ياسلام .. ولاانسى ذيك اللقطه ابد اللي سامي نطل بقاري نيفيل وآدمز .. ضاعوا مايدرون وين الكوره خخخخخخخخخ كبير ياابو عبدالله |
فهمت والا اعيد !!..؟؟ |
| الوقت المعتمد في المنتدى بتوقيت جرينتش +3.
الوقت الان » 01:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd