|
من هاجم المفرج مخطيء! اخواني الزعماء هلالكم ينتظر وقفاتكم ام اساءاتكم وهل عرفتوا ان هجومكم سبب انحدار اداء النجوم ولابد من مساندتهم كما قال ياسر القحطاني.اخواني اعترف ان المفرج كان احد الاسباب ولكنه يبقى احد اهم المدافعين ولولاه لما حققنا 5 بطولات وانحدار مستواه طبيعي وسرعان مايعود وهل تتذكرون نزال الوحدة في غياب تفاريس ولولاه لما تأهلنا ويكفيه فخرا انه اقنع جميع المدربين الذين اشرفوا على الهلال منذ 8 اعوام اما ارتباكه بسببكم.وزادني استغرابا هجومكم اللاذع على البرازيلي الفان بمجرد فشله بنزال واحد ويكفيه انه مثل المنتخب البرازيلي واحرز للهلال 5 اهداف فلا تتعجلون عليه كما فعلتوا مع كماشو.هلالكم الان الافضل بالساحةوسيبان وقت الحسم ولكن مشكلتكم انكم تقدحون نجومكم بعد اي خسارة والمفروض الا تفتحوا بابا عليكم من المتربصين الاعداء وتثقون بنجومكم وتبحثون عن مكمن الخلل وعلاجه بعيدا عن العاطفة والتجريح والصفقات والتنسيق.انظروا كيف هبط برشلونة وارسنال وميونيخ ومدريد وكيف ترنح رونالدو وروبينهو ورونالدينو وهنري.ثقوا ان هلالكم بخير وطبيعي يسترخي لفترة وجيزة فالكمال لله عز وجل خاصة في ظل عوامل الاصابات والارهاق.هل فهمتوا ساندوا يا سادة ولاتقيمون فلستم مدربين او على الاقل كفوا شركم عنا وفي النهاية سترون البطولات.الان اطلب منكم اقفال موضوع النقد لحين نهاية الموسم فلا يوجد تعديل الان.اتفقنا يازعماءs13s |
يا إبن الحلال المفرج :upset: صراحه كل الجماهير الهلاليه كانت واقفه معه لكن الأن لا والله إلا يقعد في الإحتياط وإذا كنا في الحاجه له مو مشكله يلعب حنا في فترة نهاية البطولات والنهائيات وتتطلب غير المفرج بكل صراحه تقبل ردي بكل رحابة صدر وكل الشكر لك |
هلا والله باهل الكرم اخواني اهل الكويت.الفرج خاض النهائيات كلها عكس المرشدي قليل الخبرة ولا يوجد حل الا الصفقات العام القادم.المدربين الهلاليين الذين وثقوا بالمفرج اعرف مني ومنك وسترى ردة فعل المفرج النزال القادمs13s |
مشكور أخوي كلامك صحيح |
لعب النهائيات و النتيجة كاس الدوري السنة الي راحت فزنا فيه ببركة المفرج لاعب قليل الخبرة أفضل من كثير الأخطاء مع احترامي الشديد للمفرج و لك المفرج ليش مؤهلا للجلوس في احتياط الزعيم و ليس ان يلعب . |
هلا بك اخوي المفرج لو فيه خير كان خذه باكيتا للمنتخب وهو في عز عطاءه العام .. واذا كنت تقول انه حقق مع الهلال الانجازات طوال الـ8 اعوام السابقه مع تعدد المدربين ويضعونه في التشكيله الاساسيه .. اجوابك واقولك بكل سهوله .. لأنه لم يتوفر البديل في ذلك الوقت سوى احمد خليل الذي يلعب بالرجل اليمنى .. والمفرج يلعب في الخانه اليسرى وهو صاحب قدم يسرى .. واذا تبي تقولي ان المرشدي العام كان موجود مع الهلال .. وليش ما لعبه باكيتا .. احب اقولك ان الهلال وقتها كان فيه مشاكل بينه وبين نادي الجبلين بسبب قيمة المرشدي الى نص الموسم ,, اما ما بعد ذلك فـ غاب المرشدي عدة ايام عن التمارين .. بعذر طبعا .. بس الاخ القدير منصور الاحمد استقعد له من ذاك اليوم الى يومنا هذا .. ومنصور الاحمد ما يطيق المرشدي في عيشة الله .. وشف يوم كان مو موجود الاحمد .. كان المرشدي اساسي مع الفريق .. لكن يوم جاء الاستاذ القدير الاحمد شف وش صار !! ( لا تعليق ) واذا على مباراة الوحده ويوم كان تفاريس غايب .. احب اقولك ان الدفاع كان حوسه قبل لا يطب المرشدي الشوط الثاني .. وشفتوا الشوارع كيف كانت مفتوحه بوجود مخرج 17الشوط الاول .. ارجوا انكم تركزون قبل لا تثنون وتمدحون وترقعون وتطبلون و .. و ..و .. الخ للمتفرج مخرج 17 المفرج .. اسف على الاطاله .. والاطاله سببها من القهر اللي فيني من المفرج من سنين مب اليوم ولا امس .. تقبل طرحي ومروري وتعليقي بكل رحابة صدر |
اخوي كلامك منطقي وجميل ولكن لكن يجب أن ينقد اللاعب اذا أخطاء ولكن ضد التجريح فهد المفرج مدافع جيد لكن الفترة الحالية لايقدم الكثير من مستواه فيجب عليه تقديم الأكثر لأننا في وقت لايقبل الأخطاء المتكررة وانا أكن لفهد المفرج كل الاحترام ولكن لايمنع اذا أخطا نقول له أخطأت . وانا معك في أن الجمهور اذا أخطا اللاعب لايعذرونه وهذا تسرع منهم . تحياتي |
الاخ الفاضل { ArMaNi } كلامك عن استقعاد منصور الاحمد للمرشدي كلام خطير هل المرشدي هو اللي قالك هالكلام والا شخص ثاني وبعدين المرشدي اول ما جا للهلال كانت المشكلة عنده ظروف عائلية حسب ما اعرف وبسببها ما كان منتظم بالتمارين وبعد ما انتظم كان هناك قناعة من باكيتا باستمرار تفاريس والمفرج كقلوب دفاع بالاضافة الى خليل لانسجام المجموعة وعلى هذا الاساس تم اعارة المرشدي وعبدالرحمن العصفور لنادي الوحدة لنهاية الموسم مقابل اعارة كامل الموسى للهلال والمستفيد هو الوحدة انا لست ضد المرشدي بالعكس انا اشوف انه من الضروري اراحة فهد المفرج لكي يعيد حساباته واشراك المرشدي بجانب تفاريس حتى نكسب مدافع يعتمد عليه في المستقبل لكني ارجع واقولك كلامك خطييييييييير جدا اذا عندك مصدر لهذا الكلام ارجو ان تتفضل بوضعه تحياتي لك |
والله انك احسن من سمعتة يتكلم وتراكم اشغلتونا بالمفرج ترى المفرج ان كان غلط غلطة فاكيدبيكون عدلها في المباراة نفسها وبعدين اي لاعب اكيد مستواة بيكون فية نزول وطلوع يااااااااااااااااخي حراااااااااااااام عليكم اشغلتوا البني ادم خلوه يركز ويطور مستواه وبعدين مع احترامي الشديد للمرشدي تراة مايرتقي ولانص المفرج وهذا رايي الخاص اللي متأكد منه حسب متابعتي الدقيقة للاعبين |
الاكسجيــن تصدق كلما شفت اسمك تذكرت المفاجأه كم بقى عشان تقول اسم اللاعب ؟؟؟ بالنسبه لموضوعك ياليت والله يرجع مثل اول |
اسمع أخوي المرشدي قليل خبرة لأنه دايم احتياط والبركة في وجود المتفرج وهو قليل خبرة أحسن مليون مرة من المفرج ويوم لعب المرشدي في بداية السنه هذي شفنا قوة كبيرة للدفاع الهلالي حتى تفاريس ارتاح من الضغط اللي عليه وصار ما يأخذ كروت كثيرة بس بعد مارجع المتفرج رجع الضغط على تفاريس وكثرة أخطاءه والكروت الصفر وبعدين لاعبك المفضل (المتفرج) علمه إن طريقة التسلل التقدم قبل ما يلعب الخصم الكرة لزميله مو بعدها لاحظ كل التسللات تنكسر لأن المتفرج حقك يتقدم بعد لعب الكرة ويعطي فرصة للمهاجم بأخذ الكرة في موقع صحيح لا والمشكلة المتفرج ياااا الله يركض بطيء جدا وأي كورة يحب يخلصها آوت على طول حتى لو ما عنده ولا مهاجم (يسمع في مبدأ الأمان) ترى والله انا ماني أكره أحد بس أحب الهلال مووووووووووت من عمري خمس سنوات وأنا أشجع الهلال ماقد شفت مجاملة للاعب زي ما شفت مع المتفرج ( مخرج 17) على قولتهم |
للاسف انكم حولتوا المنتدى الى حلبة جدل ونقاش حاد تمحور حول المفرج.اتمنى ان الاختلاف في الرأي لايفسد للود قضية ثم انا نصحتكم بايقاف التجريح الذي لا يخدم فريقنا ومن يتمادى في ذلك ثقوا انه مندس! المفرج افضل مدافع هلالي في الوقت الحالي وعانى من الضغوط والارهاق ولابد من اراحته ليعود كما كان.تذكروا كلامي جيدا والدليل بدايات تفاريز . المفرج قاد الهلال للبطولات في وجود الشريدة وسليمان وخليل وليتانا كلهم تفوق عليهم ولازال متفوق وارحموه كما رحمتوا التمياط والجابر والدعيع وياسرs13s |
المفرج على العين والراس بس لعبه ياخي :( فيه افضل منه واولى منه بمكانه |
يا اخي انتم تقولون المفرج خلوق...................لة تضحيات ........... وفي .............. كل هذا صحيح واحنا ما ننتقدة كشخص احنا ننتقد مستواة كلا عب مستواة ما يشفع لة حتى يجلس على دكة الاحتياط |
والله لو تتكلم عشر سنوات متواصله في عقول هنا تشبه تماما ً العقول النصراويهالمتحجره يعني لو ماتصير معي فإنت ضدي وتسلم على الموضوع بس من يفهمك |
| الوقت المعتمد في المنتدى بتوقيت جرينتش +3.
الوقت الان » 01:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd