أول أقول المـوت فينـي ولا فيـك
واليوم جعل الموت ياخـذ حياتـك

دامك تبيع انسان بالكون شاريـك
موتك ولا توهـم لغيـري صفاتـك

فيني مشاعر كل ما أنساك تطريـك
تلعن وفاهـا يـوم لاقـت رداتـك

وقف دقايق واذكر اللـي يواسيـك
جفف دموعك قبل تاصـل شفاتـك

تذكر تجيني تبكي الظلـم وأبكيك
وأشيل جرحك "اجبرتنـي غلاتـك"

وإن غبت عني كل مابـي يناديـك
حطمت حلمي ورحت ألبي أمنياتك

ادري الجمال وسود الأهداب كاسيك
لكن حسافه .. عكس وصفك خفاتك

يا ما رجيتك ودمع عينـي يحاكيـك
طاوعت نفسك وكلمتي اليوم جاتك

ما بيك أنا بدنيـاي والله ما بيـك
رح يا عساك بجرح ينزف شقاتـك

و اول أقول الموت فينـي ولا فيـك
واليوم فرحي " ينولد في وفاتـك