الفان القادم افضل وماتشوف شر يا ياسر
 

اولا اقول هارد لنا عالخروج من بطولة ولي العهد وبالتالي ضياع ثالث بطولة هالموسم بعد كاس فيصل والخليجية لنكن صريحين مع انفسنا الهلال قدم مباراة جيدة نوعا ما لا ننكر الفريق الاهلاوي فريق قوي هذا الموسم ومع هذا كنا نستطيع حسم المبارة من بدايتها لولا ضياع فرصة الفان الغير موفق في مباراة الامس
الفريق بعد خروج البرنس الليبي تاه ولم يستطع ان يمتلك زمام المبارة لسبب واحد وهو عدم وجود صانع اللعب والمتحكم في اجواء المباراة نواف التمياط لا نلومه ابدا هذا مالدى التمياط لذلك لاتطلبوه اكثر مما يعمل لان نواف 2000 لن يعود ابدا نعم هذه هي الحقيقة التي تحاولون ان تخفوها على انفسكم التمياط اعطى كل مالديه من خلال مشواره والان هو لاعب متقدم بالسن وعانى من اصابات اعتقد انها ستنهي مشواره الرياضي
نرجع للدفاع طبعا امس احمد خليل وضح عليه الارتباك وعدم الانسجام مع تفاريس مع هذا راضين فيه ولا يرجعون المفرج وانا يااخوان لاحظت مشكلة في الهلال والله جالس اشوف المباراة بعد هدفنا واشوف المشكلة ذي وسااكت على امل ان الاهلي مايستفيد منها ولكن الاهلي استفاد وهي عدم وجود ضغط على حامل الكرة وخاصة اذا اقترب الهجوم الاهلاوي من مرمى الهلال واخطأ باكيتا عندما لم يحدد لاعب يكون ملازما لمالك معاذ طوال المباراة فأخذ مالك الفرصة وشكل خطرا على الفريق طوال المباراة يعني لو كان عزيز مع مالك طول المباراة كان حدينا من خطورة الاهلي كثيرا
ونجي للوسط عمر الغامدي والله ماادري وش اقول بدل مايجي صانع اللعب اللي هو التمياط ويوزع الكور تركت هذه المهمة على الغامدي وهذا العمل ليس من اختصاص الغامدي وايضا محمد الشلهوب ماظهر بالمستوى المطلوب
اذا جينا للهجوم والله العظيم الحظ وعدم التوفيق كانت ملازمة لريدريقاو الذي امتاز بالتمركز الرائع منه ولكنه لم يوفق ويترجم الفرص التي كانت كفيلة باخراج الاهلي
نجي لنجم الهلال امس ياسر والله سعدنا بعودتك فقد كنت نجما ولكن ايضا الحظ لم يكن حليفك وللعلم الكابتن ياسر تعرض لاصابة في كتفه نتمنى الا تكون عائقا له في مباراة الاربعاء عموما حظا اوفر وباذن الله القادم احلى باكيتا اتضحت لمسته على الزعيم ومن حسن لاحسن انشاء الله بس حبيت اذكر نقطة اخيرة خذلنا جمهور الرياض والله:cry:

عسى ما شر اخوي تقول الفان ما كان موفق قل هل الخروف الفان حرام يلبس شعار الهلال الظهار هذا صباغ

يااخي ارتقي بالفاظك شوي وشو خروف ليش الكلام ذا ياخي ترا فيه نجوم احسن من رودريقو ضيعوا فرص ماتضيع وخسر فريقهم وما صار شي اذا تابعت مباراة المان مع روما وشفت الانفردية اللي ضيعها كريتيانو رونالدو بتعذر رودريقاو

ياخوووي توقيت المباراه غلط اجل مباره كاس ونصف نهائي يوم سبت ليه حنا مب مسلمين مسيحين

ترى عندنا دوام ومدارس بس الغلطه من اول تقديم المباراه الاولى

والله ما عرفنا لكم ابدع الفان وحطيتوه رونالدينهو وضيع فرص صار سباك؟

وخليل ما قصر اول مباراه كامله يلعبها مع تفاريس
والهدف مو غلطته الكوره جايه من جهه تفاريس وشوفو تفاريس وش سوى رفع يده مستسلم

والله مو عذر الهلال اذا جاء الدمام ننسى عندنا مدراس ليش لانه الزعيم لازم نكون معه بكل الظروف

ياخوووي ملعبكم لو جيت انا والشباب اللي معي مليناه فل وش تقول ياخي

صراحة انا معك الحين نواف صح يدم مستوى جيد نوعا ما لكن يبي لنا لاعب فذ يعوض على الاقل من غياب التايب

يعطيك الله الف عافية

ما قصرت