|
اسدح وجهة ننظرك بكل رحابه من مباراه الهلال والثر السلام عليكم........ طبعا الكل شاف المهزلة اللي صارت وما نبي نتكلم عن التحكيم نبي نتكلم عن حبايبنا اللاعبين .......كل واحد يسدح تعليقاته عنهم.......... يا شباب بالله عليكم الخوجلي ما يذكركم بحارس بنجلاديشcwm3: يرد الكور السهله بحركات سينمائيه على بالي صعبه ولاحد يقدر يسويها -------------------- خذوا بعد عندكم هذاك عصير سيزر (صايب الغفلة) ما عنده الا يسقط الكوره (اسقاط مظلي) ----------- والدلخ الثاني الحارثي (الجاموس الحساس) لو تطلع الكوره اوت جاك عند الحكم ومد ايدينه الى عند ركبه وقعد يسوي كذا ==> ---------- و عندكم بعد علي يزيد اللي لو **** عبدالله الشريده تسدح يبي بلنتي وعلى طريقة الحواري (بلنتي والا بخرب) ---------- بس خل عنكم وقفة الدعيع بالباب عن عشر حراس منول كنا نخاف اذا احد شات من برا منطقة الجزاء واللحين ودنا الدفاع يوخر عن اللي بيشوت علشان نشوف وش بيسوي -------------- وعندكم بعد المفرج كل ما شفته اتذكر نكتة الخروف اللي يلاحق الاسد...(بايعها بتراب) يعني صراحه الولد مجتهد بس عليه نقزات مهيب لم سالفه وشكله بيطلع من اصابه وبيدخل في غيرها ------------- و اما ادميلسون هذا (عطوا سداح فرصه) ---------------- و طيب الذكر اللاعب الخلوق الجمعان بس صراحه ما قصر الكوره بغت تنفجر من كثر ما صكت بالقائم ====> ************************** الرجاء الابتعاد عن مثل هذه الألفاظ !! |
الله يعطيك العافيه . و اليوم نجوم الهلال مبدعين و لاعبين النادي الاخر اعتقد الي قلتي عنهم كفايه . |
لو إنا افتكينا من بربسة المدرب مع ادميلسون ،، وكان عند الجمعان شوي حظ ، كان أغلق الجيران ناديهم للأبد ،،، |
مشكور اخوي مضاوي ... واهنئك على اسلوبك الجميل والطريف في التعليق على المباراه.. وبالنسبه فانا اقول... ان الكاتو اليوم مو الكاتو اللي نعرفه. ............. ادميلسون كان المفروض يطلع برى ويدخل بداله حسين العلي. ............ الشلهوب كان سيد اللقاء مره يمين ومره شمال وتسديده من هنا وتسديده من هناك كان هذا الاعب هو الاعب الاول في هذه المباراه. ............ الجمعان كان اكثر الاعبين ازعاجا لدفاع النصر.. وكل ما جاء يشوت فاول قامت الجماهير النصراويه والهلاليه على على اعصابها.. وكرتين فالعارضه ما قصر. .............. لم تاتي الدعيع اي كوره خطيره ولم يختبر في هذا اللقاء. ............. الخوجلي ابدع هذا اليوم كثيرا تسديده الجمعان وراسيه ادميلسون. .............. الاعب التميمي رغم دخوله المتاخر الا انه كان اكثر لاعبي النصر ازعاجا لدفاع الهلال... ............ هذا اللقاء كان ناقص الجابر والتمياط والثنيان.. ......... ولك تحياتي..... روعه الكره. |
والله اليوم جميع لاعبين الهلال كانوا نجوم وانا اليوم ضايق صدري لان النجوم هم الاقرب للفوز ولكن ماحصل...............حمدلله على كل حال وصدق اخوي يوم قال(كشكشها ماتعرضهاش)................. والسلام خير ختام |
| الوقت المعتمد في المنتدى بتوقيت جرينتش +3.
الوقت الان » 12:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd