|
هل تعلم أيها الهلالي ؟؟ بسم الله الرحمن الرحيم هلا بالزعماء هلا بالذيابه هلا باللي أسميهم الصقور الزرق .. هل تعلم أيها الزعيم أن كلامك من خلال المنتدى أو من خلال الاعلام أو من خلال المواضيع الجانبيه مع الأصحاب وغيرهم عن اللاعبين يأثر تأثير مباشر على أداء اللاعب في الملعب سواء بالسلب أو بالايجاب وأأخذ على سبيل المثال : ( فهد المفرج ) هذا اللاعب الخلوق هذا اللاعب الفذ هذا اللاعب الذي أتمنى أن يكون كل اللاعبيين في أنديتنا السعودية يتحلون بنفس خصاله الجميلة .. كثر مأخرا الكلام على فهد أنا ودي أسأل سؤال فهد المفرج مهب انسان مهب بشر مهب ياكل ويشرب مثلنا طيب اذا هو يخطأ مثلنا ويسهو مثلنا الا اذا انتم يالي تتكلمون عن فهد المفرج ماتخطأون ولا تسهون يعني ناس خارقين هذا شي ثاني ياناس أنا أخطأ وانت تخطأ وأكيد فهد المفرج يخطأ ولكن ثق تمام الثقة أن فهد المفرج يستميت للدفاع عن عرين الهلال وأسمحلي يافهد المفرج ويازعماء أن أسميه ( الأنتحاري ) بتقول انتحاري مره وحده بقولك ارجع لمباريات الهلال كل مباريات الهلال وركز على فهد المفرج أبيك تلاحظ فهد اذا حصل الهلال على ضربة ركنية طبعا 30% بيضربها المفرج و40 % ياسر و10% تفاريس و20% باقي لاعبين الهلال اذا لم يضربها أي لاعب من لاعبيين الخصم ولكن هذا مهب الي أبي أوصل له الي أبيك تركز عليه اذا أرتدت الكوره الى مرمى الزعيم لاحظ هنا فهد المفرج أتحدى أي واحد في المنتدى أو في أي مكان في مملكتنا الغالية أن يقولي ان فهد المفرج مهب أول واحد يرجع للدفاع تلقاه يركض ركض ويحفر الملعب حتى تفاريس الي هو تفاريس مايركض زي الركض الي يركضه المفرج .. ( أنا ماجبت شي من عندي ارجع لمباريات الزعيم وشف كلامي صحيح ولاغلط ) .. عموما فهد المفرج لايهزك ريح ونحن الهلاليون نثق فيك ثقة كبيرة وان كانك تخطي فكل العالم يخطون وحنا الهلاليين نغفرلك كل أخطائك وأنا شخصيا عندما تخطأيافهد فأنا أتذكر استبسالك في حماية العرين الهلالي والله يوفقك يافهد .. حصلتلي حادثة قبل يومين في محل فيديو رايح أخذلي دي في دي ونا في المحل دخل واحد طبعا راعي المحل كان قاعد يطالع مباراة النجف العراقي مع السد القطري المهم قال الرجال لراعي المحل متى مباراة الهلال طبعا قلت في خاطري هذا أكيد هلالي المهم قال والله مدري المهم وهو يسولف قال ذا الي دخل بدون أي مقدمات ولا شي قال ياخي هذا فهد المفرج رايح فيها مايعرف يلعب يوم قالها وألتفت عليه قلت خير فهد مايعرف يلعب أجل من الي يعرف يلعب قال والله لوني مدرب والله مايطقها فهد قلت في قلبي شوي شوي يامورينو المهم من القهر سألته أنت وش تشجع قال انا تفاقي أميل للنصر طبعا يوم قالها قعدت أضحك وقلتله حلوه تميل للنصر المهم سألته أنا وش أخبار الصقر وشراحيلي وسياف البيشي عساهم طيبين قعد يضحك المهم قال لو فهد المفرج يجيب كأس العالم مافيه أمل أهظمة قلت خير اذا صرتا هلالي ذيك الساعه فكر انك تهظمه ولا ماتهظمه طبعا سألته وش أخبار الفيصلي مدري يوم سألته هالسؤال وجهه صار أزرق ضحك ضحكه بايخه وطلع .. أخيرا أقول لاتقسون على لاعبينا تراهم يتأثرون بكلامكم صدقوني . وفق الله الزعيم في البطولات القادمة . |
اتمنى اعطاء المرشدي فرصه;) |
إقتباس:
أتمنى انك تحط نفسك مكان المفرج مع الضغط الاعلامي والجماهيري عليك بالسلب طبعا وش تتوقع يكون موقفك ;) تحياتي لك |
|
إقتباس:
؟؟؟ |
إقتباس:
تحياتي لك:yes: |
[أرجوك لاترحل 9] . . ماقصرت ,, هذا هو الكلام ولا بلاش !! يا إخواني فهد المفرج لاعب مثل كل اللاعبين يوم تكون أسهمه عالية ويوم تكون العكس فلذلك يجب علينا كعشاق لهذا الكيان الأزرق أن لا نثقل على لاعبينا بهذه العبارات السيئة مثل : متى يعتزل ذا ونفتك .؟ , أو أفففففف يا ذا النكبة ..؟؟ ولكن علينا أن نصبر على لاعبينا شوفوا نادي الأهلي المصري صبرت جماهيره على اللاعب فلافيو وهو مهاجم يعني بأي وقت يلاقون أحسن منه ولكنهم صبروا عليه , والآن في كأس العالم للأندية قدم أفضل أداء وبشهادة النقاد كلهم .. فلذلك علينا أخذ العظة و العبرة من هذه القصة فربما يعود فهد المفرج إلى مستواه المعهود قديماً .. ودمتم بود s60s |
إقتباس:
ومن يدافع عن الكيان الازرق رضا تكر ولا وليد عبدربه ولا سياف البيشي ;) تحياتي لك |
إقتباس:
كلام راقي من شخص راقي s60s |
إقتباس:
تحياتي لك:yes: |
اتمنى اعطاء المرشدي فرصه |
اي والله المرشدي ماأعطي فرصة.حرام حرام حرام حرام |
إقتباس:
فيــه المرشـــدي و حنااا مانبي المفرجــ يرحل بل يبقى بالاحتياط كورقه رابحه في الدفاع |
والله كلام من ذهب لكن من يسمع؟ |
اتمنى اعطاء المرشدي فرصة |
| الوقت المعتمد في المنتدى بتوقيت جرينتش +3.
الوقت الان » 08:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd