الايام القادمه ايام حسم!!!وايام الحسم مالها الاالذئب سامي&والمباراة في الاستاد
 

بسم الله الرحمن الرحيم

كما تعلمون الهلال في الايام القادمه مقبل على مباريات حساسه وحاسمه وعلى راسها مباراة الاهلي في الرياض

المباراة في الرياض يعني في استاذ الملك فهد يعني مقبرة الانديه اللي تقابل الزعيم

والحسم ومبارياته لها رجالها وعلى راسهم سامي عبدالله الجابر

يلعب بجوار سامي ياسر او الفان او الصويلح او يوسف جازع نبغى سامي اساسي

سامي له هيبته في هالمباريات سامي قلب الهلال النابض سامي يحمس الجمهور قبل اللاعبين



من منا ينسى سامي والمباريات التي حسمها سامي

سامي قلب الطاوله امام الشباب في شوط واحد وسجل هدفين احدهم خرافي فهل يعجز عن الاهلي


والله والله والله الاهلي مايخوف ولاعمره خوف الهلال ولايقدر يجاري الهلال

الاهلي فريق اقل من عادي لكنه استغل فرصة هبوط مستويات الانديه كالهلال والاتحاد والنصر والشباب


مباراة الاهلي مباراة سامي وصدقوني ان الاهلي يرتعبون من سامي وذكرياتهم سيئه جدا جدا جدا مع سامي


نهائي 1416 تغنوا الاهلاويين بالقهوجي فااتهم سامي وسجل هدفين وحصلنا على اللقب

واخر المباريات عندما دخل الذئب في لقاء الدور الاول هذا الموسم وهو استعداده الفني سيء

فبدأت النرفزه على الاهلاويين وطرد لاعبيين وفزنا بالثلاثه بعد تقدمهم بااثنين واين؟ هناك في جده


فهل نحن عاجزون ؟

مازلت اطالب بوجود سامي الجابر أساسي في المباراة القادمة ضد الأهلي

مشكورين على ردودكم وبأذن الله المدرب يطاوعنا ويلعب سامي والمرشدي اساسيا

ولكم ان تتخيلوا كيف سيكون استاد الملك فهد اذا سامي سجل هدف والله الجمهور لن يهداء حتى نسجل اربعه

اهم شي مثل ما قلت يشارك اساااسي

انا معك سامي يشارك اساسي
لكن شوط واحد لان الهلال اذا يبغى يحسمها يحسمها من الشوط الاول
اما اذا مر الاول دون اهداف فانا متشائم

وبالنسبة لكلامك عن الاهلي فانا ضدك
الاهلي كبير ...صحيح انه اقل كمستوى عام من الهلال لكن مباريات خروج المغلوب لا تعترف بالافضلية

تقبل تحياتي

ياسر و الصويلح

او

الصويلح و الفن

هجوم الصويلح سريع و كثير الحركة و يزعج الدفاع

والله كلامك حلوو وجميل.. وأوافقك كثيرا .. لاكن انت تتكلم عن ماقبل عشر سنوات .. سامي الأسطورة .. ويبقى أسطورة قلب الهلال النابض..
لاكن من وجهة نظري .أن سامي يلعب بالشوط الثاني .. أفضل.. ويفضل من بداية الشوط الثاني..
التشكيلة الأساسية .. يجب أن يكون ألفان والصويلح .. في الهجوم ونجم الـ mbc .. يجرب الأحتياط ..
وصدقوني... سوف يذكر ملعب الملك فهد هاذة المباراة ...

أنا أؤيدك في مشاركة سامي أساسي

سامي أساسي

مشكورين على الردود


وبالفعل يجب على ياسر ان يعيد مستواه او يتذوق مرارة دكة البدلاء فهناك نجوم تحترق على هذه الدكة

ياسر اذا نسيت الاعلام ولعبت كورة قدم من اجل الهلال فقط لاغير ستبدع



والان وقت حسم ولسنا على استعداد لتجربة ياسر هل سيعود لمستواه او لا اوقات الحسم لها رجالها

اضم صوتي لصوتك..
سامي هو رجل الحسم..
حتى لو يصير عمره 60 سنه ويحيلونه على التقاعد..
يكفي وجوده في الملعب

مايحتاج ازيد عليكم يالزعماء سامي لازم يكون اساسي لانه يعطي للهلال شكل ثاني


تحيات

للتواصل [email protected]