|
شــــيئ من رعبوبة.. السلام علكم ورحمة الله وبركــــاته:D <<علشان مايقولون بعض الناس تسلمين بدوون نفس:p يسعد مســــاكم//صــــباكم كلكم يابعدي:rolleyes: اخبــــــاركم عاملين ايه ؟ اخبار اهل الرياض اللي سببوا لنا زحمه سببت حوادث ماتسوى علينا هاليومين اللي عطوكم اياها:D الخبر لحالها زحمه هالمره اهل الخبر واهل الرياض :p كنا رايحين انا واهلي الراشد يوم الخميس الطريق مسكر من كثرة السيارات بالموت لقيــــنا لنا موقف :cry: وبالواجهه كان زحمه وبشاطئ نصف القمر ماخليتوا لنا شي :D يالله ان شالله احسنا ضيافتكم ..:yes: بس بيني وبينكم احب اهل الرياض مدري ليش :p حب الرياضِ ينبض في عرووقي كما حب الهلالُ<<لاحظوا بالفصحى:D والله جد احب الريــــاض وخصوصا يوم عرفت ان الهنوووف ومنار من الرياض حبيتها زوود صار لي فتره اقول لأبوي ابي ارووح الرياض:D يقول ابوي وش عندك بالرياض عاد انا اقوله ابي اشوف الفيصليه والمملكه:D اللي يسمعني يقول برج ايفل :D وهـ يازين دبي:rolleyes: << وش دخل المهم ياطويلين العمر رورو << اموت ع الدلع:D .. انا وحده طفشـــانه ماعندها لا شغل ولا مشغله:D بكره علي اختبار وسحبت عليه:p بغيب لان ماامداني ادرس كله نووم بس:rolleyes: ..ساحبه ع الدراسه اصلا ساحبه على كل شي والله ولا كني وحده بثالث بتقولون ليش بقولكم:p لاني مااذاكر :cry: مدري صايره مهمله ادعوولي ان ربي يهديني واذاكر واجيب نسبه .. لو ربي يفكني من هالنت و هالجوال والنوم كان انا بخير :rolleyes: يوم الخميس انفتحت نفسيتي شوي للمذاكره وجت عندنا بنت عمتي عاد انا فدائيه قلت لابو المذاكره ولا ابو اللي جابوها:D :D <<خربتها .. اليوم جالسه اقول لأختي اول مره اشوف وحده تبي نسبه وما تنام بالليل الا الساعه 2:D تقول من الدجه عاد حرام عليها انا كل الادب فيني :wub: بس سؤال محيرني ولا لقيت له اجابه:D سـ//ليش الناس تحب النوم؟؟:D ولا بس انا:confused: والله نومي غير طبيعي ذاك اليوم امي جت تقومني تحسب فيني شي لاني طولت بالنوم:p بس انا ادري من نقل لي العدوى الهنوووف الدبه:rolleyes: هي تحب النوم وبحكم انها صديقتي صرت مثلها:D :D يالله مابي اطول علشان مايطلع لي احد عجاز يقول وش ذا الموضوع الطويل:eek: عاد ياكثرهم هنا :D http://alsareha.net/vb/images/smilies/zxcv13.gif هذي الله يسلمكم ويسمنكم يوم الاربعــــاء كتبتها مدري شعر مدري خاطره:yes: واديتها لوحدة من خويـــــاتي كذكرى;) كنت أظن حبك بقلبي كبير..وصرت أعشق هواك.. كانت أيامي معك والله صعيبه..رغم رفضي لجفاك.. كانت دروبي معك للأسف مستحيله..رغم هذا وذاك..!! // // أذكـر إني أحبك وأفتخر في غـلاك.. يوم قلبي يبيك ويوم عيـني تمنــاك.. كنت أسرح في غرامك وأناديك وأبيك.. واليوم ماعاد فيني شي يوصـف مداك.. عيني اليوم تبكي منك أنت ((محتريك)) أدري إنك حلو وأدري إنــك ملااك.. لكن وش فائدة جمالك دام طبعك غريب.. تعبت من ترديد أحبك وأتباهى بغلااك.. واليوم أعذرني مالي في هوااك أي نصيب.. أبعد وأترك حيااتي في جحيم وهــلاك.. لاتحااول حبيبي صبري عيى يصــيب.. إلعــب على غيري وخله يمشي وراك.. لاتبرر جــفاك بصار وصار وبيصير.. لاتعلق حيـــاتي بكلمتين من شفاااك .. أخــاف أوهم ويصير قلبي بعدك كسير.. صحيـــح إني أحبك لكن أرحل خلااص أوهــم حياتي ليش بشي أسمه مصـــير .. إرحــل وأتركني أسيرة لذكرياتي معااك.. شمسي بعدك حبيبي والله عيت تنير.. هذي نهاية قصتي بإختصااري معاك.. روح أمنتك الله..روح ويصير اللي يصير.. أبتعد لو كــان قلبي مااظنه نساااك.. قلتهــــا والعالم الله مجبووره.. ابتعد وأتركني ابتعد مااقضي عمري كله في مصــير!!.. http://alsareha.net/vb/images/smilies/zxcv13.gif كانت هنا ولم ترحل:p :رورو |
من وين أبدأ من زحمة اهل الرياض <<<<ما طلع الا بعد الساعة 12.00 يوم الخميس لا تعليق زحمة الخبر يوم الاربعاء والخميس كانت خيالية ما تسوى علينا هالزيارة لا عاد تعودونها ــــــــ النقطة الثانية ترى ما يفيدك الا دراستك ينصحك وما ينام الا بعد الساعة 3.00 بس ما وراي دراسة وراي دوام وفيه فرق الله يوفقك ويهديك ـــــــ نجي للاحساس اسميته احساس لانه فعلا كان كذلك لا أملك أكثر فالك التوفيق ــــــ مع انه مو عاجبني اسلوبي في الرد بس مشوار انقحه السموحة رعبوبة |
هلا رورو تصدقين كنت في الدمام ولا طلعت الا يوم حللت الاجازة تحلليل .. بعد صلاة العصر يوم الجمعة ركبت السيارة على انني ابمشي للرياض , لكن يوم مسكت الطريق هونت ورحت للهاف مون وعقبه رحت للعزيزة والخبر .. وطلعت من هناك على طريق ابو حدريه ومسكت طريق الرياض .. ومع ذلك للحين ماخلصت من الشرقية وناوي ارجع لها بالويك اند ان شاء الله ==== انا قبل فترة كنت ما انام الا الساعة 2 او 3 وانا عندي جامعة بالصبح ! وكثر غيابي , ومن بعده صرت ما اجلس على النت بعد الساعة 1 ابد .. المهم ركزي على دراستك تراها هي اللي تعزك , وخصوصاً انتم يا البنات لازم تاخذون نسب عالية لان مثل مانعرف الاماكن والتخصصات محدودة واعداد المقبولين ضعيف مقارنة بالمقبولين من الطلاب .. إقتباس:
لا عاد جد كلمات حلوة ومو ناقصها الا ترتيب وتعديل قليل |
برررررررررب :D ============ بااااااااااااااااااك: إقتباس:
وش جابهم عندنا؟:upset: ليت لي سلطة عليهم كان أبدتهم عن وجه البسيطة:upset: <<===:D إقتباس:
الجد: يالبى قلبك يالرياض.... بس تخسين توصلين مواصيل الشرقية يا الرياض ;) إقتباس:
الله يوفقك ويعينك يارب..!! إلا يا ليت تعلميني وشو معنى التوجيهي؟!!:confused: ادري انها ثانوية بس مدري وشو التوجيهي بالضبط..:D إقتباس:
سوي حجامة بأحد المستوصفات..!! وبعدها نومك بيصير خفيف ان شاء الله.. وراح تصيرين نشيطة..!! بس مدري وش حكم الحجامة للنساء.. بس ما أتوقع فيها شي..!! عاد الله يعينك على الصلعة اللي بيسوونها براسك:D إقتباس:
يا هوووووهـ ...!! من قدهاااا..!!s60s ما شاء الله عليك... مع اني ما أحب الخواطر وقصائد الحب كثير .. بس اني قريتها كاملة..!!;) تحياتي رورو أخوك موشو :D |
,,, ,, , رعبوبة الزعيم لا اعلم ماالسبب في تداخل قريحة النبض في اوقات غير مناسبه .. ولكن تجبرنا دوما ان نكسر كل الجواجز كي نترجم مايدق اوتار الشجن .. حتى نرسمه على قصاصةِ الورق .. وحينما نقرأه بعد حين .. نجد انه الاروع والاجمل من بين زخمِ الاوراق التي كُتبت من قبل .. وهي كذلكـ .. رائعة بـ شجنها واحساسها النقي .. متألقة كـ العاده :) دعواتي لكِـ بدوام التوفيق وكل الاماني ان يزول عنكـِ ( النوم الزائد ) فـ القادم هو الاهم وهوَ المحكـ الرئيس فـ لكـِ خالص الدعوات بـ تحقيق ماهو مأمول ,, **** كوني بخير ...SoMe OnE... |
صراحة أحسد جميع أهل الرياض من حصل على إجازة مو لأني من مدينة ثانية القهر أني من وسط الرياض ولكن وظيفتي حكمة على أني ما أِشوف أهلى وأصحابي في ديرتي ولكن الحمدلله دامك قلتي أن الخبر زحمة وكلها من أهل الرياض فيازين وظيفتي ويزين الرياض مع العلم أني ما أحبها ونومك الثقيل عندي لك حل تبرعي بدمك أو سوي لك حجامه وتشوفي الفرق وأخيراً صراحة أنا اشوفها خاطرة ولكن والله روعه وأكثر من روعه وفي غاية الأبداع سلمت يمينك يارعبوبه وعساك عالقوة |
ياهلا وغلا بـ رورو :thumbup: منوورهـ المجلس ,, ;) أيه والله نشبات أهل الرياض أول مره يشوفون بحر :D << من يوم ما بدت الأجازه أول واحد في الخبر هو :p وش نسوي والله يارعبوبه إذا كانت الخبر حلوه ولا بعد فيه أجازه ياسلاااام :thumbup: أن شاء الله أبو متعب يعزمهم الثلاثاء الجاي يمكن فيه قضيه ما ناقشوها :p وبالنسبه لموضوع النوم لا يالغاليه مو بس أنتي حتى أنا أنواع الأشكال الهندسيهـ في الفراش :D بس بصراحه النوم مايحلى إلا إذا كان فيه أختبارات ومذاكره :confused: وصح لسانك على هالأخاطره مدري هالشعر :p ويكفي أحساسك في الكصيده :p وأقول ياست رورو :p لا تحرمينا من مواضيعك .. بأنتظار جديدك :) |
هلا وغلا رعبوبة .. وش دعوة وش فيكم على أهل الرياض والله وش حليلهم هذا جزاهم يزورونكم يوسعون صدوركم .. والله ياشين الرياض يوم فارقت اهلها و يازين زحمة الرياض ..عرفنا انها حلوة يوم اهلها سافروا لكم .. بعدين وش هالنوم المفروض الواحد اذا صار مهتم من شيء ماينام بس انتي مو مهتمة اصلا يبي لك قرصة اذن عشان تعرفين ان النوم كل يوم بس سنة التوجيهي كلها كم شهر وتروح ولاعاد ترجع .. وخاطرتك رووعة ماشاء الله يكفي انها بأحساسك ولمين لصديقتك الله يسعدكم جميعاً .. |
إقتباس:
وعلكم السلام ورحمة الله وبركاته :D :D المشاغب إقتباس:
حلال ابد خذها مني بس تخيل شكل رعبوبة بالصلعة :p :p |
تمت قراءة الخاطرة .. و إن لم تكن شعراً موزوناً فقد كانت إحساساً صادقاً .. " رعبوبة ودي أسأل المشرفين إذا في لقب ( موقوف خلال سنة التوجيهي ) ! " تذكري أن تحقيقك لنسبة عالية نجاح لنا جميعاً .. كما أن تحقيقك لنسبة متدنية إخفاق لنا جميعاً .. و بيدك أن نتذوق حلاوة النجاح كما بيدك أن نتذوق طعم مرارة الإخفاق .. |
إقتباس:
من كثرة النوم , ودجة :D , كلنا مرينا فيها في ثالث ثانوي , وهذي التصرفات طبيعية لأنها تُعتبر تهرب من المذاكرة والدورس , لأن ثالث ثانوي هي مسؤليتك انتي تتحملينها عشان تدخلين القسم إلي تتمنينه :yes: ,, وياما ابتكرنا اساليب عشان نوهم أهلنا إنّا نذاكر :D , لكن رعبوبة ابيك تتذكرين إنها سنة وبتمر إن شاء الله ومو سنة إلا ما باقي إلا كم شهر وتخلصين, وإنك لازم تضغطين على نفسك ولا تتبعين هواك , وتركزين زين على دراستك , وتتعوذين من الشيطان s60s , ودائماً العلة تكون في بداية فتح الكتاب إذا مسكتي الكتاب وبديتي تذاكرين خلاص تنفك العقدة وتخلصين من مذاكرة الإمتحان :yes: من ناحية الخاطرة .. مشاعر راقية وصادقة وحساسة :yes: في انتظار جديدك وأتمنى أن يكون بعد حصولك على الشهادة , فمستقبلك أهم ولا تُخطئي خطأ من سبقوكs60s واتفق مع ابو ريمان فيما قاله |
قريت بداية الخاطرة وما كملتها وتذكرت موضوع الاعجاب اللي كان مثبت فوق للنقاش واللي مصلحته الماسة الزرقا :rolleyes: إقتباس:
والافضل الواحد يكون من اللي (تتجافى جنوبهم عن المضاجع):) فتكم بخييييييييييييييير s13s |
رعبوبه او رورو كما تحبيني وتشتهين صدقت والله اهل الرياض عفسو الديره كلو الاخضر واليابس اجل غرفه كانت 350 وصارت 1050 طبيعي يا ناس؟؟ تشــــــــاو |
هتا هتا هتا << هذي الكلمه اذا بنتي ليان اعجبها شي قعدت تقول كذا كالعاده مبدعه خيتو رعبوبه والله لايحرمنا منك بس ماشاء الله الفصحى ذابحتك اليوم اما من ناحية الحوادث فانتي عايشه في عالم ثاني الحين الحوادث خفت وانتي زودتيها <خخخخخخخخخخخخ الخاطره في قمة الروعه ابداع*ابداع تحياتي لك |
إقتباس:
رووعه = ابداع = خيال :thumbup: بس سؤال محيرني ولا لقيت له اجابه:d سـ//ليش الناس تحب النوم؟؟:d النوم راحه بس مو كل اليوم نوم . " والله السهــــــ s60s ـــــــر فله جنان " [[[ ما أطال النوم عمراً ولا قصر بالأعمار طول السهر ]]] s13s s13s s13s |
| الوقت المعتمد في المنتدى بتوقيت جرينتش +3.
الوقت الان » 12:18 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd