|
ما سر تغييرات باكيتا؟؟؟؟؟؟؟؟ بسم الله الرحمن الرحيم الف مبروك لكل الهلاليين هذا الفوز الغير المستغرب اولا انا احب ابين لكل الأعضاء اني لا اقصد من موضوعي هذا زعزعة الثقة في المدرب الهلالي باكيتا باكيتا مدرب ممتاز لكن بصراحه تغييراته تثير استغرابي واتمنى من الاداره ان تناقشه في هذه الامور كنت انوي كتابة موضوعي هذا بعد مباراة بختاكور لكن فضلت تأجيله الى مابعد مباراة اليوم ليفاجئني المدرب باشياء اخرى تحتاج الى تفسير طبعا اول التغييرات الغريبه والعجيبه كان في مباراة الأهلي عندما قام بتبديل ياسر القحطاني بسبب قصر قامته وهو اللذي كان شعله من النشاط في تلك المباراه واعتقد والعلم عندالله انه لو لم يخرجه لكان الحال تبدل في مباراة الهلال وبختاكور اخرج باكيتا احمد الحربي المصاب وزج بياسر الياس وقدم العنقري الى منتصف الملعب وقد نبرر له ذلك بان مستوى نواف التمياط في مباراة الاهلي لم يقنعه فلم يرد المخاطره بإشراك نواف التمياط في مباراة مهمه التغيير الثاني بعد ان تقدم الهلال بهدفين كان اخراج الخثران وادخال الهليل!!!!!! يعود العنقري للطرف اليمين ويذهب الياس للطرف اليسار؟؟؟؟؟؟؟؟؟؟ لماذا لم يخرج العنقري ويبقي على الخثران في الطرف اليسار هل ياسر الياس اللذي يلعب بقدمه اليمين سيكون افضل من الخثران على الجهة اليسرى ؟؟؟؟؟؟؟؟؟ لم اجد اي تفسير لهذا التغيير حتى الان ثالثا اشرك العنبر مع انه كان من المفترض ان يعطي الفرصه اما لنواف او لسامي ننتقل لمباراة اليوم اليوم باكيتا يملك اللاعب فهد سرور اللذي يجيد اللعب على الطرف الايمن لماذا لم يشركه واشرك الظهير الايمن العنقري في مركزه انا اعرف ان البعض سيقول حرص دفاعي لكن هل نحن نلعب امام برشلونه او ريال مدريد حتى نكون حريصين دفاعيا لهذه الدرجه ثانيا اخراج ياسر القحطاني ولن اتكلم كثيرا عن هذا الموضوع فإذا كان ياسر يعاني من اصابه فالمدرب كان مصيبا بتبديله لكن الكارثه اذا لم يكن يعاني من اي اصابه!!!!!!!!!!! في النهايه انا لا اطالب ابدا بابعاد باكيتا لان هذا ليس الوقت المناسب للتفكير بهذا الامر فالهلال وصل الى مرحلة الحسم لكن مااريده من الاداره هو مناقشة المدرب في بعض قناعاته وشكرا |
اليوم ياسر خرج للأصابه .. والمدرب كثف الوسط لعدم فتح مساااحات للنصر . |
يعطيك العاافيه اخوي اسمه وربي المدرب ذبحنا بتغيراتها اللي ماله سنع خصوصا ياسر القحطاني في المباراه التي امام الاهلي وكذلك اما النصر والله اخاف من تخبط باكيتا |
تغيررااات تكتيكية وش عرفك انت مشكلتنا متعودين ع تغيرات وحده ومتعودين ياسر اساسي ع طووول :) لحد يسوي فااهم |
إقتباس:
طيب فهد سرور لاعب نص ولا العنقري ؟؟؟؟؟ ليش مابدأ بفهد سرور ليش الفلسفه هذي تلعب واحد مركزه ظهير في الوسط وانت تملك لاعب وسط متميز؟؟؟؟؟؟؟؟ |
اليوم حرام عليه يطلع ياسر .. ويخلي ألفان يكمل بس وش نسوي عيال عم كلهم من قبيله وحده برازيليه |
إقتباس:
عندك لاعب وسط ممتاز فهد سرور وعندك العنقري لاعب ظهير تلعب مين في الوسط؟؟؟؟؟؟؟؟؟؟؟؟؟؟ ياليت تجاوبني علشان افهم |
أخوي ااسامه صدقني باكيتا كانت تغييراته خاطئة في مباراة الأهلي لكن اليوم باكيتا هو نجم المباراة بالتساوي مع الياس النجم القادم والذي انسانا الدوخي وايام الدوخي وتقبل مروري يالغالي |
اخوي الغالي ترا المباريات مهي زي الدوري الياباني بالبلايستيشن المباراة 90 دقيقه والمدرب يحسب كل دقيقه وش لها ووش ما عليها يعني يبدل ظهير يدخل جناح له نظره خاصه او حارس تظل نظرة خاصة ومالنا الا النتيجة والاداء والنتيجة اليوم 1-0 وكانت عادية مقارنة باداء الهلال اللي ما ظهر الا 10% من ادائه الحقيقي لو الدعوى كذا كان الكل صار يدرب التدريب من اصعب المهن وما فيه احد يقدر يصير مدرب لندع المدرب يعمل بحرية واحترافية شاكرلك تحملك لردي اخوك سكروو :) |
إقتباس:
من جد انتم ماتفهمون ؟؟؟؟؟ ياخي ياسر القحطاني أصيب في المباراة برب بس |
إقتباس:
بس ترى باكيتا حريص دفاعيا زياده عن اللزوم واليوم اشراكه للعنقري في مركز الوسط ماله داعي خصوصا انه عنده نواف او فهد سرور وتغيير ياسر لغير الاصابه اليوم خطا كبييييييييير وشكرا لك على مرورك |
باااكيتاا ماا اظن انه سووى اخطااء فاادحه في التغيراات والدليل الثماار اللي جنااهاا من التغير... مشكلت بااكيتاا انه درب المنتخب السعوودي بعده مفكر انه بيلعب قداام فرق كبيره فصاار تفكيره شوي دفااعي.. |
إقتباس:
يعني لو كانت نتيجة المباراة تعادل بيكون لك راي مختلف ولو خسارة راي اخر وبعدين ترى نحنا انتقادنا للمدرب مو معناه اننا بنصير مدربين او نفهم احسن منه يااخي المنتدى هذا وضع لابداء وجهة النظر واظن لو رجعت لموضوعي مابتحصل فيه اي تقليل من المدرب لاني عارف نفسي ماوصلت لدرجه اني اقيم مدرب لكن نبدي وجهة نظرنا في التغيرات واذا كانت التغييرات اضافت للهلال فصدقني ماحد بيتكلم على المدرب لكنها اثرت سلبيا على اداء الفريق وبعدين انت بنفسك اعترفت انه اداء الهلال ماظهر منه الا 10% والسؤال ليش؟؟؟؟؟ ليش النصر كان ماسك المباراة في الشوط الاول والهلال متراجع العنقري لاعب ظهير لما تشركه في مركز خط الوسط فهذا بيكون لمصلحة الدفاع وليس الهجوم مع ان العنقري اليوم لعب مباراة كبيرة لكن السؤال ليش مابدأ بفهد سرور او نواف التمياط شفنا بعد مانزل فهد سرور كيف تحرك الفريق اكثر لانه في لاعب وسط متمكن زاد في الفريق .... على العموم تبقى وجهة نظر |
مشكلتنا كل واحد يبغى يصير مدرب يااخوووووووووووووان المدرب ادرى بمصلحة الفريق وهو المدير واختلاف ارائكم معه لالالايفسد للود قضية انت تريد وانا اريد والله يفعل مايريد تحياتي |
إقتباس:
يعني نحنا نحكم على المدرب من خلال النتيجه حبيبي التوفيق من عند الله ويجب تحكم على المدرب من خلال اداء الفريق وبسألك سؤال بسيط لو تقارن مباراة الهلال والنصر هذه بالمباراة السابقه ايام بسيرو ولاتقلي ان طارق التايب كان مشارك لانه طارق في تلك الفترة ماكان في المستوى المطلوب في المباراة السابقه تسيد الهلال المباراة ضيع فرص كثيرة وحتى اداء الفريق كان ممتاز في المباراة هذه قبل دخول فهد سرور كان النصر ماسك المباراة بعد نزول فهد سرور السيطره للهلال يعني وجهة نظري في ان اشراك العنقري كان فهد سرور هي بالعربي فلســـــــــــــــــفــــــــــــــــه مالها داعي تعتبر منطقيه |
إقتباس:
بس انا ماقللت مت باكيتا او طالبت بابعاده انا جالس ابدي وجهة نظر متواضعه ممكن تكون صائبه وممكن تكون خاطئه و بعدين انا ابدي وجهة نظري في تغييرات يعني اشياء في حدود علمي ممكن على اي مشاهد انه يلاحظها |
اخوي اسامه ادري ان المنتدى لتبادل وجهات النظر :) انا ما قلت ان موضوعك ماله داعي وياليت الادارة تحذفه !! بالعكس النقاشات مثل هذي تفيد الكل ارجع واقول ان النتيجة مهي 1-0 او 2-2 النتيجة اللي هي الاداء العام الاداء الهلالي كان جيد بالرغم انه 10% من ادائه الفعلي والعنقري قدم مباراة روعه رغم اني قلت لخويي يوم شفت التشكيلة ( باكيتا بدا يحوق الله يستر ) لكن اثبت انه قد المركز الجديد ومسألة ان النصر ماسك الشوط الاول , فالمدرب عنده 90 دقيقه يلعب فيها وله خبرة تدريبيه بمتى يهاجم ومتى يدافع وانا اخالفك بدخول نواف لان مستواه متذبذب ولا ينفع تدخله بمباراة مهمه لنا وللفريق الجار وفهد سرور دخل وحاس الدنيا وياليته داخل من زمان صراحة اشوف المدرب ممتاز عدا تمسكه بالبنقالي رودريقاو اللي يرفع الضغط لكن لو تلاحظ بكل فريق عالمي لازم لاعب يقعد بحلقك !! بس تحمل واهم شي النتيجة ( اللي هي الاداء بشكل عام ) انا اشوف الهلال بالرغم من الارهاق الواضح على اللاعبين كان مبدع وحاشر النصر بزاوية !! وتسلم ولا تزعل علينا تراها مثل ما قلت وجهات نظر :) |
إقتباس:
انت قلت بنفسك فهد سرور حاس الدنيا قبل نزول فهد سرور كان النصر ماسك بزمام الامور بسبب ان المدرب مشرك العنقري في منطقة الوسط |
ياااااااااااااااااسر خرج وهو مصااااااب وبالعكس مدرب الهلال باكيتا تغيراته حلوووه |
هذه مشكلتنا جمهور الهلال الفروض نترك المدرب في حاله وخصوصا انه فاهم جميع اللاعبين وتمنيت ان الهلال تعاقد مع باكيتا لمدة ثلاث مواسم,, الله يكتب اللي فيه الخير |
إقتباس:
|
انا اشك في مسألة الاصابه عند ياسر .......!!!!!!!!! ثاني شيء نحن نعرف باكيتا جيدا ..... اشين مافيه انه لايجيد التغيير واختيار العناصر ....!!! او انه مثل ماقال احد الزملاء يبي يكسب شعبيته وفائئدته في البرازيل لأنها موطنه ..فمحاباته لللاعبين البرازيليين ..تفيده كثير بل هي مصلحه له كبيره في البرازيل ..بحيث يوصي عليه هؤلاء اللاعبين الذين يلعبهم ...ويكونون له واسطات في بلده ...اذا ما (( دج ))في الخارج ...... فيعرضون اسمه في البرازيل ...ويروجون له بأنه مدرب ممتاز جدا .......وبذلك لايكون مغمور في البرازيل اذا لم يجد عقدا ً خارجياً .............ترى هؤلاءالأجانب يفكرون عن بعيد ..بعيد |
من وجهة نظري ان المدرب درب ياسر في الهلال والمنتخب ويعرف امكانياته وهو شايف ان للحين مو فمستواه الطبيعي عشان كذا لازم يغيره عشان يحس ياسر ويرجع مستواه قبل مباريات الحسم ونفس الشي مع نواف |
في وجهة نظر خاصة جدا باكيتا اليوم كان رائع في التغيرات ,,,,, |
فزنا بسوء النثر ولا الهلال ما قدم اي شي |
الفريق مجهد وتعبان باكيتا حاول اغلاق منتصف الملعب باكبر عدد من اللاعبين لتقليل الجهد المبذول العنقري ابدع امس في اغلاق ملعب الهلال و التقدم مع الهجمه الشوط الثاني الهلال تقدم و سيطر وكان قريب من تسجيل اكثر من هدف لو المدرب اعطى المساحات في منتصف الملعب لكانت كارثه لعدم قدرة الغامدي وعزيز على بذل مجهود كبير والدليل اصابة الغامدي وعزيز باكيتا لن يمتعكم بالاداء ولكن الزعيم سيكون اقرب للفوز منه للخسار في جميع المباريات القادمة والتوفيق من عند الله |
| الوقت المعتمد في المنتدى بتوقيت جرينتش +3.
الوقت الان » 01:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd