نادي الهلال السعودي - شبكة الزعيم - الموقع الرسمي - ابو الخير .....وش رايك نروح نلعب بلاستيشن اصرف لنا ..هذولي مافيهم حيله

اجلتو المباراة ولا مااجلتو المباراه
شككتو في لاعبيننا الكبار
كتبتو وتحديتو وانتم عارفين ان الزعـــــــيم معاندي ويحب التحدي

كسرنا خشومكم بالملعب
ابو بلوتوث <<<<<<ودي اشوف وجهك الحين

لعبنا لعب وهدينا حصونكم

بياسر والشلهوب وتفاريس والدعيع.......الخ
وبتوفيق الله قبل كل شي

طلع ياسر ....قلتم الحمدلله طلع
مادريتم اللي طلع صقر ودخل صقر

فرحتم كثيييييييييييييرآ باليومين اللي فاتو
وقلتم [ ياسلااااااااام الهلال مرهق وجاي من اوزباكستان ونبي نفوز اكيد]

انا راحمكم واكيد الامه الهلاليه جميعآ راحمتكم.....على قصر تفكيركم وعقلكم (الصغنن)

لهذه الدرجه ماعرفتم الزعماء وجبورتهم على وجه الارض وعزمهم(طبعآ الجبروت لله والعزه قبل كل شي)
الدعيع ...دائمآ مبدع ودائمآ انت في القمه <<<<<الله لايضرك
المفرج....اقوى رد على المشككين في قدراتك ...ماشاءالله تبارك الله
تفاريس ....ابدعت في تصدي الكرات المرتده
ياسر الياس.....ماشاءالله تبارك الرحمن ياولد المدينه عليك تحجير مو طبيعي (خليت عد الحارثي بعد المباراة يدور له شغله غير كرة القدم
الخثران... الله اكبر على نشاطك وعلى لعبك وعلى اخلاصك كفيت ووفيت
عزيز..اقوى محور كفيت ووفيت يابطل
عمر الغامدي...الخبير خبير كفيت ووفيت يابطل
الشلهوب ....(شلهلهب) تبارك الله الكلمات لاتعبير عن مدى فرحتي بتألقكـ
العنقري.....كل مباراة تثبت انك موهبه
الفان....والله لو ييرحلونك ولا ياخذونك فرق قطر اللي تجمع العجايز امثالك كان ابرك وتفكنا من لعبك المايع
ياسر القحطاني ,.,,,لاتزعل ولاتتضايق كلنا نبغاك تلعب 90 دقيقه كامله لكن نظرة المدرب وهو يشوف اللي مانشوفه
افضل لاعب اسيوي بلا منازع

وبالاخير كل نصراوي الان يرووووووووح على طول ويصك عليه غرفته وينااام نومآ عميييييييقآ لان الليله وكل ليله هلاليه زعيماووووويه
^^^^^^^^^^^
صوره لمنتدى الفقر الظاهر تسرب كلامي اللي فوق وسمعو كلامي وكل واحد راح على فراشه ونام:D
http://www.swalf3.com/vb/uploaded/1842_1176720158.jpg
قفله
منظر حلو بين الحارثي وابو الخير عند مغادرة الملعب
الحارثي:ابو خير وش رايك نروح نلعب بلاستيشن اصرف لنا
ابو الخير:ايوالله هذولي الزعمــــــــــاء مافيهم حيله

وسلام من الله ورحمه منه وبركاته

ســـــــــــــــــــام9