اللي بيحضر لمباراة الأهلي،، يدخل هنا الله لايهينه!!!!!!!!!!
 

بسم الله الرحمن الرحيم



السلام عليكم ورحمة الله وبركاته،،

أتمنى ان جميع الزعماء يتمتعون بدوام الصحه والعافيه،،

كثرت في الأيام السابقه نداءات الاعضاء للحضور الجماهيري،،
والجمهور،، الله يعطيه العافيه،، لبـّى هالنداء وماقصـّر

اليومين الماضيه قرأت أكثر من موضوع يهتم بالأهازيج
أو بطريقة التشجيع بالأعلام الكبيره المغطيه للمدرجات،،
والفكره أكثر من رائعه و أتمنى تطبيقها،،

وبهالخصوص،، عندي فكره للجمهور الهلالي،، وخصوصا
في المباراة الجايه،،بحكم اننا مهزومين بـ( 2 - 0 ) مباراة الذهاب
يعني اننا محتاجين فعلا لفكره تثير جنون و حماس اللاعبين بالملعب،،
الفكره بسيطه جدا،، وعشان ما أطول عليكم
وبصراحه اكثر،،، ما ودي أسولف واجد
عشان ما يخلص الكيبورد حقي :D

الفكره هي كالتالي،،
احنا رايحين ملعب،، يعني مو رايحين عزيمه
فماله داعي اللي يجي ( طاق الرسم ) و مشخص
وبحكم ان أجواء الرياض هالأيام حاره تقريبا
ياليت يا شباب كل واحد يطق له ( ترنق ) أو يلبس له اي شي ( سبورت )
والـ( تي شيرت ) اللي هي ( القميص ) <<< للي مايعرف يدور بالتحليه :D

يكون لونه أزرق
و لو يكون خاص بنادي الهلال فهذا أفضل،،

تخيلو عاد شكل المدرجات وكل ابوها أزرق s13s s13s

شباب الريااااض،، واللي يبي يحضر من برى الرياض،،،
خلونا نفاجئ الزعيم بهالحركه و صدقوني المنظر راح يكون خيالي
وخصوصا اذا سوينا حركة ( الزلزال ) أو ( الأمواج )

يالله شدو حيلكم،، و هـمـّـتــكــم ويـانـــا





وعندي سؤال الله لايهينكم،،،

:toot: :toot: <<< هذي وشلون تدخلونها الملعب وهم يصادرون ولاعتنا؟؟؟

:D :D :D :D :D :D




*** ملاحظه،،،

ياليت يكون اللون الأزرق هو الغالب على الأبيض بالنسبه ( للـتـي شـيـرت )







ولكم جزيل الشكر والامتنان


اخوكم / عباشي الهلالي

ياخي ماقدر البس التي شيرت واطلع .. عادي البس التي شيرت فوق الثوب









هههههههههههههههههههههههههههههههههههههههههااي

انا معك اخوي عباشي
اكرة اي واحد جاي مرسم تراك ياخوي حاضر مباراه مو خاش لسوق او زواج

اهلين عباشي ..

أنـا أفضل يكون لون التي شيرت أبيض لأن

مقاعد الاستاد زرقاء .. فما راح تظهر مقاعد الاستاد

ممتلئة لأن على ثقة بأن الجمهور سيملأ المدرجات ..


بالتوفيق للزعيم ..

اوكي ابشر بس الله الله بالحضور

أخوي قائد قوات العشق

اللون الأبيض ؟!!!!!
ماله داعي اجل نلبس تي شيرت،، نجي بثيابنا أحسن لونها أبيض

وبعدين يالغلا،، اللون الأبيض نلبسه ضد النصر أفضل لأن
فريق الهلال والنصر مشتركين في لون واحد وهو الازرق
يعني لو جمهور النصر يلبس أصفر وجمهور الهلال يلبس أزرق
راح تطلع شكل المدرجات من بعيد كننا نشجع النصر،،( أزرق و أصفر )

بس مباراة الأهلي لو نلبس أزرق ماعندنا مشكله
وعشان كذا سمون جمهور الهلال،، بالموووج الأزرق،،
ويااااازينه من مووووج بعد



الهالي عبادي،،، كنك تقرا أفكاري والله



هيلانينو،، البس التي شيرت فوق سروال السنه لو بغيت أهم شي انك تحضر هههه





ادارة المنتدى,,,,
لو فيه امكانيه ان الموضوع يتثبت 24 ساعه بس
عشان الجمهور يشوووف الفكره أكون شاكر لكم و ممنون كثير

ولو مافيه امكانيه ،، عطوني جوالات الأعضاء وانا أرسلهم رسايل

وعلى طاري الرسايل،،، يقولكم سعد الحارثي ضبط له جوال مثل جوالات الأنديه
موب عاقل الددتسن ههههههههه
الحين اللي يسمعه يقول الرجال مهم وأيامه كلها مزحومه بالمواعيد
أشوى انه يتمرن ويقعد بالنادي يلعب طجمه هههههههه
واذا كان مشغول مره،، فهو عند حلاق ( ابو صباح ) يضبط شوشته ههههه

عباشي :

هذه وجهة نظري الله يحفظك ..

وانا صراحة راح أجي من جدة وبأحضر

بثوب ومرسم بعد .. ماهو عشان شئ

بس أبي أقهرك :) ابي أخرب خطتك :)

لا أمزح معك الله يحفظك بس أتمنى تشوف

الاستاد مباراة الميناء العراقي والعين الاماراتي

كان منظر الاستاد جميل جدا ً 00

ان شاءالله كاعادتها شبكة الزعيم والنمر
يوزعون التي شيرت الأزرق ونلبسه على الثوب
ومش حالك
وان شاءالله اني بحضر

لعيون الزعيم كل شي يهون

والله لو الود ودي كان اول الحضور انا بس الدوامات

اتمنى تنجح خطتك يالقميل

واهم شيء الحضور

ان شاء الله راح اكون من اول الحاضرين وان شاء الله بيحضر الجمهور حضور مرة طيب لكن ياليت اللاعبين يبيضون الوجه

اهم شي الحضووووووووووووووووووووووور

كلامك سليم
ونبي حضور كثيف وتشجيع قوي

ياخي لو يلتزم الجمهور بلبس التي شيرت كان كفايه