طيب ياهل الرياض وش يقصد الواحد لما يقول وناسه وفلت حجاج

ابغى معنى (( فلت حجاج ))

حجاج غير الحجاج الي يروحون مكة,,

اخوي هلالي الجوف .. مثل ماقلت وان شاء الله ان الشباب يقدرون الموضوع لأنه حساس شوي لكن لا مانع ببعض المرح .. بس اللاش ماجبتها والله يازميل جابها الحبحر الهلالي والله ... شكرا لمشاركتك ..
الحبحر الحار ... هلا بك يابعدي والف الحمدلله على سلامتك وخطاك السو وخطاك اللاش .. كلهم :p .. سيف ماقصر معك .. بس قولة اندر الظاهر انها انقز او فزّ والله اعلم شكرا لمشاركتك ..
الإعصار .. سبعة شلوك إذا كان تفسير سيف صحيح ..
هدف بالمقص ... طرطشلي مثل ماقال روي كوستا بالضبط على ما اعتقد ... شكرا لمشاركتك ..
اخوي سيف ... ياجعلي ما اعدمك ما قصرت وانا اخوك ... ياريت تتواصل معنا ... وشكرا لمشاركتك ..
شكرا حبي تيماوي على التثبيت ..
هلال رحيمة .. ننتظر التفسير من الاخوان .. وشكرا لمشاركتك ..
هلال الخبر .. هلا بك يانجم منتداي طملة هذي تقال عندنا في نجد مدري عنكم في الشرقية .. بس مدامك من باريس نجد يعني انت اللي نشرتها هناك .. :p ... شكرا لمشاركتك ..
هلا اخوي وولد الديرة روي كوستا .. والله اعتقد بعد ان كلمة هيت مهوب هيتا تقال عندنا برضه بمعنى تعال ...اما تفسيرك لطرطشلي فاعتقد انه تفسير سليم .. شكرا لمشاركتك ..

ارجو المزيد من التفاعل .. خصوصا ان فيه بعض الكلمات ماحد فسرها ..

كهلت العـغـش ... سدم ... بطني بايع ضاني ...

لا هذه ولا تلك ياسلمان ... ان منار حفيدة لوالد ابومنار منذ سنة من الزمان
كلمتك تنقال اذا قال لك احد يمناك يمد لك شي او يسلم عليك ..... انت تقول له يمين ما تشناك يعني ما تضرك وتسوي بها الخير دايما ... يمناااااك ياسلمان :p

فلة حجاج ياحبي تيماوي...

فلة (برفع الفاء ورفع اللام وتسكينها ) تعني فرد (فعل)... الحجاج (برفع الجيم الاولى وتسكين الثانية ) هو الحاجب اللي فوق جفن العين ... يعني فرد الحاجب من سعة الصدر ..

اجل حجاج اللي يروحون مكة ... هع

يوم ولد اللاش رزقه على امه رزقي على ميت القشع يحييه

اللاش وعرفتوه ,, القشع تعرفونه

قشع يقشع قشعآ وهو حاطن رجله مع الوادي ،، يعني مكيم على الدكسن

وتوطاله شجره ميته اهاااا ،، يعني القشعه شجره ميته :p

طيب شمالآ ماتشناك وعرفناها ،،، وش ردها يالدبش

وانا واحدآ منكم ،،، مدري يقولون شمالك يمين وجفراك مدري عفراك سمين

المهم دابة سليمه وبس

الغالي ابو منار لا عدمناك هيا حل ( لا عدمناك )

اعتقد كما فسره لي بعض الأخوة ان فلة حجاج .

فلة = تعني مبعثره فل الشئ يعني بسطة او نثره .

حجاج هي مثل ماتفضلت وذكرته .

ومجمل الكلمة فلة حجاج يقصد بها سعادة كبيره غامرة بلا حدود ... والله اعلم



الشين تو سهل ابو الثمانيات :

شمال ما تشناك تقال للشخص الذي تمد له أنت حاجة بيدك الشمال وردها تقول = شمالك يمين وعجفاك سمين ..

عجفاك تعني غلطتك ,


لكن خذ عندك هذه كلمة يشتهرون بها اهل منطقتنا يعني حول الكورنيش .

( وشفيك قاعد تنغف )

فسر يابو التفاسير ....

<

ما اقول الا

بقعاء تصوعكم جميع
وش ذا الموضوع

والله ما توقعت يسير عليه اقبال كذا
_____

طيب اذا واحد اظطر يمد لك بالشمال
يقول
شمالي ما تشناك
و ترد عليه: شمالك يمين

صح كذا و الا انا غلطان
____
سبعة شلوك
يمديها تزيد

يعني
شلوك عشرين من راس الصبحة((الصبحة مكان مرتفع من احد جبال الجنوب
او انه راس الجبل عموما))

جني غط بك
يعني جني خسف بك الارض

محمد هس بك
يعني محمد ياخذك

و كلها شركية

سهل 888 ...
طيب دابة سليمة وش معناها ؟ مشكور على مشاركتك ...

حبي تيماوي ...
يقوللك وفسر الماءَ بعد الجهد بالماءِ ... نفس تفسيري مع اختلاف الطريقة اما قاعد تنغف .. تنغف ... عسى بس مهيب بتشديد الغين ؟؟؟

عبود ..
وش دعوى ياااااخخخخخي الموضوع مايستاهل يعني ؟ :p مشكور يالغالي على مساهمتك الطيبة ...

شكر للجميع ,,,,

دا ويدا شنو ذا والله

( وشفيك قاعد تنغف )

الا يابو منار بتشديد الغين ( اعرفه هالشين )

راعي تلـزّق بالجدران والا تحت الكنب

والدابه السليمه على ما اعتقد !!!! اصبر خل انغف

ايه ( تقال للشخص المسالم ويشبّه بالحيوان الاليف لايهش ولا ينش )

لا تقول وش معنى يهش وينش ،،، هذي عليكم ،،

قال ينعف قال والله اول مره اسمعها ( عليه طلعات هالمشرف )

السلام عليكم جميعا ...

والله انكم منسمين ... غبرتوا علينا من قدم هالكلمات
اللي جايبينها من الأرشيف !!

انا الحمد لله اتكلم جميع اللغات وما عندي اي مشكلة
لأني خريج جامعة امستردام البرازيليه ^^^ الله من الدجة !!


بس حبيت انبهكم على شئ مهم جدا :

بعض الألفاظ اللتي تكثر عند العامة وخصوصأ اهل الجنوب
مثل :
سبعة شلوك >> المقصود فيها 7 من الجن شالوك !!

بقعاء تصوعك >> المقصود فيها بقعاء وهي جنية اسطورية تسكن في اعلى الجبال .. تصوعك : تحل بك .

وهذه الكلمات سبق وان حذر منها الكثير من المشايخ , لأنهاقد تكون من الاستعانة بالجن وهذا والعياذ بالله من الشرك !!

بالنسبة لكلمة ( ظهري بايعضاني ) وهي نادرة الاستخدام وفي اماكن معينة فقط فمعناها : ظهري يؤلمني او ( يعورني ) .

والكلمات : قيص ميص , كهلت العـغـش , سدم ؟!؟!؟!؟!؟!؟!؟!
فبصراحة اول مرة اسمعها وممكن تكون خطأ .

وسلامي لكم جميعأ .