اشكر كل من مر على الموضوع سواء اتفق او اختلف معي ،لان حب الهلال يجمعنا وقبل ذلك الحب في الله0

اما نواف فهو عائد بأذن الله 0

بس لاتنسونه من دعائكم0

ياخي لاعبين ياخذون ملايين بالهبل وانت مستكثر عليه كم مليون الي خذها
ولا تنسى نواف فرط 30مليون علشان الهلال تجي وتقولي تجديد عقد ويساوم

القيصر بيكنباور ----- إمسك أرضك

اخوي ادري ان كل اللي شابين على نواف بسبب موضوع العقد مثلك ولأن نواف مو من اللي يوزعون كلام رخيص من طقة دمي أزرق وباجدد ببلاش وهم من ورى الكواليس تجيهم أنواع الشرهات
انت قلت ان حقدك على نواف بسبب موقف شخصي واعترفت انك متحامل عليه....ما تشوف انه من العدل انك ما تحاكمه بسبب هالموقف الشخصي!!

طيب حبيبي فاهم الكورة....ممكن تجاوب على أسئلتي؟
1- الحملة اللي على نواف بدأت من متى؟ من تجديد العقد ولا من انخفاض مستواه ؟
2- عمرك سمعت ان نواف غاب عن التمرين بدون سبب أو تأخر؟
3- عمرك سمعت عن أي مشكلة لنواف غير قضية العقد؟ واللي ما أدري ليش معتبرينها مشكلة!! لكن بعض الناس لا زالت تفكر بعقليات الصبان والصايغ في زمن الاحتراف
4- هل نواف اللاعب الوحيد اللي انخفض مستواه في تاريخ الهلال؟؟
سامي اكثر لاعب انخفض مستواه في فترات كثيرة وارجو انك ما تقول لي من حق سامي وهالخرابيط
الشلهوب بداية الموسم الماضي وغالب الموسم اللي قبله كان مستواه منخفض وما شفنا حملة زي هذه!
وغيرهم كثيرين مرورا بالدعيع والخثران وعزيز والغامدي وووو وان كان عمرك اكبر من 15 سنة فانت تدري ان الجمهور كان يطالب بتنسيق عزيز والغامدي في فترات سابقة واثبتت الايام ان نظرتهم قاصرة
5- هل نواف الحين يلعب غصب عن المدرب؟
نواف من أقل اللاعبين في الهلال واسطات ....وعمرنا ما شفناه تذمر انه احتياط مع ان غيره يشارك وهو لا لياقة ولا شي وما يقدم مستوى ونصرخ باسمه
6- تعتقد ان مهارات نواف اختفت!! مواهبة راحت!!
شوية عقل ما تضر وانا اخوك

من الي

من الي ضرب نواف أو طرده من النادي ياحبيبي نعرف نواف واخلاقه وحبه للنادي لكن المسأله انتقاد بسبب تدني مستواه فقط لا غير ,,,

وشكرا

MYSTERIOUS اخوي احترم نفسك ولاتقارن سامي بلاعب مثل نواف

خلاص فهمنا نواف مميز ورهيب وبيرجع مثل ماكان عام 2000 بس احترم نفسك كل شيئ الا سامي اتمنى انك تفهم وشكلك مندس من نوع جديد خصوصا ان نواف يلقى معامله خاصه من جماهير الاتحاد والنصر

أخوي طبيب بيطري
ما لها داعي احترم نفسك كاني غلطان في أحد من اهلك...ومو انت اللي تعلمني من سامي....لكن في نفس الوقت أتمنى يكون عندك موضوعية شوي وما له داعي أسلوب الشوارع في الرد
من أكثر انتظاما خلال تاريخه الكروي مع الهلال؟
من أكثر من جاه خير من أعضاء شرف الهلال؟

جاوب على هالسؤالين بحيادية وبعدين رد....اللي يشوفك وانت تقول لاعب مثل نواف يظن ان نواف افشل لاعب في تاريخ الهلال!!!
بعض الناس اذا ما يقدرون يتكلمون بعقل الأفضل يسكتون
ومواليد أول أمس مو مسؤوليتنا نعلمهم كورة

بأذن الله راح يرجع لمستواه

نواف نجم ومحبوب الجماهير حتى لو انخفض مستواه نحبه