مشروع لدعم الزعيم من الجماهير الهلالية - صفحة رقم 2 - نادي الهلال السعودي - شبكة الزعيم

متغلي · #16 05/12/2001, 09:12 PM

فكرتك جدا ممتازه وانا سبق وطرحت موضوع قبل فتره بيسطه وطلبت فيه من موقع شبكة الزعيم انه يفتح حساب باسم الشبكه ويكون مخصص لدعم نادي الهلال ... يعني كلن حسب امكانياته وفي النهايه نكون كلنا مثل عضو شرف داعم ولكن ماعندك احد

عموما انا معاك في الفكره هذي واتمنى من ادارة الموقع تثبيت الموضوع هذا ودعمه وياليت يسمعون

ياناس ياهوه ... لاتخلون حبكم للهلال كله خرط ومرط في هالمنتديات ...
دعمكم للهلال هو المطلوب مهوب كثرة الكلام وجيبوا فلان وليه راح علان

زريقان · #17 05/12/2001, 09:37 PM

الفكرة من ناحية المبدأ حلوة بس وش أنا خايف منه ... ان النصراويين والحاقدين امثالهم بيقولون ان هاذيلا الهلاليين رواعي حكي شوفوهم مادعموا ناديهم الا ببطاقات التلفون ... يااخوان وش فيها لو خصص كل واحد منا مبلغ لو بسيط للهلال وليش نلف وندور وبطاقات وشبس وعسكريم خلونا نصير واضحين

رزازالموج · #18 05/12/2001, 10:41 PM

بسم الله الرحمن الرحيم
السلام عليكم ورحمة الله وبركاته

فكرة حلوة وأنا من المؤيدين لها وذلك لانها تصب في مصلحة نادينا الحبيب .
وشكراً لك على هذا الاقتراح وان دل على شئ انما يدل على انك من المشجعين والمخلصين والحريصين على مصلحة نادينا .

هاكر الزعيم · #19 05/12/2001, 11:53 PM

فكرة رائعة جدا جدا جدا جدا

احسن من العلك مع انه انتشر بشكل رهيب

لا ولو تخلون البطاقة مثل بطاقة التلفزيون بحيث كل يوم سؤال وتخلون الكمبيوتر يختار عشوائيا وتكون الجوائز رمزية صدقوني تننتشر في كل انحاء المملكة

يا ليت لو نشوف بطاقة الزعيم في الأسواق مع المسابقة ولا وش رايكم ؟؟

هاكر الزعيم · #20 06/12/2001, 12:01 AM

الفكرة رائعة تدرون ليش ؟؟؟

1- دعم للنادي
2- تزيد من جماهيرية النادي

صدقوني الفكرة تغطي على شعبية برنامج سباق المشاهدين

انا مستعد أصمم للزعيم برنامج للرد على المكالمات وطرح الاسئلة وتسجيل المتسابقين والاختيار عشوائيا

ضاوي · #21 06/12/2001, 01:03 AM

اضم صوتي الى اصواتكم

لان هذا المشروع ان نفذ

فسوف يزيد من دخل النادي

فالمكسب فيها بإذن الله
مضمووووووووووووووون 100%

و كلنا امل بان تصل الفكرة

الى اعضاء الزعيم

و مشكور يا اخوي

على هذه الفكرة الرائعة .........................;) ;) ;)

msk12 · #22 06/12/2001, 03:05 AM

إخواني الأعزاء
ضاوي
هاكر الزعيم
رذاذ الموج
زريقان
متغلي
الجنتل سامي
عاشق ساميو
تركي الهلالي
سامي جدة
أبو سعود الهلالي
الموج الأزرق
بارك الله فيكم على هذه الردود وهذا يدل على إخلاصكم للزعيم
أما
أبو ناصر
مخاوي البطولات
العوام
كايدهم
الله يخليهم لنا فأعتقد أنهم مطنشين الموضوع شوي
طنش تعش تنتعش
أرجو تثبيت الموضوع لا ينزل صار لي كم يوم وأنا ألاحقه
كل ما إختفى أجيبه للصفحة الأولى
مع العلم أنه في مصلحة الهلال
أقول البطاقات التي نطالب بها تكون على النحو التالي :
اسمها مشروع دعم الزعيم من جماهيره الوفية
ترقم ويسحب على هذه الأرقام ومن خلال شبكة الزعيم كل شهر
يفوز رقم بالفرز من قبل المسؤولين عن إصدار هذه البطاقات
صدقوني سيكون لها صدى كبير وستنجح وأراهن على نجاحها

هدف بالمقص · #23 06/12/2001, 03:44 AM

فــــــــكره رائعه جدا .
اتمنى تنفيذها بأسرع وقت لك نخدم هلالنا .

مبرقعة الهلال · #24 06/12/2001, 04:12 AM

والله ماكنت موجوده عند كتابة موضوعك اللي راح نقف معه من كل قلوبنا

والهلال لويبي نضحي له بانفسنا راح نضحي والله بدون مبالغه والله نحبك ياهلال
وغيرك مانبي

وشكرا اخوي على هذا المشاركه التي تدل على انتك ابن بار لهاالنادي...

ولاتنسوا اخوانكم المسلمين من الدعاء

والله احبكم

msk12 · #25 06/12/2001, 04:58 AM

شكرا أختي مبرقعة الهلال كوني معنا في هالمشروع نبغاه
يوصل للروس الكبار بالنادي وأود أن أخبرك أنني
ما حسبت حساب النساء الفاضلات الله أكبر نسينا
المشجعات الهلاليات لا هالحين أراهن أكثر
على نجاح البطاقات إن وافقوا عليها .
لك يا أختي كل الاحترام والتقدير وهنيئا للهلال بأمثالك
يا مبرقعة سوف نبدأ بتحليل المبالغ إن شاء الله بس ودي
أعرف كم تقدرون ألي يشجعون الهلال بالمملكة والخليج
صدقوني أرقام هلالية خيالية والله ان نجحت الفكرة سنسحق
الاتحاد ولن يستطيع أن يصمد مع الهلال بجماهيره الوفيه
تحياتي لكل من معنا في هذا الموضوع

سواح · #26 06/12/2001, 05:05 AM

و فكره رائعه و انا مستعد اساعدكم في اي شي في سبيل الزعيم .

سكوبي دوبي دو · #27 06/12/2001, 05:16 AM

السلام عليكم ورحمة الله وبركاته
مساء الورد جميعا
الفكره اكثر من رائعه بس لي ملاحظه ودي اقولها ::::::

يارجال لوحطيت البطاقه بريال واحد بس صدقني بيدخل خزينة النادي ملايين الملايين
بس يا اخوان لا ننسى اخواننا المسلمين المحتاجين
لو بس يخصص جزء من المبلغ لمساعدة المحتاجين من فقراء المسلمين
او للجمعيات الاسلاميه التي تعنى بشؤون المسلمين في الدول الفقيره والدعوه الى الاسلام

بتطلع الفكره غير طبيعيه لو نفذت بالشكل هذا
بنكون بنفس الوقت ندعم الهلال ونأدي دورنا بهالدنيا الفانيه بالدعوه الى دين الله

SDAIRawee · #28 06/12/2001, 07:08 AM

والله انا موافق و بشده ....
بس تبي العمل ينجح ؟؟ لازم يصير نسبه ولو 10% للاعمال الخيريه .. اخوانا المحتاجين في فلسطين و افغانستان ما ننساهم !!!

لكن وشلون تتم هذي البطاقه؟؟؟؟
وشلون تبيني اساهم؟؟

msk12 · #29 06/12/2001, 06:27 PM

طبعا لابد أن يكون جزء من دخل هذه البطاقات للأعمال
الخيرية كي تكون حلالا على الهلال .
بس متى يوافقون الله أعلم
المشرفين على المنتدى شكلهم بإجازة .

زريقان · #30 06/12/2001, 08:36 PM

يا ماسك ... الله يهديك ... وش ترقم .. وسحب ... ياخوي هذا مايجوز

وش فيك تبي توكل الزعيم حرام ... حنا نتهزا بغيرنا علشان الدنبوشي

وهذي اتلاتها ... ياماسك الفكرة حلوة بس التطبيق ...

الزعيم لا ياكل ..حرام ... تفهمني ..ماسك .. تسمعني .. أجب