وش سالفتكم ياجمهور الهلال بالرياض !!
 

قسم بالله كل يوم يجيني احباط من الجمهور الهلالي بالرياض ومن مجلس الجمهور بالرياض!!!!!!!

مباريات الهلال سواء في الطائره او السله ماعندك احد من الجمهور الا القله القليله !!!!!!

ليش كذا ياجمهور الرياض !! فريق الشبح يستاهل منكم الاكثر يااخوان والله حرام الواحد يشوف المدرجات فاضيه الحين :(

وين التنسيق المسبق لمجلس الجمهور !!

لا إن شا الله بيجوون ويملون المدرجااات

الأجواء وانا اخوك عندنا ماتساعد امطار وعواصف وخلها على ربك

يقولون يبي ينزل بّرد ويسوي مشاكل

صدقت فريقنا الطائرة مشرف وحنا مقصرين

دوبك تدري إن ماعندك أحد

جمهور رائع رائع رائع ، رغم الامطار والعواصف ..؛)!!

اطاااااااااار وغباااااااااااااااااااااار وزحمه

الجمهور حضر وعبأ الملعب والهلال اخذ الكاس

مشوار الصالة

الجو مايساعد اذا استمر الجو على هالحال انا اقولك مباراة النصر محد جاي

أخوي الأجواء عندنا في الرياض أمطار وعج وكل اشوي متقلب الجو عندنا في الرياض فياريت تعذرهم

والله مقصرين المفروض اننا نوقف معهم يستاهلون

يالرجال ماعندهم سالفه بس زود هيط العلم عندنا يا اهل الشرقيه

معليش يا جمهور الزعيم بالرياض ترا العتب من زود المحبه

وبالنسبه للي يقول اجواء وعواصف انا كنت على اتصال مع احد الاخوان الي راحوا للصاله من الساعه 3 يقولي ولا احسن من الجوو

وعلى مااعتقد ان المطر مابدا الا الساعه 4 ونص لان اخوي في الرياض طلع من البيت متاخر وراح للصاله وهو في الطريق يقولي بدا الجو يتغير

وبالنسبه للاخ الي يقول حضروا بقوله يالغالي انت تتكلم عن جمهور يمثل 70% من سكان المملكه وانت تتكلم عن العاصمه الي تقريبا فيها اربعه مليون نسمه والحضور اليوم قليل جدا بالنسبه لزعيم نصف الارض !!

اشكر اخوي المبدع اللاعب رقم واحد ابراهيم حقوي والعنزي وباقي الرابطه بصراحه ماقصروا

والف مبروك

وكان معي احد ربعي نتفجر على المباراة وفيهم اهلاوييين واتحادي واتفاقيين المهم اطلقووا لقب جديد على الجمهور النصراووي

الجمهور النفسي = الي يشتكي من امراض نفسيه واقسم بالله ماني من الناس الي يحب يتعرض لجمهور الانديه الثانيه لكن الي شفته اليوم من جمهور النصر في صالة الدرعيه لما رفعوا شعاراتهم والمشكله مافيه فريق نصراوي في المباراة وش جابهم ماندري !! والانتقاد كان من جميع الاخوان الاتحادي والاهلاوووين والاتفاقي مهو بس انا الي قلت عنهم انهم الجمهور النفسي ((الجمهور المريض نفسياً))

والله جمهوور كبيير اليووم ..

وما قصـروا الاعبين .