|
اين ياسر القحطاني ؟؟ للأسف ياسر ليس ياسر القحطاني الذي نعرف للأسف ياسر ليس ياسر التكعيب والتسحيب للأسف ياسر ليس ياسر صاحب هدف البلياردو للأسف ياسر ليس ياسر الكاسر الساحر الماهر للأسف ياسر انجرف وبقوووووووووووه ورى الفلاشات واللقاءت وخاصه لقاء ليلة خميس ياسر أن ظل هكذا سيكون مجرد فقاعة صابون يا أبو سلطان لمعت في فتره وانفجرت وأنتهت للأسف أتمنى من الظاهرة ابو سلطان ان يمنع اللاعب من الصحافه واللقاءت اللي مالها اي داعي أرجوا مراجعه ماضيك يا ياسر كيف كنت وأين ستكون الزعيم لا يرحم وجماهيره لا ترحم يا ياسر |
جميع لاعبي العالم تمر عليهم هذي المستويات الهابطة ’’’ وان شاء الله راح تشوفين ياسر في احلى ايام في قادم الجولات ’’’ |
فقاعة صابون مره وحده ! وشفيكم انتم ؟ المفروض اللاعب اللي يطيح مستواه توقف معه الجماهير الجماهير انهت نواف التمياط والحين ياسر وغيرهم بالطريق ! خسرنا الذهاب وباقي الاياب .. الفتره هذي المفروض نوقف مع الزعييم وكل اللاعبين بدل من التحطيم اللي ماله داعي |
أمر طبيعي ينزل مستوى اللاعب ان شاء الله ما يطول هذا الهبوط في المستوى وياسر يظل لاعب كبير وراح يرجع مثل أول وأحسن بس لا تستعجلون على خيركم |
لا احب التدخل في شؤون الغيـر ولكني معجبا بالكابتن ياسر ياسر لاعب فنان وكم تمنيت اني اشوفه بنادينا بجوار مالك ولكن مستحيل يفرط الهلال بلاعب بحجم ياسر القحطاني انا من المعجبين بـ ياسر كونه مثال للاعب المثابر المحترم والخلوق ولكم ألف تحية وتقدير |
أتمنى يرجع ياسر كما هو ياسر الهداف وليس ياسر الصحافه والإعلام |
ياسر انا عارف ومتاكد وش فيه شوية ارهاق وربي بس ان شا الله ما يدوم هالارهاق |
بنت الزلفي مافيه لاعب في العالم يبقى على مستواه حتى رونالدينيو طايح مستواه ياسر موهوب بمعنى الكلمه وراح يرجع ياسر وتذكريني |
أمر طبيعي ينزل مستوى اللاعب ان شاء الله ما يطول هذا الهبوط في المستوى وياسر يظل لاعب كبير وراح يرجع مثل أول وأحسن بس لا تستعجلون على خيركم |
اقول والله ثم والله ان الانتقاد بهذه الطريقه من اساليب تدمير النجوم |
بنت الزلفي ياسر القحطاني موجود.ههههههههه.... وبعدين أنا أشوف أن ياسر قدم كل ماعنده وانتهى بسبب المدائح الصحفية والثناءات الإعلامية..وياسر من عقب هدف البلياردو وهو مستواه متذبذب. |
ياحبيبي ياسر القحطاني دوره عند الترزز وعند الربطات ياعالم حنا نبغى هداف ولا نبغى دعايات ومجاملات ووووو لاعب تجيب هدف نحطك فوق روسنا .. اما لاعب تتميلح وتحط ربطات وكل هجمه تضحك وحنا على قلبونا لااااااااا والف لااااااااا وسوينها مع سامي الجابر في سنه من السنوات .. الجمهور الهلالي مايعرف الا اللى يسجل له وبسسسسسسسس .. سلموني على مالك معاد |
السلامعليكم ورحمة الله وبركاته اولا ياسر القحطاني لاعب مميز وومتع وبالكاد يوجد لاعب بالخلي بمستوى ياسر اذا ماستثنينا مالك معاذ العجيب صدقوني مستوى ياسر لم ينزل ولكن الارهاق لجميع الاعبين هو من يفعل هذا فريق يلعب باكثر من بطوله بالتاكيد سوف يكون فكر لاعبيه مشتت اتوقع كثرة البطولات ترهق لاعبين السعوديه عامه وليس الهلال فقط اذا كان الاتحاد السعودي لايريد ان يعمل بتقليل المباريات والغاء فكرة المربع الذهبي المرهقه للاعبين لا اكثر فعلا الهلال ان يفكر في بطولة فيصل بان يلعب بها بلاعبيه الصغار واراحة جميع لاعبي الاول وان يتركو فكرة حتى اخذ ثلاثة لاعبين من الفريق الاول فل نفكر بثلاث بطولات فقط وهي الدوري وولي العهد وكاس اسيا ولوا ان لدي معارضه شديده على فكرة المربع فا بالاخير هو اسمه دوري ؟ اذا لماذا المربع للارهاق فقط ؟؟؟ ولدي راي اخر للاداره الهلاليه ان تتجنب ارهاق لاعبي الفريق بلعب بعض مباريات الدوري بنصف الفريق الاساسي مثلا مثل مباريات الفريق مع الفرق الضعيفه مع احترامي لها مثلما اراحو ياسر في احداها ولم يتاثر الهلال فيها بالطبع دعونا نتبع هذه السياسه وسوف يكون الهلال في قمة مستواه صدقوني ولاعبيه في قمة عطائهم فل نتعلم من الكبار مثل المان يونايتد والبرشا وكثير من الانديه الاوروبيه اللتي تفوقنا بكثير من الفكر والعمل لماذا لانتعلم منهم هذا لاعيب فيه شكرا لكاتبة الموضوع وشكرا للزعيم ولا نلوم الاعبين على شي لانهم بشر ولهم طاقه والارهاق سوف يمدرهم صدقوني ان لم نتدارك نحن هذا الامر بغض النظر عن الادحاد السعودي الذي لاهم له الا صنع بطوله جديده لنا واللعب فيها المنتخب والنادي بكثرة بطولاته سوف يدمر الاعبين |
ياسر نازل مستواه ويحتاج دعم معنوي من الجماهير .. أتمنى الجماهير اللي بتحضر التمرين الهلالي تواجهه وتدعمه معنوياً .. تحياتي .. |
والله مادري عندي احساس بيرجع ياسر بس يبيله وقت ياحبيله ويرجع مثل اول وازين واتركوا عنا كلمة اعلام وفلاشات والخرابيط هذي ماضر اللاعبين الثانين دعايات من هنا وبطولات من هنا هذا البزنس ادعوا ربكم بس انه يستر عليه ويحفظه ولا يضره ويرجعه لنا بمستواه المعهود يالله ياكريم |
| الوقت المعتمد في المنتدى بتوقيت جرينتش +3.
الوقت الان » 10:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd