|
سلطان السعود ... مانبيه .. خلوه لاعب تمرين !!! لا وصيكم قولو توه ... تنقصه الخبره !!! المستقبل قدامه !! فيه لعيبه احق منه !! واحرقوه .. ودمروه .. زي ماحرقتو الخراشي .. والصويلح .. عشان يلعب ( قليل الملح ) ايفان !! فيه مثل يقول : العود من اول ركزه !! وسلطان ونعم الركزه .. ونعم العود !! جسم لاعب .. وامتلاك للكره .. وحركه داخل الملعب !! تحسسك ان فيه مهاجم جنب ياسر .. ايفان طقها والحقها بئس العود .. وبئس الركزه !! والله لو اني كابتن فريق حواري ... مايطقها معي هالبرازيلي .... لاتحسفون على فلوسه .. وتلعبونه عشانا ( دافعين فيه ) !! اعتبروها زكاه ودفاعة بلا حاله حال من جا وراح وما استفدنا منهم سلطان يجب ان يأخذ فرصته فيما تبقى من مباريات الدوري .. حتى يكون خير عون لنا في الاسيويه اللاعب فنان .... بس محتاج فرصه عطوه الفرصه يامال الغنيمه !! |
أقـووول إركـد ونا أخـوك أجـل ألـفـان مـو مـعـجـبـكـ ... هههههههههههههههههههههه |
عين الصواب والله لازم ياخذ فرصه ولاعب مهاجم من طراز محترف |
عين الصواب والله لازم ياخذ فرصه ولاعب مهاجم من طراز محترف |
الاعب مهوبه بس ينتظر الفرصه |
اقول كيف الحال ؟؟ اجل الفان و حواري البرازيل يكفي انه سجل 6 اهداف اب 6 مباريات |
صدقت يالغااالي لاعب العمر يستناه |
انا ماذبحني الا سالفة ينتظر الفرصه كم لاعب احترق على مقاعد الاحتياط في الهلال .. على حساب ( انصاف اللاعبين ) الى متى والهلال يحرق مواهبه !! ويبحث عن ( هوس ) المحترفين .. حتى لو كانو دون المستوى !! الهلال منجم بس مشكلتهم مايقدرون ابنائهم |
هههههههههههههههههههه اسمح لي والله ان كانك تقول ان الفان مب لاعب فأنت مع احترامي لك ما تدري وش السالفه وبالنسبه للسعود ان شاء الله انه راح يكون مستقبل الهجوم الهلالي والله يوفقه ساميو 722 |
الاعب مهوب بس ينتظر الفرصه |
صاااااااادق ياخي ماشاء الله عليه نشيط سريع و اتمنى ينتبه على نفسه ويطور من نفسه اكثر اما الفين من جنبها |
والله صدقت أنا أقول المفروض يعطونه فرصه في المبارات الجايه مع الطائي ,, |
ان شاء الله بيأخذ فرصته .. برضوا اذا سلطان الاضواء عليه بنحرقه فلنكن حذرين .. الوسطيه حلوة |
السعود لاعب من يومه في الشباب في مباراة مع النصر حضرتها و انا اقول هاللاعب مستقبل الهجوم الهلالي .. لكن وانا اخوك موب بهالطريقة .. اذا الفن موب عاجبك و هو كل مباراة قول اجل من اللي بيعجبك .. ولا تبون اللاعب كباريات و تسحيب و كعوب ولا ما ينفع .. الفن لاعب من نوعية تريزيغيه و غيره .. مع فارق المستوى طبعا .. لكن النوعية هذي ما تمتعك .. تسجل و تنهي لكن ما تمتع .. نتمنى التوفيق لجميع لاعبي الهلال من بينهم الفن و السعود .. |
عين الصواب والله لازم ياخذ فرصه ولاعب مهاجم من طراز محترف |
إقتباس:
كلام كبير ... والهلال فوق الجميع ....... |
اقول السعود لاعب ماقلنا شي بس لا تعطونه اكبر من حجمه توه ما مالعب كم مباراه!! |
إقتباس:
اوافقك دون تحفظ!! |
والله انك صادق وانشاء اله يقعدونالفان احتياط له |
إقتباس:
صدقت هالاعب مهوبه كبيره هههههههههههههه |
تكفون نبغى سلطان أساسي دوووووووووووووووووووووووم |
لاعب له مسقبل كبير باذن الله بس ياخوفي عليه من الاعلااااااااااااام |
#واعجبي من قصر نظرك يا فتى !!!!!! #لاعب أول مره يأخذ فرصته من البداااايه حكمة عليهااا إنه ما فيه زيه يملئ خااانة الهجووووم !!!!! #أول أعرف إسم البرازيلي اللي تقووول عنه !!!!! (( أسمه ردريقو ألفن مو ايفان #وين كلام الجمهووور الهلالي عااامه عن ألفن بعد مباراة الوحده والاتحاد !!!!!! #أتعجب من حال بعض الجمااااهير التي تطالب بمطالب أبعد عن الخياااااال !!!! #ردريقو (السمكه) ألم تطالبوا بإبعاااده !!! #والان هناك بعض الجماهير من تطالب بعووودته !!! #هل من يطالب بهذه المطالب لا يعرف نظام الاتحاد الدولي والذي يطبقه الاتحاد السعوووودي !!!! #الا يوجد فترتين لتسجيل الاجانب هي قبل بدء الموسم الكرووووي وفترة الانتقالات الشتويه !!! #وهناك بعض الجماهير تمدح اللاعبين في حالة الفووووز وعند الخساره تشن هجووووم عنيف !!! #تخيلوووا أن من صفق لابدااااع بالامس ياسر والتايب والشلهوووب ونوااااف وجميع اللاعيبه هم أنفسهم من شن الهجووووم في الغد !!!!! #أرجوو أن تغلبوا مصالحة الفريق ولا تدسوا السم بالعسل !!! #يقول الشاعر #وظلم ذوي القربى أشد $$$$$$$$$$$ مضاضاً من وقع الحسام المهندِ وجمهووور الزعيم هم الاقرب للاعبين ويظلمونهم فكيف يكوووون حال بقية جماهير الانديه بنسبه لظلمهم للاعيبتكم !!!! |
يا عزيزي كون ان اللاعب لعب في مباراة اليوم هذي تعتبر فرصه اوتيحت له ....من وين جبت إن اللاعب ما عطوه فرصه....... عموما الفرصه جته اليوم وما قصر والباقي على الله ثم نظرة المدرب لمستواه ......... ويا ليت ما تخلقون مشكله من لا شي وتتكلمون وكأن اللاعب مظلوم .....لو مظلوم ما كان لعب اليوم |
إقتباس:
مع إحترامي لك ،،، كلامك ماهو في محله ،، هدفين من السته أهداف ( ضربات جزاء ) هدف في الحزم ...!! هدف اليوم مع القادسيه ... أعتقد الهدف للشلهوب .. يعني لو الشلهوب صالخ الفان بالكوره في بطنه كان دخلت قووول من حالها .. الرجال بس عداها ورا الخط ... غير كذا اللاعب أقل من عااااااادي نبي لاعب يحتك ،، يقاتل ،، يصنع من أنصاف الفرص .. فرص الفااااااان حااااااااشي ماااااااااشي لاخيره ولاكفاية شره .. خاتمه : الغامدي من أفشل اللاعبين في الفريق والمنتخب .. عجزت أهضمه ،، لاعب حواري .. لامنه ولافيه ... دمتم زعماء ابو فارس |
تتذكرون محمد الشلهوب في أول مباراة بدع فيها وبعدها فتحوا له المجال وكمل مشواره بس الاعب سلطان اذا اهم حرموه من هالفرصة راح ينهد مستواه |
صح لسانك بس موضوعك يخرع |
أتمنى أنكم ماتقلبون على السعود أول مايضيع فرصه |
بصراحه انا شفت هدفه بس باين انه جسمه قوي في الاحتكاكات وفي الهلال مافي لاعب عنده هالامكانية غير خالد عزيز تقريبا بس ابغا اعرف دام الهلال عنده مواهب بهالقوة ليش مدفونين لهالحين ؟؟؟؟؟ سؤال ثاني ...... الموسم قرب ينتهي والعنبر الي حسم لنا ثلاث نهائيات ماشفناه لعب من بداية الموسم واللي يقهر زود محد يذكره بالخير ولا حد يطالب فيه من الاعضاء والاغرب في ناس يطالبوا بالصويلح اللي ماقدم شي للهلال سوى كم هدف في اخر دقايق ... عجيب والله وجهة نظري تقبلوها |
بسم الله الرحمن الرحيم سلطان لاعب جيد وله مستقبل كبير أن شاء الله اما الفن أعتقد لم يكن في مستوى الهلال |
ورقة رابحة جدا للهلال سلطان السعود |
ردودرياقو مو عاجبك عجببببببببببببببببببا عجبا والسعود فيه الخير والبركة |
انا معك لازم يعطى فرصه ايضآ مع الطائي اما الفان انا والله ما فيه امل يخش مزاجي<--كيفي:D لاعب تمشي معه بالبركه وياهو بااااااااااارد وبطئ <----بالعربي فاااااااااااااااااااااشل |
والله كلهم فيهم الخير والبركه وايفان هداف صريح وليس هداف مهاري |
الوزن زائد بسبب الدكة لكن اتوقع يكون جيد اللاعب حماسي |
ممكن بس الفانث فيه عنده حس تهديفي .. |
الفان لاعب فاااااااااااااااااااااااشل يكفي انه كل يوم بنادي وهو عمره ما كمل 28 و ثامن نادي راح له الهلال |
إقتباس:
|
والله السعود لاعب خطيير وماتوقع احد ينتقده وبعدين ترا الجمهور واقفين مع العنبر والصويلح والخراشي لكن البلا من الاادارة وليس الجمهور |
ياشباب اللاعب توه صغيرلاتمدحونه الحين ,بعدين يغتر ويكون مصيره مثل العنبر وينزل مستواه. |
============== |
سلطان لاعب واعد ولكن يظل البرازيلي اكثر خبرة |
مثل ماالفان اخذ فرصه باالملعب اعطوا الغير فرصه حتى يبرزو ماعندهم من مهارات |
إلى متى يا أعضاء ماتفهمون:::::::ليش ماتصيرون مدربين أحسن::والله محترمكم وعلى العين والراس بس فيه كلام::موقدكم |
أتفق معك خله يحترق على دكة الاحتياط ألفان أولى من غيره يلعب أساسي ... سلام s102s |
حرام عليكم ياشباب !!! اصبروا عليه 10 سنين بس!! الله يهديكم وراكم مستعجلين أقول حنا نحترق والمدرب اخرتها اذا ألغي عقده ياخذ الشرط الجزائي وعلى ديرته ولا على نادي يكون ضحيه جديده وحنا اللي نتجرع حسرات الهزائم . حبيبي الظاهر ان المدربين يشوفون شي مانشوفه ولا ليش الاصرار على ان مثل هالدلخ الفان يلعب لين يبقى 5 دقايق على نهاية المباراة ويغير به لاعب لايمكن أن يقدم شي في هال5 دقايق وين ادارة الفريق اللي ساكته على مثل هالمهازل اخوي لو يروح هالدلخ لنادي سدوس ماضمنها اساسي مهوب عاد في الهلال !!؟ وين رودريقو ( قوارو ) الصغير احسن منه بألف مره!! المدرب طبعا عميان مايشوف الا مصلحته ’ ومصلحته في بقاء الدلخ ومصلحة الفريق في قريح العنبر الصويلح المبارك السعود احتياط وطويل العمرالفان يلعب لا وهالمدرب مصر يلعبه كل مبارة اساسي علشان العموله اللي ياخذها من وراه لانه هو اللي جايبه الله لايجيب له خير ؟ وهناك الكثير من لاعبين الفريق الشباب ينتظرون يمثلون الفريق الاول بالله كيف تجيهم الفرصه ومثل هذا قاعد غصه في حلوقهم, لو يلعب في سدوس ماضمنها مهوب في الهلال عاد ياجماعه الرجال مافي راسه كوره ونشوف ياخوان ما أقول الا الله يصبرنا بس |
ايه وانتم انفخوا راسه لين يغتر ويدحدر مستواه يجيه ماجا الصويلح السعود مانقول شي ان شاء الله انها بداية خير ولكن لا تخلون يغتر شوي شوي عليه |
أن شاء الله يثبت جدارته بالمباريات القادمه |
والله ياجماهير مشكله انتم الفان اتفق معكم انه لاعب فاشل ولكن لاتبالغوا بمدح السعود والله ماراح ياكلها الا حنا ياجمهور الهلال |
اي والله لازم ياخذ فرصته كامله حرام تضيع نجوميته في دكة الاحتياط |
الاعب مشروع لاعب جيد بس لا تتفخونه كما تفعل جماهير بعض الأندية ألقاب ومواقع انترنت والنهاية دجة أصبروا عليه وشجعوه باعتدال |
ايه كله واحــد :) |
الله يوفق الجميع انشالله والاهم انـ احنا نطلع من المباراهـ فايزينـ |
لاعب جاب هدف صدفه ازعجتونا فيه |
انا اتفق معاك في كل كلمة قلتها اندية الاتحاد والاهلي تجيب لاعبين اجانب على مستوى عال والزعيم ياتي بلاعب بصراحة ثلج دون حماس بعيدا عن المسؤلية والاحساس كلاعب هداف ، استعراضي درجة اولى ( بين القوسين فاشل ) والايام القادمة ستثبت ذلك ، واذا لم تتدخل الادارة الزعيم في خبر كان اذا استمر هذا اللاعب الفان مع غموض في مستوى ياسر . |
السلام عليكم و رحمة الله و بركاته ,, ياخي بعض الاعضاء اناظر ردودهم و اضحك :d الحين تقارنون سلطان السعود بالفان ؟!! و الحين الفان صار فنان ؟!! كل اهدافه حظ ما عدى هدفه الثاني قدام الوحده ,, تجيه الكوره مقشره و اخر هدف امس و ربــي لو انه لاعب حواري ما ضيعها ,, لاعب فاشل ناظر تحركاته بس ,, سلطان السعود + فهد المبارك = نجمين يجب ان يكونون اساسيين !! .. التسناري |
السلام عليكم <--- يوم قرت الموضوع دخلت تتهاوش خخخخ والله السعود قدم مستوى كبير جداً ماشاء الله و اتمنى الهلال يستفيد منه.. بدل الدكه مشكلة الهلال هو كثرة المهاجمين مع عدم الاستفادة بالنسبة لألفن.. والله لاعب جيد.. و مهاجم صريح عيبه رأسياته الف شكر و بالتوفيق للزعماء دائما و ابدا |
عطووووووه فرصة |
إقتباس:
غريبه شلون معجبك الفان ؟؟ والله من اسوء اللاعبين اللي مرو على الهلال بعد فالنسيا |
كلامك صحيح ولاعب ينتظره مستقبل كبير |
| الوقت المعتمد في المنتدى بتوقيت جرينتش +3.
الوقت الان » 03:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd