![]() |
اعــتــرافـات غــاش ومــغــشــش (مـن ذكـريـات الـمـشـاغـب)..!! بسم الله الرحمن الرحيم السلام عليكم ورحمة الله وبركاته وبعد: بيني وبينكم وما تعلمون أحد؟:rolleyes: وضع المجلس العام هاليومين ما عجبني أبد :cry: ركوووووود ركووووود من الأعضاء ..... والزعيم موجووووود <<< ضيّع :D وأغلب المواضيع جادة.. مافيها مواضيع توسع الصدر..!!:cry: المهم: والله ما في راسي شي أكتبه.. لا موضوع هادف ولا له مناسبة ولا هم يحزنون..!!:cry: بس مسكت في راسي أضغط أيقونة إضافة موضوع جديد وتورطت...!!:cry: فكرت وفكرت وفكرت <<< قسم بالله فكرت :cry: بس ما عرفت وش أكتب؟:cry: بالأخير قررت أستعيد ذكرياتي الخالدة أيام الثانوية العامة..!!:thumbup: بس المشكلة هنا أن أغلب ذكرياتي بلاوي غير صالحة للنشر:D فاحترت..!! :rolleyes: وأخيراً اخترت الدفع بأخف الضررين :p وعزمت على كتابة موقفين لي مع الغش في الاختبارات..!!:D المهم لا يكثر بس... خلونا ننزل تحت نشوف المواقف ونفتك: :rolleyes: __ __ __ __ __ __ __ __ __ __ __ __ __ __ __ __ __ __ __ __ __ __ الموقف الأول: ** في ثالث ثانوي كان علينا اختبار الشهر في مادة الجيولوجيا..!! مادة الجيولوجيا مثل مانتوا عارفين.. مادة غثيثة ومدري وش تبي..!! المهم ذاكرت المادة زين.. وبعض المعلومات اللي تعيجزت أذاكرها برشمتها في ورقة صغيرة عشان أستخدمها إذا دعت إليها الحاجة:D جاء موعد الاختبار وكنت متفق مع واحد من جماعتنا -داج ماعنده سالفة- على أني أغششه الاجابات خصوصاً أن المدرس دلخ :D ... أول ما وزع المدرس الأوراق... انقلب المدرس فجأة 180 درجة عن المدرس الخبل اللي نعرفه:confused: صار الأستاذ إذا حس بالتفاتة بس يجي يفتش الطالب وياخذ منه الأوراق ويوقع على ورقته بالخصم :eek: المهم صاد الأستاذ أكثر من أربعة طلاب:cry: ولأن مصائب قوم عند قوم فوائد.. كنت أستغل انشغال المدرس الدلخ بتفتيش الطلاب وأنقل من البرشامة اللي عندي:thumbup: من نذالتي صرت أدعي إن الأستاذ يصيد أكبر كمية من الطلاب الغشاشين:D تعرفون وش الواحد يسوي بعد ما يخلص من البرشامة صح؟:rolleyes: على طول أول ما خلصتها بلعتها ببطني:D صارت بفمي مثل العلكة:D المهم بعد ما خلصت الحل في وقت قياسي بدأت بتغشيش ولد عمي الداج اللي قلت لكم عليه.. لكن ما مداني أعلمه بالسؤال الأول إلا والأستاذ جانا ونقل ولد عمي من مكانه ورجعه لآخر الصف عند الداجين:cry: ما نفع مع الاستاذ استجداءات واستغاثات ولد عمي بأنه ما يقدر يفارق (ماصته) لحظة واحدة:cry: وبعد ما نقله واقتربت الحصة من الانتهاء إلا ونسمع في الصف واحد يغني موال وصوته مثل وجهه:D كلنا التفتنا عليه.. وطلع ولد عمي اللي خلاص خربها:D جاه المدرس وهدده اذا كرر الصوت انه بيسحب ورقته ويوديه عند المدير..!! أنا لأني طيب القلب... رحمت ولد عمي... وقلت لازم أفزع له... لأني أخاف يصفقني بعد الحصة:D فرحت ويدي ترجف وأكتب الأجابات على غلاف الكتاب اللي كنت مسند عليه ورقة الأسئلة.. ثم قطعتها بشويش حتى ما ينسمع الصوت..!! وبعد ما قطعتها حسيت قلبي بيوقف من الخوف :p ما دريت كيف أوصلها له بآخر الصف.. لأني ما أقدر ألتفت أصلاً..!! ولأن الحاجة هي أم الاختراع خطرت ببالي فكرة جهنمية.. بأني أحط الورقة في غطاء القلم وأرسلها له..:thumbup: وانتظرت اللحظة الحاسمة... حتى اقترب المدرس من الباب ثم بحركة خطافية متعوب عليها مني:D رميت الغطاء تجاه الداج ولد عمي.. ومن دلاخة ولد عمي ما كذب خبر فانحنى وأخذ غطاء القلم حتى شافه المدرس.. وانطلق صوبه مباشرة أنا قلت خلاص انكشفنا:cry: بس المفاجأة اللي إلى الحين ما دريت كيف صارت.. أن المدرس ما مسك على ولد عمي شي..:confused: والحمد لله قدر ولد عمي بخبرته أنه يحل الأسئلة وأخذ 14 من 15 رغم أني أعطيته الأجوبة كاملة وأنا أخذت 15 من 15...!! وعدت هذي المرة على خير..!!s13s __ __ __ __ __ __ __ __ __ __ __ __ __ __ __ __ __ __ __ __ __ الموقف الثاني: ** في نفس السنة من ثالث ثانوي كان علينا اختبار الشهر مادة الانجلش..!! اتفقت مع داج آخر على أني أغششه لأني جيد نوعاً ما في هذه المادة... كان مدرس المادة مصري وكان بيني وبيني ود واحترام..!! المهم بدأ الاختبار والداج خلفي.. بدأ المدرس بابعاد الطاولات عن بعضها لمسافة ما تسمح بالغش..!! صارت مشكلة.. لأن هذا الداج يالله انه ينقل الاجابات بالعربي ومن مكان قريب... عاد كيف بالانجليزي.. لا والماصات بعد متباعدة..!! المهم خلصت أنا إجاباتي قبل انتهاء نصف الحصة والداج اللي وراي ما كتب والله ولا كلمة غير اسمه بس:p كان المدرس يمر على الطلاب ويشوف وش يسوون.. وأخينا في الله ما غير ماسك القلم ويلعب بخشمه الوسخ:D حاولت أرفع له الورقة حتى يقدر يغش... بس الدلخ دلخ ما فيه فايدة:D حاولت وحاولت أقرب له الورقة بعد ما يعطينا المدرس ظهره لكن ما نفع معه..!! عصبت عليه وقلت انقلع :upset: بس يوم سمعت كلمته يوم يقول تكفى سلطان تكفى!! رحمته وبغيت أصيح:cry: .. وقلت: أبشر بعزك وأنا ابن غليص:D ثم التفت عليه بحركة لولبية خلال غفلة من المدرس وسحبت ورقته وأعطيته ورقتي:thumbup: وبدأت بسرعة الحل في ورقة الدلخ الداج..!! ولما قربت أنتهي من الأجوبة مر المدرس من جنبي.. فارتميت على الورقة وتحضنتها علبالي منهمك في الحل:D وأنا كنت أبي أغطي على الاسم والأجوبة اللي شافني المدرس مخلصها من قبل..!! المهم المدرس مر من جنبي عادي وما لاحظ شي..!! لكنه مر من جنب الدلخ666 اللي وراي على طول اكتشف أننا تبادلنا الأوراق:eek: تدرون ليه؟ لأن الدلخ الغبي جالس طبيعي كأنه في كوفي شوب مرتاح ومخلي الورقة عادي وحاط يده على الاسم مغطي عليه:upset: الشرهة مهيب عليه الشرهة على اللي يغشش الدلوخ..!!:upset: المدرس ما ينلام... شاف ورقة الدلخ بيضاء وبعد أقل من خمس دقايق يلقاها كلها زرقاء:confused: المهم المدرس طلب الورقة من الدلخ يبي يشوفها.. والدلخ رفض.. وحاول يسحبها المدرس.. لكن الدلخ استبسل في الذود عن ورقتي اللي معه:D وبعد شد وجذب راح المدرس يقول أنه بينادي المدير... وكان قصده اني ارجع ورقتي من الدلخ. أول ما طلع المدرس التفت أنا على الدلخ أبغى أرجع له ورقته... إلا والغبي أشوفه يشطب على اسمي:eek: قلت: يا غبي الله ياخذك وياخذني معك ان غششتك ثاني مرة:cry: بعدها عرفت اننا رحنا فيها.. فقلت خربانة خربانة ورحت أنا مثله آخذ طامس وأعدل بالاسم -خلاني دلخ مثله-:D طبعاً رجع المدرس بسرعة وما نادى المدير ولا شي..!! بعد ما انتهت الحصة وسلمنا الأوراق شاف الأسامي مغيرة :D وقال: (أصفااااااار) :cry: طبعاً بعدها رحت عند المدرس واعترفت له بالخطأ وعطيته من الكلام الحلو.. وذكرت له أننا بثالث ثانوي واننا مثل عياله وأننا أخطينا وما تهمنا الدرجة قد ما يهمنا رضاه عنا << ايه هين:D بالأخير رضى يعيد لنا الاختبار... وجاب نفس الأسئلة بالضبط..!! أنا أخذت درجة كاملة .. والدلخ أخذ 8 من 15 :D والله لا يعيد علينا ذاك اليوم:cry: __ __ __ __ __ __ __ __ __ __ __ __ __ __ __ __ __ __ __ __ __ &) ما يستفاد من الموقفين: 1) أن الغش حرام وعاقبته تكون وخيمة.. قال -صلى الله عليه وسلم-: "من غشنا فليس منا"..!! 2) أن الغش وإن أتى بنتائج وقتية ولكن نتائجه فيما بعد تكون ضارة وتقتل الاعتماد على النفس.. واسألوا مجرب ;) 3) إذا كنت بايعها وما اقتنعت بكلامي ومصرّ تغش..!! على الأقل لا تحاول تغشش دلخ ينكبك وتروح فيها معه:D 4) أن أكل البراشيم على الريق بعد الانتهاء منها يسبب المغص الشديد..!!:D 5) الدنيا مالها أمان... المدرس الدلخ ممكن يتحول بين ليلة وضحاها إلى أسد مفترس... فخذ احتياطاتك للغش مبكراً..:D 6) أني دافور.. والمادتين اللي ذكرتها لكم أخذت فيها 15 من 15... اذكروا الله لا تنظلوني :D مـلاحـظـة هـامـة: أنـا تُـبـت مـن الـغـش..!! فلا أشـوف أحـد يـوطـوط هـنـا يـقـعـد يـغـثـنـي ويـتـفـلـسـف عـلـي..!! أتمنى أن تكونوا استمتعتم معي بهذين الموقفين من اعترافات غاش ومغشش..!!:rolleyes: ودمتم في رعاية الله..!! المشاغبs13s |
استغفر الله من غشنا فليس منا ,, صراحه أنصدمت طلعت غشاش؟ بالله أقطع العلاقه اللي بينا خخخخخخخخخخخ :d ايام زمان,, أحسن فترة غش عندي الثانويه كنت أجي أختبر العصر أدهن سير هالمدرس المصري ويعطيني ورقة الاختبار واحل عنده واذا ماعرفت شي حل الاسئله عني.. أذكر أخر سنه لي بالثانويه ,, كان علي اختبار بس ناسي وش الماده بس هي بالاختبارات النهائيه,, المهم أخبر أن أخوي خلص الاختبار وطلع ومادريت الا جوالي جايته رساله,,واتلفت يمين ويسار عرفت أن محد سمع صوت النغمه,, واطلع جوالي واناظر الا رساله من أخوي وفيها كل الاجوبه وخذلكم غش :d <-- ونعم الاخوه :p واستمرينا على عالحال بكم أختبار,, ,, المشاغب لاتسهر ثاني مره ,,تعرف الفيوزات تضرب :d |
قسم بالله شوي وأموت من الضحك .. يالمشاغب :laugh: آآآآآآآآآه ما أدري وش أقول بطني يعورني من الضحك .. تصدق إني قعدت أكثر من ربع ساعة أضحك لحالي تقل مهبول :D وإلى الحين ما لقيت رد إلا هههههههههههههههههههههههههههههههه:laugh: . . . لكن أبرد عليك بعد شوي عشان أجيبلك رد محترم . . :p وسلااااااااااااااااااام . . . |
هههههههههههههههههههههههههههههههه الله يرج بليسك يالمشاغب أجل تاكل البراشيم ههههههههههههههههههههههههههههه تسلم هالأيادي صراحه وكل موقف أحلى من الثاني ,, |
إقتباس:
عليك نور ومن شبّ على شيء شاب عليه |
ههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه هههههههههههههههههههههههههههههههههههههههههههههه هههههههههههههههههههههههههههههههههههههههههههه هههههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههه ههههههههههههههههههههههههههههههههههه هههههههههههههههههههههههههههههههه ههههههههههههههههههههههههههههه ههههههههههههههههههههههههههه ههههههههههههههههههههههههه هههههههههههههههههههههه هههههههههههههههههه هههههههههههههه الله يرجك اقسم بالله بغيت اموت غصيت بالفطور حسبي الله عليك :D اخوي سلطان بدون زعل لو لي ولد عم مثل ولد عمك كان انتحرت ذكرتني بمعاركي وبطولاتي ايام الثانوي:D اتذكر ايام ثالث ثانوي يوم من الايام كنت مفاخت (( اي ما دخلت المدرسه)) وطالع مع الشباب للثمامه الجو كان روعه s60s وانا ما ابي الواد يدري عني فطرح واحد من العيال فكره مثل وجهه وانا سويتها من دلاختي ايضا :argue: دقيت على الوالد قلت له يمكن يدقون عليه المدرسه لاني تعبان ابي اطلع قال الوالد انزين عاد جلس الوالد حدود ساعة ما احد دق عليه قام وراح للمدرسه يحسب ان فيني شي دخل وقال له الوكيل (( لو اشوف الوكيل توطيت ببطنه )) طبعاً الوكيل ما يواطني بعيشت الله قال ولدك ما درس اليوم وسرد له ملفي الاسود كله عاد انا رجعت البيت بس تصدقون ابوي ما توطئ ببطني:D :stretcher إقتباس:
|
هههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههه لحظه لحظه ماخلصت :D هههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههه لحظه لحظه باقي اخر مررررررره :p هههههههههههههههههههههههههههههههههههههههههههههههه هههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه والله عليك مواااااااقف خطيييييييييييييييييييييييييييييره من جد والغش انا والله عن نفسي مااغش ولا اغشش وبماأني دافوره -ماشاء الله علي-:D كل البنات الي بفصلنا اذا كان عندنا إختبار يقولون لي اغششهم وانا اقوول :لالالالالالالالالالالا انا مااغشش;) عاد يقولون : شكلك إلا الحين ماطلعتي من الابتدائي والله شكلك الا الحين بزر:cry: <<<<انرحم صح:D الحين صار الي مايغشش بزر حتى لو كان كبير والي يغشش كبير حتى لو كان بزر:rolleyes: يعطيك الف الف عااافيه اخووووي والله لايحرمنا من مواضيعك الحلووووه |
المشاغب يالدب ..! :rolleyes: تو أدري أنكـ غشـااش .. بروح أعلم الأستاذ ..! :D موقفين حلوووين ..والغش أكيد له سلبيات وأول السلبيات عدم الأعتماد على النفس ..!! ويكفي حديث الرسول صلى الله عليو وسلم " من غشنا فليس منا " ,, بالنسبة لي ماعمري بحياتي غشيت ولا غشيت أحد أو علمته ..!! :rolleyes: لأنه كلما حاولت أتذكر حديث الرسول عليه الصلاة .. وبعدين أنا دااااااااااافور :rolleyes: ليش أغش !! الله يعين بكرا اختبار رياضيات ..!! الطلاب بيقولون غششنا يا سليمااااانـ .. وأنا مستحيل أسااعدهمـ ..! أقول لهم .. " وحديث الرسول مافهمتوه ..!! " عاد همـ بلحظة يعصبون ..!! :eek: :D والله ! مايدرون ! عللى كيفهم .. ! يعني لازم أغششهم ..!!!:upset: ودعواتكمـ لنا يا زعمـاء " لطلاب الثالث ثانوي " !! :cry: دمتـ بخير ميشوو ,, " سليمااااااانـووووه " s60s |
اقووول المشاغب انا اشهد اعترافاتك خطييره اما انا لاتخااف علي خبرره في الغـــش 9 سنوـآتـ .... و ان شـآء الله مايصير لي مثل الي صار لك يلا س ل ا مـ ... |
خخخخخخخخخخ حلووووووووووه وننتضر جديدك |
>>> [ وعليكم اللام ورحمه الله ] <<< طلعت يالمشاغب دافور ;) وكلن يبي [ برشامتك ] :p .. وليه لا دامك [ سلطان ] s60s ونعم الـســلطان انـت :yes: <<< اسمك سلطان ولا ملخبط انا s96s . إقتباس:
والله ملاحـظ الشي .. وإن شاء الله نرفع من [ وضعه ] للأحسن :yes: . امـا بخصوص مـوضوعك فـ الله يهدي [ قبيله الدلوخ ] :D كلهم من بكره ابيهم يـا كثر مـا ينكبون s96s حسبي الله عليهم كلهم :upset: الا واحد عارف نفسه ;) . إقتباس:
وش دخل مصر ... s96s إقتباس:
بدل البـراشـ ـ ـ ـيم الي كاتبها :D إقتباس:
إقتباس:
مـ ـ ـا شاء الله عليك تبت بدري ;) .. يوم وصلت ثالث ثانوي تبت :D بسم الله مـا شاء الله :p . </B> سلاميـشو ... :) |
و عليكم السلام و رحمة الله و بركاته طلعت غشاش يا سلطان .. و انا اشوفك وش حليلك البس ياكل عشاك و بالنهاية طلعت تسذا ! .. صحيح انك شيطانٍ أمرد ,, انا جتني فتره كنت اغش لكن سرعان ما تبت الى الله .. و من غشنا فليس منا .. صراحه بكره علي اختبار رياضيات .. و انا ما ذاكرت و المنهج كله علينا .. و يبدو انني سوف اخربها بكره و ابرشم .. بس هالرياضيات ثقيله الدم وش تبرشم ؟ بالعاده الواحد يبرشم معلومات و تعريفات .. لكن انا وش اببرشم مثلث متطابق الاضلاع متطابق الساقين ؟ <<<---- صراحه جديد هالمثلث :D و غير هذا .. انا تعودت ابرشم على ساقي .. و ساقي كله مطبات من لعب الكوره .. المثلث يبي يصير منحرف ! .. [ على طاري الساق .. اتذكر فيه واحد دب عندنا بالفصل .. كشف ساقه لقيت مكتوب / رقم مطعم البيتزا 8494*** ,, و الله يا شباب ما اكذب عليكم :D , قلت له ما عندك رقم هارديز ؟ قال هارديز بالساق الثانيه :D ] .. الله يكفينا شر الغش .. و لحد يصدق منب غاش ان شاء الله باختبار الرياضيات .. صحيح اني جبت صفر بالاختبار الاول لكن الله يعين ! همسة / يا حبي لك يا سلطان حارثن المنتدى حرث ما شاء الله عليك و الباقين نايمين و الظاهر السبات الصيفي اشتغل ! |
هعععععععععععععع قسم بالله ان المواقف فللللللللللللللللله خصوصا حق الإنقللش احس انه زاااحف ودااج انا من زمان ماغشيييت عشاان كل اللي حولي ابوو الدجه لو اغش طلع خطأ هعععع تسلم على الموووضوووع |
افااااااا صرت غشااش:D :D :D |
إقتباس:
الحمد لله كلنا تبنا من الغش مافيه طريقه غش إلا وسويتها مافيه مدرس كان يخافون يغشون عنده إلا وغشيت عنده كله عناد علشان اثبت لطلاب انه مافيه حاجه عندي اسمها " ما تقدر تغش عنده " بس فيه مدرسين الغش عندهم مجازفه اصعب حركات المدرسين الي صارت معي واحد في ثالث متوسط = لبس النظاره الشمسيه وجلس في اول الصف s11s ماتدري وين جالس يناظر.... بس " مافيه عندي ماتقدر تغش عنده " الصراحه النصدمت من الحركه :eek: :eek: :eek: المدرس الي يوقف في اخر الصف هذا فله تقدر تغش بس ما تقدر تغشش . اصعب موقف : في ثالث ثانوي خلصت من الاختبار والبرشام في وسط ورقت الاختبار والمدرس جالس على طرف الطاوله ومانى عارف وشلون اطلع البرشام واسلم الورقه يوم ايست قلت خربانه خربانه قلتلله لو سمحت يا استاذ ما اعرف اجاوب وفيه واحد جالس على راسي صدق وقالي اسف كان قلتلي من بدري وعلى طول قام من هنا واطلع البرشام من هنا وعلى طول ابلععععععععع .. |
الوقت المعتمد في المنتدى بتوقيت جرينتش +3.
الوقت الان » 08:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd