|
ستبقى في قلوبنا رغم انوف الحاقدين يا نوااااااااف بسم الله الرحمن الرحيم ما كتبت الموضوع إلا من القهر اللي فيني وكلامكم عن نواف طيب ندري انه ما قدم شئ وان مستواه مو نفس اول وعرفنا أن نواف مهو نواف الاول وعندكم لاعبين غير نواف والله ما يدري وش هي الكوره يركض وما يدري وش السالفه وانواع الاخطاء اقووووووووول خلو نواف بحاله وتراكم ذبحتوا الرجال وبعض الاعضاء معاهم معاهم عليهم عليهم . في بعض اللاعبين ما وصلوا لمستوى نواف وما راح يوصلون وإلا عمرك شفت لاعب يعطونه الكوره وتفلت منه وتطلع برا؟؟؟؟ اكثر من نص مواضيع المنتدى عن نواف كأن ما عندكم موضوع إلا نواف واللي يبي يصعد على كتف ابو بندر اقوله تبـــــــــــــــــــــطـــــــي اتمنى من الاداره حذف المواضيع اللي تتكلم عن نواف خوش دعم والله |
والله والله نواف مايستاهل اصلا والله هو يدخل المنتدي كثير وربي لو اي واحد يقراء وش يكتب عنه كلام زي الي تقولونه عن نواف مايستحمل واكيد مايتطور مستواه بس اتركووووووووووووووووووووووووووووا نووووووووووووواف |
عمر الشمري وسع صدرك يا بعد حيي تبي تضبط الامور انشالله بالتوفيق لــــ زعيم آسيا |
وحذف مواضيع المطبلين |
مجنونت هلال مشكوره على مرورك يالغاليه واكيد أي واحد يشوف الكلام ما يتحمل. ......... هلالي ما فيه حيله2007 موسع صدري يالغالي بس في ناس تضيق صدرك غصب وإن شاء الله تضبط الأمور مشكور على مرورك يالغالي سليمان 9 مشكور على المرور |
s13s صح السانك :thumbup: |
مشكور على روحك وحماسك الكبير لاتجاه لاعب كبير مثل ( نواف التمياط ) لكن... أبيك تلاحظ ملاحظة صغيـــــرة و لكنها أكبر بكثيـــــر في الملعب ( نواف لاعب لا يغير مجرى مباراة - لاعب اذا دخل لا نلاحظ ان وسط الهلال تطور - لاعب زادة خشونته اكثر ) معليش ماهوب تحامل على نواف لكن... نواف مستواه ماهبط إنما تغير تغير جذري فأنصح محبين التمياط بدل ما يدافعون عنه ينصحونه. الدليل ( هبوط مستوى وسط الهلال أمام الاهلي في مباراة الاياب ) |
"ستبقى في قلوبنا رغم انوف الحاقدين" كلام حلو نعم ستبقى يا نوا ف في قلوبنا اما في الملعب لا ولله مانبي إلى إلي يستاهل ان يشارك اساسي مش واحد نقص على الفريق تحياتي |
صح لسانك ياقلبي..!؟ أقول نسينا نواف إذا مالعب مباراة للهلال كانت أسوأ مباراة بتاريخ الهلال.. لكن لا يهمونك با أبو بندر أنت كبير وغيرك يحاول يتعلق فيك بس ما يقدر.. ياخي الظاهر ما فيه لاعب بالعالم جاه رباط وجلس يعالج ثلاث سنوات لكن ما أقول إلا حسبي الله على التكرنبه مهمد نور.. |
إقتباس:
صح لسانك ياقلبي..!؟ لكن لا يهمونك با أبو بندر أنت كبير وسوف تعودs60s |
:thumbup: نواف كلنا نحبك وحنا معك:thumbup: |
بمشيئة الله سيعود ابوبندر لنجوميته كما عهدناه ورجائي العاجل لإدارة منتدانا الغالي .. حذف المواضيع التي تسب في أي لاعب هلالي فكيف بنجوم أزرقنا الغالي |
يالله ماحب الاعضاء إلي يعلقون النجاحات بالماضي ....... نواف قدم للهلال بطولات ولا احد ينكر ... وخلاص انتهى وقته .... زي اللاعب ماجد عبدالله في آخر اوقاته ......... ياجماعة الخير لاتسون زي جماهير النصر ... مايعرفون إلى ماجد . ومحيسن ... والهريفي . تحياتي |
والله هو الي ذبحنا وجــــــاب لنا (الصمرقع) يابعد حيي ، أقول بس لو يخلونه في أوزبكستان ويجوون واجد أحسن. |
تاريخ نوف التمياط لا غبار عليه حتى العام الماضي والعام الذي قبله كان نجما واذكر العام في نهائي ولي العهد احد الاخوه الاهلاويين زادت عصبيته من ابداع نواف فقال ( كـ... ماحد يعرف يكسروو هذا ) ولكن في الموسم الحالي يمر نواف التمياط بمرحلة هبوط مستوى مر عليها كل اللاعبين في العالم ونذكر ان سامي الجابر الاسطورة مر عليه موسم كامل لم يسجل الا هدفان , وقد قال هذا الكلام في اخر لقاء وراؤول ورونالدو وتوتي ووووو جميعهم مرو بمرحلة هبوط المستوى لكنهم سرعان ما استعادوهــــا نواف التمياط عاد من اصابة قوية بمستوى رائع قياسا بالاصابة اذن لديه القدره على العوده كما عاد سابقا ( ان شاء الله ) ولكن في هذا الموسم نواف التمياط تفكيره مشتت واي شخص يتابعه في الملعب يلاحظ عليه ذلك اثناء مباراتنا مع الاهلي تابعته بدون كرة فلاحظته بطيء الحركه ومخه مشتت لا اعلم السبب ؟ فهل يستطيع ابوبندر ان يتخلص من الهبوط الحاد في مستواه ويسترجع حماسه وقتاليته المعروفه ؟ ام يستمر في اهمال مستواه حتى يردد محبوه ما يردد محبي ماجد ومحيسن في اخر اعمارهم ؟ اعتقد انه بامكانه العوده لو اهتم بهذه النقاط : 1- التعلم من مدرسة سامي الجابر في مواجهة الانتقادات الحاده واللاذعه 2- عدم الاكتراث بالمكتوب في المنتديات من قدح فيه 3- اللعب بحماس وزيادة الجرعات اللياقيه لانه ثقيل الحركة 4- التركيز اكثر في اللعب 5- طلب النصيحة من المقربين له في كيفيه استعادة مستواه 6 هدف واحد اعتقد انه كفيل باسكات المنتقدين 7 العزم على العوده بقوة 8- ليعلم ان الجماهير تنتقده نقدا بناءا لانها تحب ابوبندر الذي طالما اسعدنا 9- محاولة استعادة حساسية الكرة المفقوده تماما عند فتانا الذهبي والسلام عليكم ورحمة الله وبركاته :) |
| الوقت المعتمد في المنتدى بتوقيت جرينتش +3.
الوقت الان » 05:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd