|
كلمة ورد غطاها .... من مختلف انحاء المملكة .. السلام عليكم .. ياشباب انا جت هالفكرة في راسي وابي نتساعد عشان نفهم بعض في جميع انحاء المملكة ... كلمات عامية قديمة وحديثة .. بس ما فينا من كلمات هيك وهيك ;) .. كلمات دارجة بين عامة البلد او الديرة .. يعني اللي يشكل عليه كلمة سمعها من ديرة ثانية يحطها وواحد من هالديرة او اي واحد يفسرها وش تعني .. بمعنى اخر .. في وسط المملكة عندنا كلمات مثل ... انفهق (وفي رواية انفهز ) ... وتعني ابتعد او انقلع .... !!!! والا كلمة مقزز يعني مطنش ولا جاب خبرك .. عاد لا تسوونها فيني في هالموضوع :p انثبر وتعني اقعد ولا تتحرك .. تقال للترهيب والتهديد عند الغضب ... وفي شمال المملكة .. ياااااابعدي ... وتعني عسى يومي قبل يومك والا لا يابوسليمان بعد حيي .. بعد حيي ... وش معناها ... وهكذا في كل منطقة .... وش رايكم جازت لكم الفكرة والا انفهق بس :D ؟ |
@ هلا والله اخوي ابو منار : @ الله يعطيك العافيه على هذه الفكرة وبصراحة فيه كلمات غريبه ونحن من وطن واحد وتجد اكثرنا ما يفهم بعض من كلمات تستخدم في منطقه غير منطقته .. @ اللى ودي اعرف وش معناها كلمة (( انت وش قومك تسوي تسذا)) انت وش قومك سألت واحد من الجنوب وهي عندهم كثيرة قال يعني انت ليه تعمل كذا مادري اللي من اهل الجنوب بيفيدونا .. @ شاكراً لك افكارك الحلوة والتواصل مطلوب من الجميع . |
فكرة حلوة أنا من الجنوب وتحديدا من غـامد ، بالنسبة لعبارتك أخوي حبي التيماوي أول مرة أسمعها ، وعموما حتى في الجنوب لهجات كثيرة وانا شخصيا اجد صعوبة احيانا في فهم بعض عبارات ديرتي فما بالك بباقي اللهجات . بس هذا ما يمنع اني افيدك بلهجة الشرقية لأني مولود وعايش فيها . <<<<------ اخس ياللي يتكلم لغات :rolleyes: :rolleyes: :rolleyes: :rolleyes: :cool: :cool: :cool: :cool: |
و انا مستعد باي كلمة تشكل عليكم من الفرنسي والانقلينزي واليوناني و البرتغالي :D :D :D لا وعندي خبرة باللغات الميتة مثل الفرعونية و الرومانية و الفوقتحتية....الخ بس صز صز صز ((لغة سيريالية....معناها صدق صدق صدق)) فكرة حلوة ينقصها التثبيت |
شكرا حبي تماوي وسيف وعبود ... حبي تيماوي من سياق الكلمة يتضح معناها ... انا عندي كلمة ياليت من يفسرها .... إذا صار لواحد أي شي مثل حادث او رجع من سفرة ... يقال له خطاك السو .. يرد عليه اللي صار له الحادث خطاك اللاش .... وش معنى اللاش ؟؟ |
يالله بطب معكم .... أنا مع فريق الشمال والقصيم وماجاورها ... اللي يبغى يسألني انا حاضر . وياليت نبعد عن التريقة بهالموضوع.. لأنه حساس شوي .... يعني نبغى نستفيد من الكلمات الغير مفهومة ... خاصة باللهجات المحلية . والله يابو منار ماني عارف وش معنى اللاش . أول مرة أسمعها . لكن اللي اعرفه لاجا الواحد من السفر يقولونله الحمدلله على السلامة ويقولون لأهله قرت عينك بجيه فلان . ولا يقولونله ... لا تعبت ,,, وهو يرد بقولة لا ندمت . |
ياهلا والله بابومنار ياجعلي اذبح لك حوار هههههههه هلا والله بابومنار حبيب قلبي هلا وغلا بالمشرف حق الكنبيوتر هلا وغلا تو اشوف لك موضوع يابعد قليبي انت والله وينك فاقدك من زمان والله ومشتاق لك بالحيل اللهجات واجد وانا اخوك وبالنسبة للي يقول خطاك السو ويرد عليه الثاني يقول خطاك اللاش . اللاش تعني اللي ولا شي وهي اختصار لكلمة (لاشي) مثل قولتهم يفداك اللاش يعني جعل اللي مايسوى شي يفداك وانا ودي اعرف بعض كلمات اهل الجنوب الغالين على قلوبنا مثل قولتهم 1- ياااااااجعلي اخذ ضيمك 2- بقعى تصوعك 3- سبعتن شلّتك 4- بطني بايع ضاني (وهي كلمة يقولها آل قرن) وفيه كلمة لاهل الحجاز الطيبين وهي 1- اندر ندرت عبنك من حقها ؟؟؟؟؟؟؟ هي العين لها حُـق ؟؟؟؟؟ وسلامتكم يالغاااااااالين |
أبي اعرف وش كلمة : سبعة شلوك حقت القصيبي في طاش شلوك من الشلل ولا وش ؟ |
للاخوه في الحجاز .. وش معنى كلمة طرطشلي ؟ |
أنا أفيدكم بقعا تصوعك بقعا هي اسم جنية من الاساطير ،، وتصوعك يعني تبتلش فيك :D :D أما باقي العبارات اعتقد انها من عسير وبني شهر لكن أعرف بعض الكلمات بس يا جعلي اخذ ظيمك الظيم = الضيق والتعب ،،، يعني باختصار فيني ولا فيك بالنسبة لسبعة شلوك أخمنها تخمين ان معناها سبعة من الجن يشيلونك من الشيل مو من الشلل . أما أندر ندرت عينك من حقها (بضم الحاء) يعني انزل نزلت عيونك من وعائها الحق=الوعاء هذا اللي اعرفه واي احد من عسير يفزعلي اكيد يعرف بعض العبارات . :cool: :rolleyes: :cool: :rolleyes: |
كل الشكر للأخوان لتفاعلهم مع الموضوع والشكر للأخ ابومنار صاحب الفكرة الرائعة . ونزول عند رغبة بعض الأخوان هذا مسمار التثبيت . لكن من جد كلمة ( طرطشلي ) ياليت من يفسرها ....... |
اولا اشكر جميع الاخوه المشاركين في الموضوع والله يا جماعه انا من الجنوب ولكن ساكن في الشرقيه منذ المولد وصدقونى بعض كلمات الديره ما اعرف معناها لكن انا عند بعض الكلمات 1/ كهلت العـغـش 2/ سدم وهناك الكثير |
انا بعطيكم هذه ورا بقالتكم طمله يعني ورا(( ليش)) بقالتكم شينه وصخة تحياتي لكم هلال الخبر من سكان مدينة الخبر ومن باريس نجد انا |
انا اعلمكم اعرف واحد من شقراء لكن دارس با الجنوب واسلته وعلمني وش معنى بعضهن :D انا من سدير اي شي ما تعرفونه عن لهجتي اسعلوني وانا اعلمكم..... طرطشلي=هذي الله يسلمك ما لها معنها مجرد لقب وعلى فكره انا اعرف احد ممثلين اش شخصياً وسالته وشلون ما يتوهوقون وتطلع عائله جد قالي الله يخلي الدليل:D :D مثلاً طرطشلي تبدا بحرف(ط)ويدورون اذا لقوها ولا وحده تشبهلها يغيرون وتعرف طلعات حقين طاش زاحفه. ________________________________________________ قيص ميص = هذي الزراديه با الهجه اهل تهامه با الجنوب. __________________________________________________ فيه كلمه يا ربي وشي ايه تذكرت (هيتا) هذي تعني تعال او سير او مر علينا _________________________________________________ وش فيه بعد يا ربي.....اممممممممممم... فيه كلمات بس بعضها منتشره وبعضها ماله داعي مثل سَفنجه...... موضوع حلو وموفق لكن وين الي يشاركون:D |
ابومنار ام ان منار ابنته ام انه ابا لمنار ..ام ان منار مازالت ابنته ... موضوع حلو وفكره احلى بس اللاش ياهي قويه ... ولاتهون شمال ماتشناك (هي صح كذا بس ) لانهم يقولونها بسرعه مافيه امل الواحد يدري وش يقولون ... |
| الوقت المعتمد في المنتدى بتوقيت جرينتش +3.
الوقت الان » 10:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd