لماذا ياجمهور الزعيم....
 

:confused:لماذا ياجمهور الهلال العزيز:confused:


برغم ان الهلال هو الاكثر شعبيه في السعوديه والعالم العربي.

يأتي جمهور بهذا العدد القليل جدا...... لم اتوقعها منك ايها الجمهور الكبير.

توجد فرق لااريد ان اذكر اسمها في معظم مباراياتها تخسر وجمهورها لازال يحضر.

وبخساره واحده امام الاهلي تخلينا عن الهلال بهذه البساطه.

اتمنا من الشعب الهلالي ان يقف مع الهلال بالخساره قبل الفوز في المباريات القادمه.

وأملي بالجمهور ليس له حدووووووووووود.........وشكراs13s

الضاهر اني ابي اغير رايي فيكم ياجمهور الزعيم

عبروني ولو برد واحد :cry:

واله وانا اخوك هذا هو جمهور الرياض معروف من زمان

مايجيك الا في الديربيات والنهائيات

على فكرة انا من الرياض واعرف ان اغلب الناس هنا يحبون المقاهي

وانا شخصيا كنت ناوي احظر بس اختبار القياس ماخلاني اشوف المباراة كلها الا بالاعادة

انا ماابي اروح الملعب الا اذا فاز الهلال علي الاهلي

العتب ماهو عليكم ياطلاب التوجيهي العتب على اللي متسدحين بالمقاهي:D

اه ياختبار القياس ذكرتني بالسنه اللي فاتت :cry: ....الله يوفقك ان شاءالله.

يا رجال خل الاداره تسمع مطالب الجمهور وبعدين تعاتبهم على الحضور

بالنسبه لي ورأي شخصي ما راح احضر مباريات الا لما ينسقون لاعبين الواسطه وتراهم معروفين ويعطون الشباب فرصه والاساسي يكون لمن يستحقه وليس لاسم اللاعب والسلام

والله كان بودي احضرة لاكن ماني من اهل الرياض

والوعد انشاء الله يوم السبت بالمدرجات الهلاليه

لاطلبناااااااااااك تكفى تحضر ...................

أقول كلنا ويا الزعيم على الحلوه والمرررره .......................///

ليش أحضر والاقي لاعب يرفع ضغطي ويتعبني

ليش أحضر والمجامله في الفررررررريق

خلاص المرشدي أفضل من المفرج

ولاتقولون فيه اصابه هذي تصريفه عشان الجمهور مايطالب


نواف يلعب بإسمه وتاريخة لاعب ميت غير حماسي
اذا ماله نفس يلعب يرتاح ويريح

عندك لاعبين شباب
فهد سرور
الموري
والسعود

وغيرهم كثير من المواهب

ليش نجامل ياناس

من اول مافيه الا الكوره لكن في الوقت الحالي الشباب ملتهين باشياء اخرى كثيره غير الكوره

صح لسانك

المباراة توافقت مع إجازة اليومين بشان انعقاد القمة العربية واكثر أهالي الرياض مستأذنيين يوم الإثنين ومسافرين من يوم الاحد

اقول

تراه القادسيه :)

ياخي القادسيه او غيره المهم انك تساند فريقيك في كل مباراه

ليه منكون مثل الجماهير الاوروبيه اللي تلاحق فريقها وين ميروح.