|
اللـــي يبـــينا عيــت النــفس تبــغيه***واللـــي نبــيه عيــا البــخت لا يجــيبه السلام عليكم ورحمة الله وبركاته الكل منا يعرف هذا البيت وقصته واصبحنا نذكر هذا البيت كالحكمه في حياتنا نسمع في مجتمعنا فلااااااان انجبر على فلااااااااااانه ،، وفلاااااااانه انجبرت على فلاااااان نقدر نقول ان البنت تتعرض للأجبار على الزواج لانها ضعيفه ولا حول لها ولا قوه ولكن الطامه والمصيبه العظمى الرجل يُجبر على الزواج............!!! اصبح مع احترامي لا فرق بينه وبين البنت !!!!!! المهم اعتقد بإن البنت لو تعلم من قريب او بعيد بأن فلان من الناس لا يريدها ولا يريد الارتباط بها فإن كرامتها لا تسمح لها ان تكون شئ غير مرغوب فيه لأن لسان حالها يقول:- { من عافنا عفناه لو كان غاااالي } {واللي ما يشوفني خير ما شوفه غنيمه } وكذلك قد ينقلب حبها له الى كره حتى اسمه لاتريده ان يُذكر امامها اما الرجل فلو تعرض للرفض يتشبث بهذه البنت ،، وكأن لم يخلق الا هي وانها فتاته التي يحلم بها <<< والله من اللعانه لو تموت ولو تكثّر فـي نباحـك = ما اجيك وخذها من قلبـي يميـن تعرف اني اكرهك واكره مَراحـك = وأكره عيونك وشوفـك ياللعيـن استرح يالاجودي عالـج جراحـك = وفارق عيوني جعل مالك عويـن يهب ياوجهك على كثرة مباحـك = وش تبي في شخص مالك فيه دين والله ان تبطي ولاذقـت ارتياحـك = والله ان تبطي ولاذقـت الحنيـن وهو بظلمه سيرد عليها قائلاً : غصب عنك باخذك واكسر جناحك = وغصب عنك تزعلين وتقعديـن مايوقفني عن ازعاجك صياحـك = ومايفكك من يدي شيـنٍ وزيـن مستحيل اليوم انا اطلق سراحـك = ومستحيل اصير لـك يـدٍ تعيـن مالك الا شخص واحد في إمراحك = ومالك الا شخص واحد لو تجين وقلبي اللي في تقاليدي استباحك = لاتظنين انـه يفكـك لـو تبيـن ماخذيتك حب فيك وفي مزاحـك = ماخذك بالعنـد يابنـت اللذيـن >>>>>>>>>> اهب يا قو الكسحه :D ما تكون مسألة عناد واثبات ذات وَ رجوله ،، من وجهه نظره لا اكثر ولا اقل يرغب بأن يكون فضولي في حياتها ،وبتمسكه بها ،، ليس حباً بل اذلالاً لها لأنه يعتقد بأنها أهانته برفضها له و اعتقد بأن هذه النوعية من الرجال مصابه بمرض حب التملك ***وسيطرح عليها السؤال القاتل لها في كل مرة من تريدين ؟؟ !!! فهل يعني رفضها لهذا الشخص بأنها تريد شخص غيره ؟ وحتى لو كانت تريد غيره فمن ساقها للرفض هو الحب فالحب لم يحتكره الانسان حتى الجماد قد سُردت عنه الحادثة المعروفة لمقلع طميه **أنت -انتٍ / لو تتعرض للرفض ماهي رده فعلك؟ **هل تؤمن – تؤمنين بمقوله { الاقارب عقارب } ؟ في الموضوع لا اقصد التعميم ولكن هذا واقع للأسف مرير قد يتعرض له الكثير بانتظار أرائكم وأضافتكم تحياتي للجميع |
هلا والله أخــتي بنت عز,, صعب أن الأهل يغصبون البنت على أنها تتزوج واحد ماتبيه والأصعب من كذا لما يكون هذا الشي بالنسبه للولد ..الحياه ماتجي بالغصب بالتفـــاهم والرضا يصير الشي طيب بإذن الله .. { من عافنا عفناه لو كان غاااالي } ايه صح اللي يبينا اكيد ان حنا مانبيه .. والمسأله مسألة عزت نفس .. اكيد ان البنت راح يجرحها رفض الشــاب لها .. بالنسبه لمشاعر البنت الرقيقه;) بس احيان مثل ماقلتي تنقلب الى كره .. لكن بالنهايه البنت راح تفهم الشي ان هذا النصيب .. لو تموت ولو تكثّر فـي نباحـك = ما اجيك وخذها من قلبـي يميـن تعرف اني اكرهك واكره مَراحـك = وأكره عيونك وشوفـك ياللعيـن استرح يالاجودي عالـج جراحـك = وفارق عيوني جعل مالك عويـن يهب ياوجهك على كثرة مباحـك = وش تبي في شخص مالك فيه دين والله ان تبطي ولاذقـت ارتياحـك = والله ان تبطي ولاذقـت الحنيـن قويــه:rolleyes: مااعتــقد فيه بنت بالعالم بتحقد على احد للدرجه ذي:rolleyes: غصب عنك باخذك واكسر جناحك = وغصب عنك تزعلين وتقعديـن مايوقفني عن ازعاجك صياحـك = ومايفكك من يدي شيـنٍ وزيـن مستحيل اليوم انا اطلق سراحـك = ومستحيل اصير لـك يـدٍ تعيـن مالك الا شخص واحد في إمراحك = ومالك الا شخص واحد لو تجين وقلبي اللي في تقاليدي استباحك = لاتظنين انـه يفكـك لـو تبيـن ماخذيتك حب فيك وفي مزاحـك = ماخذك بالعنـد يابنـت اللذيـن لا وذي اقوى والله ياكل هوى يقولي هالكلام والله لأقوم عليه الدنيا ومااجلسها:D اكبر همي هو:D بصراحه ذكرتيني بقصيده لطلال السعيد .. http://www.qassimy.com/soot37.htm وبعدين ياامساك بالمعروف او تسريح بإحسان .. لكن يمسكها ويذلها هذا مو من الرجوله اللي للأسف يدعيها بعض اشباه الرجــال **فهل يعني رفضها لهذا الشخص بأنها تريد شخص غيره ؟ مو بكل مره يمكن انها تشوف فيه عيب او سامعه عنه شي علشاان كذا ماتبيه او يمكن يكون بقلبها احد وماتبي تظلم ولد الناس معها حرام تاخذه وهو بقلبها شخص ثاني .. **أنت -انتٍ / لو تتعرض للرفض ماهي رده فعلك؟ يمكن اتأثر شوي بس بعدين بتفهم الوضع وبرجع مثل اول :yes: **هل تؤمن – تؤمنين بمقوله { الاقارب عقارب } ؟ لا مو بكل مره :rolleyes: الله يعطــــيك العافيه ع الموضوع الرائع مثل روعة صاحبـــته :yes: تحياتي..خيتك:رورو |
هذا البيت الرائع للشاعرة/نورة الحوشان يوضح مدى عزة النفس وكرامتها وشموخها..وانعكاس الحظ السيء في عدم تحقيق مراد النفس وهذي حكمه من حكم الخالق... بصراحه البنت نادرا ماتتعرض للرفض لكن الشاب اللي يخطب ويخطط ويحط امال وانا بصراحه صار موقف لاخوي وتألمت جداااااااا وقررت اساند اخواني الشباب حرام الواحد يخطط ويختار بنت وفي الاخير ترفضه تبي شهاده عاليه وتسافر الخارج وبيت وسيارة وشغاله من اول سنه..هذا من غيرتكاليف الزواج اساسا والله بجد يابنات بعد ماشفت الحاله اللي تعرض لها اخوي بصراحه كاد ان يصيبني انهيااار.. يمكن انا اتخذت منحى ثاني يا اختي وهو ليش الرفض اساسا..؟؟؟؟ اعلق على بدايه كلامي البنت ماتنرفض ليش؟؟لان معروف انها بنت مسكينه ولازم تتزوج هذي ثقافتنا اذكر واحد من اقاربي ظلوا اهله يكررون عليه ويضغطون عليه المسكين انه يتزوج وحده من قريه ولاتناسبه اطلاقا ورضخ ووافق ورفضت بعد الزواج انها تتغير وتعايش العصر بل عنيده وقويه وهو راح فيها المسكين(عمي).. المهم لابد اننا نوعي اهالينا مايفرضون شريك الحياة لا على البنت ولا على الشاب يشرفون على الاختيار بحكمتهم ومشورتهم لكن ليس بالغصب والتهديد. الاقارب عقارب انا ما اقول انهم عقارب لا حرام خطيَ انا اقول افاعي وحوش اللي تبين بالنسبه لبعض اقاربي تحيه عطره مغلفه بالورد |
هلا فيك بنت عز من زمان ماشفناك :) مسألة إن الأهل يغصبون البنت ولا الولد على أحد مايبيه أحس انها اندثرت لأن المجتمع اللحين صار متعلم ويفكر بالعواقب قبل أي شيء :yes: :yes: **أنت -انتٍ / لو تتعرض للرفض ماهي رده فعلك؟ بصراحة أكيد بتأثر وبقوة بعد لأنه صعب على الإنسان والبنت خاصة إنه يحس نفسه شخص غير مرغوب فيه لكن في النهاية بحاول إني أقبل هالفكرة ... **هل تؤمن – تؤمنين بمقوله { الاقارب عقارب } ؟ نعم وبشدة وعن تجربة ... |
اهلين بنت عز :) إقتباس:
لكن احسها صعبه تقولين مافي فرق بينه وبين البنت! البنت من حقها ترفض وهوا كمان بس الولد الي يرضى ويتزوج وهو مجبور عشان رضى امه وابوه ماالومه:yes: ضحى بحياته وسعادته عشان رضا والديه اللوم عالاهل الي يجبرون! إقتباس:
بس موبالضروره يكون هناك شخص ثاني ممكن رفضها يكون عشان شي في هذا الشخص واما اذا رفضته وقام يتشبث فيها عناااد:confused: فهذا للاسف الرجوله بجهه وهو في جهه ثاانيه إقتباس:
إقتباس:
ويسلمو ايديكي عالموضوع:yes: |
,,, ,, , لعلَ مسالة القبول والرفض تنطوي تحتَ مفاهيم تكوين شخصية الانسان ,, وعليه فـ انه قد يكون مقبولا لدى الاخرين .. ومرفوضا لدى البعض منهم .. ويتحتم على ذلكـَ رؤية الانسان لنفسه من عدة اوجه .. وربما يكون القياس هنا حاضرا مااذا استحضرنا انه ( لو لا اختلاف الاذواق لـ بارت السلع ) رغم ان هذه المقوله لا تعبر تعبيرا كليا عن ذلكـ ,, ولكن هي مجازيا نتسطيع ان نقيس عليها نظرة الاخرين لـ بعضهم البعض ,, **أنت -انتٍ / لو تتعرض للرفض ماهي رده فعلك؟ لن تكون هنالكَـ مشكله .. بل احاول ان ارى اسباب الرفض ,, ان كان الامر يتعلق بـ امر في تكوين شخصيتي ورايت انه غير صحيح .. فـ علي ان اغير ذلكـَ وان يكون الرفض سببا لـ تطوير شخصيتي .. فـ يستحسن ان يُنظر للموضوع من الجانب الايجابي كي لا تتأثر النفس بما يعتليها .. **هل تؤمن – تؤمنين بمقوله { الاقارب عقارب } ؟ ليس على كل المستويات فـ المقوله تختلف من مجتمع لـ اخر ,, ربما تنطبق في احد المجتمعات ولا اريد تسمية احد منهم .. ولكن هنالكـَ جوانب ايجابيه في الاقارب تغطي هذا المفهوم السائد لدى البعض .. \ / \ بنت العـز اسطر رائعه ورحلة جميله تجسدت في مفاهيم اجتماعيه وانسانيه .. سـ يواكبها البعض في بعض مراحل حياته ,, واجدكـِ سطرت هذه الكلمات بـ جماليه فائقه .. وانسياب رائع .. فـ لكـِ مني جزيل الشكر والعرفان على هذه النافذه ,, وكل الاماني لكـِ بدوام التوفيق ,, **** كوني بخير ...SoMe OnE... |
مسألة القبول والرفض ..تتحكم فيها المواصفات لدى كل من البنت والشاب .. فرفض البنت للشاب او رفض الشاب للبنت . ليس من الضروري ان يكون لعيب موجود في احدهم .. احيانا الشيء الايجابي في البنت يراه الرجل سلبي .. وكذلك الرجل .. فمو اي رفض دليل .. وجود خلل او عيب .. احيانا الرفض يكون لميزه توجد في اي منهم .. ولتفادي عدم الانسجام يحصل الرفض .. ـــــــــــــــــــــــــــــــ أنت -انتٍ / لو تتعرض للرفض ماهي رده فعلك؟ مسمى الرفض مكروه لدينا .. لو نطلب غرض من احد ويرفضة لنا نتضايق ..لكن في هالمسألة بالذات .. المفروض ما نزعل او نتضايق من الرفض أبد لأن الرفض فيه خير لنا .. والرفض بصراحه يعيد حسابات ..في الشخص .. سواء في طبيعة اخلاقة او سلوكه .. ويحاول من خلال هالشيء يتدارك وضعه .. وهالكلام ينطبق على الفتاة والشاب .. ــــــــــــــــــــــــــــــــــ هل تؤمن – تؤمنين بمقوله { الاقارب عقارب } ؟ مسألة توكيد هالمقولة .. مانقدر نؤكدها لان فيه تجارب كثير نجحت .. لكن عن نفســي ابــدا لا اؤؤيد زواج الأقارب .. |
هلا والله بنوووووووته وش هالزين وش هالحركاات حركات بركاات انا برد ع سؤالك صرااحه اتوقع اني بتضااايق شووي ومثل ماقلتي مهيب اخر البناات تشكرااتي لكٍ ع الموضوع ولا عدمنااااااااك |
ما يقدرون اهلي يغصبوني <<<<<< أقول بأسكت لا يجيني واحد ما أبيه واتزوجه غصب مثل ما قال هامور صعب إنك تتزوجين واحد ما تبينه أنا لو يجيني كذا يعني غصب لا قدر الله أول أسبوع من الزواج بأتطلق الله لا يبلاني ( آميييييييييييييييين) |
الزوآج مو لعبه .. صعب أرتبط بوحدهـ مآ أبيها .. أو هي مآ تبيني .. مهمآ كآنت الاسبآب .. وأعتقد في الوقت الحآلي قليل اللي ( يُجبر ) بنته أو ابنه على الزوآج بـ (الغصب ) .. إقتباس:
إقتباس:
شكراً بنت عز .. أسلوب رآئع ومميز .. |
إقتباس:
|
إقتباس:
|
انتٍ / لو تتعرض للرفض ماهي رده فعلك؟ عادي ولا كنه صار شي <<<<<< ماجربتها اصلا تؤمنين بمقوله { الاقارب عقارب } ؟ في الاقارب رجال وحريم......... مع الحريم ايه مشكوره بنت عز ما تنهز ع الموضوع |
أختي جوليانا ، عدم رغبة النفس بالشخص ليس له علاقة بعزتها من عدمها و بيت الشعر المذكور يتحدث عن تقدير الله للناس ، لا أكثر و لا أقل. وهو ما قررتيه أنتِ في تعليقك الأخير هذا لكنك عدت و قلت "عزتها وكرامتها تأبى ان تقترن بشخص لاتريد" و هذا عجيبٌ غريبٌ. هل تعلمين أن قائلة ذلك البيت تزوجت من من لا تريده. هل سيغير ذلك من نظرتك إليها؟ هل أصبحت الآن أقل عزةٍ و كرامةٍ؟ |
أفهم البيت كما يفهمه القاضي .. فليس للمسألة ارتباط بعزة النفس و الكرامة و لكنها أقرب لندب الحظ العاثر و دلالة على أن هوى النفس خارج دائرة التحكم لدى البشر .. و لو كان الهوى باليد لأحببت من يحبني و تركت من لا يحبني ! بنت عز ما تنهز .. الحمدلله على سلامتك و رحم الله جدتك .. كلامك يحاكي كثيراً من الواقع لكنني أختلف معك بعض الشيء في أن الشاب يتمسك في من ترفضه ! أعتقد أن الشاب بمجرد رفضه من قبل فتاة معينة سيبعدها عن دائرة تفكيره .. أعجبنتني كلمات لتغريد فيها تضحية للوالدين من قبل الشاب عندما يجاري رغباتهم و يتجاهل رغباته الشخصية .. بنت عز شكراً .. |
| الوقت المعتمد في المنتدى بتوقيت جرينتش +3.
الوقت الان » 10:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd