|
بعد التعادل غير العادل مع الكويت والهزيم مع الرأفه من الاهلي ! دعوه للنقاش؟ بسم الله الرحمن الرحيم والصلاه والسلام علي سيدنا محمد كيفكم يازعماء كيفكم ياجمهور اعظم نادي بعد انتهاء العاصفه وتعادلنا مع الكويت اللي انا بنظري انه يعتبر فوووووز لنا وخساره للكويت بغض النظر عن هدف الشلهوب الملغي او هدفنا المحتسب لاكن بصراحه الاعبين مستواهم في هبوط الا الظاهر في انهياااار بدء من ياسر والشلهوب والخثراان اللي صراحه مبدع الدعيع وتفاريس امس مباراه الاهلي الهلال ظايع بدون مجامله ماشفنا الجمل التكتيكيه او هجمه تحس انها ملعوبه صح واي كوره بتنقطع نحط يدينا علي قلوبنا لايجي هدف وش صاير؟؟؟؟ في حاجه غلط انا في رأيي ان المدرب يعتمد علي نواف بدايه المباراه والشوط الثاني يدخل الشلهوووب بصراحه لما صار الشلهوب يبداء المباره مانشوف فعاليه عكس المباريات اللي كان يدخل الشوط الثاني ويحرك الوسط لان نواف يكون اجهد دفاعاتهم وارهقها والشلهوب لسا نشيط ثانيا الدفاع انا عجزت القا له حل ياليت احد يقترح له حل والهجوووم اه منه الهجوم ياسر مثل سوق الاسهم حبه فووووق وحبه تحت لالالالالازم الاعبين يحسوا بالمسؤليه وان شاء الله تكون الخساره من الاهلي عمليه جني ارباح ويواصل المؤشر الهلالي الصعود وشكراااا |
انا برايء السبب في خطة اللعب وطريقة اللعب اول كنا نلعب 4-5-1 وصعب اي فريق يسجل علينا او تجيه انفرادات وفرص خطرهـ كان الفريق يدافع بأكبر عدد من اللاعبين ويهاجم بعدد معقول ونسجل هدف او هدفين بس المهم نكسـب ونلعب بتكتيك قوي الحين نلعب 4-4-2 وصار الدفاع مكشوف وفاضح بوجود عنصر غير كفؤ وفقدنا الوسط وفقدنا الجماعيه حتى الفرديه ماصارت تجدي مادري احس الخلل من طريقة اللعب يعني ماحولك تكتيك واسلوب واضح |
أي رأفه ياخوي ؟؟ هدف من ضربة جزاء غير صحيحة .. وآخر من خطأ دفاعي .. وتقول لي رأفه ؟؟ الهلال أضاع الفوز بسوء مستوى اللاعبين .. والحظ خدم الأهلي .. لا رأفه ولا يحزنون !! إقتباس:
الهلال لازم يمر بفترة تصحيح .. وزين إنها جت في الوقت هذا عشان نصحح الأخطاء قبل الحسم :) |
ماعنـدنا هجـوووووم .. وياسر مستواه نـازل هذي الفتـره . بالله نقـارن الباكستـاني الفاشل رودريقـاو بـ ( كـالون - كيتـا - اتـرام !!!! ) .. رودريقاو هو سبب الخساره .. والله فااشل ونكبـه ومقلــب .. نشوف واحد من شبـاب النادي ولا الناشئين افضل بملـيون مرره .. ما شاء الله المهـاجمين مافي اكثـر منهـم .. واحنـا مالقينـا الا هذا السـواق الباكستـاني !!!! محتـااجين مهـااجم تكفوون يا اداره .. وبعـدها شوفوا المستـوى ( خـالد عـزيز - عمـر الغـامدي - محمـد الشلهـوب - طـارق التـايب ) .. والله انـه اقـوى وسـط في المملـكه .. لكـن ما عنـدك مهـاااجم قووي جنـب ياسر . ( ان شاء الله يتـم ترحيـله على اول طيااره لبـاكستـان ) |
هلالي جدا شكرا علي المرور انا قصدت تعادل بطعم الفوز مقارنه بعدد الهجمات والفرص اللي ظاعت عليهم ومباراه الاهلي ككم فرصه محققه لهم والله ستر ماجت والله انا احترت يوم كنا نلعب بطريقه 4-5-1 كلنا كنا نعارض ونقول نبي خطه 4-4-2 بس الظاهر ان المدربين كانوا عارفين ان ماعندك احد بالدفاع والظاهر بنلعب ب6-3-1 ويالله نغطي الدفاع |
هذا بالاضافة الى ان المدرب مفلس تكتيكيا |
انا مع الخطة 4-5-1 وهذي الخطة بعد توفيق الله هي سبب الانتصارات في السابق |
| الوقت المعتمد في المنتدى بتوقيت جرينتش +3.
الوقت الان » 05:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd