السلام عليكم جميعـــــــــــــــــــــــــا

لا اخفي عليكم ان خبر انتقال اللاعب خميس العويران احزننا كثيرا كهلاليين وان من يثبت العكس فأنا اقولها بكل صراحة (ماعنده سالفة) يكفينا من خميس ان خانة المحور سواء في نادي الهلال سابقا او المنتخب السعودي لم يستطع اي لاعب ان يغطي هذه الخانة وهذا هو الواقع ولنكن صريحين ..
ولكن اللي سواه خميس بانتقاله للاتحاد اعتبره بصراحة تسرع من اللاعب .. يعني مدري لو صبر زي ماصبر غيره وش كان بيضره لكن اقول في اذن خميس ياخميس والله لولا الله ثم الهلال كان مارجعت من ايقافك ؟؟ ولاهو بس الايقاف ؟ كان حركاتك هذي سواء في الرحلة المشهورة او حركاتك في .... عموما انا ماودي اتكلم عن اشياء يعرفها المقربين من خميس وقف بجنبه نادي الهلال ممثلا في ادارته او اعضاء الشرف ... لكن ارجع واقول مثل ما خميس اخطى !! ايضا ادارة الهلال اخطأت فالأسلوب اللي تمارسه مع اللاعبين بصراحة مدري وش اسميه ؟؟ فمن حق خميس ايضا ان يأمن مستقبله ...
بصراحة الزملاء تكلمو عن الموضوع كثير ولاودي اكرر واعيد لكن اللي ودي اقوله !! الهلال لازم يفكر في مستقبله الجاي وينسى خميس والصجه اللي معه ويفكر في البطولات الجايه وينسى ؟؟
وعلى قولة القايل !! كلام في اللي راح نقصان في العقل !!

اسف على الاطالة واتمنى لخميس وغيره من اللاعبين التوفيق وقبل هذا كله اتمنى للزعيم الاستمرار في بطولاته انشاءالله ... وسلامتكم ....

اخوكم ... الليـــــــــــــــــــــــــــــــــــــــــــــــــــــــــــــــــــــــل