|
خلك مثل البعير ولا تصير مثل البعرور السلامـ عليكمـ ندخل بالموضوع .. مدري ليه حاسّ إن العنوان بيسبب لبعض الناس حساسيّه يمكن لأنهم عاشوا بالغربيّة ودلع وكول ووجه كأنه دفتر كشكول ولا يطيقون الجملات والبعارير والبُعران طبعاً الكل يعرف البعرور والا البعير صح ؟! والبعرور او البعير اللي هو (الجمل) يسمى بسفينه الصحراء صح ؟! وكثير نسمع بأمثال تضرب به .. موب بس تضرب الا تتصفق وتنجلد وتتكفّخ بعد وللأسف ماعندك أحد .. ولااحد يعطي هالأمثال وجه !!! نجي للمضمون .. الجمل معروف عنه الصبر .. وهالشي مفروغ منه ويقولون (اصبر من جمل) ليه ؟! لأنه معروف عنه الصبر وقوة التحمل للعطش والجوع ولااااااا تـكـن كالبعرور (الجمل) في حقده .. لأن الجمل ايضاً معروف بحقده ويقولون ( أحقد من جمل ) . ليه ؟! لأنه معروف انه يحقد لسنوات طويلة وبعضها تموت قهر اذا ماانتقمت من اللي مأذيها!! فعشان كذا .. ياحلات الإنسان إذا عاش صبور ومتحمل بلاوي الدنيا كلها ويعيش عيشة جمل بهالشي... وياحلاته اكثر شوي اذا عاش هالإنسان نظيف قلبه من الحقد وحب الإنتقام لمن آذاه وفي الأخير تحلّوا بالصبر ودعوا الحقد عسى الله يطهر قلوبنا وقلوبكم من الحقد .. بالمناسبة هذا اول موضوع لي بالمنتدى جميع بعد اخذ وشد وضرب وضريب اليين فعلوني الله يفعل حياتهم بالعافية دمتمـ |
انت (هجمة خطيرة) وفي غيرك (فرصة ضايعة) ههههههههههههه بعض المعرفات تشد الانتباه بالحيل :D البعير اذا حقد من جد يخوف موضوع حليو ومشكووووور ومرحبمبك في منتداناs13s |
والله قد رفسني جمل طيرني 5 مـــتر الظـــاهر مشبه عليه ههه |
إقتباس:
شكرا لمرورك إقتباس:
|
يابعد قلبي يالبعارين :D بس تصدق كنت احسب البعرور شي ثاني ;) هلا وغلا اخوي هجمة خطيرة وما شاء الله عليك من اول موضوع بغيت تجيب قووول :D وحياك الله في الميلس :D دمت بخير ,,, |
وعليكم السلام ورحمة الله وبركاته هلا والله بهجمة خطيرة:) أن شاء الله ماتكون ضايعه زيي:D :D داخله بشوف وشو البعرور:confused: أثره هو نفسه الجمل:p ... طيب وراهم مسمينه كذا :confused: ...أحسها تصغير له:D .... إقتباس:
وياهلا فيك أخوي معنا :) ,,, سلااااااااااااااام ,, |
إقتباس:
اجل طلعت تحب البعارين مثلي يا كبتن خخخخ بس وش سالفتكم ماعرفتوا البعرور شكلكم ماسمعتوا المقطع حقه المنتشر لووول<-- بيفضح نفسه دمت لنا يا اديب إقتباس:
لا والله يالغالي الى الحين الهجمة بالطريق وتراهي انفراد على المرمى ولا بعد تراه فاضي خخخخ .. شكرا لك |
احب اشكرك على موضوعك ولكن لا اتفق معك بتسمية البعرور !!!!!! بعير صح لكن بعرور ليس صحيح تقبل مروري |
انا بعيره فلا احد يلعب ويبزوط معي |
حياك الله وبياك أخوي هجمة خطيرة...!! ولكن البعرور لا يطلق على البعير... وإنما يطلق على روث البعير :) تأكد أخي بارك الله فيك...! تقبل تحياتي.. |
ياهـلا وغــلا فيك هجمه مرتده .. ماشاء الله صايره هجمة القناص .. اول شي حياك الله في المنتدى وفي المجلس العام .. ما اقول الا الله يصبرنا صبر الجمل .. والله لا يخلينا نحقد حقد الجمل .. ولك الف شكر ع الموضوع .. نتظر جديدك .. دمت بخير |
| الوقت المعتمد في المنتدى بتوقيت جرينتش +3.
الوقت الان » 11:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd