موضوعى لا يبحث على ردود..كفاية ضيعت وقتكم شوية...موضوعى مجرد دردشة بينى وبين نفسى...على الشبكة
وبدون مقدمات
اصحى بدرى...اصلى ... وارجع للفراش... وبجنبى وعلى يمينى جهاز الكمبيوتر المحمول....افتحه وللشبكة على طول (قبلها كان اتجاهى للجزيرة لكن والحمدلله ... تفكيت من الغم والاخبار الى..)
اول ما افتح الصفحة الرئيسية (اجددها لأنها مفتوحة من الليلة الى قبلها).. اغمض عيونى واتجه بالماوس لأعلى الصفحة باش اتصفح الاخبار....اخاف اشوف موضوع لعضو بخبر لا قدر الله زى (اللاعب كذا لن يشارك...والا.... المبارة تأجلت..والا ...الهلال ممكن يخسر النقاط...والا والا... والاخبار الشينة دائما سباقة وللأسف
افتح الاخبار... ومرة اخرى ابعد عيونى عن العناوين.... اخاف من اخبار لا تعجبنى...ممكن لو اقراها وحدة وحدة بدون عنوان تكون الصدمة اخف.....
اقراها....واقراء الى يعجبنى مرة واثنين.... وبعدين انزل تحت الصفحة....وها.... خبر يكذب او يشكك فى الى قريتة لحظات قبل....ارجع للموضوع الى قبله ... واقارن....وبلا فايدة... اخدها من اصيلها واصدق الخبر الاسواء لاحتواء صدمة لو كان الخبر صحيح....ولكن المشكلة ما انحلت....قلقان...اتجه لمواضيع الاعضاء.....وها.... خبر حلوا...وخبر يقلق...اقراهم....انشغل اكثر....اقراء الردود.....والحمدلله....فيه اخوة ماشاء الله عليهم...ثقة...كلامهم يريح.....اقراء ردودهم...واقفل
ساعة بالكثير اكون فى العمل....افتح الجهاز....وبالخطاء.... افتح الشبكة بدل صفحة الاسهم والمداولات النقدية (احوال الفلوس)....اتأكد ان مافيش حد عنده خبر يفرح اوغير كلامة...وان اللاعبين بخير...والمبارة فى موعدها....وانى لسة مش نايم...اخاف يكون حلم
احلى هلالى طرابلسي اليوم...زملاء العمل يطلبوا القهوة والشاى على حسابى....ولكن مافى واحد يتجراء ويكلمنى عن المبارة.........مستحيل.....ولا واحد يتجراء يعزمنى عنده او يعزم نفسة لمشاهدة المبارة معى....لما يلعب الهلال...بابى مقفووووول
قبل المبارة بساعتين...طيران للبيت والاقى التلفزيون مفتوح....واول محطة ناقلة....ودائما الرياضية والاخوة الاثنين ..نسيت اسمهم....وهات يا توقعات ومش عارف ايش....استحمل لعيون الهلال حتى تجى ال أرت والتحليلات الى قبلها وبعده دعايات....مش كفاية....افتح الكمبيوتر واروح لروم الزعيم على البالتوك....الصوت عالى ....وواحد كل مرة يطلع ويصرخ ......فيه صوت...اسمع...ممكن حد يقول حاجة جديدة ..او خبر لا قدر الله غير متوقع....اخلى التكست بدون صوت باش لما تنتهى المبارة ارجع اقراهم....من عين الحدث واعرف شعورهم قبل وبعد القول والفوز على طول.....
اول مايدخل الفريق الملعب....اقفل الباب بالمفتاح...المرا والاولاد فى حالة استنفار....ورعب......الكل يبعد...التلفونات تقفل.....الطلبات تجهز من الاولاد فى حالة الفوز....
الرموت واى جهاز قريب يبعد عنى بمسافة مترين على الاقل...اى حاجة بأيدى انا مش مسؤل ... اتطير من الروشن للجيران على طول....عادى
المهم....تبداء المبارة....والحقيقة لا يمكننى ان اصف ما يحدث للواحد بعدها....اخليكم هنا....لأن الشعور عندها لا يمكن وصفة...شعور الطفل الخالى من هموم الدنيا...الى ممكن يبكى لزعله بسهولة...ويضحك بفرحته بسهولة...بدون ما يكتم...ولا يخجل من شعوره....انتم عارفين ويش اقصد
طولت عليكم...سامحونى....اترككم بخير والسلام عليكم ورحمة الله وبركاته
الوضع الشجري
