|
الى من ينتقد الفان استغرب النقد اللاذع الموجه صوب البرازيلي الفان وكانه عدو وليس لاعب هلالي.حتى ان احدهم قال ساخرا انه افضل لاعب بالبرازيل في اضاعة الفرص والحقيقة انه افضل هداف ببطولة كوبا ليبرتادوريس عام 2004 لمن جهل الحقيقة.كنت ولازلت ادافع عن هذا النجم واطالب ببقائه لمواسم قادمة.اخواني ارجعوا لاهداف اللاعب بالدوري البرازيلي وتدركون انه لايلعب هنا بمستواه الحقيقي بسسب انقطاعه عن اللعب الى جانب خوضه مباريات حاسمة متلاحقة وهو لم ينسجم مع زملائه او مع الاجواء لدينا علما انه واجه ظروف صعبة مثل قضيته باحدى المحاكم البرازيلية وكسبها والان بدا ينسجم ويستعيد مستواه ولكن للاسف الجمهور لازال ينتقده.هذا اللاعب هداف متكامل وشاهدناه امس كيف غربل دفاعات النصر وتنقل بانحاء الملعب مابين مدافع ومهاجم وصانع لعب ووضح انسجامه مع الشلهوب ولو مرر له سرور والتمياط لاحرز هدفين.الفان عيبه اضاعة الفرص السهلة لتسرعه ويحتاج وقت لكنه هداف مهاري وسيفيدنا بالالعاب الهوائية التي لم يجيدها لاعبونا.الفان هداف خارق بشهادة النجم طارق التايب ومدرب بختاكور والسيد باكيتا وبشهادة وكالة الانباء الفرنسية.الفان يذكرني بمواطنه ادميلسون الذي لعب للهلال قبل 5 اعوام وكادت الادارة تلغي عقده لاضاعته ركلات الجزاء والفرص السهلة لكن بعد الصبر عليه استطاع تحقيق لقب هداف الدوري وقادنا لتحقيق لقب كاس اسيا.الفان لم يهدر بتاريخه اي ضربة جزاء لمن جهل الحقيقة ويكفي انه مشهور ببلاده ومثل منتخب البرازيل وفرق عريقة كسانتوس واتلتيكو وبوتافوجو كما احترف في فرنسا والبرتغال.الفان اختاره المدرب سيريزو الذي كان مدرب لامع باليابان ويملك بفريقه المع المحترفين البرازيليين ولو رايتم الدوري الياباني لانبهرتم منهم ولكن سيريزو ذكر ان الفان هو الافضل! الفان هوجم مثل مواطنه صوماليا الذي مثل الهلال قبل 4 اعوام وبعد الغاء عقده نال لقب هداف البطولة العربية مع الكويت الكويتي قبل ان يعود للبرازيل ليصبح احد افضل عشرة مهاجمين بالدوري هناك ولو صبرنا عليه لكان احسن لاعب بالسعودية.لابد من الصبر على الفان مواسم قادمة لانه نجم عالمي وسينجح وسيبهر الكل لان طريقة الانسجام تختلف من لاعب لاخر،ولاننس ان نجوم عالميين اتوا للسعودية لم يقدموا نصف ما قدمه الفان.سجل للهلال 8 اهداف وابدع بالنزالات الاخيرة وانتظروه المباريات القادمة وكفوا عن انتقاده لما بعد الموسم. |
يسلم بؤك يالاكسجين الازرق .. |
مشكلتنا كعرب أننا نتعجل في أحكامنا نعم علينا ألصبر ألى أخر ألموسم ومن ثم نحكم عليه |
انا احب سواليفك يالاوكسجين لكن هالمرة سواليفك مهيب زينه.. والسبب أن الشيخ (الفان) لايتقن الكور الهوائية وقد أضاع أهدافاً لاتضيع حتى على حسين هادي وأعتقد أن السبب في ذلك كونه يضرب الكرة بالرأس وهو مغمض العينين قد يكون الفان مفيدا في المستقبل اما الان فهو لاعب ثقيل جدا صحيح ان الرجل أحرز اهدافاً تدل على مقدرته التهديفية لكن (مصخها) باضاعة الفرصة التي لاتضيع..ومع ذلك نبي نصبر واتمنى ان يكون كلامك صحيح تدري ليه ..؟ لأننا صبرنا على النعيمة وصار من صار ..كابتن العرب وصبرنا على عزيز ..وما ادراك ماعزيز..!! |
الأكسجين الأزرق مشكور أخوي على كلامك وكلام عين العقل بس اللاعب هذا ما عجبني مع إنه سجل لنا كم هدف يا زين قوارو وكماتشو |
يكفي ان مرر الكرة للخثران وجاء منها الهدف الوحيد يبون الاعب يمطر عليهم اهداااااااااف والله يعطيك العافيه اخي الاكسجين |
يا اوكسجين كفيت ووفيت بس ما نقول الا الله يهدي اصحاب العقول الحجريه |
يعطيك العافيه اخوي وماقصرت كلامك عين العقل والله |
انت النجم يالاكسجين وبصراحة انا متابع مواضيعك وهي تعجبني الله لا يحرمنا منك ... اما عن الفان لاعب فنان والدليل ان مستواه يتطور بشكل كبيييييييييييييييييييييير بس لو نصبر عليه ان شاء الله يبدع.. ويعطيكم العافية |
الله يكتب اللـي فيـه الخيـر .. |
والله انا اشوف امركم عجيب يالهلاليين يعني أعلى لاعب في نسبة تسجيله للأهداف ومهاراته عاليه وبعدين اجنبي مايعرف يتكلم عربي ويتفاهم من الاعبين مع ذلك تأقلم معهم بسرعة اخلاص في الملعب ويفرح كثير لما يسجل هدف كأن النادي له ومع ذلك ماتبونه؟؟ حنا الظاهر نحكم من الشكل الخارجي ولا نحكم للاعب تمركزه وتطبيقة لخطط المدرب في الملعب ياشباب والله الاعب ماضر الفريق بالعكس انا اشوف من خلال متابعتي له مسوي الي عليه وزود. انا بسألكم سؤال انتم تبون واحد حركة يراكض ويناقز ويناول على طول علشان مايعطل اللعب ولا تبون واحد يسجل لكم هدف وتفوزون بالمباراة ولا يجيب لكم بطولة بهدف يسجلة. ترى اذا انتهت المباراة خلاص الناس تنسى وش سوى هذا الاعب ولا ذاك بس النتيجة هي الي تبقى. |
يبعد روحي على هاذا الكلام الله يوفقك |
الفان لاعب فنان والدليل ان مستواه يتطور بشكل كبيييييييييييييييييييييير بس لو نصبر عليه ان شاء الله يبدع.. ويعطيكم العافية |
والله ما يضيـع الفـريق الا اللي يدافعون عـن الفـاان .. يا نااس كل واحـد يخلـي الكووره لـ أهلهـــا .. عشان جـاب كم هـدف مقشـر .. وضحـك علـى البزارين بحـركة الكعـب .. خلاص صار فنـان ؟؟؟؟؟!!!! اقسـم بالله انـه من جنبــهـا .. والكوووره في واادي وهو في وااااادي .. بوجووده نلعـب ناقصيـن .. والدفاع الخصم يلعب بـ 5 مدافعيـن !! لا استلام ولا تسليـم ولا تمرير و تسـديد ولا ضغط على حامل الكووره ولا يلعب كرات هوائيه ولا يجري ولا يلعـب ولا يتعـب ومفهـي وغبـي وغشيــم .. (( انـت بس ارجع للمباراه .. وشوف كم تمريره غلـط خرجـت من الفـان )) .. وبعـدها يمكـن تقتنـع في كـلامي .. واذا ما اقتنـعت فهـذا يـدل انك انـت والفـان في واادي والكووره في واادي .. إقتباس:
|
والله أفضل موضوع قريته من اسابيع ... البزران كثروا .. تخيل يقولون مانبيه لأنه يسجل اهداف على فرق سهلة .. الوحدة وباختاكور سهل !! تذكروا هدف ياسر امام الإتحاد كان الفان هو اللي بيسجل بس ياسر سبقه بالكورة .. اللاعب هداف من طراز نادر .. ومحظوظ .. وأنا ابحث عن اللاعب المحظوظ ولا علي من مهاراته .. شف بالعربي جماهير الهلال يبون لاعب زي ياسر يسحب ويتفنن . عشان نهاية المباراة يجون يدورون صور متحركة لمهاراته .. ولا يفكرون في عدد أهدافه .. انا اتحدى مهاجم جاب عدد أهداف في عدد مباريات الفان .. اللاعب يشفع له إنه قدم في منتصف الموسم ، يعني ما أمداه يتدرب .. أتمنى يبقى موسم ثاني ، وإن الإدارة تجدد لأجانب الهلال كما هم .. وبإذن الله البطولة تكون بإيدينا .. شكرا ً لك يارائـــــــع .. |
| الوقت المعتمد في المنتدى بتوقيت جرينتش +3.
الوقت الان » 03:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd