ارفقوا بالمدرب والحمد لله والشكر على هالمنطق !!
 

بسم الله الرحمن الرحيم

صراحه مدرب الهلال خااااالي المسؤليه من عك اللاعبين بالملعب.
اللاعبين لو كانوا بمستواهم كان بالاصل ما احتاجوا مدرب لانهم
مبدعين ويستطيعون قلب النتائج والامتاع باي وقت.
مدربنا لا احمله اي حمل تجاه مستوى الهلال المتواضع لانه وضع التشكيله كما يجب
وابتعد عن الفلسفه التي كنا نشكي منها من مدربين سابقين والتكتيك جميل.
لكن اعطوني لاعب من لاعبين الهلال لعب بنص مستواه ولن اقول بكل مستواه
اذا استثنينا الدعيع والتائب وتفاريس وعزيز اما الباقي فصفر على الشمال.
المدرب ماله ذنب اذا كان اللاعبين مستواهم متواضع ومنهم من تعالى على الكوره
لانه في حال استبعدهم فسيعلم ان الغاء عقده سيسبق هذا الاجراء
والدليل ردة فعل الجمهور على استبعاده للمرشدي فما بالكم لو نال الاستبعاد
الشلهوب او نواف او سامي او ياسر .
فاكررها للمره المليون المدرب خالي المسؤليه من اللي يصير
وخير دليل ريال مدريد توالى عليه المدربين لكن العله لم تكن منهم
فمستوى لاعبينهم دون المأمول.
فيفترض ياجمهورنا العزيز ان تطالبوا اللاعبين جميعا بشد الهمه والاحساس بقيمة ما يلبسون من شعار.
فالهلال ليس لعبه بايدي المستهترين .
وبعدين اشوف اكثر المواضيع شن حملات على المفرج فاذا اعتبرنا ان المفرج سيئ وهو كذلك بمباراة امس
فهل باقي اللاعبين نجوم للمباراة ؟ وهل لم يتوقف ضغط الهلال المتواصل على الاهلي ومن هجمه اهلاويه
مرتده نكبنا المفرج فيها وجاءات الاهداف؟ ياجمهور الهلال خافوا الله واعطوا كل ذي حق حقه نقدتوا المفرج
انقدوا غيره ممن قصر بنفس نقده وخلوا التعصب للنجوم عنكم.

خاتمه :
مما اضحكني من المواضيع من طالب بالغاء عقد التايب ليس لكونه سيئ لكن لانه مبدع ومهاري
وسبب الالغاء بنظره لان الاعبين صاروا يقلدونه بالاستعراض. - انتهى -
( عاد اذا صاروا باقي اللاعبين ما يعرفون يستعرضون وش ذنب التايب )
ما اقول الا الحمدلله والشكر على هذا المنطق !!!

فتكم بعافيه

ياخي بصراحه خليتني مااكتب موضوعي لأن كتبت كل شي كنت بقوله الله يوفقك
معليش للأسف اكتشفت ان في عقليات طفوليه عندنا كمشجعين وللأسف الغالبيه منهم مع احترامي للجميع متوقعين الهلال ما ينهزم ابدا زي ما قلت ريال مدريد وصل لأفضل نادي في العالم و اربع سنوات ما اخذ بطوله و شف كل جمهوره موقف معاهم و يدعمونهم ... تخيل لو الهلال اربع سنوات ما اخذ بطوله قسم بالله ما تلاقي احد في المنتدى ... متوقعين ان اللاعبين عباره عن مواطير مايتعب لازم يجيب اهداف لازم يخلص اهداف لازم يسحب لاعبين المنافس و الحكام و الجماهير !!
انا افضل النقد بس النقد الي قاعد يصير مو نقد هذا شتيمه الله يعزك

تحياتي ...

اقول خلوا عنكم الفلسفة الجماهير ساكته من زمان على تخبيص المدرب والمفرج ومن حقها تتكلم

ياشباب كنا قاب قوسين او ادنى من الهزيمه من الكويت الكويتي ومن الحزم
فكيف تبغونا نسكت

تغييرات المدرب زي الزفت نكبنا بتغيير زي وجهه في مبارة الكويت الكويتي وانقلبت النتيجه والمباراة كلها علينا

وبعد في مباراة الأهلي الفريق لعب في بداية الشوط الثاني وكان قريب من تحقيق هدف

على الأقل كنا نشم ريحة هدف

لولا ان المدرب غير تغييرات ما يغيرها الا الدلوخ اللي ما يعرفون يدربون وجايين يتعلمون في الهلال

الفريق كان متصدر الدوري ووعد مني لكم مع المدرب العبيط هذ لتروح منا الصدارة

مدرب فاشل مايلعب الاحتياط الا في اخر خمس دقايق حده النصر ذا المدرب !!

المدرب هو سبب تراجع مستوا اللاعبين بنسبة كبيره يا أخي المدرب ضعيف ........... وكل شي تحمله تفاريس امس واخرتها كرت اصفر وما راح يلعب المباراة القادمه مع الأهلي ....... ولاحظ امس التايب يروح ويجي ويبي احد يفتح له وينهي الهجمه مافيه خطوط الفريق بعيده عن بعض ما فيه تكتيك بالعربي الفريق مفكك

اللاعبين ليسوا في مستواهم والدفاع نكبه جدا جدا بما فيهم تفاريس

والله لا مدرب ولا شي قصدك روح الفريق راحت

احترم جميع ارائكم
هي وجهة نظري وحبيت اطرحها
شكرا لمروركم

بالله ريحنا هالنكبة ذا ولا بريال اجل معاذ طول رجلك ماتقدر تضرب راس قدامه

مشكورين

اخي اختلاف الرأي لايفسد للود قضية

انا معك بأن اللاعبين لايقدموا المستوى المعروف عنهم ولاكن مالسبب ؟؟؟؟

إشراك المدرب لاعب واحد اساسي يؤثر على بقية زملائه 000 كيف؟؟؟؟

لاعب خط الدفاع 00000 ماذا قدم من جديد 000؟؟؟
اللاعب يؤثر على زميله في خط الدفاع فيتشتت فنرى الزميل ينزل مستوه أيضاً
اللاعب يؤثر على الظهير فيتراجع لتغطية هفواته فينزل مستوى الظهير
اللاعب يؤثر على الموهوب حيث يتراجع لإستلام الكرة من الخلف بسبب عدم تقدم الظهير
اللاعب يؤثر على الهجوم لان الكرة لاتأتيهم بسرعة بسبب تراجع الموهوب للخلف

كل هؤلاء اللاعبين تنزل مستوياتهم بسبب لاعب إذن المدرب هو المسؤل


إلا إذا كان مجبر عليه فنقول ( حسبنا الله على الواسطة )

شاكر للجميع ردودهم
===
بس لي تعليق على رد اخوي زعيم اصيل
اذا كلامك صحيح فكيف كل الفرق تاخذ بطولات
مستحيل تلقى فريق كل لاعبينه نجوم الا بالدوريات الاجنبيه المحترفه
وبعدين العام الماضي واللي قبله الفريق يقدم مستويات فوق الرائعه رغم
ان المفرج كان العضو الدائم وجوداً مع الفريق.
فمصيبه اذا سوء لاعب واحد يبي يخلي الفريق بهالمستوى معناها
اذا لاعبين اثنين سيئين بالفريق راح يهبط الفريق درجه اولى !!!

تحياتي لك

المباراة رااحت

الله يعين على الجاي