تمت قراءة الموضوع

كنت ساكتفي بهذه العبارة ولكن اسمحي لي ببعض القسوة

وانا أقول دام فيه الطريقة القديمة او بدائل اخرى ليه نختار الحل الصعب دائما

المشكلة احيانا الغرض مو لازم يعني مو ضروري ولكن قد ندفع ثمنة كبيرا لا سمح الله


ليس في البقالة فقط وانما في السوق وفي المطعم وفي اماكن كثيرة تعرض فيها البنت

نفسها لما لا يحمد عقباه من اجل ماذا من اجل رفاهية مزعومة

كشمينوا <<< معناها وعليكم السلام

والله راعين البقالات مشكلجية..

ولا اخفيكم بأنه عامل بقلة حارتنا ..

يقولي كلاام جنسي باللغة الفلبينية..

فانصح بعمال يابانيين..

وشكراا

السلام عليكم ،،

هلا فيروسه ..

إقتباس خذوا الحذر عند أخذ الطلبات ::

ذكرتيني بسلامتك سلامتك نود لك سلامتك .. لانك الانسان تعمر الاوطان... الخ. ماقيل في ذلك

إقتباس كونيتشيوا

يعني غصب تبيننا نقول مقطوع سرتس باليابان

إقتباس ..:: مداخل ::..

وناسه لو انتي مخليه الموضوع كله مداخل بعيد عن الفقشات

إقتباس [ القصة المؤثره ]

أجل قصة مؤثرة!!

وحنا نصدق ونقعد نصيح وآخرتها تسذب

سلمي لي على " زوجة خالتس " على قولة الصدى

وان كان تبين الصدز ، فخدمة توصيل الطلبات ذي ما عادة علينا الا بكل شين

الرجال تعودوا الكسل والتبطح والتسدح ، والحريم صاروا كل ما مر على بالهم شي قالوا نبي نطلب من البقاله

بالنسبة لي دااايم أقول لأهلي لا تطلبون لا من المطعم ولامن البقاله واذا بغيتوا شي اتصلوا علي واجيبه لو أنا بالخرخير

وخوذي هالقصه هاذي من عندي وليست نقلاً عن زوج خالتي

يوم السبت اللي راح وانا راجع من العمل للبيت ، يوم وصلت بيتنا ونزلت من السياره وأشوف الهندي حق البقاله واقف عند باب جيراننا وجالس يمعّـط خدود ولدهم ( والوليد ما شاء الله مزيونن حمرن عطر )، ابن الحراش الهندي شكله ناويه وأجي واناديه واتوطى بطنه ( طبعا بالهرج لاني منب قوي )...

بس قضت القصه لاهيب مؤثره ولاشي بس انها صدزيه مهيب تسذبيه


يعطيك العافيه

فمااان الله

هههههههههههههههههههههههههههههههه

قسم بالله يالفيروسة أني وأنا أقرأ القصة أضحك.. وكنت أدري أنها تأليف وكنت ناوي أكتب لك كذا لين

قريت رد القرقاص والحمد لله..!!

والله أحداث القصة ولا تقولين فيلم هندي

البنقالي يدخل على حرمة بكل جرأة ويطردها وهو ما يدري إذا البيت فاضي أولا..!!

وبعد مكان عمله معروف وإقامته عند صاحب المحل.. ويتهجم على الحرمة بكل شراسة كأن الاستراحات اللي

بالرياض ويترددون عليها البنقال وغيرهم من الدشير انعدمت

لا وبعد يقوم يذبح الولد عشان هالحرمة؟

والله لو هي نجوى كرم في عز شبابها ما يسوي كذا أكبر مجرم... إلا في الأفلام الهندية..!!

لا وعشان يكتمل الفيلم الهندي.. الشرطة ما توصل إلا بعد ما ينتقم البطل (الزوج) ويقتص من المجرم (البنقالي)

لا ومن زود دلاخة مؤلف الإشاعة.. مخلي البنقالي يرجع للبقالة بعد ما يقتل الطفل ويتخبى وراء الثلاجة

ويييييييين يبووووو؟!! والله حتى بالأفلام الهندية ما يسوونها



الزبدة:

اطلبي يا خيّة اللي تبين.. لا تخافين..!! الحمدلله البلد أمان...!!

وما دام البنت متسترة ومتغطية.. ما راح يطمع فيها اللي بقلبه مرض..!!


الله يعطيك العافية أختي الفيروسة على الموضوع والسرد الممتع..!!

تحياتي..!!

انا معي خيزران >>> عصا تكون المحطه من القلب

وأي بنقالي اشوفه بس يرفع صوته مع كل مكان اضربه

وهذي مني اي بنقالي تشوفه بس خلي العصا يتفاهم معاه

وانشاء الله انك مأجور

وللمعلوميه الغالبيه العظمى شيعه

خوذيها مني حتى لو كانت السالفة صدق ..
انتي افتحي الباب ولا تفكرين في شئ .. لان ما عليتس خطر ..
الخطر على اللي يوصل الطلب ..

إقتباس قام البنجلاديشي الحقير طلع ميداليته وكانت فيها سكينه صغيره واخذ الطفل ابو سنتين اتوقع وجرحه من عند المعصم والحمدلله انه ماوفق عرق والا كان راح فيها سمعت الام صرخة طفلها وقالها البنجلاديشي افتحي والا ترى بموت الثاني وفعلا اخذ الطفل الاخر وجرحه من عند الرقبه وتوفى الطفل البنجلاديشي شاف الدماء وولى هارباً من المنزل

احلى مقطع هههههههههههههههههههههههههههههههههههههههههههههههههههههههههه

اجل جرح الاول ويوم نزل منه دم ما خاف ولا شئ ... الا تحمس وجاء واخذ الثاني ومع الرقبه هههههههههههههههههه
ههههههههههههههههههههههههههههههههههههههههههههههههههههههههههههههههههههههههههه

ويوم نزل الدم وشافه العامل خاف ههههههههههههههههههههههههههههههههههههههههههه
اجل وش نزل من البزر الاول ؟؟!!!ههههههههههههههههههههههههههههههههههههه

الفيروسه تكفين قولي لزوجة خالتس لا تصدق كل شئ وانتي بعد مهوب لا سمعتي سالفة بمجلس الحريم جيتي متحمسه وعلى طول اضافة موضوع ؟؟!! اركدي << ادري اني اطلب المستحيل

والله القصة هاذي مدري

احسها مدري

بس اللي فهمته إنه عندكم تلفون بالبيت